سبب تسمية مطعم كودو .. من قلم مجنونه اتكيت

أروى

Well-known member
سبب تسمية مطعم كودو .. من قلم مجنونه اتكيت

السلام عليكم ..

اخباركم ..

خميسكم فله ..
thumbs_up
اليوم بحكي لكم قصة تسمية مطعم كودو وليش اختارو الشعار حقهم ..

كود تاكلها من اول نظره .. اعصابكم بس لو الله لو انه طبخ امي :h:

ماهي سبب اتخاذ شعار كودو الي مثلث اصفر وخلفيه أزرق :ابو خشم"



اعلمكم من وين سرقينه تعرفين علم البوسنا والهرسك
سارقينه منهم ..



سبب تسميته مطعم كودو

هذا الله يسلمكم وحد قصيمي من احدى دير القصيم مراح اقولكم من اي منطقه ..

في القصيم كلمه مشهوره مايقولها الا القصمان لهجتهم الخاصه

هي كلمة ..(كوده ) بمعنا اتمنى ذالك ..


مثلا اقولكم كوده الموضوع يعجبكم؟
بمعني .. اتمنى الموضوع يعجبكم ؟

هذا الشخص القصمي بما تعرفون ان القصمان اصحاب اكبر الشركات ويحبون العمل .. مافيه شي غريب على القصمان

فقرر يفتح مطعم ويبيع فيه لكن قال لزم اجيب شي غريب الناس مايكلووونه يعني وجبه غريبه ..

وبما تعرفون ان البوسنا والهرسك في فتره صار بها حرب واضنكم كلكم تعرفون وشفنا الحرب والمساعدات الي ارسلت لهم المملكه .
.

وفي نفس الفتره المملكه استقبلت العديد من شعب البوسنا والهرسك بما انهم اخوانا في الأسلام المهم
القصيمي له صديق من البوسنا والهرسك وأسمه( كاري ) ..علمتكم وشلون دخل المملكه عشان ماتقلون

اني اهايط
:k:
فقال له انا بفتح مطعم لكن ودي ابيع شي غريب مابي ابيع قرصان ومطاطيز والأكلات المعروفه عندنا لأن كل الناس يكلونهن وأكيد مراح يشترون مني ..

فقاله كاري حنا عندنا أكلات مهب عندكم مثل ( هبرجر . نقت ساندوشات دجاج .. الخ ) كذا يعني قاله القصيمي خلاص انا موافق بس اخاف الناس مايحبونه لأنه غريبه الأكله عنهم .. قاله كاري نجرب حضنا مهب خسرانين شي

قاله القصمي خلاص ماعندي مانع وبسميه كودو ..

كودوه يعجب الناس ..

وقاله كاري أوكيه نسميه كودو بس تعال حنا في اوربا لزم لجينا نفتح مطعم نختار له شعار قاله القصيمي والله هذي البلشه وش شعار انا ماعرف إلا علم السعودي وبس عشانه مكتوب لا إله إلا الله محمد رسول الله ولونه اخضر عشان الون الأخضر يرمز للطبيعه والسلام والأمان والقوه . والباقي ماعرفله

قاله كاري اشرايك احطه على نفس علمنا علم البوسنا والهرسك
قاله القصيمي : تعقب مابقى إلا هذي احطه نفس الأروبين . :w:

قاله كاري مهب نفسه نغير منه شوي وشبك انت كارهنا قالو القصمي انا قلت لا يعني لا :u:
قاله خلاص اجل مهب فاتحين المطعم فكر القصيمي شوي بعدين قال انا بوفق بس بشرط انه مايصير نفسه بضبط ..

قاله انتم علمكم أطرف المثلث أنا بحط مثلث كامل وشوله البخاله عشان مايقلون هذا من أولها بخيب وقعيطي نفسكم ..
والنجوم مالها داعي اذا يبون يشفون النجوم يشفون أنجوم ربي احسن ويرفعون راسهم لسماء لأننا سعوديون
على قولتهم ..( ارفع رأسك أنت سعودي )

قاله كاري ياكثر بربرتك خلاص موافق ..

وراحو لرسام ورسم لهم الشعار الي انتم تشوفونه وكتب كودو في العربي قام كاري وقال اكتبه في الأنجليزي انا مفكر معك ..وكتب جبنه كودو في العربي كودو في الأنجليزي .. Kudu

وقام القصيمي وقاله انا لا فتحته هنا في القصيم
مشكله والله ان اهلنا شوي معقدين ومايحبون الجديد والغريب بس اش رايك نروح ونفتحه في الرياض اهل الرياض
تعرف الرياض العاصمه وبه ناس كثار وفيها اجانب بعد اكثر من الي عندنا في القصيم قاله كاري على راحتك نفتحه في الرياض نفتحه في الرياض ..


