ع‘ت‘ي‘ب‘ي‘

رد: عـ‘ـتـ‘ـيـ‘ـبـ‘ـيـ‘ـ

- دائما مسرعين وماوراهم ولا شي

-لازم هوشه في اي لعبه جماعيه سواء كانت " كيرم " الى " بلوت " مرورا ب " اتاري "

* من الجمل السعودية
اللي مالها معنى ( اقول كمل السالفة وانت ساكت )
^
كيف يسولف وهو ساكت
* من سابع المستحيلات تلاقي سعودي راضي عن صورته في بطاقة الأحوال
^

* في السعودية
فقط: اذا حامل انسألت ولد ولا بنت؟ تقول مفاجأة وش دعوة كندر سربرايز
^
هههههههههههههههههههه وربي صادق مدري ليه وش الحكمة كن ماحد بيجيب مولود غيرها روحي موووتي ههههههه
* في السعودية
فقط: اذا صار شيء شين ولا شين كلن يقول كنت حاس
^
أي والله كنت حاس
* وما زال الشعب السعودي إذا علق أي سيدي يطلعه ويتفل عليه ويمسحه بثيايه
^
هههههههههه لزوم يشتغل ياشيخ تفلته فيها البركة
* السعودية اذا بتتزوج ماتعلم، حامل ماتعلم، بتسافر ماتعلم، مرضت ماتعلم، نجحت ماتعلم، سقطت ماتعلم كن ماتزوج، حمل، ولد، سافر، مرض احد غيرها
^
أنا أقول لهالنوعية يمدحون الإنتحار مالت عليك وعلى حياتك روحي طسي بس كن ماحد بيسوي شيء غيرك أبوك بس لابو من يعطيك وجه << دخلت جو
* ومازال الشعب السعودي ييسمي البقاله القريبه من بيتهم بقالتنا على كيف ابوك يالحبيب؟
^
اي والله بقالتنا قريبة من بيتنا وش نقول يعني
* أكثر أنثى انسبت وانشتمت وانلعنت من الشعب السعودي هي: أم الزحمة
^
الله يعينها على الشعب مسكينة خذت حسناتهم
* ​ومازال الشعب السعودي إذا جاه ضيف وخلصت كل سوالفهم طالع فيه وقال : وحيا الل من جانا
^
وحيا الله من جانا ههههههههههه يسعده ياناس



* ​ماتصير سعودي إذا ماسويت هالحركه وانت صغير : تفصخ البلوزه وخاصه ( ام رقبه ) وتوصلها لما جبهتك وتتخيل انها شعرك
* و ما زال الشعب السعودي إذا خسر ب البلايستيشن يقول ؛ ترى اليده كانت خربانه
^
تصير عندنا
* عزيزي السعودي هل تعلم ان ألطف وأرق واذرب واهدأ واتكن واسنع وانعم مخلووق في الوجود : البنت وقت الخطبه
^
قوية بس كلامك صحيح ههه
* ويستمر الرجل السعودي في انه ما يعلم وش اسم امه
^
وش السر ياخي عادي كل راس ماله إسم <<
* دائما الشخص المظلوم بالسفرة السعودية إللي جالس جنب البيبسي .. مسكين راح العشاء وهو يصب
^
هههههههههههه والله صادق
* فقط في السعودية
الولد اذا دخل يرقص في العرس كل اهله يصارخون ويضمونه ويرقصون معه ويطيح العقال ليه طيب؟ توه كان عندكم قبل شوي ومتطاقين معه بعد
^
هههههههههههه والله مابقول كذاب
* هو البادي كلمة تسمعها في كل بيت سعودي
^
كنا نقولها وحنا صغار حتى نفلت من العقاب هههههه
* المرأة السعودية
تؤمن بأن كل شيء في الحياة يجب أن يكون سري للغاية ،إبتداءا من الولادة وحتى إستخراج شهادة الوفاة !ما أحد جاب لك خبر ،صدقيني
^
هذي مفروغ منها مدري وش السر كن ماحد بيسوي هالشيء غيرها ,,روحي موتي ياعمي ماحد درا عنك
* بندخل 2012 ولازال الشعب السعودي يفتح الأنوار قبل لا يطلع من البيت عشان يبين للحرامي انه في أحد داخل !! الحمدلله والشكر
^
قديييييييمة هههههههههه بس وربي صادق




