وقال القلب اه (قصة رومانسية إجتماعية واقعية)

الجزء الثاني والاربعون:
سالم مع ليلى بالمطعم..وطلبهم وصل لعندهم ..
ليلى:ممكن تقولي شو فيك؟؟
سالم بحيرة مو عارف كيف يخبرها... وجاته فكرة وقال:
بسألك ليلى سؤال جاي ببالي وابي اعرف جوابه بصراحه..
ليلى:قول ان شاء الله..
سالم: اممم افترضي على مثال..يعني هو مب صحيح لكن افترضي..
ليلى:طيب قول وترتني..
سالم:مثلا اعتبري نفسك لدقايق ريال ..وكنتي طالعه وشفتي ابوي معاه وحده .. وتسولف معاه وتضحك وكانه يعني لها شي كبير اممم ومثلا شفتيني بعد معاهم يعني وحده قاصه على الاثنين منا.. وش بتسوين؟؟ بتقولين لامي؟ ولا بتحلين الموضوع روحك؟؟ ولا بتطنشن الموضوع..
ليلى محتارة كثيير.. وتحس انه في شي بهالصدد..
سالم:يله جاوبي على انك رجال مو بنت.. يله..
ليلى: اممممم اكيد مابسوي مشاكل واروح اقول لامك بحاول اكلمك واعرف منك.. او احاول اروح للبنت واسألها شو بينها وبينه؟؟
واكيد مابتكون زوجته دام انها تلعب على الاثنين..
سالم: اها طيب ولو انك رحتي وكلمتي البنت وماخذتي منها لاحق ولاباطل.. وتذكري الحين انتي رجال.. فتخيلي انك بدال ماتحلين هالسالفه تحبين هالبنت وتضلين تفكرين فيها 24 ساعه بعد ماوجهتيها وخليتيها تصيح قدامك..وش تسوووين.؟؟!!
ليلى خافت من نظراته: سالم انت صاير لك شي كذا؟؟
سالم: لا واحد من ربعي.. وانا قلته يتصبر وبدبر له حل.. والحين انا استشيرك..
ليلى:تقول اني حبيتها اممم بروح لها مره ثانيه وبترجاها تبين لي العلاقه بينهم.. وبعترف لها بحبي عشان لاتضيع من يدي..
سالم: بس هو راح وهددها من قبل.. وهي ماتطيقه بل تكرهه لانه دوم يطالعها باحتقار...
ليلى:اممم يعتذر منها ويبين لها تصرفه
سالم:تهقين ينفع كذا؟؟
ليلى:ايوه ينفع ياسالم البنات مشاعرهم رقيقه مايتحملون احد يغلط عليهم ينجرحون بسهوله لكن من طيبهم هم يقبلون الاعتذار بسهوله..
سالم: خلاص انا بنصحه وبقوله يسوي اللي قلتي به عشان يتم الصلح..
ليلى:منو هذا؟؟
سالم:اممم واحد من الربع ماتعرفينه..
ليلى:اها..
سالم حس براحه انه طلع شوي الي بباله:اه انا شبعت بس يبي لنا نحلي تبين شي؟؟
ليلى: لا انا بعد شبعت ابي ارجع البيت الوقت تأخر ...
سالم:توها الساعه 10..
ليلى: لاتنسى حبيبي اني وراي دوام...
سالم:اووه صح..
. .. .. ..
ورجعها البيت لقت ريم واختها بالصاله سألتهم عن وفاء قالوا لها بترجع بعد ساعه ..
استأذنت منهم وركبت تنام بمساعدة الشغالة لاتنسون تخاف من الدرج وحتى لو مذكرت لكم المساعده اللي كل مره تحصلها من احد.. تيقنوا انها مستحيل تركب بدون مساعده خخخ ..
*** * ** *** ***** ******

بدور استغلت ان الكمبيوتر فاضي محد يستخدمه شغلته وفتحت المسن وحطت ايميل جنان وفتح علطول..
ماحاست بشي وحطت حالتها بالخارج ..وضافت ايميل هيثم..وقعدت تستنى.. وكلها دقيقه الا هو شابك..
توترت وخافت شوقها له كبيررر..
فتصنمت وماقدرت تكلمه..
ثانيه وهو كلمها:

~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
السلام عليكم..
¤ وش حيلة اللي هام في حب مخلوق .. فرقاه موت وضمته مستحيلة¤ says:
وعليكم السلام..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
منو معاي؟؟
¤ وش حيلة اللي هام في حب مخلوق .. فرقاه موت وضمته مستحيلة¤ says:
امممم وحده..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
انا لله انزين وحده..منو هالوحده؟؟ وش تبين؟؟من اين جايبه ايميلي؟؟
¤ وش حيلة اللي هام في حب مخلوق .. فرقاه موت وضمته مستحيلة¤ says:
بسم الله انت ليش نحيس كذا.. انا احبك..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
اختي انتي شكلج مغلطه الايميل يله باي
¤ وش حيلة اللي هام في حب مخلوق .. فرقاه موت وضمته مستحيلة¤ says:
لا موب مغلطه مو هذا ايميل هيثم؟؟وانت هيثم؟؟
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
طيب انا هيثم انتي منو؟؟وشلون تعرفيني؟؟
¤ وش حيلة اللي هام في حب مخلوق .. فرقاه موت وضمته مستحيلة¤ says:
اعرفك من الله وقلت لك من قبل انا وحده تحبك..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
شوفي اختي انا هالخرابيط مو فاضي لها ومن الحين اقول لج ياتقولين منو انتي ياحطيت لك بلوك..
¤ وش حيلة اللي هام في حب مخلوق .. فرقاه موت وضمته مستحيلة¤ says:
انت عجيب عمري ماشفت واحد تجي له بنت مثل الهدية تقوله بكلمك واحبك ومايعطيها وجه..!!
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
لان بقلبي ساكنه شيخة البنات كلهم ومايوم بتجي وحده مكانها ولاربع مكانها ومابي افكر اكلم او احب غيرها فهمتي ولا تبين افهمك..؟؟ والحين قولي لي منو انتي..
¤ وش حيلة اللي هام في حب مخلوق .. فرقاه موت وضمته مستحيلة¤ says:
اها ...تبي تعرف انا منو؟؟
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
اكيد ابي اعرف..
¤ وش حيلة اللي هام في حب مخلوق .. فرقاه موت وضمته مستحيلة¤ says:
انا بقول لك وبكل ثقه انا اللي انت تعنيها بنكنيمك..!!
* * ***** **** ** ***** *** * **
وفاء اتصلت بفواز وقالت له يمر عليها..
وطبعا خلاص الكل يدري ان وفاء بتاخذ ريهام عندها اليوم..والكل مقدر لها هالشي لان ريهام صعبه تعيش هالايام معاهم وتشوف امها كذا..
واخذت لها شنطه بها اغراضها.. وهي كانت ماسكه شنطه على شكل دبدوب فيها الوان ودفتر تلوين ولعبه وعفسة يهال..
وصل فواز وطلعت له وفاء اخذ من عندها ريهام وحطها على حظنه وهي رجعت تكلم راشد دقايق وبترجع..
فواز وهو يتامل ريهام وبرائتها وجمالها ويعطف عليها انحرمت من ابوها وهي صغيرة ماتستاهل..
ريهام: انت تسبه باباتي.. <<تشبه>>
فواز: صحيح؟؟ وايد ولا شوي؟؟
ريهام: امممم يمكن..
فواز:هههههه يمكن شنو؟؟؟
ريهام: يمكن وايد يمكن سوي..
فواز:فديتك والله..انتي حلووة..
ريهام: لاني اسبه ماما الهلوة.. >>الحلوة>>
فواز:هههههه انتي اليوم كل تشبهين؟؟
ريهام:ايه حتى حالو وفاء تسبه حالي راسد.. ((حتى خالو وفاء تشبه خالي راشد))
برويك وقامت تفتح بالشنطه اللي بيدها ويالله قدرت تفتحها وهو يراقبها مبتسم..
طلعت دفتر تلوين صور بنات .. قالت له: سوف هاي انا لونته.. >>شوف<<
فواز:صج ماشاء الله انتي شاطرة تلوينك حلوو..
وهويفر بالدفتر عشان يرضيها وهي تضحك.. طاحت بحظنة صورة..
رفعها شاف وحده جميله كثيير مثل الملاك وشاف ريهام جنبها وهي تضحك لها انسحر بملامحها...
ريهام: هاذي ماماتي هييييه ..
فواز شل الصورة رجعها داخل الدفتر ودخله لها الشنطه لان حس انه حرام يشوف صورة وحده ولا هي بالعده الحين وغير كذا انها ماتدري .. وهو انسان يخاف ربه فمن تذكر شالها عن عينه..
ركبت وفاء..
وفاء: ها رهومي حبيبتي سولفتي مع عمي فواز؟؟
ريهام: ايه عمي فواس.. >>ههههه قصدها فواز
وفواز ضل تفكيرة بام ريهام اللي ترملت صغيرة ..
ولما وصلت وفاء:ماقصرت عمي مشكوور ..
فواز:لاشكر على واجب.. شدعووه..
ونزلت مع ريهام:يله مع السلامه..
فواز:اقول وفاء..
وفاء: هلا
فواز:امم عند الياهله دفتر تلوين داخله صورة شيليها لاتطيح منه مثل ماطاحت من شوي..
وفاء:اووكي مايهمك..يله باي
فواز:باي
ومامشى الا لما تاكد انهم دخلوا..
* *** *** ****** ***** ** ** * *
نرجع للحبيبين اللي فرق بينهم القدر ونشوف وش يقولون..

~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ say:
هههههههههههههه ضحتيني .. وش جاب ذا لذاك..اللي اعنيها بنكنيمي حلمي وانتي بهالحركات ماتسوينها
¤ وش حيلة اللي هام في حب مخلوق .. فرقاه موت وضمته مستحيلة¤ says:
افا ياهيثم كذا تزعلني هذا وانت من زمان مو شايفني ...!! اشتقت لك حبيبي..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
اشتاقت لك العافيه ..خلصي قولي انتي منو؟؟
وش حيلة اللي هام في حب مخلوق .. فرقاه موت وضمته مستحيلة¤ says:
قلت لك انا حبيبتك..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
لاتضحكيني واللي يرحم والديك انتي ماتسوين ظفر من اظافر حبيبتي ولا حتى تعرفين عنها شي..فلاتجيبين طاريها ع لسانك بليز..وخلصي قولي من انتي بسرعه مو فاضي لك..
¤ وش حيلة اللي هام في حب مخلوق .. فرقاه موت وضمته مستحيلة¤ says:
اقول له ان هي يقول لي ماتعرفينها.. هيثوومي..انا هي..
>>>هيثم حس انها بدور لانها هي اللي تدلعه هيثومي قلبه دق بقوه ويبي يعرف اذا هي او لا<<<<
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
لاتلعبين باعصابي شو اسمك؟؟
¤ وش حيلة اللي هام في حب مخلوق .. فرقاه موت وضمته مستحيلة¤ says:
انا بدووور
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
حلفي.؟!!
¤ وش حيلة اللي هام في حب مخلوق .. فرقاه موت وضمته مستحيلة¤ says:
والله
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
بدووور ياعمري وحشتيني مووت مووت مووت بدونك انا ماكنت عايش اصلا احبك بدور احبك..
¤ وش حيلة اللي هام في حب مخلوق .. فرقاه موت وضمته مستحيلة¤ says:
انا بعد يا قلبي ..حياتي مالها معنى من دوونك انا اموت فيك.. هيثم ماعاد اقدر استحمل دخيلك شوف لنا حل..هيثم مشتاقه لشووفتك..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
وربي العالم وشكثر ودي هالشي قبل ماتقولينه بدور انا ميت مييت بدوونك..ماعرف اسووي شي..
¤ وش حيلة اللي هام في حب مخلوق .. فرقاه موت وضمته مستحيلة¤ says:
اسم الله عليك من المووت حبيبي لاتفاول ترى اموت وراك ..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
بدوور ماصدق ان الي اكلمها بدوور ..انا بحلم ولا علم؟؟ خبريني كييف تذكرتي الايميل وهذا ايميل منو؟؟؟

¤ وش حيلة اللي هام في حب مخلوق .. فرقاه موت وضمته مستحيلة¤ says:
شفته بالصدفة وهذا ايميل صديقتي جنان اللي تعرف قصتي معاك..هيثم هيثم هيثم ماصدق اني اتكلم معك..اه
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
سلامتك من الاه ياروحي..خبريني عن اخر اخبارك؟؟
¤ وش حيلة اللي هام في حب مخلوق .. فرقاه موت وضمته مستحيلة¤ says:
امممم اخباري وحشة بدونك...حياتي الحمدلله زينه وعايشتها بس بدون الوان هيثم انا ابيك ..قول عني الا تقول قول وقحه جريئة أي شي بس البعد خلاني بحالة جنون
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
وهم انا ابييك يا الغاليه ومستحيل اخذ غيرك..واحنا بنصبر لين الله يفرجها
انا الحين اشتغل بشركه كبيرة ومرتبي وايد زيين.. وقاعد اجمع للمستقبل.. بنيت لنا بيت صغيروني يلمنا فيه اثنينا ويا عيالنا بالمستقبل....احببك..وعمري مافكرت بغيرك..ولاتتخيلين بيوم اني ممكن اتزوج وحده غيرك مستحيل..!
¤ وش حيلة اللي هام في حب مخلوق .. فرقاه موت وضمته مستحيلة¤ says:
فديتك والله انا بعد احبك وتيقن اني اذا ماصرت لك يستحيل اصير لغيرك..
والحين حبيبي بقوم انام وراي دوام بكره واوعدك وقت ماقدر بشبك وكلمك احبببببببك
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
طيب ياعمري ..رديتي لي روحي اللي رافقتك يوم ابتعدتي..رغم اني ماشبعت منك لكن مابيك تتعبين ..اهتمي بنفسك كثيير حبيبتي عشاني ..
¤ وش حيلة اللي هام في حب مخلوق .. فرقاه موت وضمته مستحيلة¤ says:
حاضر ياروحي وانت بعد اهتم بنفسك واكل كويس عشان خاطري..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
ماطلبتي شي يادنياي كلها احببك..
¤ وش حيلة اللي هام في حب مخلوق .. فرقاه موت وضمته مستحيلة¤ says:
هيثم..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
عيوون هيثم..
¤ وش حيلة اللي هام في حب مخلوق .. فرقاه موت وضمته مستحيلة¤ says:
ممكن اطلب منك طلب؟؟
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
امري تدللي طلباك اوامر يايبه..
¤ وش حيلة اللي هام في حب مخلوق .. فرقاه موت وضمته مستحيلة¤ says:
هيثوم ابيك تعامل امك وابوك زين ولاتخلي الحقد يدخل قلبك ترى برضا والدينك الله يوفقك واتمنى لو تحسن العلاقه بينكم من اليوم اذا امكن..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
تامرين امر انتي ان شاء الله بنفذ هالشي عشان خطرك ياحياتي..
¤ وش حيلة اللي هام في حب مخلوق .. فرقاه موت وضمته مستحيلة¤ says:
مشكوور قلبي يله تصبح على خير وقوم نام مافيه تسهر على النت...
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
على امرك حبيبتي..وانتي من اهل الخير..احلام سعيده يارب
¤ وش حيلة اللي هام في حب مخلوق .. فرقاه موت وضمته مستحيلة¤ says:
دام اني عرفت اخبارك ..ان شاء الله تكون سعيده..احببك
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
ان شاء الله..انا اموت بهواك..احبك..
¤ وش حيلة اللي هام في حب مخلوق .. فرقاه موت وضمته مستحيلة¤ says:
ياربي مو قادره اقوووم ولهانه عليك وعلى سوالفك
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
قومي حبيبتي عندنا وقت بكره واللي بعده بس قومي نامي مابيك ترهقين نفسك وتطلعين انا بطلع معك بنام وبحلم فيك خلنا نلتقي بالحلم اووكي ؟!
¤ وش حيلة اللي هام في حب مخلوق .. فرقاه موت وضمته مستحيلة¤ says:
ههههههه اوكي غناتي خلاص نلتقي بالحلم..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
باي يانظر عيني..
¤ وش حيلة اللي هام في حب مخلوق .. فرقاه موت وضمته مستحيلة¤ says:
باي .. الله يحفظك..
~ أنا ناطر حبيبي ترجع لي حبيبي مهما حاولت اداري لهفة شوقي وناري مهما طال انتظاري انا ناطر ~ says:
ويحفظك ويخليك لي يارب .. باي..

