... 21616263646566676869707172737475767778798081121 ...

رواية تتعب لو معي تلعب للكاتبة ساندرا (كاملة)

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. الكاتبة ساندرا
    28-08-2012, 12:50 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)



    جيهان فتحت الشنطه ألي قبالي:انا بختار لك ملابس..
    قلبت الشنطه واغلبهم بلاك..طلعت له تي شيرت بلاك اكيد..وألتفت له وكان مكانه كأنه صنم..
    جيهان اقتربت منه:يعني لزوم انا ألي انظفك..
    اخذت اعواد الاذان ونظفت اذونه بشويش وسرحت شعره..
    راكان بقهر:أي المفروض تسكتين وتراضيني مو تقولين هالكلام..
    جيهان:هههههههه السموحه منك..
    راكان:وانتي من اتكلم مغير تضحكين..
    جيهان:هههههههههههههههههه..
    راكان:بعد تضحكين..هين..
    جيهان بضحكه:لالا تزعل..بس مدري احس بفرحه تعتليني هاليوم..
    راكان ناظرني بمرايه التسريحه:وليه؟؟
    جيهان عضيت شفتي وبا ابتسامه:مدري..وحالي احسن من أي يوم..
    راكان ألتفت لي :عشان أنك معي ..
    جيهان بضحكه:يا واثق ..
    راكان بضحكه:اجل ليه فرحانه بزياده..؟؟
    جيهان:مدري وش اقول عنك..انت تفكيرك مايتغير..انا اقصد اني بنرد لسعوديه اليوم..
    راكان رفع حاجبه:ومن قال لك ان بنرد اليوم؟؟
    جيهان بترجي:تكفى ريكوو..
    راكان حط رجل على رجل:انسي..
    جيهان بنفس ترجيها:تكفى قلبي..روحي عمري انت دنيتي..
    راكان عض شفته بقهر:اعنبوكم يالحريم..لبغيتوا الشيء مابقى كلام حلو ماتقولونه..اخيه بس..
    جيهان:ههههههههههههههه..
    راكان بحب:بس عسل والله..
    جيهان بفرحه:يعني صدق بنروح اليوم؟؟
    راكان:القرار بيدك..طبعا ان سويتي زي ماقولت..
    جيهان ماستوعبت:ويش هو؟؟
    راكان غمزلي وهو ياشر بخده ,
    جيهان جلست قباله:لزوم يعني ريكوو..
    راكان ذاب بدلعها:هه..
    جيهان سبلت عيوني عليه وبدلع:هههههه..خلها بعدين..
    راكان حوطتها من خصرها:لا لزوم الحين..
    جيهان:انت بدك بنفس ولا؟؟
    راكان:اكيد بنفس..ما اباها بدون نفس..
    جيهان:اجل خلها بعدين..وبعطيك اياها..
    راكان:اخاف تطولين..
    جيهان بضحكه:منيب مطوله خل عندك صبر شوي..
    راكان عض شفته:اخيه بس..طيب..امري لله..
