صبرت وقلت أكيد الوقت بيرده

$$ لحظه شموخ $$

Well-known member
صبــرت وقلت أكيد آلوقت بيرده

صبرت وقلت أكيد الوقت يرده..
مصيره يحس باللي ضاع بعده



أكيد اليوم أو بكره بيجيني..
ومر اليوم وبعده واللي بعده



ولا جاني وأنا اللي ما نسيته..
تناسى صاحبي عهده ووعده


بعد حبه تناساني و نساني..
وتمادى حيل في بعده وصده


شسوي ما قدرت فيوم أنسى..
حنانه والمحبه والموده





هذاك اللي إلى مني ذكرته
..تهل أمطار عيني ع المخده


إلا من لاح طيفه في عيوني
.. نسيت اني انا عايش في شده


وإذا تراولي طيفه يوم يضحك
.. عرفت الشمس مشرقها في خده





جمال فيه لا ماهو طبيعي
.. مثل قطر الندى من فوق ورده


جفاني من بعد ما هو هواني..
وغير خط سيره صار ضده


سقى الله يوم أقول أبغي أشوفك
..يقول إقرب وأجي له لين حده




أجي له وقت ما ودي أجي له
ولا بيني وبينه أي مده


و يسولف لي وأنا أطالع عيونه
أبتسم و أنا ما فيني شده


أخاف عيوني تنطق من حلاته
ويفز القلب كلما صد صده




عليه أسلوب يا الله يذبح
..تقل بيني وبينه حرب رده


إذا حزنان حزني كان منه..
إذا فرحان هالفرحه بيده


اصد يمين القاه بيساري
.. اصد يسار يذبحني بعنده




اذا سولفت يسكت ماتكلم
.. واذا تكلمت يعاندني بشده


إذا شديت أرخى هو معايه..
وإذا أرخيت يرجع هو ويشده


أسد الباب يفتح باب ثاني .
. ولما أفتحه يرجع يسده




إذا اعطيه ورده ماياخذها مني
وعقب نص ساعه هو يهديني ورده


يمازحني يا حلو المزح منه..
فديت أمه و أبوه وجد جده




ويعاملني مثل أصغر إخوانه
..يأكلني ويشربني بيده


وهو والله الوحيد اللي بحياتي
.. إذا إتبسمت يعني كنت عنده


كذا فجأه تغير في طباعه..
و كأني علة طاحت في جبده




تثيقل من بعد ما كان طيب .
. و كل ما أطلبه شي يرده


ابعرف ليه انا شسويت يعني
ابعرف ش الذي ع البعد حده




وش الذي يجبره يقسى ويبعد
... علامه صار واصل مني حده


ياويلي ماحصل تقصير مني
ياويلي كيف انا بعيش بعده




اذا ناوي تحداني في بعدك
دخيل الله تكفى لاتحده




لأني ماني قدك بالتحدي
ولا تحط راس شيخ براس عبده




لا تظلمني و أنا عبد في إيدنك
وأنته الشيخ خل سيفك في غمده




ورب رحمته سبقت عذابه
.. دخلت بوجه ربي لا ترده


أبي لحظات بس خلني أشوفك
.. بعدها روح ولا تطري لي رده




وكل ما أخطر ف بالك
.. بعدها تذكر الوفي لخله مرده




أبي تضحك إذا زارك خيالي
و تذكر عاشقك وشلون عده


تفنن كيف و أبدع في كفايه
كتبها لين دمعه بل خده



كفايه صار لك شهرين غايب
.. متى ترجع ترى ماباقي مده



حبيبي هالعمر يمشي بسرعه
وكل إللي بنيناه لاتهده


انا عندي امل ترجع وادعي
عسى الله يحننه قلبك ويرده



أخاف أموت من شوقي في غيابك
وإذا أني مت باب الوصل سده



وتذكر أول أبيات القصيده
ورددها بعد مده ومده




صبرت وقلت أكيد الوقت يرده
مصيره يحس باللي ضاع بعده



أكيد اليوم أو بكره بيجيني.
. ومر اليوم وبعده واللي بعده





مما أعجبني رشه عطر تحييكم

$$ لحظه شموخ $$
 
التعديل الأخير:
رد: صبــرت وقلت أكيد آلوقت بيرده

ما أعجبك وراق لك قد أعجبنا وراق لنا

لمسة بديعة استمتعت بها ساعة صباح

باقات الجوري اليك لحظة شموخ
 
رد: صبــرت وقلت أكيد آلوقت بيرده


طرح رائع
راقت لي
لحظه شمووخ دوم مبدعه ف النقل
اشكرك..
ودي واحترامي...........
 
رد: صبــرت وقلت أكيد آلوقت بيرده

القديرة / لحظه شموخ

اختيار جميل ورائع استمتعت بهذا الهطول الجميل

مودتي وتقديري​
 
رد: صبــرت وقلت أكيد آلوقت بيرده

ما أعجبك وراق لك قد أعجبنا وراق لنا

لمسة بديعة استمتعت بها ساعة صباح

باقات الجوري اليك لحظة شموخ



hoosaam كلك ذووق منور

تحياتي لك
 
رد: صبــرت وقلت أكيد آلوقت بيرده


شاعره لعيونه; [SIZE=3 قال:
طرح رائع[/SIZE]
راقت لي
لحظه شمووخ دوم مبدعه ف النقل
اشكرك..
ودي واحترامي...........



تسلمين ياذووق منوره فديتج
 
رد: صبــرت وقلت أكيد آلوقت بيرده

لحظه شموخ

سقى الله يوم أقول أبغي أشوفك
..يقول إقرب وأجي له لين حده

صح السانك قصيده رائعه بالفعل ..
راق لي ذوقك كثيرا ..
انتظر جديدك بلهفة ..
دمتي مبدعه
 
عودة
أعلى