يا زين وقتن فات ما هوب هاللحين

الشعر, قصيدة , شعراء, القصايد ارسال إلى Twitter ارسال إلى facebook
  1. *مزون شمر*
    16-06-2012, 09:43 PM

    يا زين وقتن فات ما هوب هااللحين

    يا زين وقتن فات ما هوب هاللحين


    يا زين وقتن فات ما هوب هاللحين
    يوم النوايا كلهن صافياتي

    والحقد ما يوجد ودايم سعيدين
    ونفوسنا سمحه وسكر نباتي

    وبيوتنا وانسه ولا به شياطين
    ما يدخله صورة ولا منكراتي

    ويطرد ظلام الليل عنا سراجين
    وأحيان يقضي قازهن طافياتي

    مشروبنا صافي من الزير ولبين
    ما هو ب مستورد سريع الفواتي

    ما صنعوه الغرب يافالهم شين
    ما به مواد الحفظ ومسرطناتي

    وعشانا مرقوق بين العشاوين
    تحطه أمي قبل وقت الصلاتي

    لقمة هنية طيبة طعهما زين
    تحوفها بيدينها الطاهراتي

    ثمن ننام أليا قضينا مصلين
    بعد العشا كلن يريد المباتي

    وأمي تنومنا بزين السباحين
    سوالفن من عندها طيباتي

    ننام من بدري ونصحي نشيطين
    بعد الشروق أشغالنا جاهزاتي

    ما به كسل لاشغالنا مستعدين
    ماعندنا سايق ولا خادماتي

    نلبس بيوم العيد ثوب السباهين
    وأمي تحنينا نماري البناتي

    نشب نارن بالشتا ومتدفين
    ما فيه دفايات ومكيفاتي

    يجي المطر وثيابنا تمتلي طين
    ونلعب جميع عيالنا والبناتي

    يصب مثعبنا ونملأ المواعين
    ياحلو ذاك الما وذيك الحياتي

    ماهي حياة الحين يا شين ها الحين
    كله غثا وهمومنا كثيراتي

    كل شي يجي لك لو بكلمة تنادين
    كل شي توفر بس ما به حلاتي


    أعجبتني كثير ونقلتها
    ...
  2. عشاق البسمه
    16-06-2012, 10:36 PM

    رد: يا زين وقتن فات ما هوب هااللحين

    يا زين وقتن فات ما هوب هاللحين


    رووعه
  3. *بسمة أمل*
    17-06-2012, 06:33 AM

    رد: يا زين وقتن فات ما هوب هااللحين

    يا زين وقتن فات ما هوب هاللحين


    مشكوره وتسلم يمينك
    انتقاء متميز في لوحه شعريه رائعه
    وصح لسان الشاعر
    وكل الرقي في ذوقك يا الغلا
    راق لي

    ماهي حياة الحين يا شين ها الحين
    كله غثا وهمومنا كثيراتي
    كل شي يجي لك لو بكلمة تنادين
    كل شي توفر بس ما به حلاتي
    تقبلي مروري تحياتي لكي
    اختك عزة نفس
  4. *مزون شمر*
    18-06-2012, 07:45 PM

    رد: يا زين وقتن فات ما هوب هااللحين

    يا زين وقتن فات ما هوب هاللحين


    عشاق البسمه
    عزة نفس
    اشكركم على مروركم الجميل
    تقديري لكم ..
  5. العايد
    19-06-2012, 07:40 AM

    رد: يا زين وقتن فات ما هوب هااللحين

    يا زين وقتن فات ما هوب هاللحين


    ويطرد ظلام الليل عنا سراجين
    وأحيان يقضي قازهن طافياتي

    مشروبنا صافي من الزير ولبين
    ما هو ب مستورد سريع الفواتي

    الله يامزون أثرتي كل الحنين إلى الماضي

    زمن النقاء والمحبة الصافية والجمعة الطيبة

    وهذا ماعهدناه منك الإنتقاء الجميل

    أشكرك

    مقيضنا الحيزا على الشر والخير
    ومرباعنا الخنفه شمال الردايف

    بين النفل ومنافحات النواوير
    نرحل وننزل مالحقنا كلايف
  6. السحاااااااااااب
    20-06-2012, 12:14 AM

    رد: يا زين وقتن فات ما هوب هااللحين

    يا زين وقتن فات ما هوب هاللحين


    نقل رائع اختي مزون يعطيك الف عافيه تقبلي تحياتي وتقديري
  7. زهور و عطور
    20-06-2012, 02:49 PM

    رد: يا زين وقتن فات ما هوب هااللحين

    يا زين وقتن فات ما هوب هاللحين


    تشكراتي لاختي
    والله اعجبتني كثيرا
    ولهذا قراتها عدة مرات
    جميل ما طرحت ونقلت
    تسلم الايادي و دمت