Time to change ~ حان وقت التغيير .. اذا مازلتي تحسين انج إنسانة إدخلي

غرور الصمت

Well-known member
Time to change ~ حـان وقت التغييـر .. اذا مازلتي تحسين انج إنسانة إدخلـي

timeforchange-1.jpg



wol_error-1.gif
اضغطي هنا لمشاهدة الصورة بحجمها الأصلي

25D825AA25D825AD25D825B025D9258A25D825B1-1.png



تحذير:-


اذا كنتي غاليتي من المحبطات السلبيات
ترغبين بالتغيير في حياتك
ف رجاءا أحضري دفتر وقلم خاص بك
تكتبين به ما تريدين تغييره في حياتك وشخصيتك
وتبدأي بتنفيذه
و استمتعي معي برحلة التغيير

السلام عليكم ورحمة الله وبركاته
بسم الله الرحمن الرحيم

تدرين ليش لازم تبدأين التغيير ؟

لأنج إنسانة
مسلمة
لج قلب .. ولج روح
ولج اماني
ولج احلام ..

كلنا محتاجين نغير جوانب من حياتنا
جانب ديني
شخصي ..
اجتماعي..
مهني..
عاطفي ..
تجميلي ..
هالتغيير راح يكون لوجه الله .. ثم بحق انفسنا
اللي أهملناها و اتعبناها
و العذر دايم : هموم الدنيا

مع انه لو تفائلتي
ولو تقربتي من الله
ولو غيرتي نفسج قبل ما تطلبين تغيير اللي حولج


كنتي راح تستانسين .. ولو ما عندج الا الصحة و العافية .. بس والله كنتي راح تستانسين ..



موضوعي .. عبارة عن قرار
قررته انا .. وانتي .. وانتي .. انه نتغير


للأحسن
للإيجابي
للأروع
للإنجاز
وللنشاط


لاننا نستحق ..


ف لم يخلقنا الله عبثا


واذا عصيتي
وغلطتي
و سويتي اشياء ما تنقال ..
لا تنسين
ان الله غفور رحيم


صفحتي هاذي
للتحرر
من كل همومنا و أوهامنا
وسلبيتنا .. وضغوطنا


علشان نعلن انه .. حان وقت التغيير

wol_error-1.gif
اضغطي هنا لمشاهدة الصورة بحجمها الأصلي

app_full_proxyphpapp4949752878v1sizeocks-1.png






راح اكلمج بصراحة .. واعطيج خطوات عملية
الباقي والدور كله عليج انتي
قرري اذا كنتي تبين التغيير ولا لأ =)



أول جانب .. وأهم جانب
لو غيرناه .. بتتغير حياتنا
للأجمل وللأنقى و للأروع


جانب علاقتنا بالرحمن الكريم ..رب العباد الرحيم


اليوم وبسنة 2012
فقدنا اشياء وايد .. كانت تحسسنا بلذة القرب من الله
اندفعنا ورى اشياء وايد
تعصي ربنا .. بس اهو رحيم و يظل يسامحنا


بس لين متى ؟


سؤالي اهو نفس سؤال احمد الشقيري في برنامج خواطر


شنو راح نسوي لو كنا بعصر الرسول صلى الله عليه وسلم


اكيد كنا بنكون في قمة السعادة .. شعور عمره عمره عمره ماراح نقدر نوصفه =)


اندفعنا وصرنا نركض ورى ملذات الحياة ..


عفية .. علشان ربنا و رسولنا و امهاتنا وابونا
والاهم لانفسنا


خل نرجع للحجاب اللي يغطي كل الشعر
خل نرجع للبس اللي مايبين شي من ملامح انثويتنا
خل نغار على جسدنا .. وجمالنا
( بعدين بقولكم على نقطة شلون نهتم بجمالنا )


خل نترك الأغاني
ونلازم القران
نصلي قيام الليل
ونرطب لسانا باستغفار الرحمن و تسبيحه وحمده على كل نعمة من النعم الصغيرة لي الكبيرة وأهمها الصحة و العافية ..