وبشركم افتحوه ونجح المطعم لين صار من اشهر المطاعم في المملكه :k:



كودو سلسلة مطاعم سعودية أنشئت سنة 1988 م ،ويبلغ عدد فروعها 162 فرعا في مختلف مناطق السعودية والخليج ومؤخرا تم افتتاح فرع في السودان والأردن واليمن وفي خطه تهدف للتوسع والانتشار عالميا ويتميز باعتماده طريقة المطبخ المفتوح حيث يشاهد العميل طلبه أثناء الإعداد، افتتح أول فرع في مدينة الرياض بتاريخ 16/04/1988 في مجمع المطاعم بشارع الثلاثين.
.:m:

زاد اقول ليش المطعم ناجح اثر السالفه به قصمان ..:e:

يالبى قلوبكم يالقصمان وأهل القصيم عساني مانحرم منكم لافي الدنياء ولا في الأخره :حب":حب"


تبو الصذر والصراحه اليوم الخميس ومجتمعين في بيت جدي طول الله في عمره وامي نوره الي هي جدتي مسويه مرقوق بالفقع طبعا حنا أكلنا الفقع وخلينا لها المرقوق وقالنا نبي نتعشى ماجزلنا عشاكم وطلبنا من كودو
ودارة القصه في بيننا ..:k:

وتوته توته انتهت الحتوته ..:b:

اذا جازتلكم القصه لا تنسون التقيم حبايبي والي ماجزتله يذكر لي سبب ذالك ..
:كراتيه"


والسلام عليكم ..
 
رد: سبب تسمية مطعم كودو .. من قلم مجنونه اتكيت

ههههههههههههههه قصه هايله
حبيتها صراحه ...

:aa:

كودو لا تكودين عاجبني عاجبني الموضوع

والله فنانه طلعتي في ه القصص

إي وش قصة كنتاكي تعرفها ولا .؟؟ :k:

يسلمو ياروحي ؟
 
رد: سبب تسمية مطعم كودو .. من قلم مجنونه اتكيت

هههههههههههههاي حلووه

يا أنك محششه يا من الفضاووه


يسلموو ياعسسل..
 
رد: سبب تسمية مطعم كودو .. من قلم مجنونه اتكيت

ههههههههههههههه قصه هايله
حبيتها صراحه ...

:aa:

كودو لا تكودين عاجبني عاجبني الموضوع

والله فنانه طلعتي في ه القصص

إي وش قصة كنتاكي تعرفها ولا .؟؟ :k:

يسلمو ياروحي ؟


كنتاكي اكيد همها فيها عجاب :k:

الله يسلمك ياقلبي

منوره الموضوع ..
 
رد: سبب تسمية مطعم كودو .. من قلم مجنونه اتكيت

قصه


وفكر وروقان واسلوب




موفقه باذن الله


اعطيك تميز


ربنا يو فقك
 
رد: سبب تسمية مطعم كودو .. من قلم مجنونه اتكيت

هههههههههههههههههههههه
لارايئة عنجد
مع اني اول مرة اسنع فيه
بس رهيبة القصة
يسلمووووووووووو
 
رد: سبب تسمية مطعم كودو .. من قلم مجنونه اتكيت

انا اشهد أنك محششه بعد الموضوع:i::n:

هاهاهاهاهاها




طرح رائع

ابدع


اممممممممممم



يعطيك العافية
 
رد: سبب تسمية مطعم كودو .. من قلم مجنونه اتكيت

هههههههههههه
مؤلفه والله تنفعييييي

يعطيك العافيه
 
رد: سبب تسمية مطعم كودو .. من قلم مجنونه اتكيت

ههههههههههاي

فوديتك موضوع روعه

بسراحه ماتوقعت انك تكتبين من راسك

المهم

موضوع رائع وتستاهلين التقييم

بس امس قيمتك يالغلاء

ان شاء الله الايك يكون قد المقام
 
رد: سبب تسمية مطعم كودو .. من قلم مجنونه اتكيت

الأخت الكريمة جنو

مشكورة لدعوتي و لطريقتك طرحك المميزة واسلوبك الحلو

الله يسعدك يعطيك العافية

نتشوق لكل ابداعاتك
 
رد: سبب تسمية مطعم كودو .. من قلم مجنونه اتكيت

ههههههههههاي

فوديتك موضوع روعه

بسراحه ماتوقعت انك تكتبين من راسك

المهم

موضوع رائع وتستاهلين التقييم

بس امس قيمتك يالغلاء

ان شاء الله الايك يكون قد المقام

الله يسلمك ياقلبي ..

منوره الموضوع ..
 
رد: سبب تسمية مطعم كودو .. من قلم مجنونه اتكيت

الأخت الكريمة جنو

مشكورة لدعوتي و لطريقتك طرحك المميزة واسلوبك الحلو

الله يسعدك يعطيك العافية

نتشوق لكل ابداعاتك

الله يعطيك العافيه

منوره الموضوع
 
عودة
أعلى