** * ** **
وسكرت بدور الكمبيوتر وهي مرتاحه..هي تدري ان اللي سوته غلط بس اهاليهم هم اللي اجبروهم يسون كذا..
الله يسامحهم.. راحت نامت وهي مبتسمه لاول مره من زمان ونفس الشي هيثم..
* * *** **** *** **** **** ***
اريج ختمت القران على روح زوجها لانها ضلت تقراه متواصل ..وحست بهدوء نفسي.. بيتهم فضى.. الكل نام..
هي ماقدرت تنام..وجا ع بالها وصية محمود لها.. وقررت تروح تاخذها من امها..دام انها هاديه وريهام مو معها ..
اريج:يمه ممكن تعطيني اللي من عند محمود الله يرحمه..ودمعت عينها وسالت الدمعه ع خدها..
نوار: اريج يابنتي متأكده انك مستعده لها؟!؟
اريج:كل الاستعداد يمه..
نوار:ان شاء الله يابنتي..وراحت وجابته وسلمته لها..
كان عبارة عن صندوق صغير لونه بني محروق ومذهب في الاطراف..وفيه قفل وخيط يتدلى منه مفتاح هالقفل..
بايد مرتجفه صلت ع النبي صلى الله عليه واله وسلم وسمت باسم الله وفتحته..
شافت ورقه مطوية بشكل مربع.. فتحتها بدت تشوف خطه خطه اللي كانت دوم تمدحه وتقول له ليه ماتفتح لك محل خط..؟!!
وتجمعت الدموع بعينها بس لانها شافت خطه.. مسحت دموعها وبدت تقرأ:
بسم الله تعالى..
بسم الحب الذي جمع بيننا ياعزيزتي..
اكتب لك هاذي الرساله وانا كلي حزن ودموع ..وقلبي انينه يعلوو...
اريج يازوجتي وام عيالي ياعمري وحياتي..
اريج حبي انا ماقمت بهاخطوة الا وانا حاس بقرب يومي.. عشان كذا سويت موضوع السفرة اللي بنروحها لجزر الكاريبي..عشان نقضي ايام حلوة سوا قبل لاروح عنكم..
اروج قلبي وانتي تقرين هالرساله بكون رحت وعطيتك عمري هديه ابيك تعيشين عمري وتسعدينه اريج مابيك لاتصيحين ولاتزعلين وكل شي بيد رب العالمين.. خلك شجاعه وايمانك برك قوي ياعمري..وعسى ان تكرهوا شيئا وهو خير لكم.. اريج انا دوم اقولك مابي اشوف دموعك ..حتى لو على فرقاي..صح؟؟ شو يعين ماتبيني اكون مرتاح؟؟!
اريج اوصيك على نفسك وروحك وعمرك.. اريج اهتمي بنفسك وببنتي ريهام وبعبد العزيز ان شاء الله .. يا الغاليه ياكل شي بحياتي اوصيك ماتحبسين نفسك وماتضايقينها..خلي حزنك بقلبك ومع الايام بيروح بس لاتصيحين ولاتدمعين دموعك غاليه جواهر لاليء ..انا كم مره قايل لك اذا بتصيحي قولي لي عشان اجمع هالجواهر واصير تاجر مجوهرات كبير هاه كم مره هههههههه اريج انا احببك .. واكيد انتي تحبيني ..صح؟؟ فابيك تسمعين كلامي.. اريج لاتمنعين نفسك من الحياه من بعدي.. اريج لو حصل وتقدم لك أي شخص وكان زين وخلوق وافقي ولاتقعدين بدون زواج ... لاتحرمين عيالي من اب غيري يحميهم ويحميك ويكون لكم سند اريج انا اتقطع وانا اقول هالكلام لانك لي انا وانا احبك بس انا حاس ان القدر بيفرقنا اريج لاتنسين وصيتي عيشي حياتك ولو حصل وتزوجتي ..لاتظلمين زوجك بس هم لاتنسيني.. اريجوه حبي اذا جبتي ولد ثالث سميه على اسمي.. اتمنى يكون عندك ولد باسمي تكفين حققي لي هالامنيه لو صار فيه فرصه وماتضر العيال اهم شي..
اريج اريج قلبي يسلم عليك .. احبك ..
اريج في الصندوق خاتم الفص اللي فيه حجر كريم غالي غالي ماديا وغالي معنويا .. اريج اوصيك تلبسينه دوم لين ماتكبر بنتنا ريهام ويصير قدها وتعطينها اياه وتقولين لها: بابا يحبك واجد..
اريج اذا الله ماكتب اني اشووف ولدي ..خبريه اني كنت متلهف لشوفته..
واذا كنتي صج تحبيني بتنفذين كلامي ومابتصيحين وبتعيشين حياتك مثل ماوصيتك..اريج من تنتهي عدتك عيشي حياتك .. اريج شقتنا باسمك انتي وريهام.. لكم لاتبيعينها يا اريج خليها لكم..
انا لازم اروح الحين وبكون واثق انك بتنفذين وصيتي..
بس هاه ماوصيك دووم ادعي لي وسامحيني وحلليني وارضي عني يالغاليه .. عشان ارتاح بقبري..
مع السلامه..
احبك..
محمود..زوجك..
* ** **
اريج خلصت الرساله وهي تقول: لا لاتروح محمود ضل تكلم اه ياقلبي..
وماسمحت لدموعها تنزل عشان يرتاح محمود بقبرة..
ومسكت الخاتم وكان باين انه جد غالي وفخم كثيير وحلوو.. وكأنها لاحظت شي مكتوب فيه بس ماينقرأ.. لبسته وكانه اثمن ماتملك..
وقامت تقرا وتعيد برسالته يمكن فوق العشر مرات..لين نامت وهي حاضنتها.. وتحس انها تشم ريحته..
**** **** *** *** **** *** ***
طبعا جنان رجعها حسام بيتهم بعد ماستانست معاهم مع امه وخواته اللي ماخلوا سالفه الا قالواها..
وعاد حسام ومناهل سووا نفسهم يعلمون جنان ..عشان الكويز وهي تضحك عليهم..
والكل كان مرتاح مع جنان مثل ماهي مرتاحه معاهم والحب بينهم تولد اكثر..!!
** *** ** **** *** ***** ***
وفاء مانامت طبعا وكانت تلعب مع ريهام اللي استانست مع وفاء.. وفاء دايخه فيها النوم لكن عاطفتها على هالبنت اليتيمه خلتها تتحمل..
لين ماطاحت ريهام من التعب.. شالتها وسدحتها على سريرها وانسدحت جنبها وشافت دفتر التلوين ع الارض قامت سحبته وطلعت الصورة.. وشافتها ..كانت صورة لاريج وباينه رووعه .. كانت تضحك ووجها منور وشعرها محايط وجهها وباينه حلووة كثيير..وتذكرت حالها الحين ودعت من صميم قلبها ان الله يرحمها ويسهل عليها..
وتسائلت اذا كان فواز شاف الصورة ولالا؟؟!
* ****** *** *** *** *** ** **
يوم الاثنين.. الظهر..
اريج قامت تمسحت وصلت وقرات شوي قران ونزلت وهي تحس بشعور غير.. ممزوج بحزن لكن هم فيه سكون بقلبها ماتدري من كلام محمود ولا شو..
شافتها امها وام محمود.. ابتسمت لهم ..استعجبوا منها.. وطالعوا ببعض..
اريج:شفيكم مستغربين قاعده انفذ وصية محمود الله يرحمه ويغمد روحه الجنه..
ثنتينهم:الله يرحمه ويغمد روحه الجنه يارب..
وكلوا لهم لقمه مع بعض ومعاهم خوات محمود الثنتين وكوثر ونرجس اللي توهم راجعين من المدرسه..
ام محمود:المهم يابنيتي ويا ام حسين احنا بعد ساعه بنرجع السعوديه..
ام حسين:ليه ياوخيتي تو الناس..
ام محمود:تعرفون البنت عندها كليه والبنت الثانيه بترجع لزوجها .. ولازم نرجع والاولاد يبون يرجعون لاشغالهم..
اريج:حياكم الله باي وقت ياعمتي لاتقطعوني محتاجه زياراتكم
ام محمود:سامحينا يابنتي على تقصيرنا بحقك..قبل كنا....
قاطعتها اريج:لا ياعمتي اللي راح مات.. ولاتذكرين ماضي ماينفعنا انا عمري ماشلت عليكم ومحمود معاي شلون اقدر اشيل عليكم بعد ماراح..بحزن كانت تتكلم..
راشد:احم احم..
ام راشد قالت له بعد ماتغطوا البنات :ادخل ياولدي..
راشد: يمه..اريج اخوان محمود الله يرحمه يبون يقولون لكم كلمه..
نوار لبست عباتها وتحجبت اما اريج غطت وجهها عنهم ..دخلوا اثنينهم..
عبدالله الكبير: السلام عليكم..
الكل:وعليكم السلام..
رائد الاصغر: عظم الله اجركم جميع..
الكل: طول الله بعمرك..
عبدالله وعينه بالأرض:عظم الله اجرك يامرت المرحوم..
اريج بصوت واطي:اجرنا واجرك..
رائد:بتدخل بالموضوع ياعبدالله ولا ادخل فيه انا؟؟
امهم مستغربه عن شنو يتكلمون..!! والكل بعد..!!
عبدلله: بدخل بدخل..ياجماعه وبالاخصوص انتي يا ام ريهام انا واخوي رائد بعد تفكير قررنا ناخذ ريهام معنا..!!!
اريج:نعم؟؟ ماسمعت؟؟!!
رائد: البنت تحتاج رجال يصونها واحنا مو مستغنيين عن بنت اخونا.. نبي نربيها عدل..!!
اريج: ياخوي ريهام قبل لاتصير بنت اخوك فهي بنتي ولاتحلم تاخذها مني..محد بيربيها احسن مني..انا امها..
عبدالله:البنت بناخذها ..عاد رضيتي ولالا.. مو كفايه انك اخذتي محمود منا.. الله يرحمه..
اريج تصيح وتقول: انحرمت من زوجي وتبون تحرموني من بنتي حسبي الله عليكم ..يمه .. راشد.. عمتي.. تكلمووا قوولوا شي راضيين باللي يقولونه؟؟!!
راشد: ياخوي انت ببيتنا ونحن نحترمك فرجاء الزم حدودك وانت ماتقدر تاخذ بنت من حضن امها بكل سهوله...
رائد: لا نقدر.. وبتشووف..
((في هاللحظة وصلت وفاء وليلى ومعاهم ريهام اللي من دخلت راحت ركضت صوب امها .. سبحان الله عرفتها وهي متغطيه..))
شبقتها اريج وقالت:لا ماراح تاخذونها..هاذي ريحة الغالي ولايمكن اسمح لكم تمسونها لاهي ولا ولدي الجاي ان شاء الله..
عبدالله:احنا ماشيين الحين.. بس حطي في بالك ان قريب بناخذها معانا والمحكمه اللي بتجيبها لنا..
ولف بيطلع وقال:يله مشينا..
ام محمود:وقف انت وياه..
الكل استغرب وردوا يطالعون بام محمود..
ام محمود: البنت بتضل عند امها ومحد بياخذها منها فاهميين انا قلبي محروق على ولدي فلايمكن اخليكم تحرقون قلبها على بنتها كفايه اللي هي فيه ..
رائد:بس يا امي......
قاطعته:ولاكلمه انت وياه.. انا قلت كلمتي ويله اعصوني وانا امكم..
عبدالله هز راسه بانه مافي فايده وطلع ووراه طلع رائد..
اريج شبقت ام محمود ..وهي تصييح والثانيه تصيح معاها..والكل قام يصيح من التأثرر..
روحوا بعدها اهل محمود للسعودية وخلى البيت..
** *** *** * *** *** *** ** ***

 
التعديل الأخير:
طلاب الجامعات خلصوا دراسه قبل طلاب المدارس باسبوع..

وفاء وهيفاء وليلى وعبير وبشايروزينب كل وحده نجحت بتخصصها وكلهم جابوا اما ممتاز او جيد جدا ..>>>ماشاء الله عليهم..

بدور ومناهل وجنان >>بعد نجحوا بامتياز لكن مناهل لو تنقص درجه وحده بس تنزل عن الامتياز للجيد جدا وهي مستانسه انها مانزلتها ههههه..

