ابيات من الشعر بقلمك او على ذوقك تجديد

الحالة
مغلق و غير مفتوح للمزيد من الردود.
رد: سجل حضورك في ابيات من الشعر بقلمك او على ذوقك تجديد

ارتباط المشاعر وافتراق المصير
ضيقة ما تروح وحمل ما يستطاع

واختناقة عيوني وانجراح المصير
أول أعراض بعدك في نهار الوداع

صبري اللي تعرفه فالشدايد جدير
انكسر منه مجدافي وطاح الشراع

فاقدك وأعترف لك كان فقدك مرير
كن الأحزان ميزاني وفرقاك صاع


كل ما لاح برق وكل مارف طير
أتذكرك وأدخل عالم الالتياع

وكل ما مر لك طاري وجفني سهير
صار قلبي وليمة والطواري جياع

كل شوق لغيرك في غيابك ضرير
وكل حب بعد حبك مجرد خداع

ايه محتاجلك مثل احتياج الفقير
للغنى بس فقرة ينتزعه انتزاع


وينك أرجوك ما باقي بعمري كثير
وأنت فرقاك هم وفي وصالك متاع
 
رد: سجل حضورك في ابيات من الشعر بقلمك او على ذوقك تجديد

ابنصحك واخذ النصيحه مغطاه

من دون ماتتعب ومن غير تشفير

كل شيء لك ترضاه .. للغير ارضاه

وكل شيء ماترضاه كفه عن الغير..~
 
رد: سجل حضورك في ابيات من الشعر بقلمك او على ذوقك تجديد

تبختر بين " دقات الخفوق " , و نشوة التفكير
ترى كل الحياة أصغر من اللي بيني وبينك

أحس انك تجي والعشب ينبت والطيور تطير
وأحس إن السحاب يلوح ب رقه على يدينك

أحس ب روعة الدنيا وأحس إن الزمان بخير
وأحسك للحياة أعذب ندا مكتوب في عينك

"متوتر::r:
 