-شي لازم يمر بطفولة كل بزر .. انت مب ولدنا لاقينك بالشارع << تعقيد

- ألام اذا ضاع ولدها تبكي .. وإذا لقته طقققققته هع

-لازم تنكسر صينية ولا كاسة شاهي بالبيت اذا فيه ضيووف هع

-كل الحريم عيالهم ما ياكلون ، حتى سمين:مسيكين وليدي مهوب ياكل أبدددد

-كل الهنود و الاجانب اسمهم محمد خخخخخخ

- النت مايحلى عندهم الا وقت الاختبارات والنوم

-الحريم اذا اتصلوا على الرجال اول كلمه تكون : وينك؟ الرد دايم : قريب

-اي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب

-في كل بيت لازم مجلس للحريم ومجلس للرجال ويشوهون مخطط البيت ومع كذا مايجيهم احد””من جد خخخ

-أم توصي عيالها : اذا سألوكم اي شيء قولو مدري

- الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم هههههههه

-الأم تعاتب ولدها : حرام عليك ليش طقيت أخوك الصغير وبكيته ؟؟ ... الولد : "هو اللي بادي

-الولد مع اهله مايدفع ريال ومع اصحابه يحلف عليك ماتدفع ريال << اووووم النظام بسس

-في البلاك بيري" طول الوقت بره واكل تايم ووكوفي تايم ومول تايم والي يسمع يقول بلندن,,من زين الاماكن

-فشلتونا :كلمة يقولها الولد لأهله إذا جاء يمشيهم > هههههههههههههه

-الدولاب فيه مليون لبس و اذا جت عزيمه "ماعندي شيء البسه ياربيه وش البس بروح السوق ادور اخاف ما القى , ياربيييه ليتهم ماعزمونا """

-الكبار يمسكون البزر ويحجرونله : من تحب اكثر امك ولا ابوك؟ ~> إلا الان السسؤال مسستمر

-يوم الجمعه "يوم السمك العالمي >هههه

- ما يعرفون يطلبون بالكوفي إلا : "كبتشينو" وبعد إدمان للكافيهات .. صار يعرف : موكا

- يستخدمون كأسات الجبنه للشرب

-لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان

-اكل ال " ايس كريم " بشويش علشان اخوي يخلص الايس كريم حقه قبلي و اقهره خخخخ

- في عز الفرحة "مناسبه سعيدة، عيد، سفر،مجتمعين على الغداء ..الخ"، تلقى الام تهاوش بناتها و الولد يضرب اخواته خخ

- سوالف البنات بعد البارتي=>انا اكشخ وحده-وانا احلى وحده-ويوم مريت كلهم ناظروني<حركات الشعور بالنقص ودك تلفعينها وهي تسولف

-انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونها عين

-لا تسلمين خليها هي تسلم .. ويخلص العرس وماسلموا على بعض >خخخ

-وكل الفلان خياله عليهم رزة الراية يا زين خالد بينهم ﯙ فيصل لا تخلونه -في كل زواج يغنونها والرقص عليها حدث ولا حرج خخخخ

-اذا بيعرفون الولد يحب اخته المولوده ولا يغار يقولون له بنأأأأأخذ اختتتك يالله هاتوا ملابسها >هههههههههههه

-إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم

-سلام الجدات:هلا وشلونكم وشخباركم وعساكم بخير وشلون عيالكم وشلونكم و شلون شايبكم وشلونكم و شخباركم وعساكم طيبين وشخباركم وكل ذا في 30 ثانيه هع

-البنت ترجع من مناسبه ركض لامها/ فيني ضيقه شفت نوير تطالع فيني ولا ذيك مدحتني ماقالت ماشا الله > اعع مافي الا انتي بالعرس

-كل مارجعت من حفلة زواج. قالت لزوجها: تصدق ؟؟ خطبوني حرمتين اليوم ع بالهم صغيرة ماتزوجت~> الله يالتسلب

-عند كل سوق لازم تلقى مجموعه شباب يبون يدخلون وهم يدرون أنه عوائل ههههه

- سعودي يسأل عامل اجنبي ... انتا مسلم؟ مين كفيل؟ وين شغل؟ كم سالاري؟ امممممم ايش اسم انتا يا محمد