    قمت من حضنه ولبسته ملابسه وحسيت انه مبسوطه بقوه لما لبسته..ههه..وعطرته..وبعد شويات إلاجاء الفطور الملكي للغرفه وجلسنا بالجلسه وكان عباره عن كورسان وعصير برتقال..وموالح..وجلست جنبه وصرت أأكله بيدي..
    راكان اه بس ياقلبي بس..احين احس اني متزوج..مدري وش جلسكم يالعزابيين..روحوا عرسوا ابرك لكم..لبستني واكلتني ودلعتني اه بس..
    ضيعت وقت كثير وانا افكر بخيشه البصل ..اقصد اروى هههههههههه عودتني على هل اسم يازينك بس ياجيهان بس..
    جيهان شربته عصير ومسحت شفته وكان مبتسم طول الوقت:............
    راكان:انا بشوف كان به حجز اليوم ولا لا..بس ماشبعنا من الكويت..
    جيهان:ولاراح نشبع بعد..من جمالها..
    راكان بتفكير:اجل اسمعي..بعرفك على حد اليوم..وابيك تتكشخين مره..
    جيهان باأستغراب:وليه؟؟ عسى خير ان شاء الله..
    راكان:خير..بس سوي اللي قلت لك عليه وخلاص..
    جيهان هزت راسها بنعم وهي موفاهمه حاجه..
    .
    .
    .
    على الساعه10:17 صباحا..
    أروى:معليش عبير..باخذ جوالك شوي..بكلم العنود صاحبتي..
    عبير وهي تجلي الصحون:طيب مابه خلاف..
    أروى خذت الجوال:منيب مطوله فديتك..
    وخذت الجوال ونزلت تحت وتوجهت لغرفتها وقفلتها بشويش..ودقت وبا اندفاع:عزوز..
    عبد العزيز بشوق:يابعد قلبي انتي..روح وقلب عزوز انتي..
    أروى بكت لما سمعت صوته:وربي أني اشتقت لك..طمني عنك وش صار عليك؟؟
    عبد العزيز:الحمدلله احسن..انا طلعت من المشفى واختي ماتقصر لاهي ولا امي..تدهن وجهي ويدي بالمراهم..
    اروى بين دموعها:ياقلبي انت..لوكنت جنبك كنت بهتم فيك..
    عبد العزيز بحزن:انا احبك يا اروى ولا ابي اضرك..وعلاقتنا ببعض صار اكثر صعوبه حتى جوالك مو عندك ووضعك مراقب فيك..
    اروى بنفس الحزن:لاتتركني يا عزوز..انا احبك والله..ولزوم نصبر اكثر..
    عبد العزيز:احس انه الشيء صار صعب بقوه..ولا ابي لك الشينه..وألي يحب يتمنى الخير لحبيبه..
    اروى صارت تشهق من البكى:تكفى لاتقول كذا تعور قلبي..
    لزوم اهلي يرضون فيك..لزوم يكون فيه حل..
    عبد العزيز بحب وبحزن: ماتوقع ان فيه حل..قلتي تقدم لي وتقدمت فوق الست مرات وابوك كلا يرفضني وساعات يطردني واتحمل كل انواع الذل من ابوك وكل ذا عشانك انتي..واحين ما باليد حيله..
    اروى با اندفاع:انا بفكر وبعطيك الحل..بس لاتتركني والله احبك..
    عبد العزيز بحب:وانا اموت فيك وربي..
    اروى:اجل لاتتركني تكفى..

