موت الفتى بالمرهفات المحاديب .. اخير من حي مع الناس خايب

الشعر, قصيدة , شعراء, القصايد ارسال إلى Twitter ارسال إلى facebook
  1. عيون نجديه
    23-06-2012, 02:35 PM

    موت الفتى بالمرهفات المحاديب .. اخير من حي مع الناس خايب

    موت الفتى بالمرهفات المحاديب .. اخير من حي مع الناس خايب


    أرواحنا ل هموم بقعاء معازيب

    ومعزب الارواح قبر ونصايب


    سبحان من يخفي عن العالم الغيب

    وخلى الوعد من نازع الروح غايب


    كلن يسوق الرجل ويروح ويجيب

    احدن يجيك ب سلم واحدن نهايب


    واحدن يجيب الفود والعز والطيب

    واحدن يذله كل ما كان جايب


    من لا ستر وجهه عن الذل والعيب

    ما عاد يلقى ل / ذل وجهه طبايب


    ومن لاحمى وجهه قبل طلعت الشيب

    محدن ايعوضه وجه لا صار شايب


    ولا صار ذكرك فوق روس المراقيب

    خلك على دربك ترى الدرب صايب


    تصير بعيون النشاما كما الذيب

    وفي عيون عدوانك عطيب الضرايب


    موت الفتى بالمرهفات المحاديب

    اخير من حي مع الناس خايب


    ولي نفوس ما تروم المواهيب

    ولي يدين(ن) ما تسد النوايب


    عذر الردي ما كل من يجهد يصيب

    عود الحماطه كاسرته الهبايب


    مايخلف الهقوه طوال الاشانيب

    صحيح من قال المراجل وهايب


    يربى على الشاهوق عكف المخاليب

    والا الوطى يرباه بوم الخرايب


    من راقب العالم يشوف التعاجيب

    ومن طاول الدنيا يشوف الغرايب


    غير النبي محد بليا عذاريب

    وكل على الثاني سيوله جذايب


    ماكامل الا وجه جزل التواهيب

    ولا رابح الا اللي من الذنب تائب


    كل ذنوبه تغرق الكم والجيب

    وكل عليه من الليالي مصايب


    ليه الحسد والغل والشك والريب

    وليه القطيعه واندلاع الحرايب


    يولد الاحقاد شذب العراقيب

    والحقد سم فالمعاليق ذايب


    شرارة من ملحقين المشاهيب

    من ناشته خلت ظلوعه حطايب


    يومون بالامواس مثل القصاصيب

    ذنب(ن) يوقف منه قطر السحايب


    لعل من يفرح بشيل المشاعيب

    ويصير في فرقا الرفاقه سبايب


    تقطع عراويه من الرزق والصيب

    ويموت ماتنظر عيونه حبايب


    وتصفى النفوس وتركد المشاريب

    لابه ذنب عقرب ولابه نشايب


    هذا بعض ماعلمتنا التجاريب

    واللي من الايام جتني جلايب


    لاكامل الاوجه من يعلم الغيب

    ولارابح الا اللي من الذنب تائب



    راقت لي
  2. العايد
    23-06-2012, 03:52 PM

    رد: موت الفتى بالمرهفات المحاديب &&& اخير من حي مع الناس خايب ..

    موت الفتى بالمرهفات المحاديب .. اخير من حي مع الناس خايب



    ولا صار ذكرك فوق روس المراقيب

    خلك على دربك ترى الدرب صايب


    تصير بعيون النشاما كما الذيب

    وبعيون عدوانك عطيب الضرايب


    موت الفتى بالمرهفات المحاديب

    اخير من حي مع الناس خايب


    وفيه بيت قديم يقول

    من لاأدرك الطولات بأول شبابة
    صعبن عليه ينولها لابدا الشيب

    يعطيك العافية اختيار موفق
  3. السحاااااااااااب
    01-07-2012, 09:47 PM

    رد: موت الفتى بالمرهفات المحاديب &&& اخير من حي مع الناس خايب ..

    موت الفتى بالمرهفات المحاديب .. اخير من حي مع الناس خايب


    نقل رائع يعطيك الف عافيه تقبلي تحياتي
  4. *مزون شمر*
    02-07-2012, 12:42 AM

    رد: موت الفتى بالمرهفات المحاديب &&& اخير من حي مع الناس خايب ..

    موت الفتى بالمرهفات المحاديب .. اخير من حي مع الناس خايب


    انتقاء جميل جدا
    صح السان الشاعر
    ويعطيك العافيه عالطرح ..
  5. عاتبوني بغلاهم
    02-07-2012, 05:27 PM

    رد: موت الفتى بالمرهفات المحاديب &&& اخير من حي مع الناس خايب ..

    موت الفتى بالمرهفات المحاديب .. اخير من حي مع الناس خايب



    من لا ستر وجهه عن الذل والعيب

    ما عاد يلقى ل / ذل وجهه طبايب

    الله عليك ابدعتي ف الاختيار
    طرح رائع

    ودي واحترامي..