****** ***********

((طبعا زينب زواجها كان يوم ثاني من خلصوا اختبارات علطول .. يعني قبل مايتم شهر من وفاة محمود
وكانت عازمه كل صديقاتها وكانت زعلانه ان وفاء قالت لها بالبدايه انها مابتحضر احترام لاخت زوجها اللي ماكمل شهر ع وفاته كان باقي اسبوع ويتمم شهر .. وزينب قامت تصيح وقالت لها ان اذا ماحضرت هي مابتم فرحتها لانها وايد تحبها واعزوحده عندها .. وفاء كانت بعد زعلانه وتتمنى تحضر بس ماتبي راشد يزعل منها .. اخر شي وعدتها انها حتى لو ماحضرت الزواج بتمر عليها بتسلم عليها ..
ومشى الموضوع ..
وفي ليلة الزواج قالت لراشد وابدا مامنعها لان خلاص محمود توفى الله يرحمه ولازم يعيشون حياتهم طبيعي ..
ووفاء اقنعت ريم تروح معاها بس يسلمون ع زينب ويطلعون
ووصلهم راشد.. وقالت له 10 دقايق وبنظهر لك حبيبي..
راشد ابتسم: اخذوا راحتكم ..
وكانوا رايحين متاخر.. حتى ان الصاله مافيها معازيم وايد اكثرهم الاهل ..
لما دخلوا كانت زينب ع الكوشه ومعاها زوجها .. وكانت المصورة تصورهم .. سلمت وفاء ع ام زينب واستانست بشوفتهم لانها تعرف ان زينب بتستانس وايد .. وقالت للمصورة توقف تصوير شويه وركبوا وفاء وريم يسلمون عليها ..
وفاء تسلم ع زينب وتقول لزوجها : ماوصيك عليها اعز ربيعاتي هاي الاماراتيه فديتها علني ماخلى منها
زينب بخجل: تسلمين
ريم سلمت ع زينب وباركت لها ودارت ناحية جاسم بتقول مبروك وانصدمت مثل مانصدم هو بعد .. والتقت عيونهم ..
ولاحظوا وفاء وزينب هالشي..
ريم: جاسم!
جاسم: ريم؟!
اثنينهم : ههههههههههههههه
وفاء : واحنا ضايعين بالطوشه؟؟ شلون تعرفون بعض؟؟
ريم : تعلميني باخوي ؟ والله يازينب وصرتي نسيبتنا تراه يصير لنا كنا دوم نلعب بالبراحه هههههههه
زينب : الله وفوي صرنا نسايب
الكل:ههههههههههههه
وفاء: صدق دنيا ايه سمعت امس تقول ان عزمتها مدري من على عرس ولدها نسيبهم بس ماقدرت تيي
الكل: هههههههههههههه
ريم: زين مبروك عليكم والله يسعدكم ويوفقكم يارب..
جاسم : الله يبارك فيكم والله يسعدكم انتي بعد ووصلي سلام لخالد وابتسم..
ريم ابتسمت: واصل
وفاء: تحمل بزنب يالنسيب حطها ف عيونك
جاسم: هي في عيوني قبل لاتقولين
زينب استحت
والمصورة قامت تتحنطب ان اخروها تبي تخلص فسلمو ع بعض وطلعوا وهم مرتاحين لها ويدعون لها بالتوفيق ..وريم خبرت خالد باللي صار واستانس من الخاطر له وعشان افتك منه هههههههه ))

********* ************ ******* *******

بعد شهر من وفاة محمود..

**** *** ***
اريج ولدت قبل لاتدخل التاسع بيوم والمولود مكتمل النمو وبصحه وخير.. وسمته عبد العزيز مثل مامحمود كان يتمنى..
وهالولد مع ريهام شغلوا عليها دنياها وصارت ماتشووف غيرهم والحزن اللي يبان بنظراتها.. يمكن ماتصيح وماتخسر جواهر محمود مثل ماكان يسمي دموعها.. لكن بقلبها حسررة.. تخليها كل يووم تكتب .. صارت تكتب وتكتب اللي بقلبها على ورق..
والحين هي ع سريرها بمجلس بيت امها صار لها بس اسبوع من ولدت .. والناس كانوا يزورونها بزحمه غريبه بس الحين خفت هالزحمه شوي ..
مسكت الدفتر اللي تكتب فيه دوم وبدت تخط بارتجاف:

لماذا تركتني وحيداً في هذا العالم الموحش؟والذي ازداد وحشة عند رحيلك..
لماذا رحلت وتناسيت تلك اللحظات الدافئة التي جمعتنا ..
لماذا قررت الرحيل بعد ان ظننت انك لن تبتعد عني لحظة..
اصبحت الحياه من بعدك لاتساوي شيئاً..
واصبحت من بعد رحيلك كغريب في عالم اخر..
لقد رحلت ولم تفكر لحظة..في امواج الأحزان التي اجتاحتني عند ريحلك ..
لقد رحت ولم تدرك ان رحيلك يسبب لي الكثير....
من الألام والأحزان والوحشه..
هكذا هي حياتي من بعد رحيلك..
سلامي لك..حبيبي..
وسكرت دفترها وقعدتت تتأمل عبدالعزيز اللي طالع على محمود في ملامحه .. وكل يوم يتغيير شكله.. تعرفوون اليهال لين يكبرون شوي وهم يتغيرون بسررعه..!!
*** *** ** *** *** *** **
الطلاب والطالبات خلصوا اختباراتهم النهائيه..
طلاب المدارس اخر سنه يحاتون النسب..اللي بتطلع بعد يوميين..
احلام وزهرة ورجاء طلعت نسبهم لانهم في ثاني.. وكل وحده مستانسه بنسبتها العاليه..
احلام جابت:98.10 % >>> هاي كانت نسبتي في ثاني ههههههههاي
وزهرة بعد:98.10%>>> كنت انا وصديقة من صديقاتي جايبين نفس النسبه رغم ان مو مع بعض بالفصل..خخخخخ وترتيبنا كان 9 مكرر هههههه..
اما رجاء فجابت:95.30%
** ** *
اما نرجس وكوثر وشهد.. فرحانين انهم خلصوا مدرسة خلاص وهم يحاتون نسبهم بشكل فضييع..وخايفين..
** ** *
نايف نجح بعد وباقي له سنه ونص ويخلص دراسه ويبني حياته عددل..
وكلم بدرية وقال لها باللي بخاطرة وهي استانست له وبما انها بحسبة امه وعدتة بعد زواج ريم تروح وتخطبها له بنفسها..وهو ارتاح زياده..
** ** ** ** ***

************ ***********

خالد المسكين قاعد يعاني مسوى شوقه لريم..
لان صار لهم 5 ايام ماكلموا بعض ولاشافوا بعض..وباقي اسبوع على زواجهم..وطول هالاسبوع ماراح يشوفون بعض ولايكلمون بعض..!!

