1234567

lo0onliy with out you

مدونتي, مدونة يوميات الأعضاء, دون ما ترغب به واسترسل في افكارك بدون ان يقاطعك الاخرون ارسال إلى Twitter ارسال إلى facebook
  1. اسبريسو
    11-05-2012, 05:50 PM

    رد: lo0onliy with out you

    lo0onliy with out you


    مساء الخير

    ادري اني طووووولت مادخلت هوووون لأن

    ياطويلين العمر

    جلست اطبخ واقرشع في المطبخ كالعاده

    وانا اشششيل القلاية لاني كنت ازبط

    كودو دجاج يخلي سعابيلكم تقووطر

    وبالغلط زل اصبعي ولمس طرف القلاية من تحت

    وماتسمعوووون الا صياحي ههههههه

    يوم اخذت شوووي وهو ينتفخ

    صار مثل براطم الممثلة الكويتيه شيماء علي ههههه


    يالله عاد اذا خف برجع لكم

    اشوفكم ع خير
  2. اسبريسو
    11-05-2012, 05:51 PM

    رد: lo0onliy with out you

    lo0onliy with out you


    حبيبي انت دنيتي كلها

    انت شمس المحبه وظلها


    انت بالنسسبة لي مثل الماء

    ما احد يقدر يستغني عنه

    احبك يامجنووووونه
  3. اسبريسو
    23-06-2012, 12:55 PM

    رد: lo0onliy with out you

    lo0onliy with out you


    كح كح كح ول عمى


    ولارد ولا مبروك ولاشي مالت علييييييكم




















    اغصان الجنه





    ياويلي بالغصب حصلت المدووووونه مدري [أي صفحه

    وربي قلت انسررررقت

    بس يالله الحمدلله الحلال عمره مايضيع



    كيفكم اخباركم وربي لكم وحششششششة

    اد الدنيا بس وش نسوي

    هذي الدنيا الله يكفينا شرها تجمع وتفرق

    الله يصبرنا عليها

    يالله حبيت اوصل لكم سلامي


    لو انكم مادريتوا عن الدرعى هي ترعى والا لا ههههههه



    برب
  4. اسبريسو
    25-06-2012, 09:20 PM

    رد: lo0onliy with out you

    lo0onliy with out you


    مساء الشوووق لا هبت هبوبه

    يقطع عروق القلب ويزيد دقاته


    اليوم بقولكم قصصصصة والقصه حقيقية

    ميه بالميييييه يعني مافيه لا لف ولا ترقيع ولاملح

    ولا بهارات

    الله يطول في عمركم

    القصة ذي حصلت ع ايام الثمانينات وعلى لسان جدي الله يطول فيه عمره


    يقول فيه واحد اسسمه عبيد وهذا عبييييد مرجووووج عقل مافيه

    ودايم يجب العيد وينجلد وينضرررب ومن بكره

    يرجع مثل اول واخسسس

    المهم فيه واحد من جيران عبيد والرجال زارع له حبحب

    >>والحبحب اللي هو البطيييخ توضيح للعيال النعمه

    المهم واخونا عبيد طقت في راسه الا ياكل حبحب ويوم جاء في الليل

    ويسري على الحبحب وكل ما فقش له حبحبه طلعت بيضاء

    لانها باقي ماستوت

    >>الفقش تعني القطع بدووون سكييين

    >توضيع للبعض الناس بعد

    المهم واخيينا بالله سرى على الحبحب كله اللي في المزررررعه

    ههههههه

    وكله ما استوى والرجال في الحالة ذي ابتلش

    عارف انه لو هرب انه بيعرف اللي سوى هالحركه عبيييييييد

    وتعوذ من ابليس ويوم جاء الصباح قبل لاتطلع الشمسسس

    وهو يروح للصاحب المزرعه في بيته

    وجلس عنده وتقهوى وقال وش عندك ياعبييييد

    قال عبيد ابد ياطويل العمر الحيين بسئلك

    لو يجي حمار للحبحب حقك ويلعب فييييه انت تقول له

    شي

    صاحب المزررررعه قال له لا والله ما بقول له شي سوات الله ابرك

    ولا حول ولا قوه الا بالله

    قال عبييييييد عاد اونا اخوك اعتبر عبيييييد حمار هههههههههههههههههههههه


    ورب البيت يعجبني طلع نفسسسسسسه
  5. اسبريسو
    25-06-2012, 09:22 PM

    رد: lo0onliy with out you

    lo0onliy with out you


    اقولكم اعجبتني البيت اللي قلته

    بأول القصة اللي فوووووق

    بحاول اكمل واطرحها هنا


    >>مع اني ما اعرف اقصد

    بس اشخبط خواطر ^^

    ولا هي خواطر بعد

    مشي حالك اي كلام
  6. اسبريسو
    26-06-2012, 03:47 AM

    رد: lo0onliy with out you

    lo0onliy with out you


    اليوم صار لي موووووقف ودي اللعن خيير عبدالله الدب

    بس العشررره والملح اللي بينا مننعتني من ذالك


    وقفت عند اشاره انا وصاحبي وانا اللي اسوووق

    واللتفت يمين مافيه دوورية واللتفت يسار مافيه

    وانا احط رجلي وادووس

    وشوي كذا الا صفط على جنب ياصاحب الفورد ههههههههه


    قلت بيني وبين نفسي لعنه الله علييييك منييين طلعتلي طلعت روووحك

    طلع الرجال موقف وراي ما انتبهت ههههههههه

    المهم

    تدروووون وش سووووويت


    يوم جاء الشرطي قال رخصصة واستماره

    سسسكت بسووووي نفسسسسي اطررررررررم

    وجلست اشرررر بيدي بصررف الوووضع

