قصيده الكميايه / الشاعر بدر الضبعان

الشعر, قصيدة , شعراء, القصايد ارسال إلى Twitter ارسال إلى facebook
  1. (سارحل ويبقى الاثر )
    16-04-2012, 02:10 PM

    قصيده الكميايه / الشاعر بدر الضبعان

    قصيده الكميايه / الشاعر بدر الضبعان


    سلام
    كيف الحال
    قصيده الشاعر بدر الضبعان تفضلووووو


    كيف ترحل ؟! يعني أقعد وأنتظر لحظة شقاي

    وأنتثر بين القصيد اللي كتبته يوم ضقت

    كيف ترحل ( شهر ونص ) ولاتبي يرجع بلاي ؟!

    شف قبل يوم ان تغيب أسبوع وشلون أحترقت

    لاتقول غياب عادي وأنها فتره وجاي

    البلا لو غبت ليله .. ضاق صدري وأختنقت

    لاتلوم ان قلت ابيك تكون كل لحظه معاي

    لو أقول أني ابصبر في غيابك .. ماصدقت

    شف غيابك وش يسوي في سنيني من وراي

    من تمر سنين عمري قلت ليتي ماعشقت

    كم عطشتك في غيابك لين مايبست شفاي

    وكم رسمتك بالمنام وطالت أحلامي ورقت

    وكم يسمونك خطاي وأفتخر أنك خطاي

    وكم سرقت القلب مني وأفتخر أنك سرقت

    والله أني ما ابالغ لو أقول أنك غلاي

    وش غلاي ؟! إلا الصراحه إنك اغلى مانطقت

    لو اشوفك قمت ألملم عمري لاخر مداي

    وأنفتح مزلاج صدري للقصايد وأنطلقت

    يابعد علمك ودرس الكيمياء ياأكبر مناي

    جيت اببحر في عيونك لكن بسرعه غرقت

    خلنا بس من تجارب ( معملك ) وأفتح حشاي

    وخذ تجارب معمل بالقلب يعمل كل وقت

    هيدروجين اثنين + اوكسجين يكون ماي

    طيب أصبر جبت غيره من خيالي وأختلقت

    بسمتك + عيونك يطلع الناتج هواي

    تجربة عاشق لو أنك تكشف احساسه شهقت

    ياحبيبي ياقصيد الحب يابسمة مساي

    لاطرالي أنك تغيب وتخليني .. زهقت

    كيف ترحل ؟! ثم تتركني لحالي مع شقاي

    وتنثر أوجاعي على شعر كتبته يوم ضقت
    ......
  2. أوراق الخريف
    16-04-2012, 05:30 PM

    رد: قصيده الكميايه / الشاعر بدر الضبعان

    قصيده الكميايه / الشاعر بدر الضبعان


    صح لسان الشاعر ويمينك على النقل الذوووق
    تحياتي
  3. دفاالعاشق
    16-04-2012, 07:41 PM

    رد: قصيده الكميايه / الشاعر بدر الضبعان

    قصيده الكميايه / الشاعر بدر الضبعان


    صح لسانه

    ويعطيك العافيه عالنقل الرائع

    تحياتي
  4. بنوته كيووووت
    23-04-2012, 05:41 PM

    رد: قصيده الكميايه / الشاعر بدر الضبعان

    قصيده الكميايه / الشاعر بدر الضبعان


    عوافي ع الطرح