أمك تجسد في اسمها كوثر الحب .........

أمك تجسد في اسمها كوثـر الحـب .........

اكتب على بيض الورق بيت واشطب
من عادتي ما أغوص قبل احسبها
للعاشق الولهان والمغرم الصب
بكتب بيوت تنومس اللي كتبها
وصية(ن) مني لمن هو تعذب
أصفى من العد العذي لمن شربها
الوالدين وبرهم خير مطلب
ينجيك من نار السعير ولهبها
لارضيتهم يرضى عن اعمالك الرب
ويزيح هم النفس ويطرد نصبها
دموع عين امك كما السيل تنصب
عليك تشفق ويتعوكس طربها
يامسيت مرضان(ن) ولا فادك الطب
يجفي لذيذ النوم ضافي هدبها
نيرانها من واهج(ن) في الحشا شب
واليا صحيت يروح عنها تعبها
أمك تجسد في اسمها كوثر الحب
اللي لجل ترضيك باعت ذهبها
حسبي على اللي يزعل الأم والأب
يحرم من الجنة وناضج عنبها
سلواك ياللي غادي(ن) حيل متعب
من الضيم والدنيا وكثرة كربها
إنك تراضيهم ولا عنك يغضب
أبوك وامك ما تسبب غضبها
نظمت لي قاف(ن) جزيل(ن) مرتب
ومن عادتي ما اغوص قبل احسبها​



راقت لي
 
رد: أمك تجسد في اسمها كوثـر الحـب .........

متميزه بطرحك الرائع

صح لسان الشاعر وتسلم يمناك

نقل رائع ومميز

 
رد: أمك تجسد في اسمها كوثـر الحـب .........

راق لي ما راق لك
يعطيك العافية على القصيدة الهادفة

جزاك الله خير

تحياتي لك
 
عودة
أعلى