رواية إلى روح انتمي في .. في وخالد

رد: رواية إلى روح انتمي فـــــــي " في وخالد "

أنصدم ياسر من حركه خلود

( ... ليه كذا ... يعني تحبني ..طيب ليه رفضتيني من الأول .... معقوله فيصل ... مستحيل ... أكيد أبوها أو يمكن أهي مو متحملة خواتي وتبي واحد على كيفها ..)
خلود ولي تسكر تلفونها وتغلقه لما قربت شوق وأمها


أم فيصل تقول للشوق وهي تقرب من السياره :
فشله كأنها مو لازم تقعد خلود مع ياسر ؟؟
شوق وهي تعدل لفتها :
لا عادي يمه ... ما هو أول واحد وأخر واحد يرفضه أبوي ... الله يعينها أبوي شكله بيزوجها واحد كبير بالسن !!
ام فيصل وهي تنهد :
الله يسامحك يا أبو فيصل أنت ظالمنا ... وين ما تروح ؟؟
الله يسامحك ...


بعد ها الموقف خلود كانت كله مع أمها وما كانت تطالع ياسر إلي من كل فتره والثانية وهو يطالعها بطرف عينه وده يملي خاطره بشوفتها وبسماع صوتها إلي مثل اللحن في إذنه ومشيتها وضحكتها إلي كلها انوثه ودلع ورقه ....
أما بالنسبة لشوق فكانت تبي تبدأ صفحه جديدة عشان ما تخلي معاذ يهين كرامتها ، فكانت تبي تبدأ الحرب معاه ...


blueSmCLR.gif
في الكويت
blueSmCLR.gif



بعد مده... بشهر تقريبا تحسنت حاله يوسف بس فيه مشكله برجله ولازم يسويله عمليه جراحيه فرفضها يوسف وبيطلع من المستشفى
( كسر في الفخذه اليمين وحطوا له صيخ داخل العظم وربطوا هذا الصيخ بمسمار من فوق وتحت على طول الفخذ في العظم)
بس هذا الم يوسف حيل ، فقرر خاله عبدالله – ابو طلال
انه يوديه علاج للخارج عشان يسوي العملية وتقدم بأوراقه ولأنه سعودي شغل واسطته كون انه يشتغل بأمن الدوله ، ولان في بريطانيا علاج لحالته والي اهو
" خليطا معدني جديد، أسمه " بنيتينول" ، ولانه مصنوع من معدني النيكل والتيتانيوم يحافظ علىشكله ويساعد في عمليات جبر العظام لأن له قابلية الرجوع إلى شكله الأول "
عشان جذي وافق بسرعة يوسف مع إن نفسيته تعبانه حيل .. فقرروا أنهم يسافرون في اقرب فرصه لهم .....
أبو سعد قرر انه يروح مع يوسف و أم سعد وبناتها يروحون للبيت جدتهم عند خالتهم عذاري ، عشان دوام بناته وعشان يكون عندهم احد يهتم فيهم ويراعيهم ... في كانت من اشد الرافضين للروح لبيت جدتهم ، بس أبوها حلفها وهي ما تقدر ترفض لها طلب ، فكانت مالها خلق احد ...


بعد ما سلموا على يوسف وأبوهم إلي في المستشفى عشان طيارتهم بعد ساعة ، راحوا البنات للبيت ، جهزوا البنات إغراضهم وراحوا البيت جدتهم ...

blueSmCLR.gif
في بيت جدتهم
blueSmCLR.gif



الجدة : هلا وغلى بهند ؟؟ وبناتها !! وين سميتي العوبه " ريم "
أم سعد : هلا والله شلونج يما شخبارج ؟؟ ألحين يجون مع عذاري ؟؟
الجدة : الحمد الله يا بنيتي ....؟ ها إن شاء بكرا مسوي لج اخوج الله يخليه لج عشا على سلامتج وسلامه ولدج ؟؟
ام سعد : يما خلوه لما يرد يوسف حبيبي إن شاء الله على خير..
الجدة وهي تشرب الشاي : لا يا وليدي ما يمديج تردين اخوج ؟؟ وبعدين أكيد بنسوي لا رد يوسف ..
أم سعد وهي تنهد : الله يعطيه العافيه .... لا والله ما يمديني ارده
وإلا على دخلت أبو خالد وهو يسلم على أخته : هلا وغلى بوخيتي
حمدالله على سلامتج
وراه خالد وعبير وهنادي وزوجته " فاطمه " ...
وبعد ما سلموا على عمتهم ، قعدوا في الصالة وإلا على دخلت عذاري و حور وريم وفي .
سلموا على خالهم ولما جت تسلم في على خالها
أبو خالد :
هلا بالعوبه في
في وهي مكشره بوجهه :
هلا خال
أبو خالد :
بس هلا خال ؟؟ من دون نفس
في وهي تحاول تبتسم غصب :
ههههه هلا وغلى بخالي ....
بصوت خفيف :
... وع
ويقرب منها خالها أبو خالد ويمطط خدودها :
وع بعينج ... أخ عوبه من كنت صغيره ... الله يعين ؟؟
في وهي تروح عند جدتها :
ماني عوبه يا خال بس انا مجيت على مزاجك ؟؟
أبو خالد وهو يقعد عند امه وهند :
ههههه
أي والله ما جيتي على مزاجي
خخخخ
هند ما خبري عندنا احد بعوابتها من وين طلعت كل ها العوابه
في انقرت لما قال ها الكلمات لانها فاهمه قصده " على اهل ابوي "
وهي تسلم على جدتها وراحت تقعد هند حور :
لا يا خال أنا جيت على الرأس الكبيرة " جدتها "
أبو خالد مات من الضحك : ههههههه
خالد : هههههههه
ام سعد : وجع ان شاء الله
الجده :
وجع أي والله
اعوذ بالله من بنتج يا هند ، لا ان شاء الله ما جيتي علي
انا الي جت على نوف حبيبتي
في اضحكت وهي تكمل كلامها :
شفيج جده ما خبري فيج عروق اردنيه خخخخ
والا لازم تحطين نفسج
ام سعد وهي معصبه :
في وجع ان شاء الله
ابو خالد وهو ميت من الضحك :
ههههههههه
عبير الي تطالع خالد :
الا صج حور وش صار على كورس التخرج ؟؟
حور والي تدلع :
الحمدالله ان شاء الله هاذي اخر سنه الي ؟؟
خالد وهو يضحك و يكتب رساله والي انتبهت له عبير
"
ها شفيها قطوتي ...؟؟
انا خبري القطاوه تحب الحليب !!
ما تشوفين شر
شكلج يكسر الخاطر
بعدين خفي على جديده
ههههه
تراها قويه الراس الكبيره !! كح
"
 
رد: رواية إلى روح انتمي فـــــــي " في وخالد "

وفجأه لما جت بتكلم في وصلها المسج وفتحت عيونها ولفت من دون قصد لخالد ، والي انتبه لها خالد وهو يضحك لها
عبير تطالعهم وتكمل :
ريمو بكرا بتروحين الصالون ؟؟
ريم الي كانت مندمجه بتلفونها :
أي بروح مع عذاري
عذاري وهي تعدل في نقابها :
أي بتروحين معانا ... امرج ؟؟
عبير وهي تبتسم لفي الي لفت لهم :
أي يا ليت ، وانت في ؟
في الي تكتب رساله وهي تلف يم عبير:
لا انا ما احب الصالونات ...
ولا المكياج .... احط لنفسي ابرك
الجده :
عاد مو من الزين الطبيعي الي ذابحج ؟؟
في بسرعه ردت عليها :
مو مهم الزين .... يا كثر الزينات ونفوسهم شينه
الجده :
أي وأنت الصاجه ، يا كثر الزينات ونفوسهم زينه ما هو مثلج !!
في تضحك عليها :
يا حلوج يا جده ... إذا شتهيتي تسمعين عدل ؟؟
أبو خالد وهو يضحك عليهم :
أنا أقولكم احلي شيء لما تقابل أمي وفي
جنهم قطاوا يتهاوشون
وفجأه لف خالد وفي لبعض وهم يضحكون
وفجأه وصلت لخالد رساله " تلفونه صامت "
" عيب عليك كل شوي ترسل لي رساله ؟؟
وباي حق ؟؟
وبعدين عبير كل شوي تطالعنا
فكنا من المشاكل يا ولد خالي؟؟
لا تخليني أتصرف معاك تصرف ثاني "


فاطمه ( مرت سعد ) :
ههههه الله يهداك يا ابو خالد
لا تزيد النار حط
ابو خالد شاف ساعته وهو طالع :
هههه .. يلا انا عندي شغل مع السلامه
الكل مع السلامه
ولحقه خالد الي بعد ما خلص من كتابه المسج وهو يقول لهم :
مع السلامه .. خالتي إذا تبون تروحون
دقوا علي
وطلع من طلع وصلت لفي رساله
"

كل هذا وما فهمته...وما تصور لك غلاك
شوقي اللي لك رسمته ...في عيوني ما هداك ؟
وقلبي اللي لك وهبته ...لو ومرته ما عصاك
وشعري اللي لك نظمته ...ما زهاهإلا بهاك
ومهما يا خلي ظلمته ...عاشقك يطلب رضاك
في الي انصدمت من المسج
ارسلت بسرعه له
" شنو تقصد بكلامك "
قعدت تنطر بس ما رد عليها الا بعد ساعه
" س : تبغي تعرف أحد أسراري ؟
أقلب الصفحة
احبك
واستحي منك
ولادري وش اسوي بك؟؟
اخاف اصارحك .... تزعل
واخاف اسكت ....تعذبني