ريم صج انها ولهانه عليه بس تبيه يشتاق لها ههههههه ..!
بيتهم خلاص تجدد وصار كانه بيت جديد وكله اثاث حلو وصبغ رائع بحركات جديده.. وحتى شكل البيت من برى غيرووة وسووه حجر وكل شي صار جدييد وحتى نايف جدد قسمه على اساس ان بيعيش فيه مع حبيبة احلامه احلام..بس ما اثثه عشان يكون على ذوقها وخلى غرفته القديمة مثل ماهي يعني الاثاث لكن صبغها وجددها وباقي القسم مافيه ولا قطعة اثاث..ياحليله..فديته ..ههههاي مالكم شغل انا اللي اكتب مو انتوا خخخخخخ..
* **** ** *** * ***** ** **
اليوم الخميس..
جنان وحسام صاروا يموتون على بعض زوود ..جنان تحبه موت ..وحسام هيمان فيها..
حسام يتحايل على جنان يتزوجون في هالاجازة.. وهي ذالتنه تقول بفكر..!
جنان مع حسام بالسيارة ومعاهم مناهل..
بيوصلهم بيت بدور..
>>>طبعا بدور طول هالشهر كانت تدخل النت كل ماتسنح لها الفرصه وتلقى الكمبيوتر فاضي والكل نايم عشان تكلم هيثم وتقريبا كلمته 6 او 7 مرات بس يتطمنون على بعض لا اكثرر<<<
مناهل: جنان احس فشله وانا رازه وجهي بينكم..!
جنان:شدعوه البيت بيتنا..
الكل:ههههههههههه
وصلوا..
جنان:خلاص حسومي حبيبي لما ادق عليك تعال لنا اووكي..
حسام:انتي تامرين امر..
مناهل:احم احم ..استحوا انا هنيه......
حسام:مالك خص مرتي واتغزل فيها ع كيفي
جنان استحت:يله باي..
ومشت ضحكوا عليها ومشت وراها مناهل..
فتح لهم اخو بدور الصغير..احمد..
دخلوا وسلموا عليها من عند الباب..وركبوا معاها غرفتها..
بدور:اخيرا شفناك يامناهل.. بس صدقت جنان مثل القمر..
مناهل مسويه روحها مستحيه لكن ردها عكس هالشي وهي تقول:ادري دومني قمرر..هههه
الكل:هههههههه
وقعدو يسولفون..وهم مرتاحين ومتونسين..
* * *** ** *** **** * ** *
فواز كان بالشقه قاعد بالصاله..ويفكر: انا بتم كذا يعني مابعرس واستقر وابني عايله قربت اصك 30 وانا عزابي..ومايدري ليه فكر باريج الانسانه اللي شاف صورتها وماقدر ينساها.. استغرب ليه كله تطرأ ع باله..هي وبنتها الصغيرة اللي تعلق فيها..
هو سمع من وفاء انها ولدت وجابت ولد.. يعين الحين طلعت من العده..
وهو يحاور نفسه:بس انا وش يهمني من هالشيء؟؟! اخ يافواز شكلك حبيتها.. لا شو حب ..يمكن اعجبت فيها.. بس تدري شلون انا بكلم وفاء وبقول لها اني ابي اتزوجها..بستفيد زوجه عاجبتني وهم بكسب اجر بهاليتامى لما اربيهم...
هيفاء:عمي بشوو سرحان..
حليمه:هاي حالته صار له ساعة زمان هيك.. شو بدي ائول لك مابعرف شو به؟؟!!
فواز: مابني شي يامي بس كنت افكر..
حليمه:بشوو؟؟
فواز:اتزوج..!!
حليمه:صحيبييح لك تؤبرني حبيبي اخيرا فكرت تحقق حلم امك..
فواز:ايه يمه بس صبري علي اضبط اموري..
هيفاء:ومنو سعيدة الحظ؟
فواز:كل شي بوقته حلو ياحلو..!!
فواز:المهم انا بطلع تبون شي ؟؟
حليمه:سلامتك..
وطلع..
هيفاء:يووووه نسيت اقول له يجيب ليموون التبوله خلصت بس مو حلوة بدون ليموون.. وراحت وراه لكن مشى وهي تبيه الحين..
هيفاء:يمه انا بروح قريب السوبر ماركت بشتري ليمون وبرجع انزين؟
حليمه:انتبهي ع حالك هاه.. ولاتتاخري.. ايه وجيبي لي معك هايدا اللي بيجيبوه ع التلفزيون..
هيفاء: شو هو؟؟
حليمه:هذا نسيت اسموواففف ايييه عرفتو.. اللي بيئولوا عندما تعشق الشوكولاته..
هيفاء:ههه يمه كم مره قايلين لك مو زين لك السكر واجد والجلكسي واجد سكر..
حليمه:قطعة صغيرة بس شو يعني بتخليني حابه اذوقه وانا متحسرة عليه..
هيفاء:هههههه فديت قلبك والله خلا ص قطعه صغيرة لك ولا يهمك..
وراحت لبست عباتها وطلعت..
** ** ** *
بنفس الوقت سالم كان توه واصل البحرين من ذاك اليوم اللي طلع فيه مع ليلى راح السعودية وتوه راجع.. اشتاق لهيفاء.. لكن بعده يحتقر اللي تسويه..
وهو عابر بسيارته لمحها ماصدق عمره.. لحقها ونزل وراها السوبر ماركت..
وقبل لاتدخل..
سالم:هيفاء استنتي..!!
هيفاء وقفت منصدمه تصدق هالصوت ولالا.. وكانت فرحانه.. بس تذكرت كلامه عنها وتصنمت..
من جا قبالها قالت بعصبيه كبيرة: انت انت مره ثانيه وش جابك وراي بعد؟؟ تهمه جديده ولا شوو؟؟
سالم بمسخرة: ليش هي خلصت التهمه الاوليه..سمعيني بس ياهيفاء..
هيفاء: لابغي اسمعك ولا ابغي اقول لك شي ابغي امشي اخلص شغلي وبعدين منو انت عشان تقول لي ياهيفاء كذا بدوون احم ولادستور..
رجاء لاتخلي الناس تطالع فينا.. ووخر عني...
سالم تباعد عنها.. وهو خايب..
لانه عارف انها مابتعطيه فرصه يتكلم..
ومن القهر زاد الطين بله وقال:اصلا انتي مجرمه وحقيرة تقصين على اثنين والله العالم اذا فيه غيرهم ولالا..!!
هيفاء سرعت خطواتها ماتبي تسمع كلامه يجرحها ويعور قلبها..يهمها انه يعرف الحق بس ماتقدر تقولة وتخاف تتكلم.. ومسحت الدمعه اللي نزلت من عينها عشان لايشوفها..
* *** ** ****** **** ** **
مناهل: بدوور وين الحمام؟؟
بدور: طلعي الباب الابيض اللي مقابلك علطول..
مناهل :اوكي..
وطلعت دخلت الحمام .. ولما طلعت بدون ماتدري دخلت غرفة علاء بالغلط بدل غرفة بدور لانهم جنب بعض والحمام مقابل الوسط بينهم..
دخلت وهي ع بالها انها غرفة بدور..الا تقول:يوه وين راحوا..؟؟ ياخيبتي هاذي موب نفس الغرفه.. وقعدت تتأمل الاثاث البسيط المرتب والجميل..
وهي تطالع طاحت عينها على زاويه بالغرفه شافت مرسم.. والوان وايد..
وتحت المرسم كذا لوحه مرسومين..
عاد مناهل تشوف مرسم ولوح والوان ماتمسك عمرها>>>مناهل من صغرها تحب الرسم كثير وفنانه فيه ورسامه عظيمه بعد..
نزلت ع الارض..و بسطت..هههه وقعدت تطالع اول لوحه ..عبارة عن بحر هايج وسماء متبلده بالغيوم وفيه غيمه شبه سوداء.. وشايله الدنيا معاها..
وكانت تتكلم بصوت عالي: هاذي تعبر ان اللي رسمها امم في شي بباله
وشي كبير ويفكر فيه وايد..
شافت اللوحه اللي وراها وكانت العكس تماما تبين اللي راسمنها رومانسي هادئ لطيف.. كانت عبارة عن طفل وطفلة ماسكين بعض ببرائة والطفل يبوس الطفله وهو يبتسم وهي مستحيه وخلفيى الصورة كانهم في منتزه ولا
حديقه.. كانت روووعه..
وقفت تطالع الالوان.. وماقدرت تقاوم.. قامت وفتحتهم ورفعت اكمام عباتها شوي.. وكانت شايله الشيله وحاطتها ع رقبتها..وبدت ترسم..
وع السريع رسمت خلفيه زرقاء تمثل السماء..وفيها نجوم وقمر متلئلئين بلون الذهب..
ورسمت بنت تطالع في القمر .. شعرها اشقر يوصل لنص ظهرها وهي رافعه راسها..عينها زرقاء..
ولابسة ثوب وردي منقط بابيض..ووقعت تحت كتبت اسمها بالانجليزي..كعادتها..
ودخلت الحمام اللي بالغرفه وغسلت يدها.. وطلعت رفعت راسها الا تشووف واحد قدامها..
مناهل:شهقت وحطت الشيله ع راسها.. وجات بتطلع..
علاء وهو مستغرب: منو انتي؟؟ وشو تسوين بغرفتي؟؟
مناهل:هاه انا ولا شي بس ضيعت غرفة بدور..
علاء:يعني الله كاتب لي اليوم اشوف قمر..
مناهل: عن اذنك اسفة ماكان قصدي ادخل..
علاء يبي يخوفها شوي:هوانتي فاكره دخول الحمام زي خروجه..
مناهل بتوتر: شفيك انت ماتفهم خلني بروح حق بدوور..
علاء: انت لسانك طويل..
مناهل: وانت قليل ادب..
علاء:هههههه
بدور كانت طالعه تشوف مناهل وين راحت لانها تاخرت هم قالوا يمكن خذوها التوأم غرفتهم ولا احمد وهي دورتها كل غرفهم مالقتها ويوم سمعت ضحكة علاء راحت فتحت الباب..
مناهل كانها خيط النجاه راحت لها وقفت وراها بمنظر يضحك:بدور شوفي هذا مو راضي يخليني اطلع على باله بخاف منه انا..
بدور:هههه عجل اللي انتي فيه الحين شنوو...؟؟ هههه وش جابك هنا؟؟
مناهل: غلطت بالغرفه..
علاء:بعد واحد وبيدخل غرفته بيشوف فيها قمر لازم بيسالها منو هي ومن وين جايه..!
بدور:خلاص خلي البنت بحالها لاتخوفها .. يله تعالي وطلعوا مع بعض وعلاء جايه له طاقة ضحك كبيرة..
راح عند السرير وصار يشوف المرسم لان قبل شوي كان وراه.. وانتبه للرسمه الفضيعه اللي مرسومه بدقه وملامح حلوة رغم انه باين على اللي رسمها السرعه لكن ماشاء الله مضبووطه..
عرف شو اللي ماخلاها تطلع علطوول ..حبها للرسم.. شاف توقيعها وقرأ الاسم:مناهل..واو حلو اسمها...
وضل يطالع الرسمه شكثر حلوة وتعبر عن الطفله داخلها وتعبر عن البنت فيها البنت الصغيرة.. والله انها خياليه.. مناهل ..
وضل يفكر فيها..ويتذكر شكلها اول ماطلعت من حمامه وقصة شعرها ع جبهتها مبينتها بريئة وملاك كانت حلوة وفي خصل ورا اذنها.. ناعمه ملامحها دون تكلف..عجبته ياناس..ياهوو علاء اعجب بمناهل اللي بدورها ضلت تذكرة وتذكر فشيلتها يوم يشوفها بغرفتة وتذكرت الرسمه وضلت تحاتي ردة فعله..وشكله الوسيم مايروح عن بالها..!
جنان اتصلت بحسام يجي لهم وهم طالعين سمعت احد يقول:رسمك وايد حلووو ..بس ماشافته..
وضلوا ببال بعض.. ياترى قصة حب جديده ولا حدث وبينسى؟!!
*** * * * ** * ** * ** ** **
يوم الجمعه..
ريم وامها وليلى وماريه صديقتها طلعوا يتممون تجهيزات زواج ريم اللي بيصير الخميس الجاي..ومعاهم بنات مارية التوأم..!
& & &&& &&& & & && &&&
عبير تكلم وفاء بالتلفون..
عبير: بعد عشر دقايق بيجي نصور وبنطلع..
وفاء: وين بتروحون؟؟
عبير:ما اعلم سر!!!
وفاء: ..اه يا دنيا.. نسيتي العشرة وخلاص ماتبين تعلمين نصور سحرك.. مشكوورة ياغلى الحبايب..
عبير:هههههه طالعوا هاذي صدقت وفوي عمري تدرين اني امزح معاك..
وفاء: اعرف امثل يعني واسوي نفسي مصدقه؟؟!!ههههههه
عبير:هههههه فديت اخت ريلي والله..
وفاء:احم احم
الثنتين مع بعض:هههههههه
وفاء:الله لايخلينا من بعض يارب..
عبير:يارب..
وفاء:اقوول يله ضفي انا غرت بكلم ريلي بقوله يطلعني..
عبير:ههههههههه حتى لو طلعتكم مستحيل تصير مثل طلعتنا احنا سبيشل..
وفاء:ههههههه برايكم ..يله باي..
عبير:شدعووه ماشبعت من صوتك..
وفاء تبي تقهرها: بس انا شبعت..
عبير زعلت: اوكي باي..
وفاء:احبك عبيرووه..
عبير:فديتني انا بعد احبك ..هههه
وفاء:ههه يله باي..
عبير:باي..
* ** * * ** ** *
راشد كان متملل وزهقان.. اتصل لوفاء..
وفاء:فديتك توني كنت بدق..
راشد:عجل بسكر ودقي..
وفاء:ههه لاه حق تخسررني ..
راشد: وايد علي يعني؟؟!
وفاء: لا موب وايد انت لو تطلب عيوني اهديها لك..
راشد:تسلم العيون وراعيتها.. الا وش كنتي تبين ؟؟
وفاء: حرام يعني اتصل بخطيبي اسأل عنه؟؟!!
راشد:لا مو حرام لكن انا حاس ان السالفه فيها ان ..!
وفاء: خاطري اطلع..
راشد:طلعي حد ماسكك..!
وفاء:اووه رشود ابي اطلع معاك..
راشد: وين تبين؟؟
وفاء: امم مادري عادي ..مثلا نروح السينما وبعدين نتعشى بمطعم ونرجع.. لا وقبل لانرجع نمر نسير ع البحر نسلم عليه ثم نرجع..
راشد بباله: اه يالبحر صج اني قطعتك وانت اللي كنت لي اغلى صديق..
وفاء:وينك ؟؟ ليه ساكت؟؟
راشد: لا بس حسيت اني مشتاق للبحر..
وفاء: اها يابخته اجل..
راشد: ليش يابخته؟؟
وفاء: لأنك انت مشتاق له..
راشد:احبك وفوي..
وفاء:............
راشد وهو بعده في خاطرة زعلان لانه من انخطبوا لبعض وهي ولا مره قالت له انها تحبه..!! ولا مررره.. وهو بيضل يخليها ع راحتها..
راشد: طيب تجهزي ربع ساعه وانا عندك..
وفاء: تسلم.. باي
راشد: باي
* ** **
راشد مايدري ليه وفاء ماترد عليه لما يقول لها يحبها.. وفاء تحبه بل تموت عليه لكن لما يقول لها احبك يصير لها شي موطبيعي ..يدور راسها .. قلبها ينبض بقوه..
انفاسها تتسارع.. مايمديها ترد عليه الا وهو مغير الموضوع..!!
* *** * * **
جنان تكلم حسام: المهم حبيبي انت لازم تحضر زواج بنت خالتي ولازم امك وخواتك يحضرون بعد.. تكفى طلبتك لاتردني ..تعالوا كلكم..
حسام: وين اقدر ارفض وانتي اللي تطلبين مني هالشي.؟. انا مستحيل ارد لك طلب لو تقولين لي تزوج علي مابرده لك..
جنان: نعم؟؟نعم؟؟ خير؟؟ شو قلت؟؟
حسام:هههه بس اضرب لك مثال..
جنان: حبيبي لايجي ع بالك تسويها حتى ترى ترى حبي لك ينقلب حقد وكره..
حسام: ويلي مستحييل اتحمل بموت بعدها ومستحيل اجازف.. ياقلبي من قالك اني افكر بالسالفه انتي مكفيتني وموفيه وبعيش معك عمري لاخر لحظة معك لوحدك..بس كنت حابب اغيضك شوي..
جنان: اه حسام انت شسويت فيني.؟؟ انت سحرتني؟؟ ايه ايه عرفت خدرتني وسرقت قلبي.. اوتعيت الا هو عندك خلاص..
حسام: ياويل قلبي من هالكلام: جننتينتي..جنانوه احبك..
* * * * * * * * ** * * *
نرجس وكوثر.. قاعدين مع اختهم اريج يلاعبون عزوز وريهام ويسولفون مع اريج..اللي تحسنت حالتها النفسية شوي وزاد حزنها شوي..
وكانوا رافضين يطلعون لاي مكان وكل تفكيرهو بنسبتهم اللي بتطلع بكره..
- - - - - -- - -
كوثر سرحانه تذكر قبل اسبوعين يوم تعطيها شهد ورقه من عند خليل..كاتب فيها:
السلام عليك كوثر يا الغاليه..
انا بطلب منك طلب وان كان لي خاطر ومعزة عندك بتنفذي هالطلب..
كوثر ابيك تهتمي بصحتك وتركزي بدراستك..هانت ياكوثر هانت..
لاتخلين هالظروف تأثر عليك انا خابرك اقوى من كذا..!
كوثر انا ادري بهالحركه اصير شبه قليل ادب وسخيف بس ماقدر امنع نفسي من اني اقول: احبك..
المرسل:خليل..
- - -- - -- - - -- - -- - -- - -
راشد مر على وفاء وراحوا المجمع واختاروا الفليم اللي بيدخلونه بعد نص ساعه يبتدي وقعدوا في كوفي شوب يسولفون مع بعض وتحيط حواليهم هالة من الحب والشوق والجمال..
- -- -- - - - -- - - - - - -- - - - -- - - - - -- - -
سالم مو عارف لاينام ولاياكل..التفكير غالبنه ليل ونهار.. موضوع هيفاء مسيطر عليه تماما.. ومخليه متضايق ومعصب ومتنرفز لابعد حد..
سالم:اففف اكررهك ياهيفاء اكرررهك...ياربي.. لا ماظني اكرهك بس ماطيق اشوفك تسوين كذا انا احببك..!!
وقرر انه يرجع السعوديه ومايجي عشان هيفاء البحرين مايجي الا لاجل اهله وقرر انه مايتدخل لانه تعب وتعبه طيحته بحب هيفاء اللي ماتستاهل حبه لها على حسب ظنه..!!
*********
راشد ووفاء دخلوا السينما جالسين جنب بعض والناس تدخل وراهم باقي 10 دقايق ويبدأ الفلم.. واثناء جلوسهم وسوالفهم امتلت المقاعد اللي جنبهم .. وكان جنب راشد وحده وفي حظنها ولد صغيير وجنبها وحده بعد.. وفجأه كانت هالوحده تطالع براشد وقالت بدهشه: راشد؟؟!!
ياترى منو هاي؟؟
* **** **** **** ** **** ***** **
منير ومشاعل كانوا مقررين يرجعون السعوديه عشان يحضرون زواج حفيدتهم الكبيرة ريم واللي يحبونها كثيير ويبون يكونون معاها يفرحون لفرحتها ويشاركون الاهل بهالمناسبه..
وطبعا الكل عارف بهالشي ومجهزين لهم غرفة ينامون فيها ويرتاحون فيها طول ليالي الفرح ومتلهفين ع رجعتهم الا بتكون ان شاء الله يوم الثلاثاء الجاي يعني بعد 3 ايام وقبل العرس بيومين ..
** **** ***** ** **** **** *****
اريج حزنها ع فراق محمود كبير وماخف ولا لحظة كل يوم تقرا رسالة محمود وتنام والحين هي تقراها بقلب متألم حزين .. ريهام نايمه مع خالاتها وعبد العزيز نايم بسريره الصغير جنبها..
بعد ماقرتها ناظرت صورة محمود المعلقه قدامها ع الجدار ومحطوطه ببرواز كبير وقالت بهمس: احبك حبيبي .. عمري ماراح انساك.. وتهيئت لتنام..
** *** ******** ***** *** ***
هيفاء النوم مجافي مقلة عيونها .. تفكر بسالم اللي ماتعرف شو اسمه اصلا تفكر شو يبي منها وشو يهمه بسعود اففف تفكر ليش هي اصلا مهتمه فيه منقهرة من قلبها اللي يرجف كل ماتناظرة عيونها تتمنى ماترجع تشوفه ابد ودعت ربها يبعده عن طريقها لانه يمثل لها خطر وخطر كبير بعد..
*** * * ******** ****** ***** ** **
وفاء انصدمت لما شافت البنت تتامل راشد وانصدمت زود لما سمعتها تنطق باسمه...
راشد التفت وتوسعت عينه من الدهشه وقال:مها؟؟!
مها خطيبته الاوليه: اهلين راشد كيف حالك شو اخبارك؟؟
راشد مستغرب: الحمدلله بخير ونعمه انتي شلونك وشلون اهلك؟؟
مها بفرح عارم انها شافته قالت: كلنا نشكر الله الحمدلله
راشد : دوم يارب
مها: وياك.. تسلم.. والله زين الا شفناك ابد ماتسأل..
راشد بباله ليش اسال على من خربت لي حياتي : شنسوي والله تعرفين الظرووف والشغل مافيه وقت ابد..
مها: انا سالت عنك مره قالوا لي انك بلبنان ؟!
راشد: ايه كنت رايح ادير فرع شركتنا الا هناك ..!!
مها بعد ماتنهنه الولد الا بيدها قالت له: هذا راشد ولدي سميناه على اسمك .. بضحكه غبيه قالتها>>
وفاء مغتاضه وبتموت من الغيرة والف فكره وفكره صارت تلف براسها زعلت وانقهرت ان راشد ماعبرها حتى ولا قال لها من هاذي خلاص ماعاد فيها تتحمل.. وكانت تتحرك بعصبيه واضحه . انتبه لها راشد.. وقال اوه سوري.. واشر عليها يخاطب مها وقال: هاذي وفاء خطيبتي..
مدت مها ايدها وقالت: اهلا
وفاء ناظرتها باحتقار واضح وبصعوبة مدت ايدها وقالت: هلا فيك
الفلم ابتدا واظطر الكل يسكت يتابع بصمت..
وفاء ماتكلمت مع راشد ولا كلمة وهو يناظرها بقلق لانه شاف انها معصبه بطريقه اول مره يشوفها معصبه فيها فماحاول يكلمها بالمره..
مها كل شوي تعلق تعليق وتضحك مع راشد اللي يبدالها هالشي من باب المجامله ومن دون نفس.. ووفاء تلاحظ هالشي وساكته وتغلي من الداخل.. بس لما زاد الموضوع عن حده ماقدرت تسكت اكثر وقالت له بعصبيه : راشد انا طالعه.. وقامت ..
راشد: وفاء وفاء.. ماردت عليه.. قام وراها..
وفاء تخبي دموعها: رجعني البيت..
راشد:..... لاتعليق...
وفاء بعصبيه: بترجعني بيتنا ولا اخذ تاكسي..؟؟!!
راشد قال لها بهدؤء: وفاء هدي اعصابك تعالي بالبيت نتفاهم لاتلفتين علينا عيون الناس..
ومشوا ركبوا السيارة ووصلوا البيت والوقت يمر ببطء شدييد..
دخلوا البيت ..اللي ماكان فيه احد غير الخدامات وهادي اللي مانتبهوا لوجوده..
ريم وليلى وبدريه بالسوق..
راشد تقرب من وفاء وقال وفاء سمعيني مسك ايدها فاجأته برفضها لايده وقالت بصريخ: وخر عني لاتلمسني .. خاين..
ونزلوا دموع عينها..وفاء متشوشه قالت كلام مافكرت فيه الغيره عمت لها عقلها وقلبها..
راشد عصبي .. مسك حاله وقال: سمعيني ياوفاء واكسري الشر..
وفاء بتهور: شنو اسمع؟ اسمع علاقتك مع غيري ولا مواعدتك لغيري؟؟
راشد بعصبيه وبدون احساس مد يده وعطاها كف بيده كف من امه كف لدرجة ان صوته رن بالمكان وحمر لها خدها
(هادي اللي ماكنوا منتبهين لوجوده كان مره قريب منهم ويراقبهم بدهشه والخوف بعيونه كأنه يشوف مشهد امه وابوه لما كانوا يتهاوشون كذا بس الاختلاف ان ابوه عمره مامد يده على امه واول مره يشوف وحده من خواته تنضرب قدامه فمجرد ان لامست يد راشد خد وفاء اللي صار احمر بدون اي مقدمات انقض هادي على راشد قام من كرسيه ومشى كم خطوة بسرعه ورمى نفسه على راشد وصرخ بصوت عالي وخايف وكان يهدد ( لا تمد يدك على اختي لا اوريك شغلك ) وكانت الصدمة والمفاجأه بتحرك هادي من كرسيه وفاء وراشد منشلين تماما ومو قادرين ينطقون باي كلمة هادي بعده متضايق وغضبان وماستوعب اللي صار ..
وفاء دموعها تجمعت وطاحت من عيونها بشكل غزير وهي مبتسمه ابتسامه عريضه .. راشد مستانس وعارف ان اللي صار ممكن يرجع لهادي قدرته الطبيعيه ع المشي..
هادي بعد ثواني بينت طوويله من الصمت الا صار طاح ع الارض رجله ماحملته ..
العاصفه هدت بينهم ونسوا كل شي..!!
وفاء طالعت براشد فرحانه وقالت: يمكن يرجع يمشي ياراشد وهي تصيح
راشد ابتسم لها : ايه حبيبتي ان شاء الله بيرجع خلينا ناخذه للدكتور اللي يتعالج عنده ونشوف وش يصير
وفاء: يله..
هادي ساكت ما علق ماتكلم ولاكلمه يتمنى انه مايكون يحلم يتمنى عن جد لو يقدر يرجع يمشي مايدري كيف قام ومشى اصلا مايتذكر وش سوى عشان يقوم..
وفاء مسكت يد راشد وهم بالسياره وقالت له بشكر ممزوج بسخريه: شكرا حبيبي اعتقد الكف اللي عطيتني اياه هو السبب ..
راشد طالع خدها وكيف اصابعه مرسومه عليه وغادي احمر بقوه وحس بالندم انه ضرب حبيبته وغناة روحه وفاء حس بالحزن لمده يده عليها مايدري كيف طاوعه قلبه وقال: اسف غناتي وفاء سامحيني تنكسر يدي قبل مامدها عليك مره ثانيه..
وفاء بصدق رغم الالم: لا لاتقول كذا مايهمني الموضوع الحين دام اني برجع اشوف اخوي يمشي على رجله مره ثانيه انا داريه انك غلطان وانا بعد غلطانه اني سمحت للشك يدخل بيني وبينك كان المفروض اكون واثقه فيك وياليت تسامحني انا اكيد مسامتحتك يالغالي.. بس ها حط ببالك بعدين بتخبرني سالفة ام راشد هذي >>بغيض قالتها
راشد باس ايد وفاء وقال لها بعيونه شكثر يحبها...وهو كاتم ضحكته عليها ..
*** ***** ** *** ****
اريج بشوق: صباح الخير حبيبي
محمود بحنان: صباح الورد والياسمين صباح الفل لاحلى فله بالدنيا
اريج بحيره:هاه كيف تشوف الدنيا اليوم؟؟
محمود منصدم: امم انا ماشوفها!
اريج بخوف: لايكون انت بالقبر؟!
محمود: يمكن!!
اريج بامل: او يمكن انصبت بالعمى؟!
محمود: جايز!!
اريج بهلع: قول لي الحقيقه!
محمود: الحقيقه ان النور مقطوع!
اريج بشبه ضحكه: افتح النوافذ!
محمود: ماقدر..!
اريج: ليش؟؟!
محمود: لان الغرفه اللي انا فيها مافيها نوافذ!!
اريج: لايكون انت في السجن؟!
محمود بأسى: يارييت !!
اريج بهلع ودمعه ع خدها قامت من النوم مفزوعه وهي تهمس باسم محمود..
اريج: اعوذ بالله من الشيطان الرجيم .. اه كان حلم كان حلم وقعدت تقرأ المعوذات عل وعسى تهدي نفسها..
يوم هدت شويه فتحت الدفتر الا تكتب فيه وبدات تخط بخط سريع ومهتز:

