ام الوصايا

الشعر, قصيدة , شعراء, القصايد ارسال إلى Twitter ارسال إلى facebook
  1. بركان المشاعر
    08-02-2012, 09:29 PM

    ام الوصايا

    ام الوصايا


    يا خوي لك عندي وصاة مصيبه

    ،،،،،،،،،،،،،،،،،،،،،،،،،،خذلك وصاة تلمس العقل وتصيب

    ترى وصاة أخوك مابه معيبه

    ،،،،،،،،،،،،،،،،،،،،،،،،،،لا صار أخوك مكمل العقل ومنيب

    أخاف اموت ولا ضلال تجيبه

    ،،،،،،،،،،،،،،،،،،،،،،،،،،توزي لضيقات الدروب الضنابيب

    حيث الليالي ما تعلم بغيبه

    ،،،،،،،،،،،،،،،،،،،،،،،،،،ولا يعلم الا صاحب العلم والغيب

    ودي تحرص عن بلاد كل ويبه

    ،،،،،،،،،،،،،،،،،،،،،،،،،،ويصي ر بك عرف وكمال وتأديب

    والا المقدر صار ما ينحكيبه

    ،،،،،،،،،،،،،،،،،،،،،،،،،،ولا ينمحي هذا من الله مكاتيب

    افهم وصاتي كان قلبك يصيبه

    ،،،،،،،،،،،،،،،،،،،،،،،،،،تطلع ك من كل الامور الحراديب

    أول وصاتي بالفروض الاديبه

    ،،،،،،،،،،،،،،،،،،،،،،،،،،صوم وصلاة وعدهم بالمواجيب

    وثاني وصاتي للامور الصعيبه

    ،،،،،،،،،،،،،،،،،،،،،،،،،،أحرص عليها قبل هون وتصعيب

    جر عبيله ما يكلف طبيبه

    ،،،،،،،،،،،،،،،،،،،،،،،،،،ولا شي الا ماضيا له تجاريب

    وثالث وصاتي تلعة ينعدى به

    ،،،،،،،،،،،،،،،،،،،،،،،،،،تلقى عليها بينات المساريب

    واللي عداية ذيب من بطن ذيبه

    ،،،،،،،،،،،،،،،،،،،،،،،،،،ولا واحد عدى بها غبر هو ذيب

    ترى هذاك العرف من غير ريبه

    ،،،،،،،،،،،،،،،،،،،،،،،،،،راعي ه لايطلب ولا له مطاليب

    ورابع وصاتي كثرة الهرج خيبه

    ،،،،،،،،،،،،،،،،،،،،،،،،،،هرج بلا معناه مسموج ويخيب

    لاصار ما عندك علوم غريبه

    ،،،،،،،،،،،،،،،،،،،،،،،،،،بين الرجال ترتب الهرج ترتيب

    وخامس وصاتي خفة الرجل عيبه

    ،،،،،،،،،،،،،،،،،،،،،،،،،،من راكض الفرقان يركض له العيب

    لا صار ما تنحر لزوم تجيبه

    ،،،،،،،،،،،،،،،،،،،،،،،،،،تنحر غرضك ان كان ماجاك وتجيب

    وساسد وصاتي لك معزة وهيبه

    ،،،،،،،،،،،،،،،،،،،،،،،،،،عليك بسفن البر حرش العراقيب

    ولا يعجبك الزبد هو والرويبه

    ،،،،،،،،،،،،،،،،،،،،،،،،،،ترغب لحوش الضان وتخلي النيب

    راعي الغنم يشيب من قبل شيبه

    ،،،،،،،،،،،،،،،،،،،،،،،،،،والب ل معزه تجلي الهم والشيب

    الى أشهلب الوقت لو هو حليبه

    ،،،،،،،،،،،،،،،،،،،،،،،،،،يوصل ك لديار الهناء والتعاجيب

    وسابع وصاتي كان صابتك سيبه

    ،،،،،،،،،،،،،،،،،،،،،،،،،،تقدر على كثر الثمن والمطاليب

    بنت الحمولة والاصيل العريبه

    ،،،،،،،،،،،،،،،،،،،،،،،،،،اللي قناهن ذاق لذة وترغيب

    واللي قنا بنت الردى والهليبه

    ،،،،،،،،،،،،،،،،،،،،،،،،،،أصبح بهم وجنب الربح تجنيب

    والعجز يرث لك مذله وخيبه

    ،،،،،،،،،،،،،،،،،،،،،،،،،،اردى الرجال اللي يذمونه السيب

    عليك بالسقمة ولو هي تعيبه

    ،،،،،،،،،،،،،،،،،،،،،،،،،،ما دام بك حيل تنط المراقيب

    ترى كثير المال كلن حبيبه

    ،،،،،،،،،،،،،،،،،،،،،،،،،،ويقا ل له فت جاي لو مافعل طيب

    والا قليل المال شنا أرويبه

    ،،،،،،،،،،،،،،،،،،،،،،،،،،لو كان طيب يكثرن به عذاريب

    وثامن وصاتي شرها ينحري به

    ،،،،،،،،،،،،،،،،،،،،،،،،،،ترى الدروب الفاسدة ما بها طيب

    درب الزنا والعايزة والقريبه

    ،،،،،،،،،،،،،،،،،،،،،،،،،،أحذر هذيلن من كبار العذاريب

    ثنتين من داخى عليهم احكي به

    ،،،،،،،،،،،،،،،،،،،،،،،،،،مداخ ي على وجهه تعيبه معاييب

    مداخي على عرضه مثل شق جيبه

    ،،،،،،،،،،،،،،،،،،،،،،،،،،علم يبين من أذان الاعاريب

    وتاسع وصاتي عن مناقر شريبه

    ،،،،،،،،،،،،،،،،،،،،،،،،،،الى صار ماهو من وساع المشاريب
    خله ويلقى بالموارد لعيبه