قلوبنا تعبانة
بعضنا غصبا عنه صارت قلوبهم سودة .. مو منهم من اللي شافوه و عانوه
علشان جذي .. اليوم بركعتين في جووف الليل
قولي يارب .. ودي بالتوبة اعني عليها يارب وابعدني عن كل مايعصيك .. ونور قلبي بنور هدايتك
وكلمي ربج .. سامعج و يدري باللي تحسينه .. سبحانه عز وجل .. كلميه فضفضيله .. " هو ربك أحن من الناس عليك ".. يبيج تتوبين له اكثر من شوقتج للتوبة ..


حاولي


هدي الأغاني


حرام الملايكة تكون قاعده بعيد عنج لانج تسمعين اغاني .. مو حرام علينا ؟؟


تدرون ان الملائكة .. ساعات تحمينا .. مثلا لو قدامج شي و اتعثرتي فيه و فجأه الله حماج .. وتقولين الله عطاني عمر يديد .. ترى هذا أمر من الله للملائكة علشان تمسكج وماتطيحين او يصير فيج شي ..


وعندي معلومة بعد


اي بيت يكون في شخص يقوم الليل
يكون هو البيت منور ونوره واصل للسما عند الله الكريم و الملائكة


ولو في ليلة تعبتي وماقدرتي تقومين قيام الليل
النور ينطفأ .. ف الله عز وجل يسأل ملايكته .. ليش هالبيت اليوم مو منور ؟ .. يردون عليه بالسبب انج مريضة او تعبانة او اي شي .. ف يستغفرون لج


سبحان الله الكريم ..
x.png



اذا حابة التغيير الديني :-


لابد من ترك الأغاني لوجه الله وابتغاء رضاه =)
لابد من الالتزام بالحجاب الشرعي =)
لابد من صلاة الفروض الخمس في وقتها على أتم وجه ( لازم نحاول نهد السرحان في الصلاة ونركز و نتذكر ان صلواتنا معروضة على الله عز وجل )
لابد من قراءة اذكار الصباح و المساء =)
لابد من قراءة ولو صفحة من القران الكريم ( حرام يشهد علينا يوم القيامة ويقول هجرتني ) =)
رطبي لسانك دائما بذكر الله ( استغفار وتسبيح وحمد و تكبير وتهليل .. إلخ )
اذا قدرتي و الأجر مضاعف ان شاء الله :-
السنن و النوافل
صيام الإثنين و الخميس



و الأهم من كل هذا وذاك .. النية الصافية الخالصة لوجه الله تعالى .. مو لعبادة له وحده لا اله الا هو عز وجل =)




D985D8B3D984D985D8A9JPG-1.jpg
 
التعديل الأخير بواسطة المشرف:
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

وفي المرتبة الثانية بعد الناحية الدينية


هي ناحيتنا وزاويتنا الشخصية :-


كل وحده فينا تستاهل انها تكون أفضل وأفضل
تستاهلين تكونين إنسانة مميزة ولج بصمة في حياة كل إنسان تمرين عليه ..


علشان جذي


اول خطوة .. كتبي ورقة .. كتبي فيها كل عيوبج بصدق و أمانة .. ومو مشكلة اسألي أقرب الناس لج الصريحين ويحبونج .. قوليلهم انا شنو عيوبي


اكتبي كل شي تعرفينه بورقة كل شي بمعنى كل شي بأمانة
بعد ماتقرينها


رسمي على ورقة عيوبج علامة X تغطي كل الكلام الموجود في الورقة
وقولي باذن الله انا راح اتغير
وشيلي هالورقة وارميها من الشباك
وخلاص انسيها .. لانج اذا نويتي التغيير باذن الله راح تصيرين انسانة ما تمتلك هاذي العيوب اللي كانت عندج


