علمتني ذكرياتي ...

علمتني ذكرياتي ...

شي طبيعي من يحب يغير .. معلومه قديمه
الجديد انك علي تغير في عز الخيانه !!


خاين .. وحب التملك فيك له معنى وقيمه
ياخي ارحم من يذوق بغيرتك "طعم الإهانه"


لو تجاملني وتسكت .. لالتمادى ف الجريمه
كافي اني كنت اخبي عنك أسرار الإدانه


ليت حظك مثل حظي .. من ظلام اليا ظليمه
كان قلبك ماحرمني من غلاه .. ومن حنانه


كنت ما بيني وبيني.. ( طفل ) يهواني واهيمه
لين صرت الله عليك ( انسان يجرحني كيانه )


من عشانه كنت اضحي .. وانتصر له ف الهزيمه ؟؟
من عشانه يرحم امك ؟؟ من عشانه .. من عشانه ؟؟


انت لو تحسب حساب الغدر في نية سليمه
خفت من ربك , لأني معتبر حبك أمانه


والله ان الحب أسمى .. والقدر له والحشيمه
ماهو انت اللي تشوه سمعته وتهز شانه !!


علمتني ذكرياتي .. خص لا صارت أليمه
أبتسم قدام جرحي .. واطلق لصمتي عنانه


إبتسمت الين صارت بسمتي فيني مقيمه
يعني من كثرة جروحي .. بسمتي تحتل خانه !!


حاول اتفسر غيابي صح .. من قبل العزيمه
لجل اسهلها .. تراني (شمس) .. وغيابي رزانه


وانسحاب الشمس عمره ما يفسر بالهزيمه
إنسحاب الشمس قوه .. لا تفكرها جبانه !!


منقول


 
التعديل الأخير بواسطة المشرف:
يسلمو يديك


طاب لي ما كتبتيه

cde8bb189bf93b6a3a2023ac9a2705b2-1.jpg
 
التعديل الأخير بواسطة المشرف:
رد: علمتني ذكرياتي ...

عزيزتي
اختيار جميل
اشكرك على النقل
بس ياليت تتقيدين بالقوانين وتكتبين منقول
وتكتبين القصيده كامله ماتخذين منها كم بيت وتنزلينها
والشعر مكانه قسم الشعر ..
 
رد: علمتني ذكرياتي ...

يعطيييك العافية اختي

ماشالله انتقاء ولا اروع

دمتي بخييير
 
عودة
أعلى