1234

قصيدة حافزية

الشعر, قصيدة , شعراء, القصايد ارسال إلى Twitter ارسال إلى facebook
  1. أوراق الخريف
    01-05-2012, 12:46 PM

    قصيدة حافزية

    قصيدة حافزية


    [SIZE="4"]السلام عليكم ورحمة الله وبركاته
    هذي القصيدة إهداء لكل طامع بمال المرأة
    وأتكلم في بدايتها على لسانه
    وأقول :



    حافزية والجمال الله عطاها 
    راحة بالبال والخاطر تهله

    كل شهر يزيد في قلبي غلاها 
    بالخصوص الثلث الاول ما أمله

    قمت اهوجس بين ربعي في هواها
    حافزية تأسر الخاطر تشله 

    كل طير حام ما استوطن سماها 
    الطيور اشكال والشكوى مذله

    قبل شهر ماحدا دور رضاها 
    مادروا عن طرف  للعاشق تسله

    طامع  بألفين من شيخ عطاها 
    مايتوانى في العطايا وما يمله

    انا حبي الحافزية وفي رضاها 
    كل غالي نرخصه واللول حله

    لين ما اقبض في يدي رزق بغاها 
      اصرفه وامشي بدرب ماتدله

    مايهز القلب تنهيد وبكاها
    كل همي مالها ياناس كله 

    مستوي عندي غضبها مع رضاها
    كلها عامين والفاتن نمله 

    لاقريت أبيات افهم مبتغاها 
    حافزية رزق من رب نجله 

    مثلها كنز على المهدا نراها
    حقها ناكله والباقي نشله 

    أبلة التعليم يالبى هواها
    ترفع الكفين للمولى وتقله

    ياعظيم الشان ياخالق سماها
    أرزق الانسان والطامع تذله 

    أبعد الحساد عن درب تطاها 
    وبمالها تبقى سعيدة مستقله

    تعطي اللي ودها بكامل رضاها 
    وتشكر الوهاب معبود تجله 

    بقلمي /أوراق الخريف
    [/SIZE]
  2. طير القوافي
    01-05-2012, 12:52 PM

    رد: قصيدة حافزية

    قصيدة حافزية


    شاعرتنا الراقيه
    اوراق الخريف
    صح لسانك على القصيده الباذخه والرائعه
    امميزة بطروحاتك وعذوبتها وطرقها
    يسعدني ان اكون من اول من يرد عليك
    أأعجبني كذا بيت وكذا معنى
    لكن اعجبني اكثر:...

    ياعظيم الشان ياخالق سماها
    أرزق الانسان والطامع تذله

    أبعد الحساد عن درب تطاها
    وبمالها تبقى سعيدة مستقله


    تستحقي التقييم والاشاده
    طير القوافي
  3. عزف
    01-05-2012, 01:05 PM

    رد: قصيدة حافزية

    قصيدة حافزية


    ‎صح لسانتس أقوى شي يابعدحيي هالراس أبدعتي وأمتعتي أوراق ..‏
    الله يحفظتس يارب..
    تقبلي مروري..
    دمت بود..

  4. **سايز**
    01-05-2012, 01:25 PM

    رد: قصيدة حافزية

    قصيدة حافزية


    انا حبي الحافزية وفي رضاها
    كل غالي نرخصه واللول حله

    لين ما اقبض في يدي رزق بغاها
    اصرفه وامشي بدرب ماتدله



    رائعه الى حد السماء
    اشهد بالله انك تغرفين من بحر
    ادامك الله وحفظك
  5. برستيج آنثئ
    01-05-2012, 01:49 PM

    رد: قصيدة حافزية

    قصيدة حافزية


    اوراق الخريف ,,
    عن جد ابدعتتي يالغلا صصصصح لسانك
    ههههه شكلك حافزيهه عشان كيذا كتبتي هالابيات ,,

    لا خلا ولا عدمم من ابداعاتكككك ي ذووووق ,,
  6. نوادر نجد
    01-05-2012, 01:59 PM

    رد: قصيدة حافزية

    قصيدة حافزية



    ابيات في غاية الجمال
    بس حسيت ان فيها مجاراة لفيصل العدواني)

    قمت اهوجس بين ربعي في هواها
    يشبه بيت فيصل
    كنت اهوجس في غلاها هالادميه
    وكثير ابيات
    صح لسانك
  7. بـــــــــرق
    01-05-2012, 02:22 PM

    رد: قصيدة حافزية

    قصيدة حافزية


    أبلة التعليم يالبى هواها
    ترفع الكفين للمولى وتقله

    ياعظيم الشان ياخالق سماها
    أرزق الانسان والطامع تذله

    أبعد الحساد عن درب تطاها
    وبمالها تبقى سعيدة مستقله

    تعطي اللي ودها بكامل رضاها
    وتشكر الوهاب معبود تجله


    وأعيدها دائما

    قلمك فاخر ويحتاج المتابعه

    حفظك المولى
  8. الذاهبه
    01-05-2012, 03:15 PM

    رد: قصيدة حافزية

    قصيدة حافزية


    مرررررره ذووووووووق

    صح لسانك وطاب فالك
  9. غرور شمس
    01-05-2012, 06:27 PM

    رد: قصيدة حافزية

    قصيدة حافزية


    ابيات غاية في الروووووعة

    تقبلي خالص ودي و تقديري.
  10. السحاااااااااااب
    01-05-2012, 06:39 PM

    رد: قصيدة حافزية

    قصيدة حافزية


    قمة الروعه يعطيك الف عافيه تقبلي مروري مع تحياتي
1234