تحت المجهر ؟!!!

تحت المجهر ؟!!!

عصر الكرامه راح .. يابنت الاكرام
***** لا تطلبي مني .. بطولات عنتر

حنا بزمان إتغيرت فيه الافهام
***** وصار الوفا .. في بعض الاحوال منكر

تصوري .. في حضرة الوالد ايتام !
***** وتصوري .. في حضرة الخلفه ابتر!

تناقضات من العجب تكسر عظام
***** وتنقاضات من العجب تجبر أكسر!

تصوري .. واحد .. وضيع وضرغام !
***** وتصوري .. ضرغام في وضع محقر!

وتصوري .. كل البطوله في الاعلام !
***** واكبر بطل ياللي على الكذبه اقدر!

اللي يوصف شي .. ما صار مقدام
***** واللي يوصف .. ما رات عينه اعور!

حطوا ورق .. في خاصرة بعض الاقلام ؟!
***** وفي بعضها حطوا رصاصه وخنجر ؟!

والعولمه ورده .. يلوح بها سام ؟!
***** تغري عيون اللي ثقافته مظهر

تاخذ حقوق وتعطي اوهام ووهام
***** وترسم على خد البراءات مهجر !

وعن مجلس الفيتو.. به العدل منضام ؟!
***** والظلم باجساد المساكين ينخر!

على حسب تقسيمة السنت والخام ؟!
***** دم الضحايا في البلادين يهدر !!

هذي ( فلسطين ) الغصيبه من اعوام ؟!
***** تعمر واهلها في الملاجي تهجر !!

وإلا ( الاسد ) .. شوفي .. عن الحل كم صام ؟!
***** واليوم جاع .. ومن لحم شعبه أفطر !

واشياء كثيره .. للاسف كلها اجرام !
***** معظم بلادين العرب تحت مجهر ؟!

لو تفتحي صدر الزمن كله أحلام
***** صارت على حساب العروبه تعبر ؟!

ما هو لشي .. إلا عداوه للسلام ؟1
***** ما تنتهي لو كل منا تنصر ؟!

حتى من ابنا جلدنا بعض الازلام ؟!
***** كل من سعى لشر بسمه تستر ؟!

والغرب ما صدق لقي عذر الاقزام ؟!
***** يصرخ مع المجني .. ويطعن مع الشر ؟!!

عبدالله صالح العمري
 
أستاذنا نشكرك على أبيات تشع بعروبة احرفك.لايوجد تعليق كفيت وفيت.
صح لسانك وعلا مكانك. تقبل مروري تحيات.
أختك عزة نفس
‏.
 

تقف أحرفي خجلى مبجلة لهذا النص المتميز..
تنوع في العبارات والموضوعات المستشهد
بهاولكن جمعت وأدرجت
تحت غرض واحدوهدف
واحد..
كلمات غاية في الرقي..
سلمت أناملك..وحضور
شخصك المرموق..
لاعدمناهالطله
ودي لك

_‏
_

 


الاستاذة / القديرة الاخت عزت نفس الموقر

الاستاذة / القديرة الاخت الساحب الموقرة

الاستاذة / القديرة الاخت شاعرة لعيونه الموقرة

الاستاذة / القديرة الاخت اخر الدنيا الموقرة

الاستاذة / القديرة الاخت دانة القصيم الموقرة

الاستاذ / القدير الاخ احمد الغان الموقر

الاستاذة / الموقرة اوراق الخريف الموقرة


ولكل من مر من هنا أوسوف يمر اقول بيض الله وجهكم تشرفت بمروركم الكريم

مروركم اضافة وتواصلكم عطاء

لا خلا ولا عدم

لكم كل الحب والتقدير

وتقبلوا تحياتي واعتذاري عن التقصير
 
عودة
أعلى