في انصدمت من رساله خالد ؟؟
" معقوله يحبني ؟؟ ليش !! مع كل الي سواهه فيني بس ..
ما حقدت عليه بالعكس احس بشيء في قلبي ..
يفز لسمعت صوته .. يفز لا سمعت سالفه عنه ... يفز لشفت وجهه
ولا ضحكته ...
بس اخاف ينتقم مني ؟؟ من شنو !!
اخاف اني اجرب هذا الشيء " الحب "
اخاف اروح للمعصيه بيدي ..
اخاف اعشقه وما يصير نصيب ادفن قبري بيدي !!
انا ما اجذب على نفسي باني انجذبت له ..
يمكن عشان وسامته
ضحكته
عيونه
شعره
جسمه
غمازته !!
اكيد يعرف بنات !!
ليش اتعب عمري مع واحد مثله وانا ادري ان البنات ما راح يخلون لحاله
لحظه ...
نوف !!
وربي لتذبحني الكل يعرف انها تحبه ؟؟
بس اهو اختارني ...
ما اختارها
وفجأه وصل لفي رساله قطع حبل افكارها


" أنا طماع ما أبغيمسجاتولا تلفونات .. أنا أبغيك كلك كلككلك


سأظل أحبكو إن طال إنتظاري... فإن لم تكن قدري فقد كنت إختياري


في إذا بتحاولين تعطيني فرصه بحبك ردي علي لو بمسج فاضي
وإذا أنت تحبين غيري أو ما تحبيني
ردي ب لا


ارسليلي الحين ... لا تخليني انتظر
مجرد رد ينهي حيرتي وهمي ؟؟

 
رد: رواية إلى روح انتمي فـــــــي " في وخالد "



في متردده :


" يا ربي وش اسوي
اهو يحبني ....
...
اخاف يكذب علي ...
بصراحه انا
معجبه فيه
بس الحب اخاف اجرب ها الشيء
مع أي احد وخصوصا مع شخص المته واذيته
...
عبير وهي تكلمها بصوت واطي :
في ... ممكن اتكلم معاج في موضوه خاص


في تخرعت من عبير شلون جنبها وماحست فيها


في :
هلا عبير تكلمي ؟؟
عبير وهي تقوم وتقومها :
لابعيد عند الموجودين بالصاله الداخليه
في وهي تقوم :
اوكي
عبير وهي تقرب من في :
في امانه لا تكذبين علي ..
انتي تكلمين خالد اخوي
في خافت حيل منها وبين عليها الخوف :
شها السالفه السخيفه ؟؟
اكيد لا
عبير وهي تضحك عليها :
ههههه
أي واضح
حبيبتي خلودي قالي كل شيء
وقالي بعد اني ادق عليج لمى توفى سعد الله يرحمه
ودقيت على خلود وكلمتها عشان يطمئن قلب خالد
انا حابه اقولج شيء
والله العظيم وغلات امي عندي
انه يحبج .. وكلم ابوي وابوي ما عنده ما نع انه يخطبج بس يخلص دراسته في الخارج ، يعني بعد 4 اسنين
يملك عليج وبعدها بشهر العرس
لو يعلب عليج جان اول وحده تنصج انا بس حرام عليك
لاتعذبينه
قوليلي اذا تبينه ... الله يهنيكم
واذا لا خليني ابلغه انا بردج ؟؟


في توترت وخافت
"
امبي لهدرجه يحبني ... بس اهو ما يعرفني ليش ؟؟
خالد شنو الي يدور براسك
بس وراسك لقبل عشان شيء واحد ...
اعذبك واخليك تعرف منو المتربي فينا
واخليك تعرف ان الله حق
"


خلاص عبير خليني ارسل له رأي


عبير استأنست عرفت ردها وقامت بتروح :
خلاص عسى الله يهنيكم


في وهي تكتب المسج :
لحظه وين رايحه ... أبي اسولف وياج
عبير وهي تضحك لها :
شكواي لله بمرت اخوي خخخخ
في الي استحت منها :
عبير وجع لحد يسمعك


خالد كان في ديوانيه الرياجيل وعند الرجال وفجأة وصله ألمسج وقعد يقراه
"
عبير قالتلي كل شيء


موافقه بشرط


خفف علي مسجاتك لي
والله يا خالد
اني لخليك عتويي دام أنا قطوتك
"
محمد ( رفيج خالد ) :
بسم الله يا خالد وش فيك وش ها المسج الي من وصل وانت تقراه عشر مرات .. كاك
خالد وهويحط تلفونه بمخباته وشاق في ها الضحكه :
هههه ها المسج يسواك ويسوى اهلك ... اقول خلنا نروح الجمعيه مشتهي كاكاو
محمد :
كح ...والله إن وراك سالفة لأنك إذا اشتريت كاكاوا معناته شيء واحد
انك متشقق من الوناسه

33_1185028183.gif



 
رد: رواية إلى روح انتمي فـــــــي " في وخالد "


الفصل الثامن
قررت عذاري تروح للصالون مع عبير وحور وريم يحطون مكياج خفيف وتسريحه عاديه حق العشى، لان راح يجون حريم يتحمدون على سلامه امهم..
إما خالتهم عذاري قررت تحط مكياجها مع في في البيت ..
في لما خلصت مكياج وصلها مسج وخالتها عندها
"
قطوتي
دربالج لا تكثرين من المكياج !!
يقولون في عتاويه قريبه من الفريج
يخطفون القطاوا
"
في ضحكت من ها المسج و ولاحظت خالتها الي تطالعها وحبت ترقع السالفه :
خاله !! منوا الحريم الي بيجون للعشى ؟؟
خ. عذاري :
امممم أم عبدالرزاق جارتنا وحريم عيالها وخوات مرت خالج سعد واكيد خوات اصايل ( ام طلال )
أي صح عندج ام فهد
جارتكم
في والي تحط الحمره الورديه مالت ل لوبا :
وع عاد ام فهد حق الشماته ... استغفر الله يا ربي
اهي تجي مو عشان أتحمد على السلامه ... عشان تطالع وتشمت علينا !!
خ. عذاري :
ههههه استغفر الله
شفيج في حبيبتي ... صفي النيه
في والي تروح عند استشوارها :
استغفر الله ... اصفي نيتي مع كل الناس الا اهي ..
خ.عذاري وهي تلبس دراعتها :
ههههه في
انتي ما توبين
وفجأه وصل مسج لتلفونها وخالتها انتبهت لها :
في تلفونج ؟؟
في خافت من خالتها :
أي الله يعيني عليها رفيجتي الغثيثه ...ههههه
"
فيو حبي لازم تدقين علي
صارت مواقف عظيمه \مع يسرا
"تقصد ياسر+ شفره سريع بينها وبين في "
انتظرك
هههه
في:
( صج فاضيه .... واي يا ربي نسيت لا اقولها عن خالد ... اه خالد .. الله يستر من الجاي ... ادري اني غلطانه بحركتي ...
...
ههههه بس مسجه يضحك ههه )
وقطع حبل افكارها وصول نوف
* الي كانت لابسه فستان قصير لونه احمر من نكست وكان عليه نفس الربطه لونها كحلي شوي غامج ونفس الافيونكا تحت صدرها
ولابسه شحاطه كلها كرستال طالبتها من برا الكويت
ومكياجها الناعم كان مثل المعتاد ( مكياج كيم كيردشيان البسيط والناعم )
نوف الي تسلم على خالتها وتلف بكل برود لفي :
قوه ...
خالتي .. امي تبيج ؟؟ واوJ
في الي لفت لها وتبتسم لها :
هلا !! شلونج نوف ؟
خ.عذاري :
ما شاء الله عليج نونا طالعه مثل القمر J
نوف وهي تكلم بكل دلع ورقه :
وي خالتي يا حلاتج انتي
تهبلين .. حياتي انتي
في كملت استشوارها وفهمت قصد نوف ‘ والي طلعت مع خالتها وخلوها بروحها في الغرفه الي تلبس بدلتها :
واي يا ربي استغفر الله ....
هذي وهي ما تدري اني اكلم خالد ، يمه والله لتذبحني
بس اوريج يا نوف والله لحرج واخليه مثل الخاتم في اصبعي
خذت في تلفونها قبل ما تطلع وارسلت لخالد مسج
"
لا تخاف علي عندي واحد يحميني منهم
هههه
صج انت وينك ؟؟
بعد دقيقه ارسل لها
 
رد: رواية إلى روح انتمي فـــــــي " في وخالد "

"
ماشاء الله عليج
منو هاذا الي يحميج من العتاويه !!
انا في الديوانيه الرجال
ليش ؟؟
في الي تضحك وقعدت جنب الكرسي تكتب له والي عجبها الوضع
"
ههههه
منو غيرك الي يحميني منهم
لا بس مجرد سؤال
"
وبعد دقيقه
"
غلطاناللي يرسل لك رساله
المفروضانه يجي لك عاني ويضمك حيل علي صدره
"
في الي استحت منه
"
خالد
عيب عليك
اذا ملجنا
اكتب الي تكتبه بس الحين
لا تخليني اندم اني أكلمك
صج ما تنعطي وجه
وبعد دقيقه
"
أموتحسرة وقهر
لوإنت تنساني.
.وأرضى أعيش بسجن
بس أنت سجاني
"
وارسلت له