    يتبع...
  2. الكاتبة ساندرا
    28-08-2012, 12:53 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)




    اروى با اندفاع:انا بفكر وبعطيك الحل..بس لاتتركني والله احبك..
    عبد العزيز بحب:وانا اموت فيك وربي..
    اروى:اجل لاتتركني تكفى..
    عبد العزيز تنهد:طيب مراح اتركك..بس وش بيكون الحل.؟؟
    اروى:صدقني راح نلقى الحل واخلي ابوي يوافق واهلي يتقبلون فيك..
    عبد العزيز حس انه الشيء شبه مستحيل بس محب يبين لها اكثر انه هالشيء صار مستحيل واجاب بالرضى..
    اروى بحب:يابعد قلبي انت..مقدر اطول والله لزوم اودي الجوال قبل لايكشفوني انا بالموت خليتهم يعيدون الثقه فيني من اول وجديد..
    عبد العزيز بحب:احبك ياقلبي..
    اروى:وانا اموت فيك..مع السلامه..
    وسكرت وبعد مامسحت الرقم عطيته لعبير..
    .
    .
    .
    ام غاليه:والله مابه وقت..طول وقتنا بالمولات..والسموحه منك لاني ما ادق عليك..
    ام راكان: معذوره ياقلبي..واعذريني بس انا ابا الملكه مع الزواج مره وحده..(وبا ابتسامه) وبعدين نايف مستعجل الله يصلحه..
    ام غاليه:هههههههه..كذا هم الرجال كلا مستعجلين وبس..
    ام راكان تناظر ولدها ألي لازق فيها لزق:مستعجل على الزين ههههههههههه..
    ام غاليه:ههههههههههه..
    ام راكان:وهو ماينلام..كل هالجمال عند بنتك ولا يستعجل..ماشاء الله عليها>>تدرون يا قرائي لزوم المبالغه عند سمر هههههههههه..
    وبعد المحادثه شوقت نايف بالحيل..
    .
    .
    .
    صار يفتش بالشنط..وجيهان جلست بطرف السرير انتظره يخلص..
    راكان وبعد التعب:لقيت لك..
    جيهان ألتفت له:فرجيني..
    راكان:انا لقيت لبستين..ذه وذه(وهو يرفعهم لها)..
    جيهان رفعت حاجبي وانا اتمنظر فيهم:مو كنا ألي شريتهم لك لتو..
    راكان:أي..وش رايك؟؟
    جيهان:انا اقول ألبس لبس عادي وخلاص..
    راكان با اصرار:لا لزوم تصير حاجه غير..
    جيهان باستغراب: ليه تيب..وين بنروح..؟؟
    راكان:بتعرفين بعدين..بس اباك تتزينين حيل وتبالغين بزينتك طيب..
    جيهان بنفس استغرابي:تيب مابه خلاف..بس مو ناوي تقول لي..
    راكان:لا بقول لك بعدين..بس انتي تجهزي..
    جيهان بحماس:لاعاد قول لي..
    راكان:لا..لخلصتي بقول لك..بس انتي عجلي ما ابا يأذن الظهر وانتي ما خلصتي..
    جيهان مديت بوزي:تيب..
    راكان باس جبيني:شويات وبجي ياقلبي..لاتتأخرين بلبسك طيب..
    جيهان تنهدت:تيب..
    وخذ جواله وطلع..
    دق عليه وبا اندفاع:السموحه منك..بس بالله ماشفت اتصالك إلا من شويات..
    معاذ:زين ان عندك عذر..ننتظرك على الغداء..
    راكان:من عرست والعزايم هابه علي..ههههههه اللهم زيد..
    معاذ بصدمه:تزوجت..ايابن اللذينا..ولا قلت لي..
    راكان:معليش صار كل شيء بسرعه..
    معاذ:عساك مبسوط بس..
    راكان:الحمدلله..وعقبالك يارب..
    معاذ من قلب:اللهم امين..
    راكان بضحكه:ول من قلب طلعت ههههههههههه..
    معاذ:أي بالله من قلبي..
    وبعد الكلام الطيب سكر منه..

    وبالغرفة..
    كانت جالسه على حافه السرير..
    تحاول تسكر صندلها بس مقدرت..
    تنهدت بقهر..
    فتحت الباب وناظرها وابتسم بلا شعور اقترب منها بشويش ونزل لمستواها وخذ رجلها
    وسكر سحاب الصندل بشويش..وخذ رجلها القانية وسكرها..
    راكان كان الصندل باللون الرمادي به كرستال فضي على جنب المقدمة وبه سحاب باخر صندلها..

    ألتقت نظراتهم ببعض..
    ومرر يده على ساقها بنعومه..
    راكان بهمس:وش هالزين كله..
    جيهان ابتسمت بحيا:هذا لك..
    راكان قام ومد يده لي وحطيت يده بيده وابتسم بلا شعور..
    راكان دورتها وانا اتفحصها من فوق لتحت..
    عجبتني حيل..هي كل حالاتها تعجبني..
    وبهمس:الله يحرصك..
    جيهان بدلع:عجبتك يعني..
    راكان بابتسامه: اي , يلا ..
    جيهان باندفاع:.يلا نروح..
    راكان:اجل يلا لبسي..


