قصيدة لا يجي للحب - عبير بنت احمد

عبير بنت احمد, ديوان الشاعرة عبير بنت احمد ارسال إلى Twitter ارسال إلى facebook
  1. *مزون شمر*
    06-07-2012, 02:42 PM

    قصيدة لا يجي للحب - عبير بنت احمد

    قصيدة لا يجي للحب - عبير بنت احمد


    لا يجي للحب يالأشعار طاري
    إدحري شيطاننا والا رجمته

    والدموع اللي بها طفيت ناري
    ليتها مأستعجلت باللي كتمته

    الحزن قبل الهوى فالدم جاري
    ماحرمني من وفاه ولا حرمته

    وش بأقول ووش بأخلي وش بأداري؟
    حلم عمري .. راح عمري .. ماحلمته!

    من فقد ظلما .. لقاها في نهاري!
    والوجود أمسى يواسيني ب صمته

    ويوم جيت اخذ من الفرقى ب ثاري
    جابت الأشواق طيفك .. لا عدمته

    عقلك اللي شال من راسي وقاري
    طبعك اللي لو فهمته .. ما فهمته

    عطرك اللي كان بأنفاسي يماري..
    .. كل بيت في قصيدي بك نظمته

    كل صورة عذبت جدران داري
    كل جرح حز فيني .. وابتسمته

    يمكن ايكون الشعر بايع و شاري
    بس ابفهم حبنا وشلون سمته ؟

    لو وفاي الحين عندك صار عاري؟؟
    بأفتخر في عاري اللي لك وصمته

    طيبتي ما تشفع لرد اعتباري
    والخفوق ابيض ولكنك ظلمته

    من تحبك .. ما تذمك وانت داري
    ما خبرنا لي عدو قد شتمته

    إسترح .. ما جبت للأشعار طاري
    ولو يخيب الحب .. بأبقى محترمته


    ٢٠٠٣



  2. باقي امل
    06-07-2012, 02:43 PM

    رد: قصيدة لا يجي للحب - عبير بنت أحمد

    قصيدة لا يجي للحب - عبير بنت احمد


    صح لسانك ي الغلا روعه تقبلي مروري
  3. *بسمة أمل*
    06-07-2012, 02:50 PM

    رد: قصيدة لا يجي للحب - عبير بنت أحمد

    قصيدة لا يجي للحب - عبير بنت احمد


    قصيده رائعه لشاعره عبير بنت احمد
    صح لسانها وتسلم يمينها
    ومشكووووره اخت مزون ما قصرتي
    ودووم متميزه با انتقاء القصائد
    وكلك ذوووق....وراق لي

    عقلك اللي شال من راسي وقاري
    طبعك اللي لو فهمته .. ما فهمته

    عطرك اللي كان بأنفاسي يماري..
    .. كل بيت في قصيدي بك نظمته

    تحياتي لكي عزة نفس
  4. "اقدار"
    16-09-2012, 10:59 AM

    رد: قصيدة لا يجي للحب - عبير بنت أحمد

    قصيدة لا يجي للحب - عبير بنت احمد


    تسلم يمين الشاعره
    وتسلم الايادي أخت مزون.
  5. المريسي
    08-09-2015, 08:33 AM

    رد: قصيدة لا يجي للحب - عبير بنت احمد

    قصيدة لا يجي للحب - عبير بنت احمد


    رائع شكرا عالكلمات

    تحياتي