هههههه
حلوه مش هيك
بعد دقيقه ارسلها
"
حلوه منج
بس
الثقل زين .
الواحد ما يصير مشفوح يفتح كل رسالة
تجيه على طول؟!
هههههه
هذي احلى
"
في ماتت من الضحك عليه وارسلت له
"
ناظر المرايه؟

شفت من فيها!؟


هاذا الحلو الي اموت فيه
يلا باي بروح للحريم
"
ارسل لها
"
تقدر تمنعني اجلس معاك
اشوفك ، اكلمك
لكن
ما تقدر تمنعني احبك
"
بعدها ارسل لها
"
ترى الفلك

والأرصاد الجوية

مضيعين قمر

انتبه

لا

يمسكونك
دربالج على نفسج منهم

يا قطوتي

"

 
رد: رواية إلى روح انتمي فـــــــي " في وخالد "

في الي كانت مستانسه ومحد قدها من الوناسه قدرت انها تحط قلب خالد بيدها وهي مغمضه بس للاسف ما درت انها حطت قلبها بعد بيد خالد وهي مغمضه ....
( والله يا خالد لخليك تنسى حليب امك ... هههههه بس والله وناسه معاه ما توقعته جذي ... الله يستر لا احبه )
طلعت في للحريم والي كانت لابسه نفنوف طويل وردي بدانتيل اسود وحاطه مكياج ناعم وخطت عينها مثل
( cat eye – خطت انجلينا جولي المعروفه )
وكعب اسود من ألدو – ناعم وبسيط
كل الحريم كانوا موجودين مع خواتها الي توهم جاين وعلى كشختهم
(( كان نظام بيت جدتهم الحريم الكبار في الصاله الخارجيه ....
وإما البنات في الصاله الدخليه )) ..
ولازم البنات يسلمون على الحريم الكبار بعدين يدخلون للصالة الداخلية ..
فدخلت في وكانت خالتها قدامها تسلم على الحريم ...
أم فهد الي كانت تخز خالتها عذاري :
هلا وغلا بعذاري شيخه البنات
عذاري وهي تكلم بكل ادب :
هلا فيج خالتي ... شلونج عساج بخير ؟
ام فهد وهي تبين الذهب الي بيدها غصب :
الحمدالله يا بنيتي ... الا ما قلتيلي .. انخطبتي ولا للحين ؟؟
عذاري الي انحرجت ونصدمت من السؤال والي ودها الارض تبلعها :
لا خالتي ... ليش ؟؟
ام فهد والي تلعب بمضعد الذهب الي بيدها :
لا....
بس اسئل .. سئلتني مره عنج ولدها مطلق ... قلت لها اسئل وارد لج خبر ؟
عذاري ودها تختفي ودها تطلع بس ما تدري شلون .. تبي احد يطفي نارها
في الي قربت من ام فهد تسلم عليها :
قوه خالتي ... صج خالتي شلون حصه للحين عندج ولا هون زوجها ؟؟
ام فهد الي طلعت عيونها برا :
... ها ليش تسئلين ؟
في :
لا بس رفيجتي تسئلني الظاهر بتخطبها بس تنطر عدتها متى تخلص
ام طلال وهي تكبت ضحكتها :
لا حول الله ليش اهي مطلقه؟؟
في الي ردت قبل رد ام فهد عشان تشفي غليل خالتها :
أي لا حول الله ولا قوه ... ما صار لها شهر عنده ... عسى الله يعوضها ان شاء الله الي احسن منه ..
ام فهد ودها تذبح في بس ما قدرت تكلم :
....
امين
خ.عذاري الي ماتت من الفرحه ودها تبوس راس في
وخوات اصايل الي يطالعونها وامها الي تخزها تبيها تطلع برا
قعدت شوي وطلعت بسرعه .. عشان تبلغ البنات الي صار
عبير الي حظنت في :
واي احبج والله
احسن زين الي سويتيه فيها
حور الي تعدل تنورتها القصيره :
واي ياويلج من امي
اليوم محكوم عليج بالاعدام ..
ريم الي لاهيه بتلفونها :
لا ما عليج خالتي من الدفاع وبتسكت امي ..
عذاري وهي تسولف مع نوف :
لا بصراحهبس هاذي وقاحه
نوف الي لفت لفي وكملت تطالع عذاري :
تبون الصج ... قلت ادب
وع شها الهلاقه الي انتي فيها ؟؟
في الي تبتسم لها ( وهي تذكر خالد ) :
مو احسن من التصنع ؟؟
وبعدين يبين ومعروف وين الهلاقه ؟؟
نوف الي انقهرت من في والي حستها ها المره قويه لان في كل مره تنحرج وتسكت او تطلع برا بس هذي المره غير :
شقصدك ؟؟ والا تدرين شلون مابي اعرف ؟
في وهي تاخذ تلفونها :
احسن وفرتي طاقتي لاشكال ام فهد الكثيره
وارسلت لخالد بعتقادها ان هذا بيحر نوف
"
فديت الحلو إلي يراسلني
وماينساني تفداه روحي وعيوني
ويا عساه دوم سالم
"
انهبل خالد من المسج ، وده يدق عليها بس خاف من رده فعلها
محمد الي قاعد جنبه :
والله الي يشوفك يقول لقيت لك صيده خخخ
خالد الي انتبه لمحمد :
اقول انت ما وراك احد تغثه غيري
محمد الي يضحك على شكله ( درى انه زعل ) :
شسوي يا اخي شكلك يكسر الخاطر وانت تنطر في ها التلفون
خالد الي ضحك على اسلوبه :
اقول امش خلنا ندخل للرياجيل مسكين طلال تركنا بروحه
محمد :
استغفر الله عاد طلال يكسر الخاطر ... طلال بها الهيئه يمسكك ويمسكني وثنينا على ها الطوفه معلقين ههههههه
خالد الي طلع تلفونها وكتب المسج ودخله في مخباته وراح للرياجيل
في الي مستانسه لما سمعت صوت المسج وهي تطالع نوف بتحرها
"
لا تنسين الوعد
والله يا في
لخليج تتمنين الموت
طارق
"
انصدمت في
( ... طارق ..... لا وفي بعد ... معقوله احد يدري بالي صار ؟؟
انا ما عندي حل الا خالد !! لا مهما يكون لا
بس اهو يقدر يطلع هاذا الرقم منو بسمه ... خالد الي بيريحني
بس اخاف اكلمه ...)
قطع حبل افكارها صوت المسج خالد
"
ارحمني
الله يخليك
انا قلبي وكلي
ذايب فيك
"
بعد ها المسج قررت انها تكلمه تحط حد لعذابها .. لقهرها
"
خالد ابي اكلمك في موضوع مهم
"
خالد وهوعند الرياجيل انصدم من المسج وكلم محمد قاله ان في مكالمه مهمه بيسوها ويرد له وطبعا محمد مو مصدقه بس مشيه على راحته
خالد الي ارسل لها
"
عسى ما شر يا حياتي فيج شيء ؟؟
"
في الي طلعت وراحت يم غرفه خالتها
"
لا
بس في موضوع قاهرني ومزعجني من زمان
أبي اكلمك فيه
"
خالد الي قعدت في سيارته وهو مندمج في هالرسايل
"
هلا
انا اسمعج ..
اقصد منتبه
"
 
رد: رواية إلى روح انتمي فـــــــي " في وخالد "