    يتبع...
  3. الكاتبة ساندرا
    28-08-2012, 12:54 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)





    راكان بابتسامه:اي , يلا ,..
    جيهان باندفاع:.يلا نروح..
    راكان:اجل يلا لبسي..
    لبست عباتي على السريع واخذت شنطتي..وطلعنا من الفندق..
    والتفت له:وين بنروح ما قولت لي؟؟
    راكان وهو يدور بعيونه:اصعدي بالسيارة ولا تتكلمين طيب..
    جيهان بستغراب:أي سيارة..مو راح نركب بالتاكسي كالعادة؟؟
    راكان:لا..
    ومشيت وراه ونزل رجال من السيارة
    واستقبلو بعض بالاحضان والتبيريك والكلام الطيب..
    كان بنفس طول راكان وعنده عوارض جماله متوسط..
    وناظرني ونزلت الشال مباشرة..
    معاذ بهمس:والله سويتها جد..(وغمز له)..
    راكان با ابتسامه:اجل اكذب عليك..
    معاذ رد له الابتسامه:لاحقين على السوالف يلا نروح قبل ميعصبون الاهل..
    راكان:يلا..
    وصعدنا لسيارة..
    وكنت ساكته ومعاذ وراكان يتكلمون با أيامهم قبل وكنت مجرد مستمعه وسرعان ما وصلنا..!!!
    نزلت رجلي ورفعت نظري..
    كان قمه بالروعة ألوان دافئه من بين البني والسكري والرمادي..
    تناغم رائع..
    حسيت بمسكه يده الدافئه لي..
    راكان ابتسمت لها وحسيت ببروده يدها كنها متوترة او خايفة..وشديت على يدها وبهمس:انا معك..
    جيهان كلامه طمني حيل ورديت الابتسامه له..

    ** كانوا يناظرون من النافذة..
    شيخه با ابتسامه:ووه بس..رومانسي هالرجال.. شوفيه كيف ماسك يدها..
    حياة:والله تغير حيل..صار يهبل مرةة..ما شاء الله عليها..
    شيخه بحماس:خلنا نسلم عليه..
    حياة:يلا..
    وطلعوا واستقبلوهم..
    جيهان التفت لهم وكانوا بدون عباية طبعا..
    حياة وشيخه:السلام عليكم..
    معاذ وراكان وجيهان:وعليكم السلام والرحمه..
    حياة وشيخه:شلونك راكان؟؟
    راكان:الحمدلله زين..انتو اخباركم؟؟
    حياة:وينك انت..وربي لك وحشه..
    شيخه:اجل مالك شوفه..طلعت معرس..
    راكان ناظر فيني وبابتسامه:عقبال معاذ..
    حياة بابتسامة :هد يد العروسة...و خلها تدخل عن الشمس ..
    شيخة بقت عينها :هد يدك عنها اشوف ...
    ومسكت يد راكان وبعدته عن يدي...وسحبتني معهم لداخل ...
