1234567

lo0onliy with out you

مدونتي, مدونة يوميات الأعضاء, دون ما ترغب به واسترسل في افكارك بدون ان يقاطعك الاخرون ارسال إلى Twitter ارسال إلى facebook
  1. اسبريسو
    05-05-2012, 01:55 PM

    lo0onliy with out you

    lo0onliy with out you


    مساء الخير والأحساس والطييبة

    امممم ما ادري وش اكتب ومدري ايش ابدي فيييييه

    بس حبيت اسئلكم وش رايكم بأسسسسم المدووونه لا تقولون

    ما ندري ايش معناها


    بس امانه الاسسم مو كشششششخه


    الأسسم :

    خالد

    عمري

    اتأرجح ما بين 23 وال 24



    وبسسسس يالله

    اشو فكم ع خير يارب
  2. اسبريسو
    05-05-2012, 02:11 PM

    رد: lo0onliy with out you

    lo0onliy with out you


    اممممممممممم

    اول شي بقوولكم قصصصصه ياحلووووووين

    واللي مو حلووو يطسسس


    دعابة لبى قلووبكم كلكم من اصغركم ل اكبركم



    تعرفوون بسكوووت ابو ميزان ذاك الأخضررر

    طبعا اغلبكم ماتعرفووونه لانكم جييل النيييدو

    بس مو مششكله لعيوووونكم اجييييب صووووورته

    عشان يعرفووون بساكييييت ايام زمان

    lo0onliy with out you

    هذي الصورة وش رايكم بس

    ترى يوم كنت صغير كم مره مسكوني عيال جيراني وتوطوا في بطني

    عشان هالبسكووووت


    اللمهم نبدا بالقصصصة ياطويلين العمر

    يوم كنت صغير كنت اعشق واموت في بسكوت ابو ميزان

    وكانت جدتي هي اللي تجيييبه كل اسبوووع وتوزع علينا

    وتعطيني انا واحد بس بس ويبقى بالكرتون كثيير بسكوت

    ومدري وين يختفي وفجأة يطلع وتوزع علينا

    المهم قلت لازم اراقبها واشوف وين تخبي هالكرتون

    ويوم من الايام وزعت علينا وراحت الله يخليها لنا

    روحت امشي وراها بشوويش على رووس اصابعي عشان

    ماتحس فيني ومستغرب ليه ما احست لأني دب وقتها بس يالله الكبر شين

    المهم وجدتي تفتح الدولاب وتحط الكرتوووون وتقفل عليه بالمفتاح

    وتدرووون وين المفتاح !!!

    رابطته بالطرحه حقتها تعرفووون العجايز

    والله ويرتفع ضغطي قلت ياولد ايش الحل وجات في بالي فكره

    جهنمييييه والله ولا ابليس جاباها

    ويوم جاء اليوم الموعود ووزعت علينا جدتي ورواحت للغرفه عشان تخبي البسكوت

    والله وانا امشي وراها ويوم فتحت الدولاب وجت بتحط البسكوت

    وانا اصارخ بأعلى صوووتي ياجده ياجده اللحقي اختي طاحت

    من الدرجد وانفقع راسها والله وجدتي ترمي الكرتوووون وتمرني

    تمشي 200 والله ولا مايكل شووماخر

    والله وانا انطلق للبسكوت واحمل منه واحط رجلي هههههههه

    وبس
  3. اسبريسو
    05-05-2012, 02:26 PM

    رد: lo0onliy with out you

    lo0onliy with out you


    عمري حياتي

    ياحظ صدرك بقلبك وياحظ عيون تشوفك

    وياحظ كتفك بشعرك وياحظ شعرك

    المسدول باكتافك ..

    وياحظ عطرك اللي يتنفس ثيابك

    وياحظ الاه والبسمة اللي انرسمت ع شفاتك ..

    وياحظ النوم اللي يجيك ويسرق اهدابك !!

    وياحظ الشمس اللي تصبح وتمسي على بابك


    وتدري ياحظني فيك وياجعلني منك واليك !!