في الي تكتب وهي داخله الغرفه
"
لا ما ينفع مسجات الازم ادق عليك
"
خالد الي عاجبه الوضع ومتحطم
"
لا انا بدق
"
دق خالد وارتبكت في حيل
في :
الو
خالد الي متحطم :
يا فديت الو مالتج
وفجأه طووووووووط
سكرت التلفون بوجهه
خالد الي تم مبحلق بالتلفون مو فاهم شصار وفجأه
وصله مسج
"
انا وافقت بس قلت ادب لا
غزل ما فيه
لو سمحت يا خالد
لا تخليني اندم اني قررت اكلمك بالموضوع
"
خالد انصدم بس عجبه ها الشيء
"
والله ما ادري شقول في كل مره تثبتيلي
انج كفوا وبنت حمد صح
ومع هذا احبج
اوك ما كو غزل والله بنتبه لج
"
وبعد ها المسج دق خالد عليها :
الو
خالد :
هلا فيو امريني وش الي بغيتيه
في الي تضحك عليه شلون انصاع لأوامرها
: هههه
ما يأمر عليك عدو
خالد وهو طاق الثقل :
يا فديت الضحكه ... كملي
في والي ضحكت اكثر على طريقه صوته :
ههه
خالد عاد .. ترا ما يصير جذي
نوف الي كانت بتروح للحمام القريب من غرفه خالتها الي فيها في ، انصدمت لما سمعت ضحك في وكلمه خالد
نوف (( لا مو معقوله .... لا يمكن .. خالد ما يفكر اصلا بوحد منا يفكر اكيد بنات خاله اللبنانيات
لحظه .... ))
خالد وهو يضحك :
هههههه
خلاص ...
صج شنو فيج
في والي تعدل في قعدتها :
لا بس خالد في رقم يزعجني
نوف الي انصدمت بس قررت تأكد من ها الشيء راحت لغرفه جدتها الي تكون مطله على ديوانيه الرجال وتشوف خالد الي ماسك التلفون وهوعند سيارته الجيب الاسود " الفورد " وهويضحك وفجأه عصب حيل وتغيرت ملامحه
نوف (( مستحيل ... لا .... مومعقوله منو اهي عشان تسوي جذي ... اهي شافت نفسها بالمرايه ... والله ان كان صج اني لخليج اسفل السافلين
يا في ))
في بعد ما قلته كل شيء :
هذا الي صار واخر مسج له او لها اليوم ..؟
خالد الي عصب :
وليش كنتي ساكته ؟؟
في الي انحرجت من سؤاله :
... شسوي لما كنت بسعوديه كنت ابي ارسلك الرقم واقولك الي صار بس خفت من اخر لقاء معانا
وبعدين يوسف يهد الدنيا ما يقومها واما سعد كان املي الاخير بس سبحان الله .... ما الله كتب له ... الله يرحمه
خالد الي انزعج :
خلاص ... لا تطرين ها اللقاء ..
الله يرحمه
في الي حست بخوف (( والله حايفه يكون هذا مو حب انتقام ...بس انا راح اوريك يا خالد قبل لا تتعشى فيني والله لتغدا فيك ))
وفجأه طلعت صوت من بطن في :
أخ بطني
خالد :
شفيج في فيج شيء؟
في والي تعدل شكلها بالمرايه :
لا بس جوعانه مره
خالد الي بطها ضحكه والي تطالعه نوف من بعيد وهي ميته قهر : هههههه
يا حياتي جوعانه .. الظاهر لا خفتي تجوعين ...الله يعيني
يا حبي روحي تغدي بالعافيه .. وبعدين مثل ما قلت لج بلغي عبير بالسالفه عشان تكون بالصوره اذا احد سألها
اوك
في الي انحرجت وتمت ساكته فتره :
... الله يعافيك .. ان شاء الله
خالد الي بطها ضحك :
فديت الي يستحون بس..
اقول قطيوه ارسليلي الرقم وانا اتفاهم معه ..
في الي استحت اكثر :
ان شاء الله وعساك على القوه
مع سلامه
خالد الي مستمتع بالحيا :
مع السلامه
سكر خالد التلفون وركضت نوف للغرفه الي فيها في وفتحت الباب والا لقت في تشتغل بتلفونها :
في ممكن تلفونك ... انا مضيعه نقالي
في خافت شلون فتحت الباب بهدوء محد حس فيها :
اسفه نوف ... ما عندي رصيد هذا كان اخر 30 فلس
نوف انقهرت شلون تردها بطريقه وقحه مع ان عمرها ما طلبتها :
صج ليش عاد وين راح الرصيد .... لاهيه مع الحبيب
في حست بشيء غريب اتجاه نوف :
(( امبي شكلها عرفت ...بس شلون ؟ ... ))
والله عاد مو شغلج على حبيب على حبيبه ...
مو شغلج
نوف انقهرت وقبل لا تطلع :
والله يا في لخليج تندمين على حركتج هاذي
في وهي تعلي صوتها :
يلا

 
رد: رواية إلى روح انتمي فـــــــي " في وخالد "

في حاطه ايدها في قلبها وهو يرقع
(( يمه صج سعره ... تخرع روعتني حيل ))
اما خالد فكان في وادي ثاني بعد ما دق على رفيجه يطلع الرقم منو بسمه رد قعد عند الرجال ..
وفجأه عند الديوانيه ع الساعه 8 ونص قبل لا يحطون العشى
خالد وهو يشيل تلفونه :
هلا بدر ...ها بشر عرفت منو ؟؟
خالد الي فتح عينه على الاخر :
......
انت متأكد من ها الكلام ... اخاف غلطان
خالد الي كان وده تنشق الارض و تبلعه ولا يسمح اسم الشخص :
يعطيك العافيه وما قصرت
بعدين اقولك الموضوع انا في الديوانيه الحين
خالد الي تم بحلق بطلال :
خلاص اوك
مع السلامه
طلال الي ما عطاه أي اهتمام ، بعد العشى قرر خالد يكلم طلال برا بعيد عن الرجال
خالد وهو معصب :
طلال انت حاقد على احد ؟؟
طلال بكل برود :
انت ساحبني من الرجال وتقولي ها الكلام ؟؟
خالد وهو يضغط على ايده :
والله شسوي
ما توقعت سواتك الشينه
طلال الي بدا يعصب :
انت شتقصد ؟؟
خالد الي بدا يرتاح لما شاف طلال يعصب ويحاول يرد لطبيعته :
الظاهر ما نسيت سالفه طارق ؟؟ الله يرحمه
طلال الي انصدم :
اقول لا تذكر اسمه بلسانك وبعدين شدخل اخوي
خالد وهو يضغط مره ثانيه على ايده :
لانك ما نسيت في ؟؟
طلال انصدم وفتح عينه على الاخر :
...
خالد :
أي ليش عصبت وحمقت ...
شنو ذنب ها المسكينه
طلال وهو يعصب :
لا تذكر اسمها الحقير قدامي وبعدين اخلص علي وش تبي ؟؟
خالد وهو يبتسم :
طلال تراها بنت عمك ؟ عيب عليك
كل شوي ترسل لها رسايل تهديد ..
انت شنو ما عندك غاريه
طلال الي ابتسم :
ليش اذيت رفيجتك بالمسجات
اذا اهي ما خافت على عرضها
ليش انا
وفجأه جته ضربه بوجهه ، والي صدم طلال منها و طيحته على الارض
وخالد الي يمسك ايده الي مدها :
استغفر الله
يا اخي انت شنو ؟
عيب عليك
شنو رفيجتي
انت ما تستحي
اختي الي مبلغتني
واهي خافت تقول ليوسف
وانت تعرف منو يوسف
وربي ما يهدك الا انت ميت
وسعد الله يرحمه
حرام عليك
حتى طارق
لو كان حي
ما راح يسامحك طول منت حي
هاذا وهو مأمنك فيها قبل لا يموت
اقول
البنت لا تعرضها مره ثانيه
لا قسمن بالله لتوصل لذبحه يا حقير
راح خالد وخلى طلال الي انصدم من الي صار وراح للحمام يمسح الدم الي طلع من فمه وفجأه رن التلفون ..
طلال :
هلا يما ها خلصتوا ؟
خلاص بجيب السياره برا
وفي السياره
( ام طلال وخواتها )
ام حمد ( عفاف ) :
والله عجبتني هاذي في
طلال :
......
هنادي :
لا بالعكس عوبه يمه منها
ام حمد :
لا والله اهي الي سكتت ام فهد
ام طلال :
ههههه يا حلوها بس تخافين منها
صج خذت حق خلتها بس عيب والله مراددها للمره
ام حمد :
أي انتم تبون وحده الناس تكسف فيها وهي ساكته
وما تحبون الحق
ولا شحلاتها جمال واخلاق
هنادي :
اقول طلال وانا خالتك خلني ازوجك اياها والله
لتخليك انت وامك تمشون بصراط المستقيم
طلال الي عصب :
تخسي الا هي
ام طلال :
ما عليك منها ، خالتك هبله
ام حمد :
لا انا عرف اختي وادري منو الي بالج
ام طلال :
اخ بس لو يقول تم
طلال :
.....
تم يمه
الكل : ؟؟؟؟؟؟؟؟
 
رد: رواية إلى روح انتمي فـــــــي " في وخالد "

مشوقه وممتعه
وحبيت شخصية خالد مره حلوه
يسلموووووووووو ولا تنسى ابي ريك في رويتي علمتني حبك وجرحتني بسكين غدراك لنها من تليفي واول رويه لي
ههههههههههههه ايش ريك فيها
 
رد: رواية إلى روح انتمي فـــــــي " في وخالد "

ماشاء الله عليك مزون .. قرأت مقتطفات منها .. وشدتني للعوده في متسع من الوقت ان شاء الله ..
 
رد: رواية إلى روح انتمي فـــــــي " في وخالد "

مشوقه وممتعه
وحبيت شخصية خالد مره حلوه
يسلموووووووووو ولا تنسى ابي ريك في رويتي علمتني حبك وجرحتني بسكين غدراك لنها من تليفي واول رويه لي
ههههههههههههه ايش ريك فيها




هلا بك
منورتني بطلتك
الله يسلمك

ان شاءالله لي باك عليه ولا يهمك :c:



ماشاء الله عليك مزون .. قرأت مقتطفات منها .. وشدتني للعوده في متسع من الوقت ان شاء الله ..