- الام كل ماشافت عيالها عند اللاب توب او معاهم البلاك بيري او الايفون/ تدعي ع اللي صنعهم

-حالة طوارئ يوميا الساعه السابعه صباحا

- العيله اللي عندها سواق تودي كل بزر للمدرسة لوحده ! >

-مواضيع البنات في المدرسه:ياشين ذالابله حاقده علي.شفتي شنطة ذيك ظنك تقليد؟.يوه نسيت فسحتي معك ريال؟.ودي انحف قبل الصيف.بجلس جنبك تغششيني ؟.ترا فيه تفتيش

-بعد مباراة الهلال والاتحاد بنات المتوسط هواش و يمعطن شعورهم xD

-إمك وابوك من عرفتهم وهم الأوائل في كل دراستهم وأنت اللي ما طلعت عليهم

-بناتنا معقدين من " اذا تزوجتي " سوي اللي تبين !!

-اول ما تتعلم السواقة و تطلع امك معاك،واحد مسوي حادث:انتبه.. واحد سقط عليك:انتبه.. واحد ماخذ يوتيرن:انتبه.. واحد جنبك:انتبه

-متعة الطلعة بالأكل .. انت ماكليت انت ماطلعت ولا انبسطت >شعب همه بطنه لووول

-اذا طلع البر صار عربجي وراعي هياط واذا راح البحر صار كوول” هذا اسمه التكيف مع البيئه هههه

-رمضان حزة اذان المغرب:اذن؟ لا ما اذن؟ الا كني سمعته! اطلع شف اذن ولا لا؟ اسئلو بالبيري اذن؟ طيب حطو القناة الاولى نشوف

-نفتح الثلاجه واحنا شبعانين ونفتح الثلاجه واحنا جوعانين كلها بداعي الفضول لا اكثر :p ~> دا أنا

- اذا خلصت بطارية الريموت يجلس يعضه ويعضه ويركبه ويشتغل الريموت ويحس انه سوا انجاز

-الرجل السعودي : يلا انا عند الباب اطلعي وهو باقي له ربع ساعه ياصل البيت << مايتحملون الانتظار
~> حتتا السسواقين سسارو زيييهم
-مواصفات زوجة المستقبل عند اي سعودي .. طويلة وبيضا وشعرها طويل .. في الاخير يتجوز العكس هههههه

-اي ولد يعطيها وجه صار يحبها.. واي بنت تعطيه وجه صار احسن واحد عند اخوياه .. والله يالسعوديين فاهمين الحب غلط >من جد

- الرجل السعودي مخلوق نفسيه !.. لايتزوج حبيبته ولا يحب زوجته .. من تبي مثلا ؟!

-البنت والرجال قبل الزواج عيدان واغصان لبان وبعد الزواج اللهم يا كافي من السمنه

-اذا صرت انسان واصل ودايم تسأل صرت انسان نشبه ! واذا سحبت عليهم قالو وينك ماتنشاف! فبالتالي مافيه حل عشان تتواصلون !

-توصي العالم كلهم يذكرونك بشي و ينسون هم ومايذكر الا انت .... خخخخخخ

-الام تشتري حلاو و توزيه عن عيالها ... لين تنتهي صلاحيته خخخ

-كل الطلاب اللي درجاتهم ضعيفه او عايدين السنه ..بينهم عذر مشترك ..وهو ان المدرس حاقد عليهم هههههه

- الأم : يا وليدي ارجع للبيت بسرعه بس ( لا تسرع ) !! :-D<< هههههههههه

-جدران حارات السعوديين " A+N = قلب و فيه سهم  و الحب عذاب " خخخخخخ

-الحريم يقضون 9 ساعات بصوالين المكياج وساعتين بالزواج > هههههههههههههههههههههههه

-تحضرلزواجها قبلهابسنه وتعمل اغلى فستان وتتعب على المكياج والشعر واخرتها جالسه في الكوشه والشي الوحيد الي تسويه توقف عشان تسلم لوووووووووول

-البنت عند شلتها: انا ولد خالتي ووالد عمتي وولد الجيران كلههم يحبوني ~ وبالاصل كل الي قالتهم ماطقولها خبر ويمكن مضيعين اسمها

