ابيات من الشعر بقلمك او على ذوقك تجديد

الحالة
مغلق و غير مفتوح للمزيد من الردود.
رد: سجل حضورك في ابيات من الشعر بقلمك او على ذوقك تجديد

والله اني لا ذكرتك انشغل قلب وعين
كن مالي في المدينه غير شوفة ناظرك

شفت على كثر المدينه منطوي في غرفتين
ذكرياتك في زواياها وفيها عاطرك

ولا بدا نزف المشاعر سولفت لك دمعتين
يا هلا بدمع المواجع لا تعذر باكرك
 
رد: سجل حضورك في ابيات من الشعر بقلمك او على ذوقك تجديد

البارحه .. والليل للعشق مسرح

في حزة .. اغفاء البصر .. للشبابيك

لا من سكت .. و رحت .. في عينه اسرح

راح و تكلم .. قال لا تسكت .. شفيك

ثم قلت أحبك .. قال و شلون .. اشرح

قلت ابشر .. اشرح .. بس افهم .. بوعيك

تعال .. خذ يدي .. بيدك .. و اجرح

تطلع مع دماها .. و ارجع .. أخبييك

يعني هنا بالروح تسرح و تمرح

انت بعروق القلب .. و الصدر .. اراضيك
 
رد: سجل حضورك في ابيات من الشعر بقلمك او على ذوقك تجديد

كم عاشق خلوه من غير سبه
يصفق بكف كف مايدري وشلون


ماله جدى ياكود دمع يكبه
عليه سيف الهجروالصد مسنون


هذامن اول يوم لو دل دربه
مادش في دنيا المجانين مجنون


لكن تبع قلبه وقلبه لعب به
واليوم يبغى عون ماحصل العون
 
رد: سجل حضورك في ابيات من الشعر بقلمك او على ذوقك تجديد


يوم التقينا بعض غنيت للفرقا،
ويوم أفترقنا كتبت: فراقنا كذبه،
 
رد: سجل حضورك في ابيات من الشعر بقلمك او على ذوقك تجديد

اللقافة .. حدت عيوني .. علاها
ليتها قفت وصدت .. مع أبوها


ويل قلبي .. كيف أرده من يداها
كيف أرده إنشدوها .. إنشدوها

حالتي من دونها .. زايد بلاها
نعنبوها .. كان راحت .. نعنبوها
 
رد: سجل حضورك في ابيات من الشعر بقلمك او على ذوقك تجديد

اكذب عليك لو قلت بعدك شي عادي
اضحك وانا من جور الايام مجروح

جرح توسط في حنايا فؤادي
وليت الجروح ضيوف يومين وتروح
 
رد: سجل حضورك في ابيات من الشعر بقلمك او على ذوقك تجديد

مات الغرام الي من العام نسقيه ..
وراح الكلام ولا بقى غير .. مدري
 
رد: سجل حضورك في ابيات من الشعر بقلمك او على ذوقك تجديد

ياللي تقول : البرد جمد عظامك
افرح ولاتصبح من الجو مستاء ..
لو ذقت ماجاني , تغير كلامك !
برد المشاعر غير عن برد الاجواء
 
رد: سجل حضورك في ابيات من الشعر بقلمك او على ذوقك تجديد

ياشوق سلم لي على سيد الشوق
من شفت في عينھ غلا واحتويتھ

مخلوق لكنھ عن مليوووون مخلوق
وفي سيرتھ عشت القصيد وقريتھ
 
رد: سجل حضورك في ابيات من الشعر بقلمك او على ذوقك تجديد



اه وش فيني بعد ذيك الاميره؟؟
الملاك اللي فلا مثله ملاك

اللي أبواعي بلياها قصيره
واللي بدونه غدا عقلي شكاك

واللي اجيوشي بلياها كسيره
من فقدت( ابشر ، ومن عيني ، وهاك)