هلا بك اخوي
اشكرك على مرورك



بس ترى الروايه ليست لي منقوله :k:
 
رد: رواية إلى روح انتمي فـــــــي " في وخالد "


الفصل التاسع
ام طلال :
اخ بس لو يقول تم
طلال :
.....
تم يمه
الكل :
؟؟؟؟؟؟؟؟؟؟؟؟؟؟؟؟
ام طلال الي تمت تبحلق بعيونها :
انت من صجك ؟
طلال :
أي
ام طلال :
عاد أي وحده
ام حمد :
انتي ما سمعتي والا تبينه يهون ؟؟
هنادي :
هههههه
اي قالج الولد تم يمه شتبين بعد
واي فديتك يا طلولي واخيرا بنشوفك معرس
طلال :
.....
في بيت الجده
في تنطر مسج او تلفون من خالد ... ونوف الي محترجه ومنقهره من الداخل قاعده عند عذاري .... ريم الي انزعجت من اخر رساله جتها ...
حور تهدي اعصاب خالتها من كلام ام فهد لها ...ام سعد تطالع عذاري من بعيد لان في خبر حلو جايها ....مرت سعد تنطر سعد يجي ياخذها هي وعيالها !!
الجده الي ماكان لها حس دور النوم دواره ....
وفجأه بعد ساعه تغير كل شيء عن هذيله ....
........
في الي وصلها المسج
"
خلاص تفاهمت معاه وارجوج لا تسئليني منو ؟؟ اذا تغليني
ما عاد يزعجج في مسجاته واذا صار أي شيء بلغيني بسرعه
"
في محتره.. كان ودها تقهر نوف بس انقهرت اهي (( من دون مقدمات ومن دون حبيبتي ..... لا ومنوا هاذا ... اخاف اسئله ينزعج وانا ما صدقت ان خالد ينصاع لي ....))
ارسلة له
"
شكرا يا حياتي
يعلني ما انحرم منك
"
ولا رد عليها
نوف الي كانت قاعده عند عذاري وعذاري الي لاهيه تسولف معاها
وعبير الي تلعب بتلفون عذاري وتسمعهم من بعيد
نوف :
عذاري ابي اقولج شيء ولا تزعلين مني ...
عذاري انصدمت شلون اقطعت كلامها :
هلا ؟؟
نوف :
انتبهي لمكالمات في !!
عذاري الي منصدمه من السالفه :
ليش !!
نوف :
احسها متغيره وكله مع تلفونها
وتضحك ولمى انتبه لها تسكت
عذاري ما عجبها كلام نوف والي كان واضح :
أي عادي
وشفيها
نوف الي بدت تنزعج من عذاري :
لا بس اقول انتبهي لختج
وقامت نوف وخلت عذاري تفكر في في
واما ريم الي كانت منزعجه حيل من رسالتها وبعد دقيقه
وصلتها رساله
"
اسفه حبيبتي لهيت والله
"
استانست ومن وناسه بدأت تغني وترسل رسالتها
"
ليت الدنيا ساعه
وحنا فيها عقربين
كل ما مرت ساعه
نتلاقى حنا الأثنين
l
لا
انا زعلانه منك
"
ولهت ريم بعالمها ومسجاتها
واما حور وخالتها
خ.عذاري :
أي بس قهرتني حيل ليش جذي لولا حبيبتي فيو جان كملت علي
حور وهي تضحك على سالفه في :
ههههه
عاد تدرين خاله في اكثر وحده حساسه فينا بس لا جت السالفه عند الحق تجيها قوه محد يعلم فيها الا رب العالمين
خ.عذاري وهي تمسح دموعها :
عاد تدرين .. والله اول مره احس في احد يهتم فيني .... الحمدالله على كل حال
ادري اني للحين ما تزوجت بس والله مرتاحه بلا هم زواج ولا هم جهال
حوروهي تهديها :
خالتي حبيبتي تعالي فوق لغرفتج لا تخلين ابد احد يشوفج بها المنظر
راحت حور وخالتها لغرفتها
أما ام سعد قاعده عند مرت سعد الي كل شوي تشوف تلفونها
ام سعد :
في تعالي
في الي جت عند امها :
هلا يما
ام سعد:
يا في يا حبيبتي ابيج تروحين مع السايق تجيبيلي حبوب
" اسبرين " مالت السيوله
في الي ضاق خلقها :
أي بس يما الحين الوقت متاخر وما احب اروح مع السايق
وفجاه يدق تلفون مرت سعد :
الو هلا خلودي
صج ... لا
أي احنا جاهزين
بس خلودي لو ما عليك امر بنت حمد تبي شيء من الصيديله وما ودها تروح مع السايق
شرايك نوديها وبعدين نروح
.......
يمال العافيه يلا خلاص
مع السلامه
فيو كلمت خالد
يلا البسي وبسرعه تعالي احنا برا
في بصوت واطي (( يما اللقافه ... احرجتيني عند خالد الحين ))
لا عادي خاله
اروح مع السايق
وام سعد الي تقرص بعينها :
في لا تعطلين خالتج روحي لبسي وتعالي
في وهي منغثه :
ان شاء الله
(( يله اقهر نوف شوي ))
راحت تلبس ولما جت تطلع لقت نوف لابسه بتروح مع امها وانقهرت لما شافت في
نوف وهي تعدل لفتها ( طبعا من دون نقاب ) :
خالتي بتورحون الحين ؟؟
مرت سعد :
أي والله بس بنمرر فيو للصيديليه اول..
نوف والي ما هتمت لها :
فديتج خالتي سلميلي على خالي
مرت سعد وهي بتطلع :
الله يسلمج ...
يلا في خالد ينطرنا برا
نوف الي فتحت عيونها وتبحلق في في بقهر وحره :
....
 
رد: رواية إلى روح انتمي فـــــــي " في وخالد "

ولما طلعت في مع خالتها لحقتها نوف عشان تحرها بتسلم على خالد وهي عليها مكياجها ، خالد الي ما كان متوقع ان في اهي بتجي
لما شافها استانس وابتسم ما وعى الا بنوف وراها وكانت بمنتهى الجمال
نوف بدلع ورقه :
قوه .. خالد ...شلونك؟
خالد الي يطالعها :
هلا والله ... الحمدالله ... انت شلونج
انقهرت في من حركته وتمت ساكته وركبت يم عبير
في :
سلام عليكم
خالد وهو يكتم ضحكته ( يدري ان في محترقه )
:
وعليكم السلام
نوف :
الحمدالله ... شلون الشغل معاك
خالد وهو يبتسم لها :
الحمدالله تمام
الا تدخل مرت سعد السياره
خالد الي يبتسم لها :
تامرين على شيء
نوف عشان تقهر في :
سلامت قلبك
خالد :
الله يسلمج
وحركت السياره ونوف راحت لسياره امها وهي واثقه ان مستحيل ان خالد كان يكلم في ...
في منقهر تبي تبجي
((شنو قصده .... يعني يلعب بأعراض الناس
انا الغلطانه ..... بس ليش مقهوره حيل ومو انت بتقهرينه ... من حفر حفره لاخيه وقع فيه ))
خالد وهو ينزل للصيدليه وقعد خمس دقايق ورد
مرت سعد :
ها بشر عساك لقيته ...
خالد :
لا والله يا يمه ما لقيته ؟؟
تدرين شلون ... خليني أوصلج للبيت واخلي عبوره معاي
مرت سعد :
أي والله جان زين لان اكيد هنادي راحت رفيجتها وهي بروحها
خالد :
خلاص اوكي
بعد ما نزل مرت ابوه وهو في السياره
في ساكته ومنقهره ...
وخالد كان يدري ان في زعلانه فشغل لها
سي دي لمحمد عبده
أغنيه " البراقع "
ما هقيت ان البراقع يفتنني
لين شفت ظبى النفود مبرقعاتي

الله أكبريا عيون ناظرني

فاتنات ناعسات ساحراتي

في هواهن يا سعد كيفطرحني

راح عمري من مودتهن فواتي

كان مما صابني ماعالجني

الوكاد اني خطير بالمماتي

يا سعد خبر ظريف الطولعني

كان وده لي بعمر في الحياتي

من لحظني بس أهوجس به واوني

ما تركني هاجسي لو بالصلاة
وكانت اغنيه واضحه انها موجه لمنو.. لان عبير ما تلبس نقاب ..
عبير بطتها ضحك :
لا امبي خالد ادري انك تموت على محمد عبده .... بس البراقع
وين رايحين
هههههههههه
في :
......
أول ما وصل لصيدليه ولما بينزل خالد ، إلا نزلت في
خالد وهو مستغرب :
على وين ؟؟
في تكلمه بكل برود :
خير ان شاء الله
رايحه اجيب علاج امي
خالد الي عصب :
وليش .. تشوفيني صبي عندج
اقول اصعدي السياره
في الي ما هتمت في كلامه :
لو سمحت ... لا عاد تقولي " اقول " منت ولي امري
وراحت وخلته وهو منصدم شنو الي قلب حالها ...
دخل خالد الصيدليه وشاف دكتور الصيدليه وهو يطالع في من دون لا تحس ..
في وهي تسأله :
هاذا بكم ؟؟
الدكتور :
قربي خليني أشوف العلبة
خالد وهو يتكلم بصوت عالي :
صج والله شرايك اقرب أنا معها ؟؟
في :
؟؟ !!
الدكتور والي توتر :
شفيك اخوي ... انا بغيت اشوف السعر .. وبعدين مالك شغل فيها
خالد وهو يقرب من في ومسكها من ايدها :
تشوف السعر ها ؟؟
وبعدين ليش مالي شغل ... انت تشوف زوجها قدامها وتقولي مالك شغل
الدكتور الي توتر حيل :
لا ما اقصد ... اخوي ...ترا هذا ..... دينار
خالد حذف الفلوس وهو يجر في الي في حاله الذهول والصدمه
في وهو تستوعب الموقف :
اقولك وخر ايدك عني ..... وخر عورتني خالد
خالد وهو يوخر ايده ويقرب منها حيل :
كل هذا لاني عطيت نوف وجهه ؟؟
في الي فتحت عيونها على الاخر :
......


