12

فاقد احساس...

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. شآعره لعيونه
      24-04-2012, 08:29 PM

      فاقد احساس...

      فاقد احساس...


      الكون موحش والمسا فاقد أحساس
      والهم ينسج من خيالي قصيده



      اكتب همومي بالقلم فوق قرطاس
      وارسم معاناة الجروح الجديده



      القلب وش خلاه مخنوق الانفاس
      بين الضلوع العوج ينزف وريده



      الا الفراق وغربة الناس للناس
      وبعض السوالف والعلوم المكيده



      ياقلب لاتحزن ولايغلبك باس
      ارتاح واستبشر بلحظه سعيده



      أقولها ياقلب لاباس لاباس
      لاتقهرك سود الليال العنيده



      اللي ذكر طيبي على العين والراس
      واللي تجاهلني تجاهلت سيده



      ماهمني من باعني دون مقياس
      عزيت نفسي والأماني بعيده



      انا كذا طبعي مع كل الاجناس
      القلب عزيته وشديت قيده



      حوله من الاضلاع حطيت حراس
      تحميه من غدر الليال الشديده



      اللي يذوق الغدر صافي من الكاس
      لابد يتعلم وعلمه يفيده



      ضويت لي في سود الايام نبراس
      يهدي حياتي للدروب الرشيده



      واللي يحاول يسرق اللولو والماس
      ماظنته عينه ولاطالت أيده



      يبطي ويشهر للبشر ذل الافلاس
      لابدد أمواله بيفلس رصيده



      محشوم فكري عن تفاكير الادناس
      نفسي عن الهفوات دايم زهيده



      ماكل صيد يجيبه الحر قرناس
      يموت بالرمضا ولاهو يصيده



      واللي يحاول يكسر الراس بالفاس
      مثل الذي بيده يكسر حديده



      كتبتها جمله انا بين الاقواس
      لاتقرب النيران جسمك تبيده



      أعوذ بالرحمن من كل خناس
      من الوساوس والحياه البليده



      ياوجد حالي كل ماهب نسناس
      سافرت بافكاري لدنيا بعيده



      اتذكر اللي غاب من خيرة الناس
      اللي وصوفه في خيالي فريده



      محشوم وافي طيب العرق والساس
      بين البشر مافيه شخص نديده



      نسله من الاحرار والعرق دساس
      رحل عن الدنيا بساعه نكيده



      الله يكسي جسمه الغض بلباس
      من سندس الفردوس حله جديده



      بصبر على فرقاه والقلب حساس
      حيا تنا ماجت على مانريده



      هذي النهايه تنكتب فوق قرطاس
      أرسلتها عبر الاثير بقصيده




      راقت لي
    2. السحاااااااااااب
      24-04-2012, 08:53 PM

      رد: فاقد احساس...

      فاقد احساس...


      رائع ماطرحتيه الله يعطيك العافيه تقبلي ودي
    3. طير القوافي
      24-04-2012, 09:48 PM

      رد: فاقد احساس...

      فاقد احساس...


      جميل ماراق لك
      قصيده متميزة
    4. بـــــــــرق
      24-04-2012, 10:55 PM

      رد: فاقد احساس...

      فاقد احساس...


      راقت لك واعجبتني

      لله درك
    5. بنوته كيووووت
      25-04-2012, 04:20 PM

      رد: فاقد احساس...

      فاقد احساس...


      عوافي ع الطرح
    6. غرور شمس
      25-04-2012, 11:47 PM

      رد: فاقد احساس...

      فاقد احساس...


      يعطيك العافية جميل مانقلتي
      تحياتي
    7. أوراق الخريف
      26-04-2012, 11:24 AM

      رد: فاقد احساس...

      فاقد احساس...


      يعطيك الف عافية على النقل الذوووق
      أبيات جميلة راقت لي كما راقت لك
      تحياتي
    8. شآعره لعيونه
      29-04-2012, 01:22 AM

      رد: فاقد احساس...

      فاقد احساس...


      السحاب
      طير القوافي
      برق
      بنوت كيوت
      غرور شمس
      اوراق الخريف
      اسعدني تواجدكم
      وشاكره ع مروركم الاروووع
    9. الذاهبه
      29-04-2012, 01:37 AM

      رد: فاقد احساس...

      فاقد احساس...


      ذائقه فرريده بمعانيهاوكلماتها

      شكرا لكي على الاختيار الذوووق

      تقبلي وافر تقديري ومرووري
    10. نبرة حزن
      29-04-2012, 01:39 AM

      رد: فاقد احساس...

      فاقد احساس...


      طرح رائع

      يعطيك العافيه
    12