ياللي جميع الوصايف فيك ملتمه

ياللي جميع الوصايف فيك ملتمه
يامعجزه هالزمان وفتنة عباده
خليت بعض الاوادم يحترق دمه
جداه فرك الكفوف وحسرة فواده
تهوش في سيف عنتر لارفع كمه
لعيون عبله تطير الروس بعناده
لوكنت في عصر ابن زيدون بالقمه
سجلك بأول كتابه قبل ميلاده
اقسمت باللي جعل عيسى شهيد امه
يوم اظلموها اليهود احتج بمهاده
لاشفت غيرك بدربي مالتفت يمه
يصيب عيني غرور وتخلف العاده
قبلك وانا ممدح احساسي ولاذمه
واليوم اوقع بكل العشر وزياده
والورد لولا عبيره ماحدن شمه
الله يعين الزهر ياكثر حساده
 
رد: ياللي جميع الوصايف فيك ملتمه...&&

قصيده جميله وتسلم يمينك
وصح لسانك وعلا مكانك
ومشكور ما قصرت
راق لي
والورد لولا عبيره ماحدن شمه
الله يعين الزهر ياكثر حساده
ودوم العافيه يا رب تقبل مروري تحيات
اختك عزة نفس
 
رد: ياللي جميع الوصايف فيك ملتمه...&&

يعطيك العافية ......موفق بإختياراتك دائما

لاشفت غيرك بدربي مالتفت يمه
يصيب عيني غرور وتخلف العاده.
 
عودة
أعلى