لو كان لك هم كبير ..

مثمر

عضو متألق ,
لو كـان لـك هـــــم كـبـيــر ..




كل إذا ضاقت عليه لمن يفرجها لجا
........................نرجيه بيديه الفرج ما فيه شي عايقه

من هو الذي في دنيته من حزن او هم نجى
........................كاس علينا وبيدور الكل منا ذايقه

بتهون واللي لك خلق والليل أقسم لا سجى
........................دنياك لا يمكن تدوم بحال لو بك ضايقة

لو كان لك هم كبير الله أكبر والرجا
........................انه يعجل بالفرج الهم ماحد طايقه

الليل بعده لك صباح بنور شمسه للدجى
........................بيعم هذي دنيتك ما هي بدايم رايقة

عندي طلب أو بالأصح يالغالية عندي رجا
........................ارجوك لا اشوفك كذا مهما حصل متضايقة

ارجوك لو لي به غلا والله وحده يرتجى
........................رحمته توسع كل شي ما ندري وش لك سايقه

من ضيقتك لا شك اضيق الهم هذا هو وجا
........................وراحتي تحرم علي ما ذقتي قلبي ذايقه

الشعر لعيونك وبك كله ولك حتى الهجا
........................اللي بينوي يضايقك مني يجي ما ضايقه
////////////////////////////////////////////////////////////// مثمر


؛؛
 
رد: لو كـان لـك هـــــم كـبـيــر ..

روووووووعه كلمات كلها تفائل وامل .......ابداع ما خطه قلمك,,,,,,,تقبل مروري
 
رد: لو كـان لـك هـــــم كـبـيــر ..

ماشاءالله نص جميل جدا
صح السانك و علاشانك
ودمت متألق
تقديري لك ..
 
رد: لو كـان لـك هـــــم كـبـيــر ..



بداخلي وهج من الأشواق وزادي

لو شاء شعرا للمحبة لخطه بمدادي


قلبي كما بحر وموج الحب فيه تهادي







صح لسانك يا شاعرنا..
دام نوووورك.
سلام
 
رد: لو كـان لـك هـــــم كـبـيــر ..

ماشاءالله نص جميل جدا
صح السانك و علاشانك
ودمت متألق
تقديري لك ..




غمرتي أخوك بلطفك وفضلك..
كالعادة.
دام النوووور والتشريف..
والهطوووول.
تقديري وامتناني لأختي.
سلام
 
عودة
أعلى