    معاذ: ما يتغيرون ..صدق حريم ..حياك داخل بالمجلس..
    ..دخلت معهم لصاله..
    حياة :توه منور البيت فيكم ..
    جيهان :تسلمين قلبي ..
    شيخه:فصخي عبايتج ..محد بيدخل الصاله الداخليه..
    جيهان :تيب..
    شيخه:ياحليلج طلعتي دلوعه ..تقول تيب..
    حياه بضحكه:ماعليج من اختي ..خذي راحتج على منجيب لج شىء تشربينه ..
    وبعد مختفوا من ناضري ..حطيت شنطتي بالجلسة الرفعية المزخرفة من جوانبة بالون الذهبي الفاخر ولون الجلسة سكري ...وسجادة تركواز وسط الصالة تجذب الناضرين وتكسر اللون الهادىء بطابع المكان ...
    وطاولة من زجاج بحواف من خشب الداكن ..وريحة المكان تجيب العافية ... شلحت عباتي وجلست اتمنضر بالمكان ..
    وفتحت شنطتي وشيكت على مكياجي وتسبحت بالعطر..
    التفت لصوت وراي : هلا ..هلاوالله بمرت راكان ..
    قمت بست راسها :هلابش يالغاليه ..
    أم معاذ:بسم الله ماشاء الله ..وش هازين عليج يابنتي ..بسم الله عليج ..
    جيهان بابتسامه :عنونك الحلوة ياقلبي ..
    إلا بدخلت شيخه وحياة وهم شايلين الصحن ..نضراتهم كانت مذهولة مرة..
    شيخه انفثت علي:الله يحميج من العين..جميلة حيل انتي..
    جلسوا جنبي ولزوني حيل وانا وسطهم..وكل وحدة تسألني سؤال والثانية تقاطعها بالسؤال الثاني..كنهم ريا وسكينه هههههههه..
    جيهان:اسمي جيهان وعمري 20 سنه..
    حياة:ما شاء الله عليج..قمر اربع طعش..
    شيخه .ليه تتحجين بالكاف.. خلج زينا احسن ..
    ام معاذ: وبعدين انتي وياها قهوها ..عطوها بسكيته صبوا لها شويهة ..
    جيهان.هههههههه الله يسعدكم يارب..
    شيخه. وياج يارب ..
    وصبت لي قهوة ..
    جيهان: ويش سمائكم؟؟وكم اعماركم ؟
    شيخة : انا شيووخ ..وعمري 22 سنة ..
    حياة :انا حياة وعمري 27 سنة..
    جيهان ماشاء الله ..الله يرضى عليكم يارب ...
    ام معاذ:وياج يارب..اجل كيف ام راكان..؟
    جيهان ( انا لله بس كل من شافني جاب طاريها..): الحمدلله ماعليها أي خلاف..
    ام معاذ: سمر حبابة .. ماشاء الله عليها..
    جيهان كنت اشرب الشاي الا احترقت شفتي من كلامها:اح..
    ام معاذ والبنات: بسم الله عليج..وعطوني منديل..


