... 101112131415161718192021222324

ع‘ت‘ي‘ب‘ي‘

مدونتي, مدونة يوميات الأعضاء, دون ما ترغب به واسترسل في افكارك بدون ان يقاطعك الاخرون ارسال إلى Twitter ارسال إلى facebook
  1. مذرحه
    03-04-2014, 04:23 PM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    لابوها من تقنية اللي خلت ابو خمس سنين بالغ
  2. مذرحه
    03-04-2014, 05:59 PM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    نظام صيد القلوب مرات هد ومرات ادعس
  3. مذرحه
    03-04-2014, 06:18 PM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    المشاركة الأصلية كتبت بواسطة مذرحه
    نظام صيد القلوب مرات هد ومرات ادعس
    بندر دوم الضحكه بس ركز في كلام وتفهمه
  4. مذرحه
    03-04-2014, 06:33 PM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    برب صلاة ثم مشوار ثم تراب ثم اجي
  5. مذرحه
    04-04-2014, 03:54 AM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    يابري حالي ويامابي وياوجدي
    ياما بقلبي وياما اكثر غرابيله

    على وليف غرامه محرق كبدي
    لاعاد جيته ولاجتني مراسيله

    العام حبل الرجاء والوصل ممتدي
    واليوم قطع الرشا واخطا محاحيله

    ياوين بلقا قطيب السد لاودي
    يجيب منه الخبر ولا يودي له

    ويعد ماشاف من دمع على خدي
    يهل هل المطر لارخى هماليله

    ياللي تجونه تراني واصل حدي
    وانا دخيل الغضي من قتلة الغيله

    يا زين حظي على شوفتك متردي
    واللي بلا حظ يالمجمول عزي له

    صبرت صبر على فرقاك متعدي
    والصبر لاعاد لاطيقه ولاشيله

    اجي لاجل شوفتك يازين واصدي
    من شان ناس تراعيني على الزيله

    ماغرني ياوليفي وقفتك قدي
    لكن ياحيلة الله مامعي حيله

    معزتي عند ربعك وقفت ضدي
    اشوف برق الحيا واصد ماخيله

    ياعين حر على اول طلعته هدي
    موحش توصادنه محابيله

    وياعنق ريم بعد شم التفق ردي
    يوم التفت وكد الرماي يكمي له

    والخد براق ليل نوه مسدي
    عن لاهب الشمس غطنه مضاليله

    ياناعس الطرف يامتباهي القدي
    يامعزل الجسم موتي من تعازيله

    يا بودليق على دمث النحر رجدي
    عن داجي الليل ماتفرق مجاديله

    عليك قلبي يلوفه لايف الودي
    لوف الهوى العشب لاباحت محاصيله

    والله ماقدم هوى غيرك ولابدي
    عليك دام الهوى تورد مناهيله

    ارفق بروحي تراني بايح سدي
    ويكفيك موجز غرامي عن تفاصيله
  6. مذرحه
    04-04-2014, 11:07 AM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    اللهم اهدني فيمن هديت، وعافني فيمن عافيت، وتولني فيمن توليت، وبارك لي فيما أعطيت، وقني شرما قضيت، إنه لا يذل من واليت، تباركت ربنا وتعاليت
  7. مذرحه
    04-04-2014, 11:13 AM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    قلبي علی موطن عيونك هدانيلين امتلی قلبي .. مشاعر نبيلة ! وشلون امثل قلبك / بشيء ثاني.و انتي المثال لكل حاجة جميلة
  8. مذرحه
    04-04-2014, 03:40 PM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    انا يوم اسير صوبكم يا لطيف الروح ترى ماهي بحشمه وقدرن لشيبانك
    كلام الصراحه خابره مطلب ومسموح وانا جيتي ما كانت الا على شانك
    اخاوي نجوم الليل واسري بليا ضوح ولا عاد احس الا وانا عند بيبانك
    لعبي زماني لعبت القيس فوق اللوح وبين لي اني ضيف من حال ضيفانك
    تبسمت تومي له على المجلس المفتوح وهو يحسب انها من تباشير وجدانك
    غريب" حداه الوقت لك ياحمام الدوح يخاوي هلك ويثور في وجه عدوانك
    يجامل لجل يرضيك يا النادر المملوح وهو كان ما يدنى يوقف بمعطانك
    خذيته عن العالم بهمسة غنج ومزوح وبيحت سده عند ربعه وربعانك
    يهوجس بذكر اسمك ولو خاطره مجروح ولا هان فيك تقول صح الله السانك
  9. مذرحه
    06-04-2014, 03:46 PM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    الطير لاكسر جنحانه يطير؟
    هذا السؤال اللي ذبحني بالخفا