 
رد: رواية إلى روح انتمي فـــــــي " في وخالد "

......
لا
امبي ما خذ موقف بنفسك ... انت منو الي قاص عليك وقايلك انك جميل لهد الدرجه
خالد ما قدر يتحمل بطها ضحكه حتى الدكتور انتبه له :
هههههههههههههههه
لا امبي انتي عجيبه ... لو الف الدنيا بكبرها ما القى مثلج
في انحرجت وانصدمت من تصرف خالد :
خالد شفيك مو صاحي .....
الحمدالله والشكر
خالد وهو يبتسم لها :
ههههه
يا حبيبتي ويا حياتي
انا ما قلت جذي الا
قاطعته في وهي معصبه حيل :
....
انت واحد صج ما تستحي على وجهك ..
وراحت للسياره وهي معصبه حيل وهو يضحك عليها وبعدها لحقها
ودخل خالد السياره
خالد وهو يشغل الس دي على :
مذهله


مذهلة ماهي بس قصة حسن رغم إن الحسن فيها بحد ذاته مشكلة

مذهلة ماهي بس قصة حسن رغم إن الحسن فيها بحد ذاته مشكلة

مذهلة كل شيء فيها طبيعي ومو طبيعي أجمل من الأخيلة

طيبها قسوة جفاها ضحكها هيبة بكاها روحها حدة ذكائها تملائك بالأسئلة

طيبها قسوة جفاها ضحكها هيبة بكاها روحها حدة ذكاها تملائك بالأسئلة

طيبها قسوة جفاها ضحكها هيبة بكاها روحها حدة ذكاها تملائك بالأسئلة

مذهلة مذهلة مذهلة مذهلة مذهلة

مذهلة تملائك بالأسئلة مذهلة تملائك بالأسئلة هي حقيقة أوخيال هي ممكنة ولا محال هو سهل لها صعب المنال أو صعبها تستسهله

اه مذهلة تملائك بالأسئلة مذهلة تملائك بالأسئلة هي حقيقة أوخيال هي ممكنة ولا محال هو سهل لها صعب المنال أو صعبها تستسهله

مذهلة تملائك بالأسئلة مذهلة تملائك بالأسئلة ليه كل معجز مر هاذا الكون فيها له صلة ليه كل معجز مر هاذا الكون فيها له صلة

ليه كل معجز مر هاذا الكون فيها له صلة ليه كل معجز مر هاذا الكون فيها له صلة

ليه كل شيء فيها تظن انك تعرفه تجهله وليه كل لامعقول فيها ورغم هذا تعقله

ليه كل شيء فيها تظن انك تعرفه تجهله وليه كل لامعقول فيها ورغم هذا تعقله

طيبها قسوة جفاها ضحكها هيبة بكائها روحها حدة ذكائها تملائك بالأسئلة

طيبها قسوة جفاها ضحكها هيبة بكائها روحها حدة ذكائها تملائك بالأسئلة

طيبها قسوة جفاها ضحكها هيبة بكائها روحها حدة ذكائها تملائك بالأسئلة

مذهلة مذهلة مذهلة مذهلة مذهلة


يابدايات المحبة يانهايات الوله ها الحسن سبحان ربه ظالم وما أعدله

يابدايات المحبة يانهايات الوله ها الحسن سبحان ربه ظالم وما أعدله

أعذب من الأمنيات عالم من الأغنيات يا أجمل الشعر البديع من اخره لين أوله

يابدايات المحبة يانهايات الوله ها الحسن سبحان ربه ظالم وما أعدله

يابدايات المحبة يانهايات الوله ها الحسن سبحان ربه ظالم وما أعدله

أعذب من الأمنيات عالم من الأغنيات يا أجمل الشعر البديع من اخره لين أوله

يابدايات المحبة يانهايات الوله ها الحسن سبحان ربه ظالم وما أعدله

يابدايات المحبة يانهايات الوله ها الحسن سبحان ربه ظالم وما أعدله

أعذب من الأمنيات عالم من الأغنيات يا أجمل الشعر البديع من اخره لين أوله

ليه عمري مالقىالبرد له دفى إلا دفاكي ليه أنا عيني تشوف وماتشوف إلابهاكي

ليه عمري مالقىالبرد له دفى إلا دفاكي ليه أنا عيني تشوف وماتشوف إلابهاكي

يا أجمل من الأخيلة هاذي جواب الأسئلة كي تكوني في عيوني ومن حنيني وبس فيني ومو بدوني مذهلة

كي تكوني في عيوني ومن حنيني وبس فيني ومو بدوني مذهلة

كي تكوني في عيوني ومن حنيني وبس فيني ومو بدوني مذهلة

كي تكوني في عيوني ومن حنيني وبس فيني ومن حنيني وبس فيني ومو بدوني مذهلة

كي تكوني في عيوني ومن حنيني وبس فيني ومن حنيني وبس فيني ومو بدوني مذهلة


في ساكته وهي مندمجه للكلمات :
....
عبير الي تكلمت اخيرا :
اوف منكم
اذا انتم جذي الله يعيني في البيت
بتسببون لنا ازعاج
إحنا ناس متعودين على الهدوء ما صدقنا إن هنادي تكبر
في الي طقت عبير
خالد يضحك على حركاتها
عبير الي منلاعه جبدها منهم :
واي يا ربي
في يا العوبه اهو سوى جذي لاني قلت له ان نوف كلمت عذاري اختج
في :
؟؟
عبير :
وقالت لها انها تنتبه لج وان مكالامتج واجد وان بمعنى الصحيح
تكلمين واحد
وعذاري طبعا تصدق كل شيء
فقلت لخالد عن السالفه وهو سوى جذي قدام نوف عشان ما تحس بشيء لان اذا صدها بتقول اكيد عشان في
واي منج
فهمتي
خالد وهو يبتسم :
شفتي يا عبير الغيره تذبح الواحد وتهدم البيوت
في من دون شعور :
ومنو قالك اغير .. اصلا ...
خالد الي ضحك عليها :
ههه
حبيبتي في والله اني احترمج واحبج وما تكلمت او اقول ها الكلام قدام اختي الا وانا خايف من رب العالمين
وانا الف بالميه متزوجج
فيا ريت انج تحترميني وتحبيني مثل ما احبج
وبعدين ما في الدنيا أخو يخلي اخته تشوفه شلون يتكلم ... وان دل هذا فهو يدل على اني ما اخربط معاج لاني ابي تكون عبير بالصور بالي بينا ...
في ماتت من الحيا وهي ساكته
خالد الي مر الجمعيه الي القريبه من البيت جدتهم نزل ياخذ اغرض ويرد
خالد وعاه اغرض بكيس صغير :
هاج فيو .... هديه صغيرونه عشاني زعلتج
وهاج عبورتي عشان ازعجتج معانا
في استحت منه :
لا شكرا ....
خالد وهو يضحك عليها :
لا تخافين هذي هديه اكل
يعني بعد دقيقه الا اختفت ... ما تعتبر هديه
في افتحت الكيس الا تلقى كاكاو على شكل قلب :
شكرا خالد
شكلها لذيذ ..
خالد استانس انها نست سالفه نوف وانها ردت لطبيعتها وعشان ما يأخرها او يجيب الشبهات رد للبيت بسرعه وهو يعطيها الادويه :
يلا تصبحين على خير
عبير وهي تضحك لها وتاشر بيدها على خالد :
يلا تصبحين على خير
في الي فهمت قصد عبير وما عبرتها :
وانتم من اهل الخير
باي
وظلت هاذي حالهم لمده سنه ....
اتصالات ومسجات ومواقف عديده بين خالد وفي
سواء بالكليه او بالبيت الكبير " جدتهم "
وكانت في في كل مره تغرق بأعماق حبهم من دون لا تدري وباعتقادها ان كل هذا عشان تحر نوف ...
خالد الي كان حبه صافي ومسالم ..ما كان يدري بالي يصير له من بعد ها المواقف ..
عبير الي كانت رسول الحب بينهم ن كانت تشوف شلون حبهم يكبر يوم بعد يوم ...
خلود الي اقتنعت بشيء واحد ولازم تكلم اخوها فيه ...
انها تموت بشيء اسمه ....ياسر
نوف الي حاولت وحاولت ان امها تكلم اخوها " خالها " بسالفه ان نوف تكون عطيه لخالد ... بس بدون فايده ....
عذاري وصراعها مع نفسها ومع في وطلال وحاولت تنسى وتعطي اختها بدايه جديده
طلال وخطته الجهنميه .... وفرحته امه في قراره بالزواج ....
يوسف ورجوعه وجبروته وقوته الي انعكست سلبيا بعد ما قالوله انه لازم يمشيء بعكازات طول عمره .... هذا هدم جزء كبير من نفسيته وعقله .....
وهو جاي قرر بشيء راح يدمر حياة ثلاثه بقراره ...
الكل كان فرحان برجوع يوسف وأولهم امه ... بعد الاحتفال والعشيات لرجوع يوسف بالسلامة ...
فقررت أمه تفاتحه بموضوع الزواج وكان من معارضين وبشده عكس كلامه قبل الحادث فقرر إن يفاتح أمه بالموضوع
بعد ما كلمها ، عصبت حيل شلون ياخذ مثل ها القرار وشلون عرف بالسالفه ...
وكانت ها الليله من ليالي الي ما تنسي في بيت ابو سعد ...
فكانت صوت يوسف وصراخه يهز البيت بكبره وشلون كانت طريقته وقحه وخصوصا قدام ابوه
يوسف والي عصب يطق المرايه الي انكسرت وعورت ايده :
انت يا يبا دلعتها .....
لو لا الدلع جان ما سوت الي سوته
ابو سعد وهو يقلب وجهه اسود من القهر :
انت منت صاحي لا بالله منت صاحي
نعنبو دارك عيب عليك هاذي اختك
ام سعد وهي تبجي على يوسف الي انقلبت حاله :
يا يوسف يا حبيبي قسمن بالله الي قلته ما صار ... الي صار هو
يوسف وهو يطق في ايده :
والله ما علي منكم ... انا بكرا رايح له لو شنو يصير غصبن عنه لخليه
ابو سعد وهو يصرخ واول مره يطلع صوته العالي والي صدم البنات الي يسمعون من صوب الدرج :
تخسي الا انت ....
والله ما خليك تسويها وان سويتها منت
يوسف وهو بيطلع :
والله ما علي من اكبر راس
الي قلته بسوي
وفجأه طاح ابو سعد من طوله والي صرخت ام سعد صرخه خلت البنات ينزلون له والي صدم يوسف ....
طاح ابو سعد ودوه المستشفى وطلع فيه جلطه وراح فيها غيبوبه ...
والي صدم العائله شلون يوسف مو موجود عند ابوه ... وين اهو مسافر ؟؟!!
وام سعد منقهره ودها تكلم بس تدري انها بتجيب مصيبه على راسها خصوصا ان طيحت ابو سعد ضعفها حيل ...
بعد عده ايام ...
جاهم يوسف ومعاه خبر يهد البيت بكبره قاله لهم وطلع خاف يشوف رده فعل مثل ابوه
......
 