    اسبريسو
  4. اسبريسو
    08-05-2012, 12:13 PM

    رد: lo0onliy with out you

    lo0onliy with out you


    مساء الخير والأحساس والطيييييبة


    فديت كل من سئل عني

    وفديت بعد الللي ماسئل بس خاطره سئل



    وربي الحيين يافيييييني طفشششش عساه مايمر عليكم

    يالغوالي واحس الدنيا مقفلة في وجهي

    واحس بعد اني بنفس الوقت رايق

    وتصدقووون ودي اطلع واهجول في هالحر اللي ينشف التسبد

    بس سيارتي البنزين حقها مخلص

    يعني انثبر واقابل وجييييييييهكم ابرك لي
  5. اسبريسو
    08-05-2012, 12:33 PM

    رد: lo0onliy with out you

    lo0onliy with out you


    طبعا مافيه احد من الشباب مايمر علييييه موقف

    اول مايسووووق اللي

    صدم جدار البيت وهده

    <<مو انا اترى

    واللي جاب العيد بسيارة لاقدر اللله وزي كذا


    وبقولكم ايش صار معي

    ويوم كنت صغيير ترى انا مهبوووول احب المشاكل

    ما اقدر يمر يوم واكون فيه هادي مستحييييل

    والحين يوم كبرت الحمدلله والشكر عقلت


    المهم كان عمري ذاك الوقت 13 سنه توي بعز شبابي

    وقصييير وعلللللة صدق وحاولت بالوالد اني اسوووووق وبالغصب

    وافق قال يالله امرنا لله وماقصر علمنني وكنت ما اطووول البنزين عشان ادووووس

    الا في طرريقة وحده الللز ياطويلين العمر جنب الدركسون من يسار لين يطلع راسي

    ونفس الوقت اطول البنزين واسوق واللي برى مايشوفون الا رويسي ومبحلق عيوووني

    واذا نزلت من السيارة ورحت للشباب الحاره جلست اهايط عليييهم

    واحط رجل ع رجل مسوي مايكل شوماخر وانا ماعندي الا الدجه

    ورجعنا انا وابوي وقال بكره انكمل ان شالله لما تعرف قلت طيييب

    وانا وربي ودي اسوووق ولا اوقف ابببببببببد مدري ايش جاني

    محنه سواقه يمكن

    المهم ورجعنا وجلسنا وجاء بالليل الاخوي اللي اكبر مني يتروووش

    وذاك الوقت اخينا بالله مشتري له كامري 2002 ع وقتها جديده

    وعاد اخوي كل شي الا سيارته عاد اذكر مرة واحنا بالعيد وهو مكشششخ ومطقم

    المهم صار ع طبلون السيارة غبار والرجال نزل ورفع ثووووبة وجلس يمسح طبلون سيارة

    انا صارت عيوووني كذا

    قلت اييه ليتني سيارة عندك كان معييين خييييير


    نرجع للقصة

    وكان ياخذ شاور وانا دخلت في الغرفة حقته بشوووف وين المفتاح

    وحصلللللته قلت بس بشغلها وبأخذ لفة ع السريع في الحارة وارجع

    <<شفتوا كيف البرائة

    واشغل السيارة واعشق وتطفي من اول مامششييت واشغلها وبالغصصب

    مشيت وبينما انا اتمشى في الحارة

    شفت ولد جيرانا ما ادانيييييه اعوذ بالله تقول ابليس اقول يمكن ينبلع

    بس هو لا

    وكان هو برى البيت يلعب كورة يشوتها ع الجدار وترجع له

    قلت هييييين وامشي بشووويش يمه

    لما قربت من عنده وانا ادوووس للسيارة والولد يحط رجله

    مدري من اللي جاه طاير


    وانا جيييييت بمسسسسسك بريك دعست بنزيييييين

    تدرون ايش اللي صار


    صدمت الجدار حق بيييتهم


    بس ماكنت داعس بالمره يعني من 50 او 60 وجاي

    وانا انزل من السيارة زي المجنوووون واحط رجلي للبيت

    وادخل البيت ولا كاني سوووويت شي

    واحصل اخوووي وامي يحوسووون بالبيت يدورون مفتاح السيارة

    وانا اخش معهم ادووور هههه
    وشوي الا التلفون يدق

    وانا ذييك اللحظة حسييت بمغص وجارتنا تقول لامي السالفة


    وتعلم اخوي ويمسكني بالعقال وهاتك ضرررررب ضررررررب

    ليييييين ماعاد احسسس بنفسي


    وبعدها معاد اقرب اي سيارة واي مفتاح مو لي


    وبسسسسس

    يالله عاد اشوفكم ع خييير يالغوالي
  6. اسبريسو
    08-05-2012, 12:44 PM

    رد: lo0onliy with out you

    lo0onliy with out you


    انتي كل شي بدنيتي دنيتي من دونك تصبح

    ولاشي ..

    صدقيني ولاشي
  7. اسبريسو
    08-05-2012, 09:14 PM

    رد: lo0onliy with out you

    lo0onliy with out you


    تعبت وانا انتظر اتصالك

    تعبت وانا اناشد خيالك !!

    تبي الصراحة وربي اتلذذ

    تدري ليه !!!!

    لأني افكر فيك واتعبني التفكيييير

    شوفي الناس اللي حواليك

    اللي خانه حبيبه واللي يناشد الطير !!!

    الشوارع صارت ضيقة وكئيبه

    وحتى صورتي بالمراية صارت حزيييينه !!!