عندما اخذت اقلب ذكريات الزمان
عندما رجعت الى الوراء خطوتين
اخذتني افكاري بعيدا الى ارض الامان
يوم كانت عيناي بقربك تعشقان الحنان
واحلامي تراودني في كل مكان
تجعلني انسى ياحبيبي ظلم الزمان
وفجأة.. تنبه حسي الى ارض الوطن
وكأن حينها ضرب القدر عمق الزمن
فرجعت مره اخرى الى عهد الصمت والسكون
ليت الحلم كان حقيقه ولكنها الاقدار
وقدر الله وماشاء فعل.. حسبي الله ونعم الوكيل..
وحطت دفترها وهي تتنهد وشالت عزوز اللي كان يبكي من الجوع !!
** ** *** *** ****
خليل كان يحاتي كوثر وايد ويحاتي نسبتها اكثر عن اخته شهد بعد..
كان متضايق انه مايقدر حاليا يتقدم لها رسمي بسبب وفاة زوج اختها .. هو حزن على موته ولكن الله كاتب هالشي ولازم الكل يتقبل وهو بيصبر وبينطرها ولو تطلب الامر منه ينطرها لاخر عمره بينطر لانه يحبها واللي يحب لازم يضحي ..!!
****
وهنا خلص هذا الجزء وهم اسفه ع التاخير والله مو بيدي والظرروف اكبر من الانسان واتمنى انكم تعذرون!!
ترقبوا الجاي ..
 
الجزء الثالث والاربعون

وفاء وراشد بالمستشفى
بعد ماقابلوا دكتور هادي وخبروه باللي صار.. دخل هادي مع الدكتور وقام يسوي له اختبارات وفحوصات
ووفاء وراشد متوترين ينطرون الدكتور يرد عليهم خبر
عقبها بنص ساعه من الانتظار طلع لهم الدكتور مبتسم
راشد: ها دكتور بشرنا؟
الدكتور: الحمدلله .. النتايج تقول ان هادي ممكن يرجع يمشي مره ثانيه وبسرعه كمان .. بس لازم تتبعوا التعليمات اللي راح اخبركم ياها..
وفاء بفرح: ان شاء الله
الدكتور: تجيبوه كل يوم المستشفى الصباح عشان يقوم بتمارين معايه كل يوم ساعتين .. من الساعه 8 الى 10 .. وكمان لازم تخلوه طول ماهو بالبيت يحاول يمرن رجله ع المشي عشان اعصابه رجعت للحياه ثاني بس لازم يساعدها تحس وتشعر فيمشي..
انتوا فيكم تساعدوه بنفسيكم بس تقدروا كمان تاخذو لكم ممرضه تعتني فيه وتمرنوه طوال الوقت وكل حاجه ليها كلفتها .. وانتوا براحتكم
راشد: خلاص دكتور فالك طيب .. احنا بناخذ له ممرضه طبعا هذا الغالي اخو الغاليه وكل شي لعيونه رخيص ..
الدكتور يضحك: ان شاء الله خلال شهر شهرين يكون رجع يمشي مثل الحصان
كلهم: هههههههههههههههههه
ورجعوا البيت وبشروهم كلهم واستانسوا بالقوه وقرروا يوم ثاي يسون عزيمه ويذبحون خروف فرحة لهادي اللي ماكان مصدق وفرحان بقوه
**** ****** ******* ***

حسين بعد وفاة زوج اخته واجواء الحزن اللي صارت بالبيت والكابه خلته يهرب منها دوم ويقضي معظم اوقاته مع رمزي صديقه وبنته داليا اللي صارت ترسم البسمه ع شفاته من جديد .. حسين كاسره خاطره داليا يحس انها محتاجه ام بحياتها صج رمزي مو مقصر عليها بشي ومربنها احسن تربيه بس بعد داليا بدت تدخل عمر تحتاج فيه ام .. ولازم رمزي يفهم هالشي..
رمزي: بلاك حسين سرحان؟؟
حسين:هاه لا بس كنت افكر بشغله
رمزي: وماهي؟
حسين بابتسامه: ابنتك ياعزيزي
رمزي كشر: وش بلاها بنيتي ؟؟
حسين: مابلاها شي بس اذا منت ملاحظ حبيت اقولك ان البنت تحتاج لام ..وبهالسن بذات بتلاقي معاها صعوبه شوي بالمستقبل..
رمزي فكر بهالشي من قبل بالذات يوم بدا يلاقي معاها صعوبه لما حسين رد البحرين فابتسم وقال: ع ايدك ياخوي كانك بتلاقي حرمه سنعه تقبل تتزوجني وتربي بنتي انا معندي اي مانع ترى مو بس البنت محتاجه ام انا بعد محتاج زوجه!!
حسين كثر ماهو فرحان عشانه انصدم انه بسهوله قدر يوصل للي يبيه فقال له : خلاص خلني افكر وانا اختار لك احسن عروسه ممكن تخطر ع بالك..!
رمزي متاكد ان حسين نعم الاخ والصديق واللي يفكر بحاله قبل مايفكر بنفسه فقال له: اشكرك ياخوي والله ماعرف شكنت بسوي بلاك .. انت اللي لقيت لي هالبيت ومشيت امور بنتي للمدرسه الجديده وشكلك انت الا بتزوجني بعد ..
حسين: وش هالكلام يارمزي انت تدري ان احنا اخوان ومابينا هالكلام .. المهم انا بروح البيت اطمن ع الاهل وبكره جهز داليا ياخوك باخذها عندنا البيت عل وعسى تغير جو عليهم شوي ..
رمزي : اوكي الله معاك انتبه ع حالك وان احتجت شي لايردك الا لسانك !
حسين: ان شاء الله يله في امان الله
******* **** **** *** ******
احلام تفكر بنايف دوم وتشكر الله انه نايف مالعب عليها وانه يحبها مثل ماتحبه .. وتبيه يخطبها اليوم قبل بكره لانها مشتاقه له موت بس ماتقدر تسوي شي غير انها تطلب من عبير توصل له سلام ههه
* *** ** **** ****
يوم السبت ..
كوثر ونرجس ينتظرون بفارغ الصبر نتايجهم ومايعرفون متى بالضبط بينشرونهم بالنت صار لهم ساعه يستنون واعصابهم ماعاد فيها..
* * * ** ** ****
خليل كان يعرف واحد ممكن يطلع له النسب قبل وقتها .. وكلمه وقال له اساميهم وبصعوبه طلع له النسب
شهد: ها قال لك؟؟
خليل بفررح: يسسسسسس
شهد: كمم كمم كم ؟؟
خليل: مبرووووووك شهد جبتي 93%
شهد: واو وحضنت امها اللي باركت لها وفرحت عشانها
سعاد: ها وطلعت نتايج بنات خالتك ..
خليل: ايه نرجس : 94.94% وكوثر جابت 91.98%
الكل استانس لهم .. سعاد : انا بتصل ابشرهم
خليل: لا دام انا اللي جبتهم انا بتصل ابشرهم
شهد:ههههههههه زين يله بسرعه اكيد هم ع اعصابهم الحين
..
ويرن التلفون في بيت ام حسين
وترد بسرعه نرجس..
نرجس بقلق: الو
خليل: مرحبا
نرجس عرفته: اهلين
خليل: اممم مبرووووك النجاح والنسبه الحلوة
نرجس ع بالها يمزح : ههه خلها تطلع بالاول وبعدين بارك ليي
خليل: اوه ماطلعت وانا عبالي طلعت لان شهد جابت 93%
نرجس: والله !! مبرووووك وينها ببارك لها!
خليل: تبين تباركين لها وماتبين تعرفين نسبتك ؟
نرجس: خلييييل انت طلعت النسب؟؟ تكفى قوول؟؟
كوثر علطول راحت عندها وسحبت السماعه منها: الوو
خليل عرفها واستانس من الخاطر: هلا والله
كوثر استحت: هلا فيك... شنو طلعت النسب؟
خليل: لا بس انا طلعتهم من واحد اعرفه !
كوثر : كم كم؟ بسرعه عاد
خليل بخبث: بصراحه طحتي من عيني ماتوقعت بتجيبين جيد مره وحده قلنا يمكن جيد جدا
كوثر شوي وتصيح: احلف؟!
خليل حس بها بتصيح: امززح امزح الف الف مبروك ع النسب الحلوه..
شهد سحبت منه السماعه : حشى يحرق الاعصاب هالاخو الوو
كوثر: شهد دخيلك كم نسبتنا؟؟
شهد: انتي 91.98% وكوثر استانست من الخاطر وقامت تصارخ تقول لهم نسبتها وهم فرحانين وبسرعه سالتها : ونرجس؟
شهد: 94.94% مبرووووك
كوثر من الخاطر استانست لاختها وماغارت منها ولاحسدتها وخبرتهم وكلهم استانسوا وعقب سكرت منها يوم باركوا لبعض وضمت اختها وامها واريج والكل بارك لهم ..
طبعا هم كانوا ثنتينهم يبون يتخصصون مختبرات بس ام راشد يوم شافت نسبة نرجس تستحق اكثر قالت لها تحاول تدخل طب احسن لها ..
وحتى كوثر حاولت تقنع نرجس بهالشي وهي طبعا مارفضت اذا شي بيخلق الفرحه بعيون امها واهلها بتسويه لهم اكيد!
وهي مازعلت ابد ع ان نسبتها اقل من نسبة اختها هي عارفه ان اللي كان شاغلها خليل وها اللي ماشغل اختها لوووول
*** *** ***** ***
حسين تلاقى مع خليل وبارك له خليل ع نسب خواته وقال له نسبة اخته وفرح لها حسين وبارك له
خليل: ليش مانطلع الاهل مع بعض نفرحهم وانت اعلم باهلك من متى ماطلعوا حاول تغير لهم جو شوي
الا راشد واصل ولمحهم راح عندهم
راشد: هلا الشباب
حسين وخليل سلمو عليه وخبروه بنسبة خواته وفرح وايد وخبرهم باللي صار مع هادي اخو وفاء وفرحوا له وايد
راشد: المهم خليل خبر امك واختك انهم معزومين ع الغداء هناك عشان سلامة هادي
وانا بروح اخبر الوالده وخواتي
حسين: خلاص شرايكم عقب مانروح ونتغدا ناخذهم كورنيش ولا شي نغير جو
خليل: اوكي ماعندي مانع
راشد: والله حلوة الفكره اهم شي تقنعون اريج تطلع هالبنت اللي حابسه نفسها ..
شهد طلعت من باب بيتكم بتروح لنرجس وكوثر واستحت يوم شافت شي شباب مع اخوها ويات بترجع ..
راشد: مبروك شهد ع النسبه
شهد عرفتهم الحين وردت طلعت مبتسمه : الله يبارك فيك راشد
حسين يتاملها شوي وقال : مبروك شهد
شهد بحريه لانها تخلصت من الوهم اللي عاشته بحبها لهالانسان : الله يبارك فيك ياخوي
خليل: ها وين رايحه اكيد عند كوثر ونرجس
شهد: خخخخ هو فيه غيرهم؟
راشد: وش رايك بدال ماتروحين تروحين اول تخبرين امك انكم معزومين عند اهل وفاء ع الغداء وعقب بناخذكم سوا هناك وبنطلعكم بعد الغداء كلكم
شهد مستانسه من الخاطر: صدق خلاص الحين ابشرها وراحت تركض من الفرحه
وراح كل واحد عند اهله عشان يتجهزون ويروحون ..
حسين يفكر بشهد.. ويفكر انها مناسبه لرمزي .. بنت حنونه وطيبه ومافيه احسن عنها ممكن تقبل داليا وتربيها كبنتها .. وقرر يصارح رمزي ويشوف !!
***** ***** ***
اريج في البدايه رفضت تطلع رفض كبير .. بس حسين اقنعها وقال لها انها كذا تضايق زوجها لانه لو كان عايش مابيرضى تحبس نفسها وهنا هي تذكرت وصيته وفعلا لقت ان الاتسويه مايريحه وقررت تطلع من هالشي لكنها متضايقه بالقوه وزعلانه بس ها القدر والقدر من يقوى عليه ؟؟!
طبعا العزومه ببيت بدريه كانت مقتصره ع الناس القراب منهم ..
وصلوا هناك اهل عبير كلهم مع جدتهم ..
وكانو قوم راشد وخليل ع وصول! ونايف وخالد مع ناصر رايحين يجيبون الخروف المطبوخ من المطعم وبيرجعون!
وسعود وبدريه فرحانين عشان ولدهم وايد فرحانين .. بدريه تعابل الغداء مع الخدامه بالمطبخ ..
وريم ووفاء يساعدونها بعد مالبسوا وكشخوا.. وعبير كل شوي تطل عليهم وترجع تقعد مع امها وخواتها ويدتها بالصاله .. وليلى معاهم..بالصاله..
سعود مع ابو عبير بالمجلس.. ومعاهم هادي..
 