هاتي الورقة الثانية
وكتبي
رفيها انتي شنو تبين تصيرين بكلمات واضحة جدا ومختصرة


ك مثال :-


انا راح اصير ان شاء الله انسانة ابتسم لكل بنت و سيدة تيي عينها بعيني .. راح اغير كل فكرة سلبية في مخي إلى فكرة إيجابية .. راح اشد حيلي بدراستي علشان اصير ناجحة ..
راح اتخلص من العصبية خطوة بخطوة
راح اقلل من الثرثرة
راح ابتعد نهائيا عن الغيبة والنميمة خطوة بخطوة
.... إلخ


و اكتبي كل شي بخاطرج ..


تذكري ان التخيل مجانا .. وهو أغلى هدية مجانية
علشان جذي لا تبخلين على نفسج بالتخيل
تخيلي كل صفة ودج تكون عندج .. وكتبيها


لا تبخلين على نفسج .. وتذكري مافي شي مستحييييل


وبعدها امسكي كل صفة .. و اكتبي كيف امتلك هذي الصفة .. شلون امتلكها .. شلون ابدأ وشنو الخطوات ..


وب جذي بنهايةالمطاف .. تصيرين انتي افضل دايما و صرتي احسن و أحسن =)


تذكري : تستاهلين انج تصيرين أحسن إنسانة
smile12-1.gif




wol_error-1.gif
اضغطي هنا لمشاهدة الصورة بحجمها الأصلي

x.png




الحين النقطة المهمة جدا


حالتنا الإجتماعية ..


شوفي أختي وغاليتي وحبيبة قلبي ..
تستاهلين انج تمتلكين أجمل العلاقات


علشان جذي .. اذا ما عندج صديقات وأخوات دنيا
ابحثي ثم ابحثي ثم ابحثي .. وراح تلقين


واذا عندج =)


لاتقطعينهم ولا تنسينهم .. تذكري انج تمتلكين اطهر العلاقات وهي علاقة الصداقة =)
اضحكي واستانسي وسولفي مع صديقاتج
ولا تزعلين منهم سامحيهم على كل زلة
لان كل انسان فينا يغلط .. حتى احنا نغلط =)
اما الحين


ف احنا لابد ولازم
نغير علاقتنا
بأطهر واغلى وأجمل شخصين
ممكن قلوبنا تتعلق فيهم في يوم


وهم =) الأم .. و الأب


عسى الله يحفظ والدينا
ويرحم الأموات منهم


اذا كانوا أحد والدينج او الاثنين متوفين


ف لا تنسينهم بال :-


الدعاء في كل لحظة
وتسوين اللي كانوا يوصونج عليه
و تزورين وتبرين اصدقائهم
وتسوين لهم اللي تقدرين عليه من ( صدقة .. و تخصيص ورد من القران ك صدقة لهم .. او توزيع مصاحف باسمهم ... و الاختيارات واسعة) بس امانة لا تنسينهم مثل ما هم عمرهم مانسونا ولا لحظة بصغرنا .. مانبي ننساهم بكبرنا




اما اللي والدينهم احياء
ف لابد ابدا معاكم بجملة
وهي:
يارب لك الحمد والشكر


والله ان نعمة الوالدين أجمل نعمة
وابتسامة الوالدين اصدق بسمة
و محبة الوالدين اوفى محبة


الأم


احنا حرق بسيط في صبعنا ما نتحمله .. او شرخ بسيط في ايدنا ما نتحمله .