(فضفضه، هذيان) خلتني أسيره
لعن ابوهن والسبب قسوة جفاك

 
رد: سجل حضورك في ابيات من الشعر بقلمك او على ذوقك تجديد

قل لليدين اللي تبي لمس يمناك
ايديك نامت في يديني وذابت

لا يحترون فراق قلبي وفرقاك
اللي هقى الفرقا هقاويه خابت
 
رد: سجل حضورك في ابيات من الشعر بقلمك او على ذوقك تجديد

جيت له ثم قلت وش فيك اختفيت
يوم انا من جد محتاجك وابيك

وقلت له وش فيك صديت وجفيت
وليه بعت اللي بعمره مشتريك

وليه غبت وين رحت وين جيت
وكيف تنسى من بحبه يرتجيك

هي غصيبه او ظروفك او نسيت
ماعتقد تنسى وعد الايام ذيك

تدري اني للاوادم ماشتكيت
وان صدري صار للعبره شريك

وتدري اني مت والا مادريت
لعنبووك ارحم محب مات فييك

وتدري اني كل مانمت وصحيت
شفتك بجفني وعيني تحتريك

في غيابك صار كيت وصار كيت
وجعل ماجا في خفوقي مايجيك

هلت دموعي وكلمني ورضيت
يوم سالت دمعتي منك عليك

قلت بدري قال صدري ماقويت
قلت وش بك قال جعله يلتقيك

قلت منهو قال خلك .. واستحيت
وصد واخر قولته الله يهديك

ماحكيت وقمت اردد شطر بيت
ياشبيه صويحبي حسبي عليك
 
رد: سجل حضورك في ابيات من الشعر بقلمك او على ذوقك تجديد

هد لي بالك ب أعلمك العتاب
يا معلمني على أنواع الصبر ..

لا تحاسبني على طول الغياب
وأنت ما رديت لأحلامي خبر ..
 
رد: سجل حضورك في ابيات من الشعر بقلمك او على ذوقك تجديد

المكان اللي وهن سقفه ، من الفرقا وشاب
من بعد ما كان بحضنا . . مثل طفل غيور

علميني ي القصايد هو خطأ والا صواب ؟!
لا رفضت انسى عيون عشتها شعر وشعور
 
رد: سجل حضورك في ابيات من الشعر بقلمك او على ذوقك تجديد

ماهوب ذنبي لاعصتني... المقادير
وأصبح خفوقي للمصايب.... وطنها
**
أحدن فراقه عن عيوني تباشير
وأحدن فراقه ياخذ الشوف منها
 
رد: سجل حضورك في ابيات من الشعر بقلمك او على ذوقك تجديد

من عرفتك ../ ودربك ممتلي بال غياب
ياسراب المشاعر كيف .." أبتنفسك ..!!


جيت مثل ال سحاب ورحت مثل .. السحاب
دوم أشوفك " ولكن " ماقدرت ../ المسك !!
 
رد: سجل حضورك في ابيات من الشعر بقلمك او على ذوقك تجديد

المفارق شرع .. واللقيا سراب ♡
امن الاشواق .. والفرقا كفر

ليت :- مافي لا انتظار ولا غياب
ولا وداع ولا فراق ولا ( سفر )!
 
رد: سجل حضورك في ابيات من الشعر بقلمك او على ذوقك تجديد

شلون اغير عادتي و اتحاشاك ؛
واقضي حياتي مثل كل الأوادم ،,

غصب علي اشتاق لاجيت ابنساك ؛
كل المشاعر في الخفوق اتصادم
 
رد: سجل حضورك في ابيات من الشعر بقلمك او على ذوقك تجديد

لو فرضنا

الكون بكفي اليمين

والناس بكفي الشمال

والبحر بجوفي أسير

لوفرضنا

كل ما قلته يصير

وإمتلكت الكل ب كفوف الخيال

صدقني بشوفتك ارمي الجميع

والله أرميهم جميع

مثل طفلن صغير رمى العابه

يوم قالت له امه تعال
 
الحالة
مغلق و غير مفتوح للمزيد من الردود.
عودة
أعلى