    ،،،،،،،،،،،،،،،،،،،،،،،،،،عند الظوامي يكثرون الواعيب

    ومن دور العيلات غربل نصيبه

    ،،،،،،،،،،،،،،،،،،،،،،،،،،أحسب حسابه من حساب المذاهيب

    ومن جنب الشيطان حقه غديبه

    ،،،،،،،،،،،،،،،،،،،،،،،،،،ومن هاب طبات الملاعب ما هيب

    عن واحد يبلاك أو تبتلي به

    ،،،،،،،،،،،،،،،،،،،،،،،،،،ينهج حديكم يم دار الاجانيب

    وعاشر وصاتي الى صارت مصيبه

    ،،،،،،،،،،،،،،،،،،،،،،،،،،وبلا ك ربك وابتلوك المغاضيب

    أحذر تمضي ما تسمى غليبه

    ،،،،،،،،،،،،،،،،،،،،،،،،،،امض وتبين عن الحاق المشاعيب

    وازبن على حصن الرجال الصليبه

    ،،،،،،،،،،،،،،،،،،،،،،،،،،عدك بعيطا عن سموم اللواهيب

    ومن غيرها عندي وصايا عجيبه

    ،،،،،،،،،،،،،،،،،،،،،،،،،،لافك ر الفاهم يصيب المتاريب

    والكل منهن يوم تفطن صعيبه

    ،،،،،،،،،،،،،،،،،،،،،،،،،،والك ل منهن يلحقنك مشاعيب

    الضيف ضيف الله وصابه حبيبه

    ،،،،،،،،،،،،،،،،،،،،،،،،،،استق بل ضيفك في تهل وترحيب

    قلط له الميسور وماهان جيبه

    ،،،،،،،،،،،،،،،،،،،،،،،،،،واحل ف على الماجود دين المعازيب

    وخويك اللي بالخلا تبتلي به

    ،،،،،،،،،،،،،،،،،،،،،،،،،،خيال والا فوق عوج المصاليب

    أو راجلا حفيان ماله نجيبه

    ،،،،،،،،،،،،،،،،،،،،،،،،،،أو عورة يبلي بها عالم الغيب

    اصبر وراعي الصبر محمود طيبه

    ،،،،،،،،،،،،،،،،،،،،،،،،،،عند الذي يبي الفخر والمراتيب

    وقصيرك اللي مايصيبك يصيبه

    ،،،،،،،،،،،،،،،،،،،،،،،،،،وصاب ه الله لا تحسف به الطيب

    حقه عليك تزود القدر هيبه

    ،،،،،،،،،،،،،،،،،،،،،،،،،،الى مايروح بزود حشمة وتوجيب

    وراعي الجدى حق الردى مايصيبه

    ،،،،،،،،،،،،،،،،،،،،،،،،،،ومن لاعرض جنبه على الطعن ما صيب

    الشيوخ والحكام زمل منيبه

    ،،،،،،،،،،،،،،،،،،،،،،،،،،فيهم عمار وقضي لازم وتخريب

    ما ينومن من شأن منهم حليبه


    ،،،،،،،،،،،،،،،،،،،،،،،،،،عقب الصداقة ينقلب كنه الذيب

    أهل خفايا وغيبهم ما دري به

    ،،،،،،،،،،،،،،،،،،،،،،،،،،يتحد رجون بدون عذر وتذنيب

    عشرانهم هل العلوم العجيبه

    ،،،،،،،،،،،،،،،،،،،،،،،،،،وصدق انهم مروين حد المغاليب