    يتبع...
  4. الكاتبة ساندرا
    28-08-2012, 12:56 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)




    ام معاذ: سمر حبابة .. ماشاء الله عليها..
    جيهان كنت اشرب الشاي الا احترقت شفتي من كلامها:اح..
    ام معاذ والبنات: بسم الله عليج..وعطوني منديل..
    وطبطبت على شفتي بشويش( من وين حبابة خلها مستورة بس..)
    حياة باستني خدي بقوة : يازينج بس..على قولتكم مزيونة ..
    جيهان:هههههههههههه
    شيخه : اجل اخبار روعه وروان ..
    جيهان : طيبين طاب حالك ولله الحمد..
    شيخه : والله لهم وحشه..قولي لهم يجون برمضان .. ترى مابقى شئ عليه ..
    جيهان : أي بالله ..الله يبلغنا..
    الكل: اللهم امين..
    .
    .
    .
    بالسعودية / الرياض..
    ساعدتها بدخول المجلس بعد محطت فيه السرير وضبطت المكان لها...
    ام فهد جلستها بالسرير: بسم الله عليك ..شوي شوي يا بنتي..
    بدريه جلست بشويش..
    ام فهد خذت البيبي وحطته بالسرير الي بجانبها..
    وقامت: انتي ريحي شوي على مكب الغداء..
    بعد مطلع تام فهد دقت على اختها: اعذريني لاني مدقيت..عليك ..لانه كان على الصامت ..
    سوسن : لا عادي .. طمنيني عنك؟
    بدريه : الحمد لله ..انتي كيفك ..؟؟
    سوسن : الحمد لله طيبين .. اجل وينك انتي؟
    بدريه: انا بيت اهل فهد..
    سوسن بستغراب: مو جايه لهنا..!!
    بدريه : لا بتنفس عند العجيز..خلها تتعب شوي..أنا أباها تخدمني..
    سوسن : بس تعالي عندنا احسن..
    بدريه بأصرار:لا اجلس عندها احسن هالعجوز قريح..
    سوسن: بس مو تقولين لي ان ركبتها تعورها..
    ف كيف بتخدمك..؟
    بدريه: خلها تنقلع وتخدمني هالكلبه.. قولي امين..
    سوسن : امين ليه..؟
    بدريه من قلب: جعلها جلطه يارب..
    سوسن شهقت وبخوف: حرام عليك يا بدرية .. لا تدعين عليها وربي لو اعرف أن الشئ مو زين ما قلت امين..
    بدريه :مالت عليها .. بخليها تكرف كرف الحمير.. حسبي الله عليها نشبه..
    سوسن تنهدت: الله يكفيها شرك بس..
    دخلت ام فهد واضطربت انها تقفل السماعة بعد توديع اختها..
    جابت لها صحن وحطت فوق الطاوله وقربت من سريرها: بالعافيه عليك
    بدريه بعياره: تعبت يدي ..
    ام فهد قربت منها: أنا ألقمك..
    بدريه(وهذا الي ابيه ياعجوز قريح .. والله ان اتعبك..وانا وراك وراك وزمن طويل..)
    .
    .
    .
    كانت معها بالغرفة
    ريم: فهمتي الدرس؟
    حنان: أي فهمت ياستاذة ..
    ريم بغرور: أي مو كلا أنتي الاستاذة خليني انا ها لمره .. احم احم..
    حنان: ههههههههههههه طيب ..
    ريم تعلم حنان درس المكياج ودمج الالوان .. ونصائح بحياتها الزوجية الجديدة .. وهي استغلت هالفترة بعد الغداء عشان ابو زياد تحت مع سعود..!!!ولا
    حبت تقول لحنان عشان ماتقلق ..
    وبالمجلس الرجال..
    ابو زياد بحده: وانت وش دخلك ببناتي .. مو قلت لك خلك بعيد وان كان عندك عيال تدخل فيهم ..
    سعود يناضره بكل برود: طيب .. وبعدين..
    ابو زياد بقهر من برودة. لا تكلمني ببرود ..
    سعود بهدوء : قصر صوتك .. ترى مابه فرق بينا سو مسافات قليلة ..
    ابو زياد: صدق انك حقير ..وماعندك أي مسؤؤلية تزوج البنت من وراء ابوها..
    سعود ناضره وبحده: واذا ابوها طماع بفلوسها لزوم البنت تجلس لما تشيخ وتوصل لسن اليأس من بيجيها بعدين.. ومتى بتقرر تزوجها ومن ألي بيجيها وهي بهالعمر ..ماتتكلم.
    ابو زياد : والله لو تعنس محد طلب منك انك تدخل ..
    سعود:أنا ابي افهم بس ..البنت وعرست ومابه فايدة للكلام ليه تناقشني ..
    ابو زياد قام من الكنب : الكلام مو معك .. مع القاضي نفسه..والله ان اجرجرك بالمحاكم عشان تعرف مرة ثانيه مع من تتعامل..
    سعود قام معه: حياك الله با أي وقت ..وعاود الزياره مرة ثانيه ..
    طلع ابو زياد وهو مقهور من اخوه ومن بروده .. وسعود كان واثق ان القضيه ألي بيرفعها عليه فاشلة ومراح يأخذلا حق ولا باطل..
    .
    .
    .
    بالكويت ..وبعد الغداء ..
    بالتلفون: أي انا حجزت وقال ان الحجز بيكون بكره بأذن الواحد الاحد..
    ابو راكان بفرحه: ترجع بالسلامه ياولدي ..ولما ترجع عندي لك خبر حلو..
    راكان: وش هو؟؟ وعسى خير أن شاء الله..
    ابو راكان: أي خير ولله الحمد..لرجعت بقول لك ..