وصلوا اهل راشد واهل خليل
واستقبلوهم ليلى ووفاء وريم ..
وباركوا لهم ع النسب .. وهم باركوا لهم ع سلامة هادي..
وكلهم كانوا مبسوطين وايد ..
وفاء فرحت لاجل كوثر ونرجس خصوصا ان علاقتهم بدت تتغير وصار بينهم محبة الخوات .. وفرحت ان اريج طلعت اخيرا من بيتهم ..
وكان ربشه عندهم الكل يسولف ..
جات بدريه وسلمت ع الكل وقعدوا مع بعض ..
شويه ووصلوا ناصر ونايف وخالد .. وكان نايف ينزل الصفريه من السيارة وخالد وناصر يوصلونها المطبخ من الباب الخارجي..

عاد ريم بذيك اللحظه راحت تشوف وش صار مع الخدامه والغداء الا بدخول ناصر وخالد والتقت عيونها بعيون خالد .. وكان الشوق والوله هو الناطق.. وناصر يراقبهم بتسليه وكاتم ضحكته ..
ناصر: أحم احم وين الا مابيشوفون بعض ههههههههه
ريم استوعب وصرخت صرخه وطلعت تركض من المطبخ
عاد الكل سمع صرختها وترعبوا..
ام ناصر: شفيك اسم الله عليك؟؟
ريم تنافخ من الركيض: ههههه لا مافيني شي
ام ناصر: علامك صرختي؟
ريم وهي تنافخ: شفت شفت
ام ناصر بقلق: وش شفتي؟
ريم: خالد
وعاد الكل انفجر ضحك .. واللي ماكان فهم فهموهم ان هي ماتبيه يشوفها لين العرس والحين شافها والكل تم يضحك عليهم ..

وفي مجلس الرجال ..كانوا كلهم جالسين ويسولفون وبالهم مرتاح.. سعود مع ابو عبير مع فواز.. وراشد مع خليل وحسين وناصر ونايف وخالد..
حسين اتصل برمزي وقال له يجي يحضر معاهم وكلمه ناصر اللي عرفه من ايام عزاء محمود الله يرحمه وغصبه انه يجي ووعدهم يجهز بنته ويجي لهم ..
**** **** **** *****
وتغدوا كلهم وكان الاكل وايد حلو والكل ياكل بشهيه ..
وطبعا ماكتفوا بالعزيمه بس وزعوا بعد ع بيت الجيران صحون .. لان الخير كان وايد..
عقب الغداء..
روحوا النسوان الكبار مجلس الحريم .. ومعاهم اريج وولدها عبد العزيز .. وطبعا هدى كانت معاها شذى بنتها الصغيره ...
اما ليلى ووفاء وريم وشهد ونرجس وكوثروعبير واحلام روحوا الصاله اللي فوق ..

بعد ماخلوا داليا بنت رمزي مع دانه اخت عبير ومعاهم ريهام .. يلعبون بغرفة الالعاب.. وشويه دخل لهم هادي يلعب معاهم وهو بعده ع الكرسي طبعا .. وكان معاه فواز اللي يوم سمع حس ريهام حب يشوفها ويلاعبها..

** ** *** **** ***
الكل كان يسولف ويضحك الا اريج كانت بعالم ثاني .. كانت خايفه ماتدري من ايش.. يمكن من العالم.. توها تواجه العالم بدون محمود .. وماتدري كيف بتواجهه..!
حست ان ريهام مالها حس وقامت تبي تطمن عليها ..
مالقت احد بالصاله.. لقت الخدامه سالتها وين اليهال قال لها انهم بغرفه الالعاب واشرت لها ع باب الغرفه ..
روحت وكان ولدها عزوز عند امها ..
طلت من الباب .. لقت واحد معطيها ظهره ويلعب مع ريهام .. استغربت وفكرت: منو هذا ..
ريهام انتبهت لها وصرخت : ماما ماما .. شوف هذي الماما وببراءه تاشر بصبعها ع امها .. يوم حست انه بيلتفت لفت وجهها علطول.. يمكن خجل .. يمكن ماتبي تواجه احد ..
فواز حس فيها وقال: بتروحين مع الماما ولا بتمين تلعبين ؟؟
ريهام: لا ماما بتم العب مع البابا
اريج انصدمت وحتى فواز انصدم ..
اريج همست ودموعها تنزل: محمود؟
فواز يبي يهدي الجو: فديتك ريهامو وحملها يدغدغها ويقول لها : انا سويتيني البابا
وهي تضحك وتصارخ: اييييه البابا هههههههه
اريج راحت تركض مو متحمله اللي صار.. منو هذا؟ وليش ريهام تقول البابا؟؟ مداها تنسى ابوها؟؟ لا الا محمود اخ
وصارت تفكر وش بيصير فيها وفي ريهام وعزيز بدون محمود؟؟ ! خصوص ان بنتها نسبت لها ابو غيره .. ونسته .. لالا مستحيل ..
هدت نفسها ومسحت دموعها وركبت للبنات تجلس معاهم لازم تنفذ وصية محمود..!
*** **** * **** *** *****
جنان وامها درواعن هادي بالتلفون خبرتهم وباركوا لبدريه واستانسوا عشانها ووعدوها انهم قريب بيروحون لهم البحرين عشان عرس ريم ..
****** **** ****
فواز شال ريهام وقال لخوالها انه بياخذها شويه الدكان وبيرجعها وهم عادي وحذروه منها بتلعوزه وهو يضحك عليهم ..
** *** ** ** ***
اما احلام كانت تبي تشوف هدوي وتبي تبارك له فنزلت تدور عليه ..
ويوم سمعت حسه بغرفة الالعاب طبت عليهم .. وقبل لايشوفونها كانت تسمع التالي:
دانه تخاطب داليا: انا اعرف هادي من زمان وهو صديقي وانا احبه وايد حتى لو ماكان يمشي
داليا: اممم حتى انا صار صديقي وابيك تصيري صديقتي لان انا ماعرف احد هنا
دانه : ليش ماتعرفين احد؟
داليا: احنا تونا منتقلين هنا انا وبابا
دانه: عيل امك وينها؟
داليا بحزن: ماما ماتت يقول بابا انها راحت الجنه
دانه: خلاص لاتصيحين الحين انا وهادي اصدقائك صح هادي؟
هادي بابتسامه حس ان دانه غيرانه عليه : ايه صح يله خلونا نلعب مع بعض بس بشرط محد يصيح
كلهم: اوووكي
احلام: وانا تلعبوني معاكم؟
هادي: احلام استانس بشوفتها
راحت له باست خده وقالت له الحمدلله ع السلامه هدوي
هادي: الله يسلمك
احلام: شو تسون ؟
دانه: بنلعب
احلام : شو اسمك ياحلوة؟
داليا بخجل: داليا
احلام: تصيرين صديقتي؟
داليا بفرح تهز راسها.. باستها احلام ..
وقالت لهم : يلا شطار العبوا بهدوء
وطلعت عنهم ..
توها في الصاله بتركب للبنات
الا تتفاجئ ابو ناصر يطلع من المطبخ وهو يقول: يلا تعال المجلس بسرعه وراي..
ابو ناصر شافها: هلا والله ببنيتي القاطعه
احلام بابتسامة خجل: هلا فيك عمي شخبارك؟
ابو ناصر: انا بخير انتي وينك ماصرتي تجين بيتنا
احلام: والله تعرف عمي كنا اختبارت
ابو ناصر: وبشرينا شلون النتيجه
احلام: الحمدلله عمي ممتاز ونسبه عاليه
ابو ناصر: مبرووك تستاهلين الغاليه دومك شاطره
احلام : احم احم طالعه ع ابوي عمي
الثنينهم: ههههههههه
ويطلع نايف من المطبخ ويتتلاقى عينه بعيون احلام اللي نبض قلبها بالقوه لما شافته وحست ريولها ماتشيلها ..
نايف اخيرا شافها .. بس ماقدر يتكلم لان ابو ناصر واقف .. ولكن عيونه كانت تقول لها احبك وحشتيني
ابو ناصر: يلا بنيتي سلمي ع الوالده .. ويكلم نايف يلا نروح المجلس..
وتفارقوا وقلوبهم عند بعض.. اه ياعذاب الحب..!! ما امرك ع القلوب وما احلاك !
***** *** *****
اول شي روحوا اهل عبير بيتهم .. بس عبير ضلت مع ناصر..

واتصل حسين ع امه وخبرها يطلعون عشان بيروحون يتمشون قبل لايرجعون البيت ..
ونزلوا البنات .. كوثر وشهد ونرجس واريج ..
ونوار وسعاد سلموا ع الكل وطلعوا ..
راشد قال لوفاء تجي معاهم يتمشون شويه .. وهي بدورها خذت ليلى معاها .. في حين ان ريم مابغت تروح عشان للحين يروحون السوق هي وامها وماريه ويجهزون ..
اما هادي صار يشغل وقته مع الممرضه ووايد يسوي تمارين لانه متشوق يمشي اليوم قبل بكره !!

اما فواز اخذ معاه سعود على انه يبيه بشغل بس هو طالبنه يسوي كذا عشان يزور هيفاء ويخبرونها شو صار ع هادي ويفرحونها

وخالد ونايف رجعوا بيتهم وكل واحد قلبه مب معاه لول

**** ***** **** ****
حسين بسيارته معاه امه واريج واولادها ونرجس وكوثر
راشد بسيارته معاه وفاء وليلى
خليل بسيارته معاه امه وشهد
رمزي بسيارته ومعاه داليا بنته
** ** **
وراحوا عند البحر ..
وفرشوا لهم بساطين مقابلين بعض واحد لرجال وواحد للحريم ..

حسين تم يراقب ليلى.. وهو يحس بشوق لهالانسانه ..
بس ماراحت عن باله شهد وتم يراقبها وهو مقرر يقول لرمزي يشوفها ..
راشد سحب وفاء وراحوا يتمشون بروحهم ع البحر..
نوار وسعاد يسولفون مع بعض ..
خليل راح جلس جنب امه اونه بيسولف معاه مع خالته بس لان كوثر ونرجس وشهد وليلى جالسين معاهم وهو تم ياخذ ويعطي معاهم والكل حاس فيه .. وام كوثر مخلتنه ع راحته لانها عارفه نيته وعارفه انه يبيها اليوم قبل باجر بس ماباليد حيله ومامر وقت وايد ع وفاة محمود ..
اريج كانت مع ريهام عند الالعاب تلاعبها ..وانضمت لهم داليا وتمت تسولف مع اريج وريهام .. ونست اريج الحزن شوي وتمت تضحك معاها..
****** ***
فواز وسعود وحليمه وهيفاء طلعوا مع بعض .. راحوا مول مسكر عن احد يشوفهم وقعدوا مع بعض بمكان محجوب عن الرؤيه وكانت هيفاء مستانسه وها شعورها كل ماكان ابوه معاها ..
ولكن تم يعكر مزاجها ذكرى سالم اللي ماتعرف شو يخصه فيهم!!
وطبعا هيفاء كانت معزومه من طرف وفاء ع عرس ريم .. وابوها بعد قال لها تروح هناك .. مايبي يحرمها من عرس اختها ولو انهم مايعرفون عنها بعد وهي استانست لانها ماكنت عارفه كيف تفاتح ابوها بالموضوع..!
***** *******
حسين تم يمشي مع رمزي وقال له : احزر يارمزي
رمزي بمزح: شنو؟ شفت لي عروس؟
حسين : ايه
رمزي متفاجئ: والله؟
حسين: ايه والله
رمزي: كيف؟
حسين: هههه شنو الا كيف الله يهداك.. تبي تشوفها؟
رمزي: بل ماقال تبي تعرف منو علطول اشوفها؟
حسين: لانها معانا هنا..
رمزي انصدم : وبان هالشي في وجهه
حسين: ههههههههه شو بلاك؟؟
رمزي: احلف؟؟ من هي؟
حسين: امم شهد اخت خليل وبنت جيرانا..
هالبنت اعرفها من صغري يارمزي واذا قلت لك مابتلاقي احن منها عليك وعلى بنتك لازم تصدق!!
رمزي: بصدق بس ياحسين البنت صغيره وماظني بتوافق!
حسين: تراك منت كبير يارمزي عمرك نفس عمري وانا ناوي اخذ وحده بعمرها يعني عادي وان كان على بنتك ماظني بتفرق عندها تراها مربيه احسن تربيه وماظني تفرق عندها دام مافيك عيب..
رمزي: مادري والله شورك وهداية الله
حسين: ها افاتحهم بالموضوع؟؟
رمزي: انت بتفاتحهم؟
حسين: ايه اخوها اخوي وامها امي مافيه فرق دام انها اختي..
رمزي:متى؟
حسين : اليوم اذا تبي؟
رمزي: بل انت تخوف .. خلاص ع راحتك..
حسين: اوكي انا بخبرهم .. ويوم يوافقون نروح انا وانت والوالده نخطبها لك رسمي شو قلت..؟
رمزي: خلاص اوكي..
وارتاح حسين من اختياره ويتمنى مايخيب ظنه !!
**** *** ***** ********
راشد: وفاء
وفاء: لبيه
راشد: لباك قلبي ياقلبي
وفاء مبتسمه: امر شو بغيت
راشد:مابغيت الا اسمع صوتك .. بلاك ساكته؟
وفاء: ولاشي بس كنت اتامل البحر والطبيعه .. احب اتاملهم يحسسوني بالسلام الداخلي!
راشد: فديت حبيبتي والله
وفاء: ههه بلاك؟
راشد بالفرنسي ( كِي سُه رُه سّامبْل ساسّامبْل) = (الطيور على اشكالها تقع)
وفاء: هههههههههه وترد عليه بفرنسيه بنفس مستوى فرنسيته :
( فُو زِتْ زادْمِيرابْلْ) =(انت رائع)
راشد: (مِرْسِي سيه جانتِيْ)= (شكرا هذا من لطفك)
وفاء بثقه: (فُو زافيه ريزون)=(معك حق)
اثنينهم:ههههههههههههههههههههههه
راشد: je taim = احبك
وفاء بخجل ركضت عنه وهو تم يلحقها
وكانوا ماخذين راحتهم لان ماشي ناس غيرهم بذاك المكان
* *** **** **** ***

جنان مع حسام ومعاهم ايثار ومناهل .. كانوا مع بعض .. في بيت جنان .. وانهم بيصلون وبيطلعون يتعشون بمطعم..
وكانو يسولفون مع بعض ومستانسين .. وشوي حسام يغازل جنان ويتغزل بجمالها وهي اونها مستحيه .. ومناهل وايثار يضحكون عليها..