رد: رواية إلى روح انتمي فـــــــي " في وخالد "

في الي تبجي وتصيح :
ما ني قادره اتنفس .... ......يما
ابي نفس ....ابي هوا يما
قالت اخر كلمه وهي تطيح من حيلها ، عذاري الي تامه ماسكه في وتبجي : في لا ..... في
ام سعد وقعدت على الارض وتمت ساكته وعيونها تدمع
ريم الي قربت من امها :
يما شفيج .....؟؟
حور الي اصدمت وبسرعه دقت على الاسعاف من دون لا تستوعب ؟؟
ام سعد الي تحاول تستوعب الي يصير :
ريم .... ما اشوفج ريم تكفين يا بنتي قوليل في شلونها
انصدموا كلهم امهم ما تشوف !! اكيد ارتفع السكر عندها ...

في المستشفى.......
بعد ساعتين وصل ابو خالد وخالد وطلال وعبدالله ...
خالد وهو يكلم عذاري :
في شفيها فيها شيء ؟
ابو خالد وهو يمسك خالد ويجره :
شفيك انت انهبلت ؟ لا تفضحنا ..انت للحين ما خطبتها ؟؟ هذا بدال لا تسال عن عمتك
عذاري الي تمت ساكته وعيونها ودموعها الي تجيب على اسئلتها :
.......
حور الي كانت تعبانه حيل :
خالي.... يوسف ...
يوسف ...
طلال وهو معصب حيل :
شفيه الزفت ...
ريم وهي تكمل لان حور قعدت تبجي :
يوسف طق في وقال ان زوجها ينطرها ...
خالد شهق بصوت عالي قال :
شنو ؟
ابو خالد وهو منصدم :
شلون زوجها ينطرها ؟؟
عذاري وهي تمسح دموعها :
راح للسعوديه وزوجها .. واخذ اوراق تثبت انه ولي امرها من بعد ابوي ..
خالد الي استخف :
مستحيل ..... في تكون لحد غيري
مستحيل ..
ومنو هذا الرجال
ريم وهي تبجي :
فيصل
طلال وهو منقهر ومستمتع بعذاب في :
الدكتور
ريم وهي تاشر براسها بنعم
خالد انهبل
" شلون يمد ايده عليها .... لا ويزوجها اياها "
ابو طلال " عبدالله " :
غريبه شلي خلاه يسوي جذي
اكيد في مسويه شيء
عذاري الي ارفعت صوتها لاول مره :
مو بنات حمد الي يسون ها الشيء السالفه وما فيها ...
ليش يوم في كانت تعبانه يكشف عليها .. و كانت امي عنده
ابو طلال :
يمكن خيره لها ...
ابو خالد وهو يمسك خالد عشان ما يفضحه :
لا حول ولا قوه الا بالله
الحين وين يوسف ؟؟
خالد الي تم ساكت وهو منصدم يكلم نفسه
(( شلون ... في تكون
لواحد غيري ...شلون ... يلمسها ... يضحك معاها ...يعاشرها
غيري .... شلون ))
وفجأه طلعت الممرضه وكلهم راحوا لها ....
الممرضه :
الحمدالله أتعدل عندها السوكر
وقاطعها خالد :
وفي شلونها
الممرضه :
الدكتور عندها ... بيقول ان الي فيها من صدمه نفسيه أويه " قويه " ودلوقتي هي نايمه
خالد انقهر وطلع وهو طالع... نزلت دمعه قهر من عينه ...والي انتبه لها شخصين انصدموا منه
الاول ابوه والثاني طلال ...
.....
طلال
" كل هذا وتقول مو رفيجتك .... بس احسن
هذا ولا شيء من الي راح اسويه والجاي اكثر يا في
والله لخليج تتمنين الموت ... "
ابو خالد
" لا حول الله بضيع ولدي مني ..... مو كافي امه ...
يا ليتني سمعت كلامه ... وخطبتها بس ...
والله كنت ناوي "

 
رد: رواية إلى روح انتمي فـــــــي " في وخالد "

خالد انقهر وطلع وهو طالع... نزلت دمعه قهر من عينه ...والي انتبه لها شخصين انصدموا منه


الاول ابوه والثاني طلال ...


.....



طلال


" كل هذا وتقول مو رفيجتك .... بس احسن


هذا ولا شيء من الي راح اسويه والجاي اكثر يا في


والله لخليج تتمنين الموت ... "



ابو خالد



" لا حول الله بضيع ولدي مني ..... مو كافي امه ...


يا ليتني سمعت كلامه ... وخطبتها بس ...


والله كنت ناوي "



بعد ما مر أسبوع وفي بين ها التحاليل وبين صدمتها .. طلعت من المستشفى والبيت تسوده حاله الصمت رهيبه ...



في وهي تقوم وتصلي الفجر .. بعدها نزلت تحت لقت أمها إلي باين عليها التعب ...



ام سعد وهي انتبهت ان في موجوده وتمسح دموعها :


.. في حبيبتي .... قومتي خواتج ؟؟


في وهي تنزل دمعتها غصب لما شافت مكان ابوها فاضي : ... أي يما .. ريم صلت واما حور وعذاري معذورات ...


ام سعد وهي تأشر لفي انها تجي :


تعالي يا حبيبتي ... شلونج اليوم ؟


في وهي تحاول تنسيها همومهم :


الحمدالله ... يما ترا بداوم اليوم ؟


ام سعد :


.. اخاف يا وليدي ان يوسف يعصب علينا ؟


في :


يما زواج وزوجي بس الكليه ما اظن بيحرمني منها ...


ام سعد وهي تنهد :


... أه الله يسامحه ويهديه يا رب .. عاد تدرين الحين ساكت عقب ما زوجك ... الله يستر قمت أخاف من سكوته ....


في وهي تنام وتحط راسها على رجول امي :


أه يا يما حرمني من ابسط أحلامي ... حرمني من الحياة ... من أبوي .... من ...(( خالد ))



(( اه يا خالد .... يا حسرتي ... جان مالي حظ مع الدنيا ))



أم سعد وهي تمسح راسها :


.. في بقولج على شيء بس لا تزعلين !!!


في قامت وهي تشوف امها :


شنو يما خرعتيني ؟؟


ام سعد وهي تنهد من جديد :


.. فيصل حدد عرسج ...


العطله الجايه ... بيسوي العرس هني علشانج ...


في وهي مصدومه :


لا يما تكفين تو الناس تكفين كلميه ..


ام سعد :


والله حاولت بس يوسف اهو الي محدد ..


في وهي بدات ترفع صوتها :


شنو بعد فيصل ماله راي ... والله شكله ماله راي بعد ..


ام سعد :


استغفر الله ... احمدي ربج بس تدرين ان يوسف قايله اذا ما تزوجتها ... راح ازوجها ابو مساعد



* ابو مساعد


رجال مزواج يحب شيء اسمه زواج عنده مرتين كبار واما الثالثه كل سنه او اكثر يتزوج ويطلق وهاذي حالته وصار له فتره وهو حاط عينه على ريم ...



ام سعد تنهد :


الله يرحمك يا سعد والله لو كنت هني جان رديته بس الحمدالله يا رب ... الحمدالله


في وهي منقهره :


يما وشلون على دراستي ...


ام سعد وهي تحضن في :


الله يعينج ...... يا في ....... الله يعينج
 
رد: رواية إلى روح انتمي فـــــــي " في وخالد "

في بدات تبجي في حظن أمها وبعد ما ارتاحت اصعدت لغرفتها ...



في وهي تفتح مذكره شرتها من المكتبه اهي وخالد وعبير ... وبدأت تستخدم هوايتها الي تركتتها من الزمان ... الكتابه ....


كتب عليه ...


الى روح انتمي .... خالد



خالد حبيبي وحياتي ولو اتزوج واجيب عيال ما راح انساه ...


احب ضحكته ... غمازاته تهبل فيني ... شخصيته الصارمه مع الكل الا معاي ... تحسسني بضعف واني انثى بمعنى الكلمه ...


في كل مره يندفن حبي لخالد بقلبي يزيد غلاته وحبه في روحي بزياده ... احس ظروفي تقوي حبي مع ان ما فيه امل ....



بعد... عده ساعات ...



في الكليه ....


بين الهندسه والعلوم .....



كان اليوم مثل كل يوم بالكليه ...


وازعاج المستجدات ..أمثالي كثير ....


خصوصا بعد عده اشهر قمنا نلقب الشباب والبنات الي بالكليه


وكان بينهم مجموعه مسمينها بلاك ليست .. ومنهم :



· حمد


شاب مزييييييون حيل


وطويل ومبين عليه كان له هيبه ملكيه ... مدري حسينا انا و فرح ، ان لازم يكون اسمه حمد خخخ


· تويتي ...


