رساله (( ياوطن ))

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. آحمد الصالح
      17-02-2012, 12:37 AM

      رساله (( ياوطن ))

      رساله (( ياوطن ))


      b]صباح الظلم والفرقا ... صباح الهم والاحزان
      صباح الواسطه والكبت صباح الفقر والطفره

      صباح المعطف البني ../ صباح البرد والدخان
      صباح ثوبي المشقوق وفتله <~ مالقت الابره

      صباح زقارتي لاقمت ... من نوم العنا : خرمان
      صباح الجوع وكاسة ماء وكسرة عيشه وتمره

      صباح المهزله وجروح تسكن في جسد إنسان
      صباح الغدر لاطاحت دموع <~ ومالقت غتره

      صباح مانيب رايق لك صباح إبعد <~ انا طفشان
      صباح إنسان أحبه موت وخايف حيل من : غدره

      صباح الكهربا مقطوع وجسمك ب العرق مليان
      كانك في قبر مرمي ../وبيتك يعتبر : حفره

      صباح المويه مقطوعه .. ويابس : ريقه الخزان
      مسكت القربه وتنطر متى يصب <~ المطر قطره

      صباح القروشه لادق منبه ... ساعتك ب اتقان
      صباح إنسان متهندم ... ولكن مالقى : عطره

      صباح الثقل والحيره .. صباح معومس ونعسان
      صباح البؤس لاسارت رجولك في طرق وعره

      صباح معامله ضاعت ب درج <~ موظف كسلان
      صباح المشوره ،،/ لاصاح فارقني .. وتعال بكره

      واذا جيته على بكره يقولك : للاسف يافلان
      انا الحين مب فاضي لاوراقك <~ على فكره !؟

      صباح ابعد ماهو شغلك وطق براسك الجدران
      لان عمي هو المسؤول وله فيذا المكان قدره

      وخالي انسان ثري جدا رصيده ماعرف نقصان
      وابويه له معزه وشان غبي منهو عصى امره

      صباح اللمبراليه ،،/ ورقاصه وكاس شمبان
      صباح هزي يامزيكا وجوك <~~ بيره وخمممره

      ابعرف ليه حظي طين وعمره ماضحك لي و زان
      وابعرف لي متى وانا <~ اغص ب داخلي العبره

      ابعرف من اذا طاحت دموعه : ترتوي احضان ؟
      وابعرف من نسى مثلي ( سكاكينه وسط ظهره )

      وحتى طفولتي ماهي عباره عن / لعب ورعان
      ياليتني مت ولاقالوا : عسى الله يطول ب عمره

      رضعت الهم من صغري ومن غدر الزمن شبعان
      وماتت امي واعطتني ... وجع بالصدر "وش كبره"

      هنا : سجادتك يمه .. وسبحه .. ودعوة الغفران
      وحتى عبايتك .. للحين عليها من <~ الرمل غبره

      تموت الناس من بعدك وقلبي رافض النسيان
      ياليتك قبل لاتموتين خذيتي ب داخلي الزفره

      رحل منهو الامن ضقت اخذ بيدي : على الدكان
      إبد ماقلت انا ودي .../ و رفضني ب العمر مره

      تعلمت امسح دموعي بيدي واحضن الكتمان
      تري للحين يايمه .. وليدك ،،/ ماكشف سره

      انا والجرح تربطنا علاقه ،،،/ تشبه الاخوان
      عطيته قلب واعطاني ب توقيع الجفا : حسره

      على خبرك اذا همي كبر .. دورت : للقران
      وركعة وتر في ليله سنيني عاشها ب سهره

      عيون الناس تطعني وينزف داخلي الشريان
      يذلوني على فقري وعيشه مخجله و عسره

      مايرمى الا شجر مثمر .. طيوره تملي الاغصان
      وتبقى للاسد هيبه ولو هو في : وسط اسره

      مدام ان الزمن هذا صديق <~ الكلب والحيوان :
      طبيعي لو ثقافتكم : نهيق او نبح ،،/ يازمممره

      تقولوا عني الصايع / وعربيد / وشقي /ودشران
      نسيتوا من قتل حلمي ورماني ب شارع الدشره !!

