فديت المبسم اللي ومن لى غيرك

الشعر, قصيدة , شعراء, القصايد ارسال إلى Twitter ارسال إلى facebook
  1. الاموره نانا
    08-03-2012, 06:32 AM

    فديت المبسم اللي ومن لى غيرك

    فديت المبسم اللي ومن لى غيرك


    بسم الله الرحمن الرحيم

    السلام عليكم ورحمة الله وبركاته
    بسم الله الرحمن الرحيم

    كثر ماللفرح بسمه كثرماللحزن الوان
    كثر ماتكسر الدمعه شموخ الذات وتذله..

    كثر ماللسهر مرسى بجفن العاشق الحيران
    كثر ما للنوى قصه معه والراوي المله..

    كثر ما لوعة الفرقا تشاف وتنقري وتبان
    على وجه المفارق والجروح قدام ومجله..

    كثر ما أشقت الغربه مسافر راجع ولهان
    كثر ما حن لبلاده كثر ما فيه من عله..

    كثر ما يبتسم طفل نهارالعيد به فرحان
    كثر دمع السحاب اليا سقى خد الثرى غله..

    كثر ما للوصل نبره يجاوبها صدى الحرمان
    كثر ما صبري الموحش تعبت اسقيه واعله..

    كثر ما احبك احبك شقاي وراحة الوجدان
    غلاك اللي نهب قلبي ولا له حد ياصل(له)..

    فديت المبسم اللي لا تبسم ينطق الرمان
    فديت عيونك اللي يبتدي منها العنا كله..

    احبك وان رضى الراضي ولو هو يزعل الزعلان
    واحبك كثر ما رمشك يصافح وجنتك ظله..

    حبيبي وقتي الماضي عرف وش قيمة النسيان
    عرفتك وانجلى هم حجاجه دوم منفله..

    هويتك والبشر عندي عقب عرفك غدو سيان
    وانا يا منوتي ماني لغيرك ملتفت لله..

    طلبتك كان لي قلب معك ضايع بلا عنوان
    اما نه تتركه ضايع معك ارجوك لا تدله..


    من اللي غيرك!!

    ياصاحبي دنياك هذي عجيبه "

    "والوقت يا (فهاد) للناس خداع
    كيف الخوي ياناس ينسى صحيبه "
    "من عقب ما كان لمشاكيه سماع
    اليوم صدري ودي اشق جيبه"
    "ياكود انا القى لضيقة الصدر مطلاع
    جتني على صدري هموم عصيبه"
    "وابحرت فيها دون مجداف وشراع
    يامن رمى ذاك الحجر في قليبه"
    " وحرك سكون الجم والناس هجاع
    قلت: الطفل معقول؟؟ ينسى حليبه"
    "يمكن..ولكن كيف؟! يذكر الياجاع
    واخذت افكر بالفياض الرحيبه"
    "يمكن بعد تنسى وفا الغيم للقاع!!
    يا وقتنا والله ناسك غريبه"
    "هذي صحيح وجيههم اوهي قناع!!
    اشوف ناس من بعضها قريبه"
    "واشوف ناس قربهم كنه وداع
    واليوم يا(فهاد) بالنفس ريبه"
    "يا صاحب كنت بيمينه له ذراع؟!
    قل لي: وخبر صاحبك ويش عيبه؟؟"
    "او عيبه: انه للوفا دوم تباع
    وقل لي : من اللي غيرك لأجل اجيبه"
    "واعلمه من كان يشري وينباع!!
    ان كنت ما تدري فهذي مصيبه"
    "وان كنت تدري شف مسافات الاوجاع...
    ترى الخوي وقت الشدايد يجيبه"
    "والا الرخا كل يجي فيه فزاع
    نسيت عشرة صاحب تلتجي به"
    "ونسيت يوم نقسم الهم بالصاع!
    اي والله اشره والعتب ويش ابيبه"
    "دام العتب مثل الصدى وسط الاسماع:
    واحذر ترى دنياك هذي عجيبه"
    "ووقتك ترى يا صاحبي دوم خداع...


    القصيدتين لشاعر : صالح السكيبي الشمري
  2. ابهاااااااااااويه
    08-03-2012, 11:02 AM

    رد: فديت المبسم اللي ومن لى غيرك

    فديت المبسم اللي ومن لى غيرك


    الاموره يعطيك الف عافيه
    نانا حبي صيري كبري الخط عشان اقرأ وانا نايمه ههههههههههههه
    اعذريني ياعمري قريت النص لان معد اشوف هههه لكن لي عوده وبقراها كلها
  3. نور العيونن
    08-03-2012, 12:38 PM

    رد: فديت المبسم اللي ومن لى غيرك

    فديت المبسم اللي ومن لى غيرك


    اعجبتني كلماتك وجمالها في بدياتها ..........كثر ماللفرح بسمه كثرماللحزن الوان
    كثر ماتكسر الدمعه شموخ الذات وتذله........