سالم كان معصب ع هيفاء وكان بغرفته يحاول يحل قضيه من قضاياه .. شوي وطلع من غرفته وسمع حس حسام نزل وهو متنرفز ..
سالم: السلام عليكم
الكل: وعليكم السلام..
حسام: بلاك سلوم؟
سالم: سلوم ف عينك تعال شوي ابيك بموضوع..
وقام معاه
مناهل: بلاه اخوك معصب؟
جنان ساهيه: ماعرف .. بس صار له فتره كذا مو على بعضه ويوم نساله يقول قضيه شاغله باله ..!
مناهل: اها مسكين
ايثار: انتي شتبين بالريال صج ملقوفه هالبنت
كلهم:هههههههههههه
***** ********
حسام: شو فيك انت معصب؟؟
سالم: اخ ياحسام مو قادر مو قادر!!
حسام: ليش؟؟ شو صاير؟
سالم: مو قادر اركز بشغلي ولا بنفسي تفكيري كل بهالهيفاء الله ياخذها هي واشكالها .. مو عارف شسوي لا ليلي ليل ولا نهاري نهار..
حسام: الله الله كل هذا عشان خايف ع خالتك.؟؟
سالم طالعه بعصبيه لانه يستهبل: حسام لا اسطرك الحين
حسام: هههه امزح امزح طيب انت حبيت وحده غلط ! ومافيه حل الا انك تنساها وتحاول تحب غيرها وانت عارف هي شو قاعده تسوي ومستحيل انك بتاخذ وحده تسوي سواتها!!
سالم: مو هذا اللي باط جبدي .. اني احب وحده حقيره!! انا شاللي خلاني اشوفها افف غبي وحمار بعد!
حسام: لاتلوم نفسك الغالي ترا الف وحد تتمناك انت بس اشر ع اللي تبيها وامك تروح تخطبها لك وتنسيك هالهيفاء وعشر امثالها بعد..
سالم: لالا مالي خلق مو الحين !! الممهم خبرتك جنان ان حنا يوم الثلاثاء الصبح بنروح البحرين ؟؟
حسام: ايه حنا بنجيكم يوم الخميس عشان نحضر العرس بس!
سالم: زين زين
حسام: شو وين بتروح؟
سالم: انا بروح بخلص كم شغله تعرف بغيب كم يوم !
حسام: اها زين احنا بنروح مطعم كان بتجي معانا؟
سالم: لالا اخذوا راحتكم انا مشغول.. يله في امان الله
ورجع حسام للبنات وباله مشغول ع سالم اول مره يشوف صديقه بهالحاله .. صدق حبها بس ماتستاهل حبه .. !!
ولازم يخليه يخطب له بنت كويسه تنسيه هيفاء باسرع وقت قبل لايتحطم لانه عارف حب من طرف واحد شو نهايته؟ تحطيم!!
ومحد يدري ان هيفاء بقلبها نفس المشاعر وبحياتها نفس العذاب وانها مظلومه ومايخصها بالكلام اللي يتبلونه عليها وانهم فاهمين كل الموضوع غلط!!!
******* ******* *****
بدور بعدها تكلم هيثم بالخش والدس ومن غير محد يعرف ..
هيثم اعتدل مع اهله ومع امه وابوه والكل مستغرب من هالشي صج فرحانين بس منصدمين .. لولوه اخته متاكده ان بدور ورا هالتغير بس كيف ماتتجرأ تسأل!!
* ***** ***** **** *****
علاء .. يعشق الرسمه اللي رسمتها مناهل وكل يوم يتاملها ويسولف معاها كانها مناهل .. ومو قادر يشيل هالبنت من راسه وقال لازم يلحق عليها لاتطير من يده وراح لاخته بدور..
علاء يطق باب غرفة اخته : بدور نايمه؟؟
بدور: لا ادخل
علاء: تعالي غرفتي ابيك بموضوع
وراحوا سوا
بدور: خير شو بغيت؟
علاء : بدور تذكرين البنت اللي دخلت غرفتي ذاك اليوم؟
بدور: امممممم اييه مناهل شو بلاها؟؟
علاء: احبها
بدور منصدمه وفيها ضحكه : شنووو؟
علاء: ايه بدور ابي اخطبها
بدور تبي تلعوزه: بس البنت ملجت قبل اسبوعين يمكن !!
علاء انصدم وانتهت احلامه وقال بحزن: قولي والله لا مستحيل!!
بدور: ليش ماتكلمت من البدايه؟؟ كذا راحت عليك البنت والله انها ماتتعوض!!
علاء: بس بدور بس.. بعصبيه: يكفي الحسره بقلبي لاتزيديني لا .. وقام يبي يطلع من غرفته ومن البيت كله وهو مهموووم ..
بدور: علاء بقولك
علاء: شنوو؟؟
بدور: امزح معاك بعدها البنت مانخطبت ههههههههه
علاء استانس وراح بدال مايضربها ضمها : حلفي يالحماره
بدور: خخخخخ والله سوري حبيت العوزك
علاء: فر عليها المخده يالخايسه وقفتي قلبي .. المهم بكره تساعديني نكلم امي تخطبها لي زين؟؟
بدور بفرح: زين ولايهمك من عيوني واحسن ماخترت !!
علاء: يله انقلعي روحي غرفتك ولاعاد اشوف رقعة ويهك!
بدور: عيل شوف الا تقنع لك امي تخطبها اذا ماخليتها ترفض..
علاء بلطف: لالالا امزح معاك اذا تبين اطلع انا وانتي تتمين
بدور: هههههههه حلو كذا والله
خخخخخخخ
***** ******** *******
مرت الايام وجا يوم الثلاثاء اليووم اللي الكل ينتظره بفارغ الصبر..
اليوم اللي بيوصلون فيه منير ومشاعل اخيرا بعد غياب طويل..
...

ع الصبح الساعه 10 .. وصلوا ام سالم وسالم وجنان وخدامتهم .. وطبعا كالعاده ببيتون في بيت ام ناصر.. وجلسوا مع بعض وكلهم بشوق لوصول امهم وابوهم من لندن..
.....
ع الساعه 2 الظهر راح سعود مع ناصر وسالم عشان يجيبون جدهم وجدتهم من المطار لان طيارتهم توصل 2 ونص ..والكل ينتظر وتجهيزات زواج ريم ماشيه على قدم وساق ..!
*** *** **
بالمطار.. اول ما طاحت عين ناصر على جدته اللي ضعفت وبان المرض عليها دمعت عينه وبعدها شاف جده من بعيد ماسك العربه ويجر بها الشنط .. راح يركض صوبهم وانتبهوا له سالم وابوه .. وراحوا وراه ركض..
وضم جدته وباس راسها وتحمد لها بالسلامه وقاموا يصيحون سوا .. وسالم كان يسلم ع جده وفرحانين بشوف بعض وسلموا كلهم ع بعض وعبروا عن اشتياقهم لبعض...
مشاعل: يله بسرعه خذوني البيت مشتاقه لبناتي
منير: صدقها زوجتي يله ماعاد فينا صبر نبي نشوفهم
الكل: ههههههههههههه يلا مشينا
وروحوا السياره
****** ******** ****
ووصلوا البيت.. وكان الاستقبال حار ..
والدموع تطاير من كل عين .. والكل سلم ع مشاعل ومنير.. وفاء وريم وجنان وامهاتهم طبعا وصاحوا صياح الفرح لشوفتهم والحزن ع حالة يدتهم الا شخص واحد!!
ليلى..!!
مشاعل بشوق: وينها ليلى بنتي؟؟
الكل استغرب كانت معاهم تنتظر بشوق امها وابوها.. والحين اختفت ..!
منير بخوف: وين ليلى؟؟
الكل يطالع الثاني .. فجاه جات ليلى طيران ودموعها تسبقها وارتمت بحظن امها وتصيح بصووت عالي الكل انصدم منها بس اللي محد يعرفها انها من لمحت امها من بعيد ماقدرت تتحمل حالتها كذا صدق انها لامحاله بتفارقهم بس هي اعتادت تشوف امها القويه اللي محد يقدر يعصي لها كلمه واللي تمشي الكل باشاره تصير بهالضعف ماقدرت تتحمل وراحت تخبت .. بس شوقها كان اكبر منها وخلاها تطلع لهم بسرعه يوم سمعتهم يسالون عنها..
ليلى: ماما اشتقت لك وايد ماما وحشتيني ماما هئهئهئ
مشاعل تمسح ع راسها: والله انا بعد يابنيتي بلاك تصيحين بعدك مثل اليهال اسكتي خلاص صرتي عروس
الكل: هههههههههههه
ليلى: احبك ماما
منير: وانا مالي سلام ولا ماتحبيني زي ماما؟؟
ليلى ارتمت بحضن ابوها وتبوس راسه وخده وايده وتقول له : وايد وايد اشتقت لك حبيبي
منير: هههههههه حتى انا اشتقت لك يابعدهم كلهم
وفاء تحتج: لاه وانا؟
منير: هههههههه كلكم والله
ودخلوا كلهم وحطوا الغدا وتغدوا جميع وجاو خالد ونايف وسلموا عليهم لانهم حسبة جدهم وجدتهم من صغرهم ..
والكل ارتاح بشوفتهم بخير .. رغم ان مشاعل كانت حالتها وايد ضعيفه وتكسر الخطر بس هذي كتبة الرحمن .. وليلى ضلت لازقه في امها وابوها مثل الطفل اللي انحرم من امه فترة وردت له ..وخايف ينحرم منها مره ثانيه..!! ياحرام ؟..
***** *********** * **********
يوم الاربعاء.. كانت ليلة حنة العروس..
وكانوا الحاضرين كالعاده بس المقربين (بدون اهل راشد) وبعض الجيران والاهل ..

والمجلس انترس حريم .. وريم امها خلتها تلبس ثوب اخضر تغطي وجهها بقماشه بيضاء اونه لازم العروس يوم يحنونها تلبس كذا ماندري ليش بس هالعادات وريم سوت الا قالته امها لانها شافت يدتها وخالتها مايدينها بهالشي..
وبدت الحنايه تحنيها وهي فطسانه وحرانه ههههه بس تتحمل!!
والبنات كانت حنايه غير حنتهم .. والكل كان فرحان ومبسوط!!
وعدت الليله ع خير وراحوا المعازيم كلهم ..
ريم تشيل القماش اللي مغطي وجهها وتتافف: واخيرا فطست
الكل: هههههههههههههههههه

والكل من التعب نام مافي الا ريم اللي مو قادره تنام .. بكره بتفارق بيت ابوها
بكره بيكون يوم عرسها على الانسان اللي حبته طول عمرها
بكره اخيرا بييتحقق حلمهم ... وبيكونون مع بعض علطول..
بكره تغير كبير بصير بحياتها .. خايفه وهالخوف طبيعي .. متوتره وها شي اكيد.. فرحانه ومن حقها بتاخذ اللي تحبه !!
الله يسعدها كيفي انا اللي اكتب القصه وانا حره لووول
**** **** *****
وجينا لبكره اليوم الموعود (يوم الخميس)
حسام وامه وخواته وصلوا العصر البحرين وخذوا لهم جناح بفندق وراحت معاهم جنان ..
عشان هي بتروح الصالون وبيوصلها حسام اما ايثار ومناهل فكانو حاملين لهم علبة الميك اب وهم بيعدلون حالهم لان العرس مب من قريب لهم فمايحتاجون لصالون ..
****** ***** ******
وكان العرس طبعا في فندق.. والرجال في مزرعه وعشاء وحاله ..
والكل كان مرتبش لان عرس ريم وريم مو سهله عندهم .. لووول
** ***** ****
ريم ووفاء راحوا الفندق المغرب وخذوا فساتينهم .. واللي بتعدل ريم بتجيها الفندق .. وهي نفسها بتعدل وفاء..
***** ***** ******
اما ليلى وعبير واحلام وام ناصر وام سالم بيروحون مع بعض صالون ..

**** ***** *****
هيفاء هي بروحها بتتعدل ماشاء الله عليها فنانه بهالامور..
***** *********
وكان الجو ربشه .. والكل متبهدل .. وتعال يافلان وصلنا وتعال يافلان سوي هذا وشيل هذا...
الكل كان يشتغل محد ساكن !!
وع الساعه 8 ونص راحوا البنات اللي خلصوا الفندق .. وكل شي كان مرتب ..
ع الساعه 9ونص صالة الفندق بدت تمتلي من المعازيم ..
في غرفة العروس الخاصه ...
وفاء خلصت .. وكانت رووعه الميك اب والثوب .. وكل شي فيها يدل ع انها اخت العروس لول ...
كانت لابسه فستان ولا ارووع من روعته ماعرف اوصفه لكم خخخخ
كان مديله بسيط وملفت وع الموظه .. ولونه كان وردي على ازرق والميك اب كان بنفس الالوان .. وكانت غيير بكل بساطه اول مره تصير فيها هالهاله ..! حتى ريم انبهرت بها وقالت لها : لاه بتغطين علي
وفاء: ههههههههه احسن
ريم تقول للكوافيره: مالي خص تسويني احلى عنها
والكوفيره تضحك عليهم وتقول حاضر وعلى امرك ..
******* ******** ******
ليلى كانت لابسه ثوب اخضر على ازرق فيروزي كان مره يناسبها وكانت وايد ناعمه وحلوه وكل من شافها مدح جمالها ..

عبير كانت لابسه اسود فيه ورود ذهبين وكانت مبينه تهبل بالواحد .. ملاك مثل مايقول نصور .. ومكياجها مبينها ملاك شريرة تسحر ,..