    ما همني ما بعد هذا وش يصير
    الي حصل في صفحة الماضي كفا

    ما بين خوف الله وتأنيب الضمير
    ما خاب رجال(ن) لوجه الله عفا

    انا السفير اللي يدور له سفير
    وانا الوفي اللي زمانه ما وفا

    شفت الزمن لبسني الثوب الحرير
    وثوبه يبنجني لطعنات القفا
    ما عاد ابي ثوبه وابي ثوب الفقير
    اللي احس بلبسته ستر ودفا

    اسهل ما بالدنيا برستيج الأمير
    بس المصيبة لو بعد ناره طفا

    من عاش وقته لايجار ولا يجير
    محدن بداريبه مشى والا لفا

    والكلمة اللي حدها حد الشطير
    لا قال شخصن تحسب حسابه افا

    ياكبرها كبراه في عين الكبير
    ويا صغرها للي بمرجلته هفا

    الحمل ما شاله سوى ظهر البعير
    اللي تبين في مواطيه الحفا

    البارحة تقريب في حزة عصير
    كنه خفوقي قطن في دار السفا

    طرا علي الحب الاول والاخير
    اللي معلقني على جسر الجفا

    وش هو سبب هالصد والدنيا بخير
    ليته مأكد صدته والا نفا

    ماني بناقص هم تكفا يالعشير
    جفنك ينام وجفن غير ما غفا

    ماحب غيرك لان حبك غير اي والله غير
    لوهو صفا جوي بدونك ما صفا

    بقول لك كلمه وانا اعرفك كبير
    ما هي تجيني منك يالغالي افا
  10. مذرحه
    06-04-2014, 05:36 PM

    رد: عـ‘ـتـ‘ـيـ‘ـبـ‘ـيـ‘ـ

    ع‘ت‘ي‘ب‘ي‘


    الضيقة اللي دايم تالي عصير
    ...وش حيلتي وأردها لا تجيني
    لا طال ظل العود حزة عشى الطير
    ....كنها على سجن الحديد تحديني
    يضيق صدري كل ما جات وأسير
    ....ولايخفف سوج رجلي حنيني
    لا حولنا مشراف ولا اقدر اطير
    ....يالله قسمة خير لا تبتليني
    وعقارب الساعة توقف عن السير
    ....ولاكن في الدوحة سواتي حزيني
    والعبره اللي تاصل الحلق وتحير
    ....يا قربها لو قيل لي يا عويني
    أمل شوف الناس ورد ومصادير
    ....واللي يقول اشفيك كنه يهجيني
    يعني على ما قيل من باب تصوير
    ....(لاحد أبي قربه ولا أحد يبيني)
    أروح أدور خط مابه دواوير
    ....وأدور اللي هادها تهتديني
    واخذ مع الهاجوس سجة وتفكير
    ....وأراجع اللي فات بيني وبيني
    وأحسب ذنوبي وأدور التكفير
    ....عساي ما قصرت في والديني
    وعساي ما قارنت من ينفخ الكير
    ....واللي يحمل المسك جعله قريني
    ويطري علي يوم الحشر وأطلب مجير
    ....ما أعطى كتابي في شقيقة يميني
    ويطري علي صدقان كثر الدنانير
    ....اللي اتعاديني إلا كثر ديني
    وراعي الهروج اللي سوات المناشير
    ....أصد عنه وأدري انه يعنيني
    الله حسيبه يوم عرض القواوير
    ....والله حسبي من صواب مكيني
    وإلا طرالي واحد كانه اصغير
    ....أم أصغر بيومين ولا سنيني
    دريت وش قومي وعينت تفسير
    ....للضيقة اللي من زمن تعتليني
    حبه بصدري سالفة سر في بير
    ....وكن الفواد يقول هذا زبيني
    أشفق على علم يجي منه من غير
    ....لا يسمع اللي سولفوا به ونيني
    يا كثرهم غيرهم ولكن خبر خير
    ....ما غير شوفه في الوجود يهنيني
    رايي كذا يا عاشقين الغنادير
    ....ماله على وجه البسيطه وزيني
    العام أجيهم من حساب المسايير
    ....واليوم حال عداي وينه وويني
    خطاي تعليق الأمل في المدابير
    ....الين راح وشفت حقري بعيني
    صبر جميل وخابر إنه مقادير
    ....والله على تخفيف حزني عويني
    ذي حالتي لين اتغبا الشمس واصير
    .....معطى سراحي عقب مانا سجيني
    واذا امتلى جوف الشجر بالعصافير
    ....طلبت من رب العباد يهديني
    يعتقني المذن عقب ضيقة عصير
    ....اللي على سجن الفراق اتحديني
... 101112131415161718192021222324