قصيده على رفقه - فزاع

ديوان الشاعر حمدان ال مكتوم - فزاع
  • ارسال إلى Twitter
  • ارسال إلى facebook
  • ارسال إلى google plus
    1. غياهيب
      29-06-2012, 02:32 PM

      قصيده على رفقه - فزاع

      قصيده على رفقه - فزاع



      المدح يا احمد بن محمد علوم الطيبين
      وانت رجل مسلم ونفسك عارفين اسلامها

      جاهد بهاجوسك ترا الشاعر جهاد ه فرض عين
      اما نصر ولا ممات و مسكها بختامها

      القافيه تكريت والهاجوس صدام الحسين
      وتكريت ما تاخذ الاوامر غير من صدامها

      اذا عظم حجم الحسد فأعظم في عين الحاسدين
      العظماء القبر نفسه يفتخر بأعظامها

      جاني من الاجواد واحد قال ابي بكره تعين
      على التحدي قلت هالحمرا معاك خطامها

      لكن ويش يملى عيون اهل القلوب الطامعين
      إرفع إيدينا للسماء وأشرت ببهامها

      والبكره الصفرا هذيك اللي راعيها ثنين
      الي لو أنها تنعرض للسوم ما حد سامها

      ما هي رخيصة سعر لكن من يسموك يا الثمين
      تكفى يا بو راشد أباها لو على مقامها

      وصوفها بين الهجن تملى محاجر كل عين
      شيخة عرب والي حاوليها فقط خدامها

      ولا بدا شوط التحدي والعرب متجهزين
      وقامت هل لعلام ترفع للزوم اعلامها

      تمرهم مرور سبع الغاب في الليل الدفين.
      الأوله لو خشمها ما هو يجي قدامها

      تكسر أتيام العرب في كل وقت و كل حين
      وأتيامها ما حد يكسرها ما غير أتيامها

      وإلها شعور وشعورها من تحت ذان كنها الا حربتين
      يديل بنتا هايمه والشوق زاد هيامها

      الله عطاها يوف من كبره تحسب انها سمين
      والجنب واسع ووجها ظافي يا زين أوسامها

      والها كراسيع وساع وباطها منه يبين
      متقلط تغارب وهذا الي فهق سنامها

      ومن السنام ال وركها يا صاحبي مقعد جنين
      ركابها من دون اللام يذوق الامها

      لان السنام يزين يوم فقارها ليه نكستين
      و فقارها مستور مثل المحرمة باحرامها

      كان ذيلها ميذول شامية مع عرضه متين
      ينوش الارض و يرفعه من الارض طول اقدامها

      صفرة مثل لون الذهب في عنق فتان حسين
      او مثلما شمس الصباح اذا انجلى ظلامها

      قلت استعد بالله من الشيطان و ابليس اللعين
      الناس تحلم بس ما تقدر تطول احلامها

      دامك تعرف اوصافها خير العرب الفاهمين
      و من لوم العالم على نفسه ...هو اللي لامها

      شف روح للعزبة .... و خد ما تشتهي من كل زين
      ...اما هاذي عليا الرفقة ما تقود خطامها
      250*300 Second
    2. مغرورة بس معذورة
      29-06-2012, 04:28 PM

      رد: قصيده على رفقه

      قصيده على رفقه - فزاع


      قصيده على رفقه - فزاع
    3. *مزون شمر*
      30-06-2012, 07:36 AM

      رد: قصيده على رفقه - فزاع

      قصيده على رفقه - فزاع


      صح السان فزاع
      ومشكوره عالنقل ..
    4. غرور شمس
      30-06-2012, 07:54 AM

      رد: قصيده على رفقه - فزاع

      قصيده على رفقه - فزاع


      صح لسان قائلها
      ويعطيك الف عافيه على الانتقاء رائع
      تحياتي لك
    5. غياهيب
      30-06-2012, 03:33 PM

      رد: قصيده على رفقه - فزاع

      قصيده على رفقه - فزاع


      فديت فزاع لازم الإبداع من عنده منورين وشكر عالمرور
    6. فهد الصقار
      17-06-2015, 05:37 PM

      رد: قصيده على رفقه - فزاع

      قصيده على رفقه - فزاع


      السلام عليكم
      كل وانتم بخير ورمضان مبارك عالجميع
      احببت ان اشارك في هذي القصيدة ردا على قصيدة الشيخ حمدان وارجو ان يستمتع الجميع
      اخوكم فهد الصقار من الكويت