رد: سجل حضورك في ابيات من الشعر بقلمك او على ذوقك تجديد

انت وانا قصة هوى تبقى على مر العصور
بس النهاية للاسف كانت نهاية محزنة

كتبتها في دفتري واخفيتها بين السطور
لقيتها بدم الوريد متثبته بي مزمنة

لو كان بالدنيا وفا والليل دام الدوم نور
كان انتهت بي قصتك كنز الهوى لي واخزنه

بوحي
 
رد: سجل حضورك في ابيات من الشعر بقلمك او على ذوقك تجديد


ربك عطاك من الغلا لين خلاك
تسكن قلوب الناس لو كنت غايب
 
رد: سجل حضورك في ابيات من الشعر بقلمك او على ذوقك تجديد

اوعديني تجين ... وحاولي ما تجين
خلي الشوق يتمناك ما ياصلك

امنحيني حنانك واحرميني الحنين
واتركي لي مجال احن واشتاق لك

ابعدي عن عيوني جربي تختفين
لا تخلين كثرة طيبتك تقتلك

من يجي بالسهوله ما يسمى ثمين
ومن لقيته قبل يجيك ما يقبلك

ما اسهلك لا زعلتي كيف ما تزعلين
شفتي اشلون صرت اقول يا مسهلك
 
رد: سجل حضورك في ابيات من الشعر بقلمك او على ذوقك تجديد

والله لولا العيب واسلوم قومي
لأروح لأرض الشام واموت فيها

الموت واحد بالصحا او بنومي
وكلن يدور عن نهاية يبيها

بوحي
 
رد: سجل حضورك في ابيات من الشعر بقلمك او على ذوقك تجديد

تهزني الذكرى على كل مافات
لاغبت عن عيني في قلبي لقيتك

ماغيرتني عنك بعد المسافات
ليتك تقدر الشوق .. ليتك

و كانك تذكرني في البعد لحظات
ف أنا على كثر الوله مانسيتك
 
رد: سجل حضورك في ابيات من الشعر بقلمك او على ذوقك تجديد




رد الجميل محسوب له أوقاته

لما أشوف الجميل منقوع أنا ف ذاته


أهاديه بكل الورد وامسك ايديه وأضمه

وارحم عليه من عنفي في ملاقاته





 
رد: سجل حضورك في ابيات من الشعر بقلمك او على ذوقك تجديد

بيني وبينك شي ماهو مع الناس
شي ولكن بس بيني وبينك

شي يعادل حاجتي له بالانفاس
يحس به منهو يطالع بعيني

احساس لكنه سكن قلب حساس
اجمل شعور مرني في سنيني

رائعه
 
رد: سجل حضورك في ابيات من الشعر بقلمك او على ذوقك تجديد

اللي ينعس غصب عنه بيتثاوب
واللي يحب لو نكر بالحب واضح

بسألك حاجه : إسمعني و جاوب
كيف نخفي حبنا و الشوق فاضح
__________________
 
رد: سجل حضورك في ابيات من الشعر بقلمك او على ذوقك تجديد

لو قلت أعزك سيدي ماتكفيك

العز من قدرك تصفق كفوفه

ولو أوصف إحساس الغلا مايوفيك

في حق الثريا قاصرات حروفه

أقسمت لك باللي من الطيب معطيك

ماشفت لي مخلوق هاذي وصوفه
 
رد: سجل حضورك في ابيات من الشعر بقلمك او على ذوقك تجديد

القلب في سوق الهوى لجلك يغيض ويمتلي
ماهوب راع مساومه أما أشتره وإلا بعه

يوم الشعور مداوله .. وش قلت لك وش قلت لي
راجع حديث العاطفه وأقتص دربه وأتبعه

وألا بلاش أنسى مافات ومات .. وأسمع ما يلي
لا تترك الملتاع واقف لك على راس أصبعه !
 
رد: سجل حضورك في ابيات من الشعر بقلمك او على ذوقك تجديد

مشتاق أسمع أنا اليوم لبيه
ودي أعيش بجوها لو ثواني

أعيش في عينه وأنا ميت فيه
في وسط عينه كون من نوع ثاني ؟!
 
رد: سجل حضورك في ابيات من الشعر بقلمك او على ذوقك تجديد

يا خوي إنت الونس حزة الضيق ..
وإنت الذي يغني عن الناس ظله
الطيب يرفع من مقام المخاليق ..
وإنت بمقامك ترفع الطيب كله
 
رد: سجل حضورك في ابيات من الشعر بقلمك او على ذوقك تجديد

موج.اﻻسى.واقف.على.سدرة.الصمت..
يغرق. قلوب. ن. كاتمه. عبرة. الضيق..
يا. صاحبي. بوح. الحكي. لو. تكرمت..
ما. للفرح. في. ساحة. الصمت.تحقيق..

Sent from my GT-S7560 using منتدى عبير mobile app
 
رد: سجل حضورك في ابيات من الشعر بقلمك او على ذوقك تجديد

عامة أحبك
وخاصة أنت لي ..
شرحا وجدت بك الحياة
وإختصارا أنت العمر بي ..!
 
رد: سجل حضورك في ابيات من الشعر بقلمك او على ذوقك تجديد

تعال خذني بين أياديك مشتاق
قبل نتفارق حط يدك بيدي

بجلس معك ساعة حبايب وعشاق
من بعدها كيفك ولو صرت ضدي

فيني خليط أشواق بأشواق بأشواق
واصل معك من كثرة الشوق حدي

ودي ألمك وأحضنك حضنة إعناق
يا شيب عيني كل ما قلت ودي
 
رد: سجل حضورك في ابيات من الشعر بقلمك او على ذوقك تجديد




تأججت براكين المشاعر خلف الأسوار

وكل السجناء في قفص الشعر والأشعار

حدفوا رسايل لنجدتهم من النيران والنار

وكل من كان مسؤلا عنهم ولى الأدبار



 
الحالة
مغلق و غير مفتوح للمزيد من الردود.
عودة
أعلى