    سمعيني صوتك خلي جسمي تدب فيه الحياه

    فكيني من السهر وتردييييد الاه

    بنتظرك غلاي لو ادري انك مشغولة

    بس تدري خليني احترق عشان

    اعرف قيمتك وقدرك

    الله لايحرمني منك



    بالتوفيق عيوني


    اسبريسو
  8. اسبريسو
    08-05-2012, 09:19 PM

    رد: lo0onliy with out you

    lo0onliy with out you


    مساء الخير

    شباب وبنات كييفكم ان شالله بس مبسووطيييين

    بس حبيت اقولكم

    شبخطولي كم نجمة للمدونه

    اذا هي عاجبتكم

    ادري بدري ع الشي هذا

    بس طموحي ان مدونتي تنال ع رضى

    حبيب القلب اول شي

    بعدييين رضاكم الله لايحرمني منكم
    <<صريح الولد

    وللمعلومية ان شالله ماراح يكون فيها

    منقول يعني كلها من شخابيطي


    ويالله عاد بعد اذنكم بجلس مع ضيوووفي

    وبسووولف عليييييهم

    لايفضحووني بكره يقولون سيرنا ع خالد

    وجلس على اللاب وسحب عليييينا

    وتعرفون فييييه حقوووق وعلوم انا في غنى عنها

    اخاف اللحين واحد ينط علي ويقووول والله بحق

    والله بحق ذبحووووني وربي بحق بحق اي حقققق

    هذاك اول ايام جداني وجدانك ايام يوم التيوس رخييييصة

    والطليان

    اذكر يوم ان الخروف ذاك الوقت الثنيييين بريال هههههههه

    يالله بس بطلع ادري لو جلست بلق لق لق عليكم لين اطفشششكم


    اشوفكم ع خيير يارب
  9. اسبريسو
    09-05-2012, 05:15 PM

    رد: lo0onliy with out you

    lo0onliy with out you


    توي صاحي من النوووووووم ورايق حيييلات

    <<يمغط كراعيييييينه


    واخباركم وقسسم انكم وحشتووووني حييييل


    طبعا ما فيه احد ماقد صحى اخر الليل

    وجعيان والمطاعم مسكره والثلاجه فاضية

    وطبعا انا اذا اشتهيييييت شي اجيييبه يعني اجييييبه لو

    كان تحت الارض والا بين يدينكم

    يوم من الأيام صحيت ع الساعة 2 بالليل

    ويوم غسلت وجلست ع اللاب شووية تسذا

    الا بطني قام يصيييييح

    يووه يادافع البلا نسيييت ماعشييييته

    المهم وافكر شنو اكل

    قلت ياولد مالك الا فوووول وتووووونه بس وين في هالليل

    والله واقوم واشغل السيارة وادور محطة ياولد

    بقالة فاتحة شي مافييييييييه كلهم مقفلين

    والله واطلع ع طريق الرياض الدمام

    واحصل الحمدلله محطه فاتحة واشتري لي فوووول وتووووونه

    واجييي طيران للشقة واقوم واقطع البصل والكرتات واقوم اصيييح واتذكر

    جدتي واللغز حقها اللي ازعجتنا فييييييه

    تقول وشو الي اذا ذبحته بكيييييييت ؟؟؟

    المهم وازبط التونه والفول واعطييها بالخمسسسسسة


    والحين طال عمركم اذا جيت يعني بنام ع العصررر

    اشتري لي اغراض واحطها بالثلاجة واريح راسي
    من الدوران في الليل

    وبس
  10. اسبريسو
    09-05-2012, 05:28 PM

    رد: lo0onliy with out you

    lo0onliy with out you


    في واحد من الشباب عندي في الشقة

    الله يهدييييه دايم يجييييييب العيييييييد

    واحيانا وربي ودي لصكه بذاك الكف واللصقة جنب الساعة


    المهم مرة انا وهو طلبنا عشاء وجاء العشاء

    ويوم اتعشيينا الا واحد من العيال يتصل ويقوول انا جايكم الحييين

    قلت طييب حياك الله

    وقلت لصاحبي بروح ياولد اجييب عشاء قال يارجال بنبقي له من الشاورما

    قلت طيييب وبراسك

    المهم وجاء الرجال وجلس وجبت انا له باقي الشاورما ماكلناها

    وقال الرجال وانتم ليه ماتعشيتوا ؟

    قلت انا يارجال احنا سبقناك ماقدرت اصبر انا والدب وترى حاسبيييين

    احسابك

    <<ركزوا

    وهو ينط صاحبي قال اييه صادق خالد

    قم جيب الببسي حقة في الثلاجة

    >>>>دايم يجييب العيد

    قلت طييب وانا اقول في قلبي

    نكبتنا الله ينكب عفشششك يانبيل شعيييل واورح للثلاجة وافتحها

    وواحصل بقايا طماطم

    وشوية فلفل اخضر وعصير مانجو

    وخبز وزبادي وادور ع الببسي مافيه

    قلت الله يقلعك يالدب كان دايم تفشلني قدام اصحابي

    وافتح الوات ساب وارسل له

    ببسي مافيه قام يضضضحك هووو قال اتصررررف

    ماعلي منك ههههه

    قلت اسمع طيب انقز انت للشباك وقل اي شي خله بس يطالع معك عشان يمدييني

    انقز اجييب ببسي من البقالة

    قال طيييب

    ونقز صاحبي وفتح الشباك وقال احيييييه ياهالبنتيييييين ياولد

    والضييف ينط ماصدق خبر

    وانا انقز ع طووووول لأ الصالة ع باب الخروووج

    واجييب له ببسي


    واعطيييه الضيييف

    وانتبهوا ع انفسسكم من المواقف اللي زي كذا

    وربي فششششلة من جد


    ياللله عاد اشوفكم ع خييير
1234567