      المدح ياحمدان بن محمد علوم الطيبين
      وانت رجل مسلم إضبط لنفسك اسلامها
      محد مدح سوق الا رابح فيه زين
      وانتبه ياوليدي لكل نفس ختامها
      لايغرك ساذج يمدح ولا كثرة مصفقين
      بيوم الحق محد مع النفس الا أعمالها
      لاتمشي ورى عاطفة جمهور مشجعين
      امش مع الحق واترك السفاهه وناسها
      صدام علامك تمدحه كنه ساكن بالعين
      حتى ابليس اللعين يملك محبين ولأسبابها
      نذل وكاذب غدار غزا الكويت بالتسعين
      حارب عشر سنين وتشهد بغداد واسوارها
      ياخوك مايمدح السارق الا سروق مثله وشين
      ومايرفع الراس إلا مثل شرواك من ساسها
      بكل العصور ماإنمدح طاغية يالله انك تعين
      كيف تمدح صدام وتعطيه من المعاني أثمانها
      ياشيخ ياكبير القدر يانسل العزيزين
      ياشيخ انظلمنا معاكم من عمايل شيطانها
      يقولون إن كانك حوير لا تناطح البعارين
      وانت اخطيت بلاك ماعرفت أسرارها
      اسأل هاجوسك عن الانفال يومنك ست سنين
      ويوم كملت اربعة عشر  اعدموه بحبالها
      توك صغير لكن عظمك أبدا ما يلين
      مثل الوحش ما ينزل الارض يبات بجبالها
      يازينك على الخيل ترمح مع الرامحين
      يالفارس القدوة تحرص وتحرص من كبواتها
      وبالختام اطيب سلامي على شيخ الطيبين
      واتمنى تكبر الامارات فيكم ويزيد عمارها
    7. * فجر *
      17-06-2015, 10:02 PM

      رد: قصيده على رفقه - فزاع

      قصيده على رفقه - فزاع


      المشاركة الأصلية كتبت بواسطة فهد الصقار
      السلام عليكم
      كل وانتم بخير ورمضان مبارك عالجميع
      احببت ان اشارك في هذي القصيدة ردا على قصيدة الشيخ حمدان وارجو ان يستمتع الجميع
      اخوكم فهد الصقار من الكويت

      المدح ياحمدان بن محمد علوم الطيبين
      وانت رجل مسلم إضبط لنفسك اسلامها
      محد مدح سوق الا رابح فيه زين
      وانتبه ياوليدي لكل نفس ختامها
      لايغرك ساذج يمدح ولا كثرة مصفقين
      بيوم الحق محد مع النفس الا أعمالها
      لاتمشي ورى عاطفة جمهور مشجعين
      امش مع الحق واترك السفاهه وناسها
      صدام علامك تمدحه كنه ساكن بالعين
      حتى ابليس اللعين يملك محبين ولأسبابها
      نذل وكاذب غدار غزا الكويت بالتسعين
      حارب عشر سنين وتشهد بغداد واسوارها
      ياخوك مايمدح السارق الا سروق مثله وشين
      ومايرفع الراس إلا مثل شرواك من ساسها
      بكل العصور ماإنمدح طاغية يالله انك تعين
      كيف تمدح صدام وتعطيه من المعاني أثمانها
      ياشيخ ياكبير القدر يانسل العزيزين
      ياشيخ انظلمنا معاكم من عمايل شيطانها
      يقولون إن كانك حوير لا تناطح البعارين
      وانت اخطيت بلاك ماعرفت أسرارها
      اسأل هاجوسك عن الانفال يومنك ست سنين
      ويوم كملت اربعة عشر  اعدموه بحبالها
      توك صغير لكن عظمك أبدا ما يلين
      مثل الوحش ما ينزل الارض يبات بجبالها
      يازينك على الخيل ترمح مع الرامحين
      يالفارس القدوة تحرص وتحرص من كبواتها
      وبالختام اطيب سلامي على شيخ الطيبين
      واتمنى تكبر الامارات فيكم ويزيد عمارها
      وعليكم السلام ورحمة الله


      ورمضان مبارك عليك
      وكل عام وانت بخير

      قصيده قويه قويه قويه
      وعجبتني سياسة ابياتها بغض النظر عن مضمونها

      غزلت أبيات جزله ويسلم منطوقك .. تحياتي وتقديري .
    8. المريسي
      08-09-2015, 09:23 AM

      رد: قصيده على رفقه - فزاع

      قصيده على رفقه - فزاع


      شكرا عالكلمات

      تحياتي