    يتبع..
  5. الكاتبة ساندرا
    28-08-2012, 12:58 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)



    ابو راكان بفرحه: ترجع بالسلامه ياولدي ..ولما ترجع عندي لك خبر حلو..
    راكان: وش هو؟؟ وعسى خير أن شاء الله..
    ابو راكان: أي خير ولله الحمد..لرجعت بقول لك ..
    راكان: والله حمستني حيل يبه ..
    ابو راكان: لا تستعجل على رزقك..
    راكان: انت تدري فيني .. لتحمست تحمست ويلا قول لي..
    ابو راكان : اجل اسمع ..والله مراح اقول لجيت من السعودية بقول لك ..
    راكان بقهر : وليه تحلف .. اعوذ بالله ..
    ابو راكان :هههههههه احسن ..
    راكان : هين هين.. وانا بعد عندي خبر حصري بس مراح اقول لك .. الا لما اجي السعودية ..
    ابو راكان:هههههههههه والله انك شلاخ ..بس تريد
    تردها لي ...
    راكان :ههههههههههه .. اجل هاه ..
    ابو راكان: تعبوني اخواتك..
    راكان:فديتهم بس..وربي لهم وحشه..
    ابو راكان:يسلمون عليك..ويقولون لك عجل بالجيه..
    راكان:احم احم..صرت مهم وغالي والله..
    أبو راكان:أقول تلايط بس..
    راكان:ههههههههههههههه..أوما أنت ما تريدني أغتر شوي..
    أبو راكان بهمس:ودي أطول معك بس أمك على جيه..وأن درت أنك دقيت علي بتقول ليه ما سأل عني..أمك تدور المشاكل..
    راكان با أبتسامه:أجل خايف منها..ههههههه
    أبو راكان:أقول لا تتريق علي أنت تدري أني ما اخاف منها..بس أدراي مشاعرها..
    راكان:اف..مقدر أنا..خف علينا يا ماجد المهندس..ههههههههههه..
    أبو راكان كاتم ضحكته:وبعدين معك أنت..وبعدين أنا أسوي ها لشيء لك أنت مو لي أنا يا الثور..
    راكان:يا بعد قلبي يا يبه..فديت المقدر وألي يخاف علي..
    أبو راكان:يلا بس..ترى بتجي مناحه..
    راكان:هههههههه..طيب سلم لي على المزايين روعه وروان..
    أبو راكان با أبتسامه:فمان الله يا ولدي..يوصل..
    ودخل للمجلس بعد مخلص محادثته..
    وكان متواجدين سالم وأبو معاذ ومعاذ..
    أبو معاذ:عاد هاه..مو تروح بعد شوي..
    معاذ أبتسم وناظره راكان بقهر<<يعني قلت له..
    راكان:معليش يا ابو معاذ..مره ثانية..
    أبو معاذ:لا أجلس كم يوم هنا..
    راكان بتفكير سريع:ودي بس المدام أمها تعبانه..وأنا كنت ناوي أروح اليوم..بس قلت أشوفكم تدري من زمان ماجينا للكويت..
    أبو معاذ:والله فيك الخير والبركه..
    راكان: الجيات أكثر يا ابو معاذ..
    أبو معاذ:يعني برمضان بتجون عندنا..
    راكان با أبتسامه:بإذن الواحد الأحد..
    سالم:عاد خلك لين المغرب طيب..
    أبو معاذ:أي صادق ولدي..
    راكان محب يجادلهم أكثر:خلاص مابه خلاص..