- عنددك واسطه ! تدخل جامعه مستشفى حكومي وزارات ! ما عندك شي ؟ اجل في بيتكم

- يمر لمحل وجبات سريعة .. والطلب: همبرجر تريبل .. اكسترا شيز .. مايونيز وعشان الرجيم : الببسي دايت (امحق رجيم)

-شعب يعرف عن كل شئ وله تجارب في كل شئ لو سألت احدهم حتى لو مايعرف عيب في حقة يقول ما اعرف

-السؤال اللي مابطلوه إذا شافوا ولد في عزيمة .. تدرس ؟؟ سنة كم ؟؟ ماشاء الله نجحت ؟؟

-اذا معانا مشروب او حلاو و نشب فينا بزر نقول " هذا دوا يابابا دوا

- مريحين يدينا و نستخدم اصبع الرجل الكبير عشان نطفي التوصيله/السوني/الاكس بوكس/الرسيفر/واذا فيه لياقه نطفي التلفزيون بعد

-تلاقي المتسوق عند الكاشير يحتج و يشتم فيهم لأن الأسعار عالية و بالأخير يطلع الفلوس من جيبه و يعطيه للكاشير

-الزوجه لازم تكون ام وطباخه ومربيه وكهربائيه وممكن سباك اما الرجال يدوام وكثر الله خيره

-مستحيل تأخذ سندويتش للمدرسة عشان ما يقولون عنك مصري
~> هههههههههه

- أكبر بنت وولد على اسم الجد والجدة """"بنتهم الكبيرة لطيفة والثانية ميار

-نتواعد نطلع 6 وتصير الساعه 8 ولسى ماطلعنا

-يحبون ياكلون مفاطيح بس يحرصون على ان الببسي يكون دايت

-اذا بيقومون شخص ، يطفون المكيف يفتحون اللمبات يشيلون الفراش خخخخخخخ واحيانا يرشون الوجه مويه

-البنت الصغيرة ما تطفش من لعبة "الحريم"و تمثل دور البنت الكبيرة المتزوجة اللي تسافر و تروح للسوق مع السواق :-D

-الأمهات يخرشن البنات ليش ماتدخلين المطبخ مثل فلانه ولما تجي البنت بتدخل المطبخ تطرده أمه «~ ماماخخخ

-جميع الأمراض والمصائب وتغير المزاج بسبب العين

-اذا جلست مع وحده وماعندكم سالفه نسولف فيها تنط بوجهي: نحفتي كثيير وبعدها ب5 دقايق تجي وحده ثانيه تقول: ماشاءالله سمنانه

-الشعب الوحيد اللي ياخذ اي شيء بسعة صدر ووفله و تنكيت

--عندهم مشكلة مع الجنسيات الأخرى ! يحسون أنفسهم أحسن ناس XD محد قدهم ! وباقي الشعوب زبالة

- الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه

-تسافر لبيت جدك و يستقبلوك من 8 الى 10 بزارين ولا تدري من ذولي يطلعون عيال عمامك كلهم بنفس العمر وجو للحياه فجاه تقال شارينهم

-نروح ننتظر الأخ المبجل لين يطلع من مدرسته أكثر من ربع ساعة ! ولو ينتظرك هو و السواق 5 دقايق قوم الدنيا ولا قعدها XD

-أشهر جملة عند البنت : مشكلتي مررره مزاجية

-الام تدلع ولدها والبنت مسحوب على خيرها

-* شاعر: البرد ماهو رجفة يدين وعظام البرد برد الروح لا غاب غاليك رد محشش: أقول استريح و الله ان جتك المربعانية تنفضك إنت و غاليك
هههههههههههههههههههههههههههههه متت ضحك منها
 
