رد: عـ‘ـتـ‘ـيـ‘ـبـ‘ـيـ‘ـ
لو ماعنالي صاحبي بعنيله
... بقطع علشانه طوال المسافات
ماني بدور في البدايل بديله
... وماهو بيسمع في حاسد وشمات
لاطاح من جور الزمان ارتكي له
... ارسم على مبدأ مطيحه نهايات
صاحب هناء وشلون ما احتال اشيله
... وانا وحيد وقاهرن لي عصابات
عبادت الشهرة هوات الكحيله
... اللي ضمايرهم بشلقه ريالات
إكتب على ايدين الزمان البخيله
... إن البخل ماهو بشح الكرامات
البخل حرمان اليدين الطويله
... من كسبة الافعال في عصر الاصوات
أيست من هذا الزمان وحصيله
... لاني تعبت اثور واستبشر الات
الماضيات من الليال الهزيله
... لايمكن انها تصنع المستجدات
تمويت الاحياء فالعيون الذليله
... صدقني انه مثل تمويت الاموات
لو يرفعك وقت الرخاء والرذيله
... سبع الاراضي فوق سبع السماوات
حنا خلقنا للرذيله فضيله
... نصلح اغلاط الزمن بإبتسامات
اليا تجملنا خذينا الاصيله
... واليا ابتلينا بالخطا نصبح افات
رجالنا يسوى لحاله قبيله
... استغفر الله لو بقول إننا ايات
إن كانت اغلاطي بعمري قليله
... مجرد اني اكلمك عشر غلطات
حرام بك صرف الحروف الجزيله
... وحلال فيمن خصني له وبالذات
اللي ملايكة الحلا تنحي له
... عليه من ملح الطفوله علامات
في نظرتي كل الوجيه الجميله
... مخلوقه تسوي لوجهه دعايات
ملامحه من غير حكي تحكي له
... تفرض على اللي تقوله و بسكات
لو قالت ان الدايرة مستطيله
... قلت الدواير كلها مستطيلات
يا اخاذ لبات العقول الثقيله
... اخذتني كلي ولا قلت لك هات
ليه ارتجي عطفك وليه اشتكي له
... ولهات في قاموس عشرتك هيهات
حببتني قربك وذاب تعبي له
... في جمر عقبه بعد عقبه وعقبات
ختمت قلبي عن عشاشيق جيله
... ختم المصلي بالدعاء والتحيات
الين جت ليله عن ألفين ليله
... وصارت حكايه غير كل الحكايات
ذوبتني بين الدماث النحيله
... وعلمتني فن الرسم والقياسات
وفجأة كذا بار الخليل بخليله
... كله لعين مجمعين العلاقات
شحيت بي دمع الرموش الضليله
... ووقفتني بين الأمل والمحاتات
و وجدي على قلبي وياعزتي له
... دقات تيس به وتملاه دقات
ينشد لك حيله وينهد حيله
... الحزن خطوة والغرابيل خطوات
اذا الأمل رمز القلوب النبيله
... أنا ميس منك في كل الاوقات
إن كان شوفة غرتك مستحيله
.. أكيد لمسك سابع المستحيلات