قصيدة واقاتلي - سعد علوش

ديوان الشاعر سعد علوش الهاجري ارسال إلى Twitter ارسال إلى facebook
  1. *مزون شمر*
    13-07-2012, 01:03 AM

    قصيدة واقاتلي - سعد علوش

    قصيدة واقاتلي - سعد علوش


    واقاتلي ما درى عني ولا ويني
    يا قاتلي ليت صبري ربع من صبرك

    على كثر منت جافيني وناسيني
    على كثر ما اشوفك غير واعتبرك

    ولا تغيرت وسنيني هي سنيني
    شاعرك.. عاشقك .. مجنونك على خبرك

    ما اعرف شسمي ولا ادري عن عناويني
    باخع من الحزن خفاقي على اثرك

    ما فيه درب يودي ما يوديني
    مدامك الارض قلي ليه ابختصرك

    احبك بكل ما املك من شراييني
    ليتك محطه يعبر العمر واعبرك

    انت اشتركت بتفاصيلي وتكويني
    كني انا انت من صغرك الا كبرك

    تغيب واصير صب ويعترك فيني
    اشباح نسيانك وملايكة ذكرك

    وتطيح من عيني الدنيا على ايديني
    واقول اخسر الجميع وانت ما خسرك

    حذني على قد حبي لك وتخميني
    ولا تعذر لاني دايم اعذرك

    وتعال شف وجهي المنهك وشف عيني
    وخذني ب ياديك من سحرك الى نحرك

    من كثر ما قلت بتجيني ولا تجيني
    وانا معك .. نصف معك .. ونصف ينتظرك

    علمتني ما اضيع شي ف يديني
    انا فدا امك وابوك وعفوك وشكرك

    العمر ماهو ب سنينك وبسنيني
    لحظاتك اللي فيها تحب هي عمرك
  2. *بسمة أمل*
    27-07-2012, 02:12 AM

    رد: قصيدة واقاتلي - سعد علوش

    قصيدة واقاتلي - سعد علوش


    قصيده في غاية الجمال
    تسلم يمين الشاعر ويسلم منطوقه
    ودام نبض قلبه جميع ابياتها رائعه
    وراق لي

    علمتني ما اضيع شي ف يديني
    انا فدا امك وابوك وعفوك وشكرك

    العمر ماهو ب سنينك وبسنيني
    لحظاتك اللي فيها تحب هي عمرك

    اشكرك اخت مزون على هذا الطرح الرائع
    وفي انتظار الجديد وتسلم يمينك
    تحياتي وتقديري لكي مع ودي
    اختك عزة نفس
  3. "اقدار"
    08-09-2012, 10:14 PM

    رد: قصيدة واقاتلي - سعد علوش

    قصيدة واقاتلي - سعد علوش



    روووعه القصيده

    ودام نبض شاعرها ودام قلمه

    تسلم الايادي ويعطيكي العافيه


  4. المريسي
    09-09-2015, 09:57 AM

    رد: قصيدة واقاتلي - سعد علوش

    قصيدة واقاتلي - سعد علوش


    شكرا عالكلمات

    تحياتي