رد: عـ‘ـتـ‘ـيـ‘ـبـ‘ـيـ‘ـ

اللهم اغفر للمؤمنين والمؤمنات الاحياء منهم والاموات


اللهم اغفر للمؤمنين والمؤمنات الاحياء منهم والاموات


اللهم اغفر للمؤمنين والمؤمنات الاحياء منهم والاموات


من اعز عليه يقراها كل وحده 3 مرات
 
رد: عـ‘ـتـ‘ـيـ‘ـبـ‘ـيـ‘ـ

صح مبارك عليكم الشهر
306370036-1.png
 
رد: عـ‘ـتـ‘ـيـ‘ـبـ‘ـيـ‘ـ

لو ماعنالي صاحبي بعنيله
... بقطع علشانه طوال المسافات





ماني بدور في البدايل بديله
... وماهو بيسمع في حاسد وشمات





لاطاح من جور الزمان ارتكي له
... ارسم على مبدأ مطيحه نهايات





صاحب هناء وشلون ما احتال اشيله
... وانا وحيد وقاهرن لي عصابات





عبادت الشهرة هوات الكحيله
... اللي ضمايرهم بشلقه ريالات





إكتب على ايدين الزمان البخيله
... إن البخل ماهو بشح الكرامات





البخل حرمان اليدين الطويله
... من كسبة الافعال في عصر الاصوات





أيست من هذا الزمان وحصيله
... لاني تعبت اثور واستبشر الات





الماضيات من الليال الهزيله
... لايمكن انها تصنع المستجدات





تمويت الاحياء فالعيون الذليله
... صدقني انه مثل تمويت الاموات





لو يرفعك وقت الرخاء والرذيله
... سبع الاراضي فوق سبع السماوات





حنا خلقنا للرذيله فضيله
... نصلح اغلاط الزمن بإبتسامات





اليا تجملنا خذينا الاصيله
... واليا ابتلينا بالخطا نصبح افات





رجالنا يسوى لحاله قبيله
... استغفر الله لو بقول إننا ايات





إن كانت اغلاطي بعمري قليله
... مجرد اني اكلمك عشر غلطات





حرام بك صرف الحروف الجزيله
... وحلال فيمن خصني له وبالذات





اللي ملايكة الحلا تنحي له
... عليه من ملح الطفوله علامات





في نظرتي كل الوجيه الجميله
... مخلوقه تسوي لوجهه دعايات





ملامحه من غير حكي تحكي له
... تفرض على اللي تقوله و بسكات





لو قالت ان الدايرة مستطيله
... قلت الدواير كلها مستطيلات





يا اخاذ لبات العقول الثقيله
... اخذتني كلي ولا قلت لك هات





ليه ارتجي عطفك وليه اشتكي له
... ولهات في قاموس عشرتك هيهات





حببتني قربك وذاب تعبي له
... في جمر عقبه بعد عقبه وعقبات





ختمت قلبي عن عشاشيق جيله
... ختم المصلي بالدعاء والتحيات





الين جت ليله عن ألفين ليله
... وصارت حكايه غير كل الحكايات





ذوبتني بين الدماث النحيله
... وعلمتني فن الرسم والقياسات





وفجأة كذا بار الخليل بخليله
... كله لعين مجمعين العلاقات





شحيت بي دمع الرموش الضليله
... ووقفتني بين الأمل والمحاتات





و وجدي على قلبي وياعزتي له
... دقات تيس به وتملاه دقات





ينشد لك حيله وينهد حيله
... الحزن خطوة والغرابيل خطوات





اذا الأمل رمز القلوب النبيله
... أنا ميس منك في كل الاوقات





إن كان شوفة غرتك مستحيله
.. أكيد لمسك سابع المستحيلات
 
التعديل الأخير:
رد: عـ‘ـتـ‘ـيـ‘ـبـ‘ـيـ‘ـ

انا لوزع على الناس ابتساماتي
ياميتين المشاعر ويش يحييها

حقك علي مادسملي شنباتي
وفعايل الناس ماتشبه مباديها

والفرصه امواتيه والطاري امواتي
والشعر حاجه تعنيني وعنيها

لاكن ماهو يعبر عن معاناتي
الا اتعبر عن الدنيا ضواحيها