    **وبالصاله الداخلية..
    شيخه:والله فيني طرب..وش رايكم نفلها بالرقص؟؟
    حياة:أي بالله..وش رايج جيهان ترقصين معنا؟؟
    جيهان بتردد:هه..ب..بس أنا معرف ارقص..
    حياة:أي هين..ترى أنا اعرف الجذاب من عيونه..ويلا نرقص داخل عن الشباب لا يجون..
    أم معاذ:خلو البنيه براحتها..لا تضقطون عليها..
    حياة:معليج منها يمه..ترى مبين أنها تردح رد مع طبيعي..
    جيهان باندفاع:لا انا..
    شيخه وحياة سحبوا يدي..
    ودخلنا للمجلس النسى..وكان به مسجل كبير..وكاسيتات بجنبه..
    حياة:أحنا حاطين هالمسجل هنا..عشان قبل يومين مسوين حفلة بنوتيه..واي بس..وربي وناسه..
    شيخه بتفكير وهي تشوف الأشرطة:وش تبون نرقص عليه..؟؟
    حياة:عراقي..يلا شغليه..
    وشغلت الشريط..وطلعت على طول شيخه بعد مغمزت لها حياة..
    حياة:يلا نرقص على بال ماتجي..
    جيهان:بس أنا بجد ما اعرف..
    حياة:طيب أنتي أسمعي هالأغنية وبعدها بتنطربين وبترقصين بالحالك بعد..
    جيهان برفض تام:لا عاد..
    حياة:ترى والله بزعل عليج..
    جيهان بتررد:تيب لنطربت برقص..وشوي بعد..
    حياة با أندفاع:وأنا موافقه..بس طولي شوي..عشاني فديتج..
    جيهان:مابه خلاف..
    حياة باست خدي بالحيل:فدييتج بس..وربي أني أحبج..
    جيهان بضحكه:وأنا بعد أحبججج..
    حياة:ههههه أي خلج جذيه..مو كلا بالكاف..
    جيهان:أبشري..
    وجلست على الكنب وسمعت أغنيتين عراقية وحسيت ان جاني حماس وكدا..
    ودخلت شيخه..
    وطلبت منها أنها تعيد هالأغنية لأني أعرف أرقص عليها..
    حياة بهمس:هاه بيجي..؟؟
    شيخه بحماس:أي ومصدق أن أحنا سوينها..
    جيهان شلحت صندالي العالي..
    ودخلت أم معاذ وعدلت حجابها..
    وصفقت على طول وهي متحمسه ههههه..
    والبنات يصفرون..

    و....
    وانتهى البارت....

    انتظر توقعاتكم ياعسولات :$

    انتظروني بيوم السبت ياعسسولات..
    الله يرضى عليكم يارب..
  6. روودي
    28-08-2012, 01:34 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)


    ماشالله عليك الله يحفظك ياساندرا ..
    منججد انتي انسانة رائعة ومبدعة وموهوبة ..
    انا ما اتسجلت الا عشان أرد على روايتك ..
    بجد رواية مشوقة وحلوة وتحكيلنا واقع كثير من البنات في مجتمعنا عايشينه ..
    اتمنالك التوفيق والنجاح الدائم ياقلبي ..
    وانتظر البارت الجاي على احر من الجمر
  7. sajedh
    28-08-2012, 01:38 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)


    ربي يسعدك ويحرم النار على ايدياتك

    قريت البارت وبرجع احط تقريري الخطير بكرة باذن الله

    تحيتي سندورا
  8. نجمه البحر
    28-08-2012, 01:45 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)


    Novel Perfect distinctive deserve thanks Thank you so much
    personalities + sequence of events enjoyable Sandra with parts coming Thanks
  9. ابتسامة خجل
    28-08-2012, 01:54 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)


    مشكوووووووووووووووووووووووووووره سندورا على البارت الخقققققققه الله يعطيك العافيه بس لي طلب صغنووون لو تقدمي البارت افضل عشان السبت مدارس وشغل الله يعين <<زودتها خخخ

    تقبلي مروري ... احبك في الله
  10. همسسآت نقييةة..
    28-08-2012, 08:10 AM

    رد: رواية تتعب لو معي تلعب للكاتبة ساندرا

    رواية تتعب لو معي تلعب للكاتبة ساندرا (كاملة)


    بارت خطنطير..
    تسسلم ايديك..
    الله يحفظك ويوقفك ويسسعدك..
    ويريح بالك وقلبك..: )

    يعطيك العافييةة ي قلبي..

    وننتظرك حياتو..:)
... 21616263646566676869707172737475767778798081121 ...

الكلمات الدلالية لهذا الموضوع