شلون ألم الحمل و الولادة و الطلق
شلون ألم وتعب اني اوقف طول اليوم في المطبخ
وايدها تنحرق بالفرن واحنا ناكل ونقوم


الام.. انسانة ارخصت حياتها علشان حياة اطفالها


اما الأب


فهو افضل قدوة بعد الرسول صلى الله عليه وسلم
شاف الذل والعنا
و انهان من فلان وفلان
علشان بس ناكل
ومثله دايم لجل عين تكرم مدينة
وهالعين هي احنا عياله
والمدينة تكون صحته وكرامته


والله عمرنا ماراح نوفي قدرهم
والله عمرنا ماراح نوفي قدرهم


علشان جذي استغلوا وجودهم
ثم استغلوا وجودهم
ثم استغلوا وجودهم


شلون يكون استغلال وجود الوالدين الله يحفظهم ؟


- ماتقولين لهم اف ابدا ونهائيا ومطلقا
- تخدمينهم بيدينج ورجولج
- عندج كريم فراولة قومي مسحي ايدين امج قوليلها يمة تعالي اسويلج من هالكريم ريحته حلوة
- عندج كريم عناية للرجول قولي لأبوج : يبه هات ايدك خل اسويلك من هالكريم لرجولك


طلعتي مول وعندج فلوس لا تنسينهم حتى لو بوجبة عشا او سلطة او عطر او اي شي ممكن يفرح قلب امج وابوج


اذا انتي في المدرسة او الجامعة .. شدي حيلج شدي حيلج شدي حيلج .. علشان تقدرين تردين لهم ولو نص الجميل


اما لو انتي مقبلة على الزواج


ف ثقي تماما كما تعاملين والدينج .. يعاملونج فلذات أكبادج =)


n00068776b-1.jpg
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

اما الحين ف هي زاويتنا المفضلة :-


زاوية الجمال


اهتمي بنفسج أول ب أول
من حقج تصيرين قمر
مهما كنتي
بيضا .. سمرا
طويلة .. قصيرة
مليانة .. ضعيفة

ف تأكدي انج جميلة

مافي ولا امرأة ماهي جميلة

بس المهم انج تعرفين وين نقاط جمالج وابرزيها
طبعا مو نبرزها في المول
لا لأهلج ل صديقاتج ل زوجج =)

والاهم لنفسج ..
smile03-1.gif

مادري اذا انتوا عندكم نظام للاهتمام بالجمال ولا لا .. بس ان شاء الله هذا يفيدكم .. وعندكم قسم الجمال والعناية في خلطات قمة في الروعة ..


شرب الماء على الأقل 7 اكواب يوميا
اكل طبق سلطة يوميا
اكل نوع او اكثر من الفواكه يوميا
شرب عصير برتقال طازج في الفطور ( ينعش البشرة )
تمارين رياضة ( حتى لو مجرد ركض خفيف في غرفتج المهم نبي نشاط وحيوية )
اختاريلج خلطتين من قسم العناية والجمال
( خلطة تكون ثلاث ايام في الاسبوع .. وخلطة يومين في الاسبوع ) او على راحتج حتى لو حابة خلطة صباحا وخلطة مساءا



هاذي الأساسيات عاد انتي وشطارتج علشان تكونين أنثى جميلة .. والله جميل يحب الجمال =)








غاليتي تذكري


ان جمال المرأة بحيائها وعفتها
وابتسامتها الصداقة
وطيبة قلبها =)
و ان التقرب من الله وحسن الظن والتفاؤل ثم التفاؤل ثم التفاؤل هم اساس الحياة السعيدة =)
لا تحزني
فإن الله لكريم
ولا تقلقي
فإن الله يدبر امورنا
ولا تبتعدي عن الله
ف إن في بعده سبب لشقاء حياتنا


ولا تخافي من التغيير
لانه اساس في الحياة
ف لابد لأن يكون تغييرنا للأفضل

وتذكري وتأكدي وثقي
ما دمنا مسلمين .. ف لا وجود للمستحيل =)

شدي حيلج وكوني طموحه
مهما كنتي ومهما كان عمرج
زيدي في تمنية مواهبج
او حتى ضيفي لنفسج مواهب
صيري مصورة .. مصممة .. اي عادي شفيها ؟
صيري اي شي تبينه