ولى تحرش هجوسي في بونياتي
تطابخت روس عجميها وياميها

ومن تجربت ربع قرن عاشها ذاتي
مكل فرقن يهز القلب طاريها

والا أمبرطورة الخافق ومشهاتي
اطربخ فبركت الخفاق رجليها

ياول محطة غرامن من محطاتي
ليالن جمعتني فيش يسقيها

أجيش وانا كبيراتن طموحاتي
وروح وانا محثلها ومعطيها

وان كان حبش من اوسوء الاحتمالاتي
كل الاحتمالات فيها اشوف لبيها

وعليش قلبي ورا لضلاع ماباتي
ولا يقرب لديارش يوم انويها

يكود جمسن ماترهبه المسافاتي
أملكعن باول الدنيا وتاليها

منحره لقبل مع خشم الطويلاتي
منحر ذلولن تزول بكبد راعيها

ومرايتينه دون كبوته عريضاتي
كفوف ايمامن معه دعوه ويدعيها

والهولي يبخ وبلوفه بلوفاتي
ايولع النار والا مايطفيها

مابينه وبين اهل نجدن علاقاتي
لاهي أدانيه ولا هو يدانيها

وصوته لاريح بنمره عقب زتاتي
تنهيتت اللي صدوق العشق كاويها

اتناحي هل المحبه بتنهاتي
ولالقت فالمحبه من يناحيها

ورفارفه يوم يصفق فالمطباتي
أردوف بنت من النعمه أدربيها

الى نطحها هوى هيفيتن عاتي
تحسبنه من الزود أمتقفيها

ومساحتينه لاقامت تقبل وتاتي
أصبع عجوزن كثيراتن دعاويها

عليه الاحياء تدخل جو الامواتي
وعليه الاموات مدري وين اوديها

يوم اتفلت على الطرقه تفلاتي
ضعاف لنفس على الفتنه يجريها

الجكور اكبر اعياله والبنياتي
الكزس والبرش وال بي ام وأخيها

وان قلت يا الجيب خاوه قال ماحاتي
لاكن ديره يواليها ماوليها

يشرب فناجيلي ويكسر أبيالاتي
ويمد رجله على دربي ويثنيها

وان قلت يا الفرت قال الفرت سكاتي
بعض الطواريق ماودك تلاحيها

الجمس ابداع من كل أ تجاهاتي
كنه قصيدتك هذي اللي على أيها

امصدرن للفجيره بسم كرواتي
يدرس علوم الطبيعه في نواحيها

وشراه واحد سعودي من أماراتي
وباعه على حضرمين رايحن فيها

والحضرمي كل ماخزن أمن القاتي
الحاجه اللي على باله يسويها

الى بغا يرهب كبار الحكوماتي
رجله على قطعة الفرجه أمضريها

والا خواطر خفوقي واخر أبياتي
قصايدي كل أبيها قد سمعتيها

اي والله اني عشقت أرضاش بذاتي
مابه مساحه بقلبي مامشيتيها

يهنيلي العذب يادجلاي يفراتي
ياديرة الحب شارعها وكبريها

يبلغ قصيده عليها من حركاتي
مايجذب الدهشه لعي ني قاريها

الى أنتثر دمع عينش سوي أسواتي
قولي بكمش كذيا ثم مشيها

الحزن يوم المفارق عاملن ذاتي
فطره فالانسان مايقدر يخليها

 
التعديل الأخير:
رد: عـ‘ـتـ‘ـيـ‘ـبـ‘ـيـ‘ـ

ياحسن من عادني طفل مانيب أسمي
معظم الأشياء باسماها وقدني صيه

كل ماقالوا عروبه قمت أشمر كمي
العروبه سوقها طايح على ربيه

اسمع بقومية معمر وذبح الذمي
لكن الذمي بخير وماتت القوميه

بس أنا من هل قطر ولانيب مهتمي
لي مع بوش الابن علاقة شخصيه

عندنا أكبر قاعده تشرب زحاح السمي
يعني امريكا خويتنا ماحن بشويه

أي واحد منكم يحاول يفور دمي
والله ان أعلم القوات الأمريكيه

مشكلة شاعركم انه مايخص يعمي
تختلط الأفكار والشرهه على النفسيه

ابردي يالهفة الجمهور والا حمي
مستعد أضحك الجمهور في مرثيه

وياهجوسي نمي الفكره وانا بنمي
دهشة الجمهور من تركيبة القافيه

من ثمان سنين أبغى اكتب قصيده فأمي
بس أخاف الرجال تقول وش داعيه