    ومعاي انشتاين زمانه عبدالله

    ورب البيييت انه قلق ودايم منششف ريقي

    المهم قال الشرطي انت ماتسسسسمع

    وجلست اشر له اني

    ما اتكلم اطرم قلت انجحت الخطة



    قال عبدالله

    خالد وش فيييييك ساكت عط الرجال الرخصصصة والاستماره

    هههههههههههههههههههههههههه

    قال الشرطي اجل مسووي اطرررررم عطني استمارتك ورخصصصصتك

    ضحكت وقلت بس بشووووف حس الامني عندك


    قال انزززل من السياره
    ونزلت

    وصكني بقسسسيمه حزام امان

    وقطع اشاره

    وقال رووووح بس والا المفروووض احجز السيارة وانت اوقفك

    بس عشان خووويك طلع رجال وعلمني

    >>وهو ما يدري ان عبدالله ما يدري وش الطبخة

    المهم واخذت القسيمتيييين

    ومشيييت

    وعبدالله كالعاده يرفع على المسسجل ويهز راسه


    يارب اللهمني الصبر قبل

    لا يطق فيني عرق وامووووت
  7. اسبريسو
    26-06-2012, 07:34 PM

    رد: lo0onliy with out you

    lo0onliy with out you


    مساكم الله بالخير والرضا والنعييييييم


    اليوم بكتب قصيده لي وياليت تقولون رايكم بالتقيم

    >>داخل على طمع

    وبعدين وربي ما ادري هي مكسرره والا ماهي موزونه

    وربي ما ادري

    كتبتها في ليلتن ظلماء ماتشوفون يديكم

    طبعا كل واحد مرت عليه ظروف صعبه

    الله يبعدها عنكم وانا لاقدر الله اذا ضقت

    شغلت سيارتي ثم ما اوقف الا في البر

    ومن شروطي اني ما اشوووف حووولي ولا نور ولا شي

    يعني ابعد عن الديره وانوارها

    المهم

    جاني اتصال والكلام هذا قبل سنتين

    واحسس ان الدنيا قفلت في وجهي والله واكتب هالبويتات

    اللي مدري كيف جايه


    عساه بس تنال ع رضاكم يالغوالي


    :


    قلبي مايكفيك نوحك والعذاب

    ماتكفيك هموم ليلك والسهر

    دايم مقفي وتطرد لك سراب

    وجروحك على كتفك وش كثر

    يوم جدرانك كاسيها الخراب

    ودمك م ثقوب طعناتك منحدر

    نسيت لاغزا حرمانك الاكتئاب

    ونسيت الياس لابعينك كبر

    نسيت ماشلته من عتاب

    للي رحل بلاوداع ولاعذر

    نسيت فيه ظنك يوم خاب

    يوم يحلف لك ويأكد بالنذر

    انت الوحيد وماغيرك اعجاب

    وكان حبك وماغيررره قمر

    كان يتمناك ويقول فيك ذاب

    وكان عندك يسوى كل البشر

    عقب ما مناك بذرات الضباب

    يحطها بيدينك لكن ماقدر

    وللأسف باعك وخذاه الغياب

    ثم دس بعروقك سمه والقهر

    قدره بعينك كان فوق السحاب

    وطاح من عينك يوم انه هجر

    انتصح ياقلب وتسمع للصواب

    لحف احزانك وتعلم للصبر

    قل لحمام حبه يامال الذهاب

    بلغ اسرابه ماعاد عندك شجر

    واكتب ماجرالك ويحفضه الكتاب

    مره لاهزك الشوق وخذ منه العبر

    والا تدري ادفن احساسك بالتراب

    واشواقك احذفها في قلب البحر



    وسلامتكم
  8. اسبريسو
    26-06-2012, 07:59 PM

    رد: lo0onliy with out you

  9. اسبريسو
    01-07-2012, 01:07 PM

    رد: lo0onliy with out you

    lo0onliy with out you


    lo0onliy with out you


    يالربع ركزوا زيييين بالرجال اللي متعلق فووووق

    امانه مايذكركم بشي





































    ايه تذكروا الله الله هووو ماريو هههههههه



    lo0onliy with out you
  10. اسبريسو
    01-07-2012, 01:10 PM

    رد: lo0onliy with out you

    lo0onliy with out you


    مساء الخييييييير


    والأحساس والطييييييبة



    والله يا اني تعيبان ركضت ركض الله لايوريكم

    في هالقايلة هههههههههههههههههه


    صحيت قبل شوووية واتوضيت وعينت من الله خييير ونزلت بروح للمسسسجد

    المهم وفيه قطوه معاها عيالها تحت بالدرج ودايم اذا مريت

    اشوف قطوه صغيرووووووووونه تجنن ماشالله لونها يخقق


    ودي بس اضضمها واحط رجلي هههههه
    المهم وانا نازل

    الا القطوه اللي حاط عيني عليها طالعه من تحت الدرج

    وانا اوقف واطالع يميين يسار ادور امها لانها دايم تطردني عنهم

    المهم ماشفتها

    وانا اروح للقطوه وامسسكها وما امداني مسكتها الا امها طلعت

    وتقول مياو


    وانا اتجود في بنتها اونا احط رجلي وامها وراي واطلع من العماره وهي وراي

    واطلع للشارع وهي وراي هههههههههههههههههههه



    وانا احذف القطوه وانا على سرعتي والحمدلله تمسسسك بريك امها


    وتتركني



    سبحان الله شوفوا كييف بس الام تدافع عن ظناها

    يعني مستعده تضحي بحياتها بس عشان

    تنقذ بنيتها

    الله يخلي لنا امهاتنا يارب ويقدرنا على طاعتهم وبرهم
1234567