مدام الشي يرضي الله ثم والدينج ثم ضميرج
ف ماعليج من الباقي =)

اتعلمي لغات =)
العبي مع اليهال =)

عيشي حياتج
وقرري التغيير

=)
x.png




والحين .. خلصت .. و الباقي والدور عليج انتي =)

انتي سيدة حياتج .. وانتي ملكة في عالمج

علشان جذي لا تبخلين على نفسج ابدا ومطلقا

لا تنسوني بالدعاء .. ادعولي باللي تبونه لأنفسكم علشان تقول لكم الملائكة ( ولك مثله =) )

عسى الله يحقق امانيكم .. ويحفظ ويرحم والديكم
و عسى الله يرزقكم حياة كلها حب وسعادة و إنجاز

اذا حبيتوا الموضوع =) انقلوه بإيميلاتكم او منتدياتكم
بس اطلبولي الدعاء =)



م/ن
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

السلام عليكم ورحمة الله وبركاتهه ..
الموضوع اكثر من رائع ..
شسما أقول بس مفيد حلو يعطي الثقة بالنفس .. الصراحة حيل جاء بوقته .. :)
مع انو منقول بس تستاهلين التثبيت مدى الحياة .. "مايك: :حب"

عشان البنوتات يستفيدون منو .. :حب"
شكثر حبيتش "متوتر: "متوتر: "متوتر: :حب"
ودي
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

نقل موفق غاليتي
جزاك الله خير ...ويستحق التثبيت وبجدارة
تحيتي لك
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

ربي يسعدك ع هيك موضوع

يالغلا كنت باثبته بس رغوده سبقتني
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

سلام عليكم

ايش اقوال لك اختي

بس قريت كلامك حرف حرف

كثبر اثر فيني حيل

والله يجزالك الف خير يارب. ويسعدك
في حياتك يارب

وانشا الله. يصير تغيير في حياتي.
والف شكر لك اختي
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

جزاك الله ألف خير على هالمعلومات القيمة والثمين ةفي ‏ ميزان حسناتك يعتبر كتنبيه وتذكير في زمن ندرة فيه الموعظة الحسنة والأعمال الصالحة تقبلي مروري ‏

يسلموووووووووووووووووووووووووووا

اعجاب
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

تسلمين
ربي يكتب اجركك ..
ويعطيكك الععافيهه
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

يعطيك العافيه

ومشكووووووووره ع الكلالالالالالام الرائع وانشاء الله

في موازين حسناتك
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

 
 
-


يعطيكك العافيهه غرور

أبدعتي


ودي



-


 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

لاله الا الله محمد رسول الله
اللهم صل وسلم على سيدنا محمد
لاحول ولاقوة الا بالله العلي العظيم
سبحان الله وبحمده سبحان الله العظيم

جزاكم الله كل خير الموضوع حلو جدا يسلمو
ق2يعطيكي الف عافيهق1
:c::c::c::c::c::c::c::c::c::c::c::c::c::c::c::c::c::c::c::c::c::c::c:
:m::m::m::m::m::m::m::m::m:
:k::k::k::k::k::k::k::k::k::k::k::k::k:
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

يعطيك العافيه ع هالموضوع اللي يزرع التفاؤل
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

يسعدك ربي على هيك موضوع
سلمت يمناك..
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

الله يسعدكك والله عطيتيني ثقه وانا من اليوم راح اتغير ربي يحقق اللي ببالك ربي يحفضك تقبلي مروري
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

every one want to change the world but no one want to change himself مشكوره اختي عالموضوع الرائع والراقي جدا وبصراحه اني دائما افكر هيج بس ما عندي وقت لتنفيذ بعض الاشياء "اوكي:
 
رد: Time to change ~ حـان وقت التغييـر .. اذا مازلتي تحسين انج إنسانة إدخلـي

تسلمين ي غلايتي على هالموضوع الي اكثر من روعه دمتي ي الغلا
 
عودة
أعلى