وانته جنوبك كبار وعظمك الملتمي
مايساعد هيكلك أصلا على الحنيه

لين مره من حدى المرات لدت يمي
غترتي في حضني ومدري وين الطاقيه

قالت محمد وقلت عروق قلبي سمي
قالت محمد وقلت العز ياطاريه

قالت العجمان لو تطمع بشربت دمي
وش تسوي وانت عجمي فامك المريه

قلت لاتموتين والا مت شيلي همي
يافديت رجولش الثنتين يارهابيه

دوريلي ثار مايمتد لابنا عمي
ماهيب لحية بني عمي قالت لي هيه

انحري عود الضلوع الكايدات وزمي
واسكني قلبي بحد السيف والشبريه

وخلي اذنش ثابته واللي تسولف فمي
والله ان اذبح من العجمان لش عجميه

ويمكن أطلع ابي من قبره المنطمي
وأذبحه تسعين ذبحه بالدموع الحيه

أذبحوني يال مره واستبيحوا دمي
والله ان اموت وانا احب لي مريه

لاحد يفهم خطا ترى القصيدة في أمي
قلتها وانا حزين وجت تلقائيه
 
رد: عـ‘ـتـ‘ـيـ‘ـبـ‘ـيـ‘ـ

انا مانيب ماجد ولكني زميله
وخويه الغالي وشاعر ومن يام

قل للعرب انتوا عليكم فشيله
ملحمه في جبهة الوقت لحام

جيوشكم اطلق شنب ياحليله
مايمسح الدمعه من خدود الايتام

وانا مانيب ادم ولانيب وكيله
لكن حنا شعب من دون حكام

اذا بغينا حاجتن مستحيله
في الليل صوام وفي الصبح صوام

نطاوع امريكا على كل ميله
ولانعارضها ولو بالتكلام

تخفس سعر بترولنا ثم تشيله
تبا تحكم في بلدنا تحكام

وايلا هرجنا قلتوا انها عميله
تشدي بها حتى قنوات الاعلام

لاحدن يقول ان الخليل لخليله
الزير لجل كليب ضحى بهمام

ومن حط بيته في دروب المسيله
هبيل لو تمنه دورات الايام

لو انه مضحي بفرد من كل عيله
التضحيه باب الامل للتقدام

احداث سبتمبر خذوها وسيله
فعاله لتمرير تخطيط الاجرام

وفي البوسنه والهرسك امه قتيله
والقدس والشيشان وافغان الاسلام

قالوا اسامه لازم انا نزيله
يموت موته قاسيه مثل عزام

وصدام يا اما يستقيل والا نحيله
والاتقوم الحرب والوعد قدام

وننصب في بغداد حاكم بديله
وتمشي مصالحنا بلا قيد واحكام

حاكم هبيل ومعطياته هبيله
نقوله روح نام ويروح.. وينام

يا ام القرى يامنبع اهل الفضيله
الصمت في بعض المواضيع هدام

ياقبلة الاسلام دمعي حصيله
اما تهان في كل يومن وتنضام

رؤوسنا تخفض والانفس ذليله
راحت حضارتنا خرافات واوهام

جنودهم نارن تشب الفتيله
وجنودنا حبر وقراطيس واقلام

لكن ماتدري دعاة الرذيله
عبادة الدولار وارباب الاصنام

ان الشعوب تحقق المستحيله
وان بيننا مليون اسامه وصدام
 
رد: عـ‘ـتـ‘ـيـ‘ـبـ‘ـيـ‘ـ

استغفر الله العظيم من كل ذنب عظيم

استغفر الله العظيم من كل ذنب عظيم

استغفر الله العظيم من كل ذنب عظيم
 
رد: عـ‘ـتـ‘ـيـ‘ـبـ‘ـيـ‘ـ

روبن هود + ماوكلي + النمر المقنع + الكابتن رابح + الكابتن ماجد + الرمية الملتهبة + عهد الاصدقاء + داي الشجاع + عدنان و لينا +! + انا و اخي + رامي الصياد الصغير + سبما !

كلهم اجمعهم يطلعون = طفولة سعودي داشر حاليا !!

هههههههههههههههههههههههه
 
رد: عـ‘ـتـ‘ـيـ‘ـبـ‘ـيـ‘ـ

tumblr_lcmbfn8Wf81qc80pio1_250-1.png


فليتك تحلو والحياة مريرة * وليتك ترضى والأنام غضاب

وليت الذي بيني وبينك عامر * وبيني وبين العالمين خراب

إذاصح منك الود فالكل هين * وكل الذي فوق التراب تراب
 
عودة
أعلى