قصيدة ياباب اشوفك يوم مريت مصكوك- محمد بن فطيس

ديوان الشاعر محمد بن فطيس - شاعر المليون
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      22-07-2012, 01:27 AM

      قصيدة ياباب اشوفك يوم مريت مصكوك- محمد بن فطيس

      قصيدة ياباب اشوفك يوم مريت مصكوك- محمد بن فطيس





      ياباب اشوفك يوم مريت مصكوك
      خابرك عشر سنين مفتوح ياباب

      ونصف العرب من طيب راعيك دلوك
      وتلايموا في حوشك اصحاب واجناب

      امشرع ماوقفوا بك وطقوك
      ومنصور بالدله ولايوم قد غاب

      لو دربهم من شرق لفوا ومروك
      ولو دربهم من غرب ماعنك مجناب

      والشارع مسكر بناس تنصوك
      ربع وبني عم ومسايير واحباب

      في مجلس فرشه من الناس مدهوك
      الطيب عمدانه والافعال الاطناب

      كل الشرايح جاتك اشيوخ وملوك
      ومن زاد راعيك على كل ماطاب

      ابوخلف عون الخوي مخلي البوك
      للحيل ذباح و للعود حطاب

      ينفع ولا يبغي من الخير مشروك
      ينفع لوجه المعتلي رب الارباب

      ماهي بنفعة كل مشروك مبروك
      مزروعي ومن روس عطران الاشناب

      ياباب عقب الزحمه اليوم متروك
      امسكر وخالي ولا ليتك بشاب

      شدوا هلك منك وراحوا وخلوك
      وفرقاك ماهانت لكن هذي اسباب

      شدوا بامر من يخلي بمده ابنوك
      ويقطع لك ارقاب ويعتق له ارقاب

      شدوا بامر شيخ فرج كل مضنوك
      الشيخ ابو خالد به الضن ماخاب

      من جاه من جور الزمن يبلع الشوك
      عود على ربعه لهم درع وحجاب

      ا مر على بيته وخلاه مدكوك
      وبناه قصر وبدل الباب بابواب

      ترفع له البيضا ع راس مكوك
      ويصعد بها للجدي والعز هباب

      عوض ضيوفك قصر مبني ومسبوك
      ونصفه مجالس ماتسكر ببواب

      في كل حزه للمسايير مفكوك
      وصفر الدلال اتفوح والجمر شباب


    2. العايد
      22-07-2012, 11:31 AM

      رد: قصيدة ياباب اشوفك يوم مريت مصكوك- محمد بن فطيس

      قصيدة ياباب اشوفك يوم مريت مصكوك- محمد بن فطيس




      مامثلها لامديت المدات بعد المغرب بالحوش

      والا على ايام قدام الرفة( بالدحله) مصطلح قديم
    3. المريسي
      09-09-2015, 02:10 PM

      رد: قصيدة ياباب اشوفك يوم مريت مصكوك- محمد بن فطيس

      قصيدة ياباب اشوفك يوم مريت مصكوك- محمد بن فطيس


      شكرا عالكلمات

      تحياتي