      مسكت فنجاني ب يدي ورحت : ل قارئة فنجان
      رمت فنجانها وقالت : هو إنت من " دوره قبره "!!

      قهر : لو اكثر احبابي ،،،/ يجازوا الخير ب النكران
      ندم : لو بعت كل الناس ل خاطر <~ قذره

      الم : لاصرت تبني له ب صدرك : مملكه .. واوطان
      وفي الاخر ب كل برود " مع غيرك " نسا العشره

      فقير و راس مالي " جوع " ومتربع / .. على بركان
      بعيده فرحتي ../ وابعد على من ... واقع النظره

      ابرحل والبقى لله ../ وشبي : ي الرياض نيران
      تقوم ياكون او تقعد ../ ب راسي <~ ماتهز شعره

      فمان الله يا الحاره .. وشارع بيتي .. والجيران
      لكل منهو سأل عني قولوله : مات من قهره

      انا وشلي ب تفاصيلك يادنيا‘ : العني الشيطان
      تري موتي "خبر عاجل" قريته ب موجز النشره !؟

      ولكن لي طلب واحد وزير المال <~ انا طفران
      ابي ولاعه لو تسمح تعبت اولع ب جمممره !!
      ابي ولاعه لو تسمح تعبت اولع ب جمممره !!

      اذا ب تعطيني او عادي ترى ماخذ على الحقران
      طويل الدقن والشارب ابي من : حضرتك شفره

      اطيح .. واقوم .. واتعثر .... ولامره لقيت انسان
      يواسيني على همومي .. وياخذ قلبي مع شكره

      مشيت وحظي قدامي وطحت ب شا‘رع الهجرا‘ن
      اناديني واقول للطين : حظي من مسح اثره !؟

      فقير وعيني شبعانه : و دمعي للعرب <~ ما بان
      مدام انه قبل لايطيح .../ تضمه <--- ب الوفا غتره

      جنوني فكر وانصحكم خذوا الحكمه من السكران
      قبل لاتروح للساقي .. عليك ان تفحص : الجره !؟

      كتمت الحكي من مبدا احترامي ل مصطلح انسان
      ولكن فاضت همومي ب صدري <-- وطارت السكره

      برافوا ياوطن .../ لاني اخذت : شهادة الادمان
      وهذا ب فضل نكباتك .. وصدري : نعنبوا صبره

      ابي تكتب على قبري <~ عباره ماعليها الوأن
      ( هنا يوجد شخص ميت حذاري تنبشوا قبره )

      وتكفى ..!
      ياوطن لامممت ... ابي من : حضرتك اكفان !؟
      براس امك الا من مت ابي لي <~ ياوطن حفره [/b]

      رسالة لكل شخص حظه ماوقف بصفه
    2. أوراق الخريف
      17-02-2012, 05:15 PM

      رد: رساله (( ياوطن ))

      رساله (( ياوطن ))


      يعطيك الف عافية على النقل الذوووق

      تحياتي
    3. آحمد الصالح
      17-02-2012, 10:51 PM

      رد: رساله (( ياوطن ))

      رساله (( ياوطن ))


      اوراق الخريف الله يعافي قلبك الذوق انتي منبعه
    4. السحاااااااااااب
      18-02-2012, 08:16 PM

      رد: رساله (( ياوطن ))

      رساله (( ياوطن ))


      نقل رائع يعطيك الف عافيه تقبل مروري مع تحياتي
    5. نور العيونن
      19-02-2012, 12:53 AM

      رد: رساله (( ياوطن ))

      رساله (( ياوطن ))


      اعجبتني واعدت قراتها كثيرا " رسالة لكل شخص حظه ماوقف بصفه " جمييييييييل هذا الحظ الذي يننثر لنا كل هذا التميييييز !!!!!
    6. آحمد الصالح
      11-03-2012, 02:55 PM

      رد: رساله (( ياوطن ))

      رساله (( ياوطن ))


      السحاب
      اشكرك على مرورك العطر

      نور العيون : اشكر ذوقك الراقي اسعدني تواجدك ومرورك