كان هذا الولد في كل مره اذا لبس فينيلا حمرا أو أي لون ثاني كل شيء عنده لونه احمر ... تلفونه ... جواتي ... الكتب ... كانه الكتاكيت الي تصبغينهم بالالوان ... وكان وجهه يعطيج شكل تويتي .. لانه قصير مثلي ههه


· سواك ....


واحد ضعيف حيل وكان دايمن السواك بفمه ... فسميناه سواك مثل سواكه الي عنده " الضعفه " شكله يموت من الضحك


· فرقه " ما يطيق الصبر "


هههههه مجموعه تكون من ثلاث شباب ..شعورهم طويله ونظام غتره ودشداشه ..." نظامهم لا للسبورت ونعم للدشداشه " وطبعا مغازلجيه درجه اولى ...


· بلوط وعلقم "


رسوم متحركه موجودين في مدينه النخيل "


يشبهون بلوط وعلقم ... كلهم متان وقصاصه ...خخخ وما يفارقون بعض واذا واحد منهم ما داوم مستحيل نشوفه بروحه من دون الثاني اما كلهم يداومون او كلهم يغيبون ...


· الوسمي وعبيد ...


شاعرين في مجله الكليه ومشهورين عندنا وفي المحاظره البنات مو يمن الدكتور خخخ المصري .. يم عبيد او الوسمي وطبعا ... البي بي شغال دايمن والاستاذ دايمن يعطيهم محاظره عن حسن استعماله البلاك بيري ... ولكن لا حياه لمن تنادي ....


· سنان والسعودي ...


خخ سنان كانه سنان " الرسوم المتحركه " الي متين وسنونه الي قدام كبار شوي .... اما السعودي ... فكان شاب سعودي يدرس عندنا ... وطبعا عندي خبره من حياتي مع عيال عمتي في لبسته شباب السعودين وكان دايمن ما يفارق سنان ... عباله انه جالب الحظ وما يدري ان البنات ينجذبون له .. الحمدالله والشكر


· حليمه التعبانه ...


وحده تقلد حليمه .... طبعا سفور .. وكل مره تهبل بعمرها ... عشان تكون نفس حليمه مع ان حليمه بجهه واهي بجهه والشباب يضحكون عليها وهي عبالها لها ..


· ميجان فوكس ...


وحده تهبل بالكليه وشكلها بنت موني موني ... وكل يوم تبدع بالسياره ...


فرح تقول لي عمليات ما يردها شيء دام انها بنت موني ..


الله اعلم ...
 
رد: رواية إلى روح انتمي فـــــــي " في وخالد "

في وفرح لما دخلوا كافتريا الهندسه عشان فرح عندها محاظره هناك


· فرح


سفور بس بس أخلاق وطيبه وتربيه وكان لبسها محترم .. واهي متزوجه من سنه وتعرفت على في لما شافتها تبجي بروحها في الكلاس " الصف "


... وبعدها صاروا ما يفاروق بعض مع ان فرح في الهندسه وأما في في العلوم ...



فرح وهي تعدل حمرتها :


اخ بس تدرين رشودي .. بيروح بعد اسبوع لدورته في فرنسا ... ما ادري شراح اشوي ؟؟


في الي شرقت بالبيبسي :


كح شنو ...؟؟


فرح ضحكت على شكلها :


هههههه


وي شفيج ؟؟ سملى عليج


في وهي تمسح فمها من البيبسي :


كح أخ بغيت اموت والسبه انت ؟؟


فكري عدل فوفا ... انا ما ابي اكون انانيه خصوصا معاج ...


هل يستحق انج تخلين دراستج ..


وتروحين معاه مع ان ما بقى الا هذا الكورس والا تقعدين وتخليه يتغرب بروحه وانت مو باقيلج الا كورس واحد ويمكن بالواسطه وانت تقدرين تجيبنها بسهوله ... تسوين اوراقج بعدين ؟؟


فرح وهي تاخذ الكوفي وتفتحه عشان تحط السكر البني: أه بس فيو .... هذا رشودي ... حب حياتي .... واهو مو قاعد شهر والا سنه اهو قاعد بفرنسا سنتين ... ما راح اتحمل حياتي لو شنو يصير من دونه ... انا من زمان قلته قراري ... بس اخاف من الغربه هناك ...


في


(( سبحان الله ... الحب لناس معينه مو لنا .... خالد ... الحب يختار اصحابه وطريقهم قبل لا يدخل قلوبنا ....))



فرح وانتبهت لوجه في الحزين :


في حبيبتي .... شكلج زعلانه مني مو ...؟


في وهي تلف لها وتضحك :


أي شدراج ؟؟ حبيبتي انا رضاوتي على تصرفج هاذا ؟؟


توريني صورتج انت ورويشد لما كنتوا بالحظانه .... هديته لج في اول ليله .....


فرح وهي تطالعها مصدومه :


لا والله لو شنو ... زعلي ما هميتيني ......



في برطمت وظلت 5 دقايق ساكته وبعدها تكلمت فرح :



خلاص يبا الله يعين الي بياخذج وربي ما يقدر يعيش ...


خلاص بكرا بجيبها .... يلا بسرعه تاخرت على محاظرتي ...


وانت وعدتيني انج تحظرين استماع *


في الكليه عادي تحظرين أي محاظره بس حسب مزاج الدكتور او الدكتوره بس لازم تقولين لهم انج بتحظرين استماع ...


في وهي تشرب بسرعه بيبسي :


يلا .... الحين


فرح وهي تضحك عليها :


ههه شوي شوي سملى عليج ..


فيو تذكرين الي اقولج عنه ذاك المعجب فيني .... ابيج تشوفينه والله ملوع جبدي ... بس اخ في واحد يعجبني في المحاظره ولو ما كنت متزوجه رويشد جان خطفته والبنات منهبلين عليه


في الي طقها :


وجع .... عيب عليج ها الكلام ... فوفا ما تستحين ...


فرح تقوم وتخليها :



اقول امشيء بس ....



راحوا للمحاظره وكان الدكتور وراهم قبل لا يدخلون فقالته له وقالها اوك ما في مشكله ....



لما قعدوا كانت في في أول كرسي والثانيه فرح من صوب البنات واما الشباب الصوب الثاني ...



في الي مانتبهت الا على صوت المسج والي كان هزاز وكان على الطاوله فكان يطلق صوت يضحك


طوووووووط ...... طوووووووووط
 
رد: رواية إلى روح انتمي فـــــــي " في وخالد "

فرح :


... فضحتينا انت قدام عند الدكتور خخخ


في ارتبكت لما فتحت الرساله وانصدمت من الي قرته



رساله من " غلا روحي "


"


شجابج في محاظرتنا ؟؟؟


قلت لج الف مره ... فكي عمرج من هاذي فرح


... بس الظاهر ما عدت تهتمين بأرائي بعد الي صار


بعدين الشباب .. مايرحمون الي عندنا ..


اطلعي الحين ولا تجين


"


في تلفت يمين وشمال وما انتبهت إلا على ثالث صف الي لابس فنيله خظرا من لاكوست وبنطلون رياضي .. ونظارة ريبان الاصلية حاطها فوق شعره .. وكان وجهه مبين عليه علامات التعب ...



وفجأه نظراتهم اجتمعت ... و جمعت كل حياتهم كل امنياتهم... كل احاسيسهم



كانت نظراتهم كافيه ... أنها تقول كل الي بقلبهم ..



في حست ان روحها بتطلع بعد ما قراه الي قاله وشفت وجهه التعبان ...



قاطعتها فرح :


في ويعه لا تطالعينه جذي فضحتينا ...


هذا الي اقولج عنه شحلاته ... واي اليوم صج كشيخ ... لا نظارته شيء بروح اسئله اذا كانت ريبان الاصليه ...


في وهي تمسك ايدها :


لا فرح تكفين لا ....


وفجأه ارسلها رساله


"


افتحي بلوتوثج


وبعدها سكريه ولا تفتحين الرساله


الا بعد المحاظره


"


ارسلت له في وهي معصبه على اسلوبه وشلون لبق مع البنات


"


ما توقعتك جذي ..


الحمدالله عرفتك على حقيقتك الحقيره ..


خل البنات ينفعونك ؟


اكرهك خالد


واكره اليوم الي عرفتك فيه


"


خالد كاتم ضحكته رغم جرحه والمه الي في قلبه


شوفه في رده روحه شوي ...



(( هذي مجنونه .... يا ناس ... بتذبحني بغيرتها..


والله وشتقت لصوتها ولمسجاتها وخبالها ...


بس شل الفايده الحين ....


اهي تزوجت .... غيري ...))



"


كيفي ..


وانت مو على ذمه حقيرج ..


خلاص كيفي


ولا لزم احترم مشاعرج


واحرم نفسي من ها الملائكه الي عندج


وخصوصا ام حمره حمرا


اخ يا قلبي


"


في انهبلت .. وطالعت فرح الي لاهيه بالمحاظره وبال بي بي مالها ..


وطقتها ..


خالد من بعيد يضحك وهو يحاول قدر الامكان يمسك ضحكته


"


في بسم الله


كسرتي ايدها


ترا اضحك معاج


ابي احرج بس ..


"


طبعا في ما صدقت خبر ..


وارسل لها


"
 
رد: رواية إلى روح انتمي فـــــــي " في وخالد "

لمن يستحق هكذا انفاس ؛ نصوص مبهرة بليا ايها شكوك
 
عودة
أعلى