    الى صار ما حدا الثلاثة تجيبه

    ،،،،،،،،،،،،،،،،،،،،،،،،،،مالك بهم والدرب شرق وتغريب

    خوريهم ما يشتهي نفض جيبه

    ،،،،،،،،،،،،،،،،،،،،،،،،،،حكاي وجهين يقص العراقيب

    هذي يودها وهاذي يجيبه

    ،،،،،،،،،،،،،،،،،،،،،،،،،،وهاذ ي يسويها بصدق وتكذيب

    واللي حكي بين الصحيب وصحيبه

    ،،،،،،،،،،،،،،،،،،،،،،،،،،مخرب ويخرب بين ناس اصاحيب

    وسوالفه دايم نميمة وغيبه

    ،،،،،،،،،،،،،،،،،،،،،،،،،،ولا يستحي من كلمة الكذب والعيب

    راعي النقيلي لا توارد قليبه

    ،،،،،،،،،،،،،،،،،،،،،،،،،،اموا رده ما يبهج القلب ويثيب

    هذاك لاتنزل جوانب شعيبه

    ،،،،،،،،،،،،،،،،،،،،،،،،،،بالك تحطه يابو زعزوع بالجيب





    للشاعر محمد الدسم السبيعي ينصح فيها اخوه
  2. دلعي معذبهم ♡
    08-02-2012, 09:55 PM

    رد: ام الوصايا

    ام الوصايا


    يعطيك العافيةة ,
    تسلم يدينك ..
  3. *مزون شمر*
    09-02-2012, 06:09 AM

    رد: ام الوصايا

    ام الوصايا


    انتقاء جميل
    طبت و طاب منقولك
    تحيتي ..
  4. الوجه الاخر
    09-02-2012, 08:53 AM

    رد: ام الوصايا

    ام الوصايا


    وصايا من ذهب

    بارك الله بك

    وجزاك الله خير
  5. أوراق الخريف
    09-02-2012, 10:36 AM

    رد: ام الوصايا

    ام الوصايا


    يعطيك الف عافية على الوصايا الرائعة

    صح لسان الشاعر ويمينك على النقل

    تحياتي
  6. مغرورة بس معذورة
    09-02-2012, 11:50 AM

    رد: ام الوصايا

    ام الوصايا


    يسلموووو ابيات روووعه
  7. السحاااااااااااب
    20-02-2012, 09:06 PM

    رد: ام الوصايا

    ام الوصايا


    نقل رائع يعطيك العافيه تقبلي تحياتي
  8. نبرة حزن
    27-02-2012, 02:50 PM

    رد: ام الوصايا

    ام الوصايا


    نقل جميل وكلمات قمه الروعه
    تحمل بين طياتها وصابا جميله
    تحياتي وتقديري

    بنت وائل
  9. اسير الظلام
    27-02-2012, 03:09 PM

    رد: ام الوصايا

    ام الوصايا


    سلمت ياخوي علي النقل الرائع

    تحياتب لك
    اسير الظلام
  10. almas
    25-06-2012, 01:00 AM

    رد: ام الوصايا

    ام الوصايا


    يعطيك العافيةة , تسلم يدينك ..