الطيب قسمي ماسرقته سراقه ) !

الطيب قسمي ماسرقته سرآقه ) !

السلام عليكم ورحمة الله وبركاته,,


قصيده أعجبتني اتمنى أن تنال إعجابكم ..





الحزن له بالصدر بيت ومساحات
يبني على كل الأماكن علاقه


مرات أحس أني وحيد" .. ومرات
معي من الوقفات والعز طاقه


ياصاحبي دنياك هذي محطات
كم رجل ذاق المر والحلو ذاقه


بين البشر فرق" بعيد ومسافات
والسيف ماهو مثل موس الحلاقه


وياهاجسي سوق البيوت الجزيلات
أبحسن نيه وأحترام ولباقه


وأرقا بفكرك فوق روس الطويلات
وبيت الوفا والعز ثبت رواقه


ماهمنا كثر الحكي والدعايات
ولاأن تسمع للهروج الدقاقه


للطيب وقت وللرياجيل وقفات
والوقت ياهل الطيب والجود باقه


والمرجله لأهل السطر والجمالات
وياهل الحماقه .. ماتفيد الحماقه !


المرجله فعل .. ومواقيف .. وأثبات
والصبح بيبين ياعلي أنفلاقه


والمرجله لأهل الوجيه المنيرات
وأهل النقا .. وأهل الشرف ..والصداقه


تسكر على ضرب السيوف الصقيلات
لاصار يوم المعركه هوش ساقه !


ولايعرفون الصعب والمستحيلات
البحر ياتونه بوقت أصطفاقه


وأنا صديقي طيب الصيت والذات
اللي يعرف المرجله والرفاقه


ماني من اللي يعشقون الهزيلات
الطيب قسمي ماسرقته سراقه


أنا من اللي يحتمون العفيفات
قوم إعشقت كسب المراجل عشاقه


وختامها ياللي تشيل الثقيلات
هذا هو الموجز .. وعندي لحاقه


راقت لي
 
رد: الطيب قسمي ماسرقته سرآقه ) !

جميل ماراق لك على هذا الصباح ابيات ثقيلة
يعطيك العافية
 
عودة
أعلى