احلام كانت لابسه هالمره بنفسج ممزوج بشويه اسود .. وكان واو جميله جدا.. اشبه باميره بعصر الخيال..!
واخليكم انتوا تتخيلون اشكالهم وحطوا ببالكم ان الجمال مو بس بالشكل , الجمال جمال الروح ولو ماروحهم حلوه ماطلعت اشكالهم حلوه من النور اللي يحيط بهم .. لان حلاهم من الله ..

(وترى كل انسانه في الدنيا لابد ان تكون تملك ولو قطره من الجمال وهي اللي تتحكم بجمالها من خلال حسن اخلاقها وايمانها بربها ..
فياعزيزتي انتي ايه انتي الا تقرين سطوري هذه شفيك مو مستوعبه انتي ايه ياللي تقرين قصتي المتواضعه اذا كنتي حلوة زيدي حلاتك بروح حلوة وان كنتي عاديه زيني نفسك باخلاقك وتكونين احلى الحلوات المهم مابتفلسف نرجع لقصتنا هههههههه)

ام ناصر وام سالم كانو رغم بساطتهم تحيط بهم هاله من الفخامه .. والنعومه..
** **** ****
راشد كان بيروح عرس الريايل .. ولقى امه واريج وخواته بالصاله..
راشد: يمه مابتروحون العرس؟؟
نوار بربكه: امم لا ياوليدي انت اعلم بالحال..
راشد: بس مايصير كذا؟! خلاص لازم...
اريج قاطعته: ماعليك منهم بيروحون وحسين بيوصلهم .. انت روح لاتتاخر..
راشد ابتسم لها وطلع..
نوار: ليش تكذبين ع اخوك يمه؟
اريج: من قالك اكذب..
كوثر ..نرجس روحوا تلبسوا يله عشان حسين ياخذكم وانتي يمه روحي وقومي ادي واجبك للناس .. محمود راح الله يرحمه وخلاص الديا بتسير ومابتوقف .. انا ماقدر اروح لان انا زوجته مو انتوا..
يله قوموا ولاتزعلوني منكم ..
نوار: الله يهديك يايمه .. يلا بنات قوموا لبسوا وتعدلوا وخلونا نروح ..
واستانسوا كوثر ونرجس انهم اخيرا بيغيرون الجو اللي عايشينه..
*** ** *** **** ****
ع الساعه 10 وشوي صار شي غريب بالفندق .. فجاة كذا طفت كل الانوار والكهرب..
الكل قام يصارخ من الصدمه ..
ليلى تخاف من الظلام .. وكانت بتصيح .. ومو عارفه شتسوي..وراحت عند باب الخروج اقرب باب لها وطلعت بدون شعور وهي تلهث من الخوف وتركض ونسيت نفسها انها بدون شيله وعباه .. وهي تركض نست ان في درج حتى وطاحت ودحرجت من الدرج .. في نفس هالوقت وصلوا نوار وبناتها وحسين وشهدوا هالموقف بس ماكانت باينه لهم ملامح اللي طاحت..
راح حسين يركض ووراه امه وخواته وشافوها ليلى كان مغمى عليها..
حسين انصدم وكتم وعوره قلبه..
نوار شالتها ع حضنها وقامت تضرب خدها ع خفيف: ليلى يمه ..
نرجس طلعت عطر من شنطتها .. وقمت تشممه ليلى .. ووعت
ليلى تون وشبه بتصيح: اخاف .. وتقول كلام متقطع.. النور.. مافيه .. ماما ..
كسرت خاطرهم..
شويه وعت على روحها ..طبعا حسين تباعد عنها لانه مايجوز له يشوفها وهي كذا ..
وقفوها ودخلوها معاهم الصاله وكان كل شي رجع طبيعي .. واللي صار خلل بسيط وبنفس الدقيقه اعتدل بس ليلى الله يهديها وايد جبانه ..
حسين ضل قلبه يرقع كانت وايد حلوة كالعاده بس اليوم شافها .. شاف شعرها الطويل .. شاف نعومتها وعيونها المرسومه ..
كل مايغمض عيونه يتذكرها طاحت دمعته كان يحس برقتها وخوفها وكانها ودها حد يضمها ويحسسها بالامان والحنان .. بس ماكان يقدر يسوي شي ولا شي.. وكان وايد متضايق عشانها صج هي صارت بخير ويمكن نست اللي صار بس هو وايد متالم .. حس ان حبه لها يكبر كل يوم اكثر واكثر وان لو ماصارت له بينتهي !!
*** **** **** ******
داخل الغرفه الخاصه لاهل العروس.. ليلى شربت ماي من عند عبير وعلمتهم كيف صار خلل وكذا وضحكوا عليها شوي لانها جبانه ..
وفاء يوم درت ان اهل راشد جاو استانست وايد وراحت تستقبلهم ..
ام راشد اول ماشافتها صلت ع النبي وقامت تقرا تعويذات
نوار: ولله ولدي ماخذ قمر ماشاء الله عليك فديتك لو شافك راشد بيتخبل
وفاء مستحيه : عموه لاتخجليني
الكل:هههههههه
نرجس: لا صجها امي طالعه قمر
كوثر: وايد حلو فستانك والميك اب
وفاء: عيونكم الحلوة فديتكم
ليلى وتوها صاحيه عدل: شيه وانا ماحد قال لي حلوه؟!
الكل:هههههههههه
نوار: الحلو مايحتاج نمدحه انتي عاد خليتي فينا نفس نمدحك ولا نقول استقبلتينا بطيحه
الكل:ههههههههههههههههه
نرجس : وبعدين بنت الاخت مابتطلع الا ع خالتها
ليلى: احم احم
الكل:هههههههههههههههههه
وجا وقت نزلة العروس .. كانت الساعه 11 .. وريم ماكانت تبي حركه قبلها ولا حد ينزل معاها .. تبي تنزل بروحها ولحالها ويوم توصل الكرسي يجون هم يسلمون عليها ..
وطفوا الانوار وكان فيه انوار خاصه بس تشتغل..
وشغلت الزفه اللي كانت شعر .. بصوت شاعر.. وكانت شي خاص لها بس.. وكلاماته مدح فيه وفي جمالها وكان روووعه ؟؟

وبدت تنزل لهم من ع الدرج وكانت تلئلئ من بعيد .. لابسه فستان العرس الابيض اللي تحلم فيه كل بنت .. وكان روعه .. له ذيل طوويل يمشي وراها .. ومديله وايد بسيط وحلو .. والقماش وتفصيله كل شي روعه .. بس الغريب انها ماكانت لابسه شي ذهب ابيض او الماس.. امها منعتها تلبس طقمها وهي استغربت ليش امها منعتها بس قالت لها عن الحسد..
وكان بيدها مع الساعه الفضيه واللي مرقعه بالالماس .. كيس صغيروني ابيض في قران صغير وملح.. يقولون عن الحسد بعد!
وصارت تمشي بشويش والمصوره تتابع حركاتها وتصورها .. وكانت مبتسمه وهاديه جدا .. والكل يطالعها .. كانت ايه من الجمال .. وغطت ع كل الموجودين ..
والكل كان يسمي ويتعوذ من ابليس .. كانت وايد حلوه ..
ويوم وصلت ودارت للكميرا قالت لها المصورة تتم واقفه ..
وفجاه .. دخلوا من الباب .. امها وابوها ويدها ويدتها ووفاء وناصر وعبير وليلى وصارو يمشون بترتيب اثنين اثنين من كبيرهم لصغيرهم ..
مشاعل ومنير ووراهم سعود وبدريه ووراهم عبير وناصر ووفاء وليلى يرقصون ..
وكان دخلتهم حلوه وسوت جو خيالي ..
منير ومشاعل سلموا عليها وباست راسهم ووقفوا ع جنب وسلموا عليها امها وابوها وكانت بتصيح بس مسكت عمرها .. خصوصي يوم فتحوا العلبه اللي كانت عندهم وكشفت عن طقم الماس فخم وايد ويليق بعروس وثقيل ووايد روعه .. شهقت ويات بتصيح بس سمعت وفاء لا مو تصيحين تخربين ميك اب خلي خلود يشوفه والكل:هههههههه
ولبسوها الطقم مع الحلق والاسوار والخاتم .. وعطاها حلا اكثر وصارت تلئلئ من فوق لتحت .. كان الطقم عاطيها رونق احلى واحلى.. وكانت هذي هدية امها وابوها .. وللحين هي ماتدري عن هدية جدها وجدتها اللي بتفرحها واللي كانت تذاكر السفر لشهر العسل لفرنسا وبريطانيا وسويسرا .. ومقررين بيعطونها اياه بوجود ناصر ..
وسلموا عليها كلهم وطلعوا الشباب والشياب خخخخخ
وقاموا البنات والكل كان يرقص ويتصورون مع العروس والكل كان مستانس ..
في هاللحظه ..
فواز طلع من عرس الرجال .. وخذ هيفاء للفندق.. ونزلت بسرعه وهو راح عن احد يشوفهم .. ماكانوا يدرون ان سالم كان بسيارته جايب لجنان شغله لاهل حسام ..
كانت هيفاء تمشي بهدوء رغم انها متوتره وماتدري ان سالم موجود..
سالم من شافها انقهر وعصب .. الحقير متجرا يجيبها وبنفسه بعد!! ماخاف يعني!! اففف شسوي انا شسوي!!
وقبل لاتعتب رجلها اول عتبه في الدرج .. فتح باب السياره ونزل ..
سالم : شتسوين هنا؟؟
هيفاء بدهشه دارت تطالع فيه وببراءه قالت: ماسوي شي!
سالم اندهش من ملامح البراءه والنعومه فيها كانت متعدله ببساطه وكانت حلوه وايد وهالشي يعذبه زود ان ملامح البراءه كلها فيها مع ان الا تسويه يحطم هالبراءه وكلها خبث وانحطاط!!
هيفاء كانت بتمشي بتدخل داخل
سالم: اففففف اكرهك
هيفاء انصدمت وطالعت فيه وقالت : انا بعد اكرهك .. وراحت بسرعه داخل وقلبها يرقع..
وشافت البنات وسلمت عليهم وراحت سلمت ع العروس اختها .. وهي فرحانه وايد ..
ونست سالم وخوفها منه وكرهها له وقامت ترقص معاهم والكل فرحان ..
اما سالم فركب سيارته ومشى بعصبيه وهو يسرع ويلعن فيها ويسب بغى يصدم بسياره ثانيه والريال يسب فيه فتعوذ من ابليس وخفف سرعته وشغل الراديو ع الاغاني يحاول ينسي عمره ..!
حلوة كانت بريئه كانت تاخذ العقل كانت .. في عيونه هي احلى شي بس هم في عيونه كانت احقر شي ..
 
وهذا نصف الجزء ماقبل الاخير:

وفي وسط اجواء العرس صار شي فجاه كذا من غير علم احد .... الكل نزل من ع المسرح وانطفات الاضواء الا من النور الخافت .. وشغلوا اغنية.. فرقة ميامي : سنيوريتا ومع بداية الاغنية دخلوا من الباب بنات ثنتين صغار .. كانو روعه بلبسهم خبال ..
كانوا لابسين مثل بعض مثل لبس جزر هاواي بشكل ولون وردة تباع الشمس تنورة مشرشرة صفراء وبلوزه قصيره وبطنهم ظاهر ولابسين طوق بشعرهم ورد اصفر وكانو يرقصون مثل بعض ومبين متدربين عليها عدل ويرقصون ع نغمات الاغنية بشكل روووعه .. وكانوا هالثنتين بنات ماريه التوأم هلا وغلا وريم يوم شافتهم استانست وفرحت ماتوقعت ماريه تسويلها هالمفاجاه الحلوة والكل صخ يراقبهم والعيون عليهم كانو متناسقه حركاتهم مثل بعض ومع الاغنية ورقصهم مو اي ياهله ترقصه لانهم كانو فنانين !!
وبعد ماخلصت الاغنية نزلوا من المسرح وطلعوا بنفس الهدوء اللي دخلوه وتابعت الطقاقه اغاني مثل ماكان الوضع سابقا..
ماريه رحت عند ريم تضحك : شرايك؟
ريم: يهبلون واو مروي عمري مشكوره احلى مفاجاة

**** ********

خالد مرتبش يبي يدخل لزوجته ريم مشتاق لها موت
وكان فرحان والكل فرحان عشانه ..
وخالد كلم وفاء وقال لها يبي يدخل الحين مافيه صبر وفاء بدورها خبرت الكل ان خالد يبي بيدخل ..
وغطوا ريم بالطرحه الطويله .. ووقفت وقلبها ينبض حب وشوق ..!
ومن الباب دخل خالد بالبشت وكان رزه ووسيم وحليو .. والكل يطالع فيه ويقول ماشاء الله لايقين ع بعض .. خالد ماكان يشوف احد ولا الدنيا بتشيله كان يمشي وهو فرحان عيونه تناظر الانسانه اللي واقفه وكلها ابيض كان مبتسم وهو كله وله يشوفها وصل لها وقف قبالها رفع طرحتها وعدلتها وفاء لوراء وحب راسها وباس ايدها وتلاقت عيونهم بحب وشووق ووله
كانت احلى لحظة وخيم الصمت في الصاله كلها ..
المعازيم كلهم شهدوا لحظة الحب الصادق والحقيقي كانت تنطق به عيونهم لحظة سحرت الموجودين كلهم الكل دعا لهم بالتوفيق والسعاده ..
وتمت اخر مراسيم العرس وكل واحد غير محل الدبله للثاني من الايد اليمين لليد اليسار وكانو فرحانين ... وقطعوا كيكة العرس اللي كانت مكونه من اربع طبقات وكان وايد حلوه .. بلون الابيض والورردي ..

وزفوهم بدريه ومشاعل وام سالم والبنات .. لغرفتهم بنفس الفندق كانوا بيباتون الليله وتلقوا هدية مشاعل ومنير متفاجاين واستانسوا هم كانو ناوين يقررون ع شهر العسل بعد العرس بكم يوم بس سبقوهم جدهم وجدتهم وفرحوا من الخاطر لانهم بيسافرون عقب العرس بيومين ..

وفاء في نص الزفه قبل لايوصلونهم غرفتهم اتصل فيها راشد وقال لها طلعي برا ابيك ..وفاء راحت لبست عباتها وقالت للخدامه تخبر امها عقب انها ظهرت مع راشد ..
*** *** ******
والكل رجع بيته منهلك وتعبان...
ناصر اخذ اهل عبير وهي معاهم ووصلهم بيتهم ونزل معهم وفي المجلس كان هو وعبير توهم جالسين بروحهم شالت عبير عبايتها ودارت عنفسها
عبير مبتسمه : شرايك فيني حبيبي؟؟!
ناصر: ملاك .. قمر .. فديتك احبك
عبير تضحك بخجل : انا بعد احبك
ناصر: ياحظي فيك ياعبير يوم انك رضيتي بي وانا ماشوف وحبيتيني وحبيتك زود
والله لاسعدك ماحييت وماخلي الحزن يوصل طريقه لقلبك .. حبيبتي انتي
عبير براحه فضيعه: حبيبي انا بعد بحاول بكل طاقاتي اسعدك واوهب كل حياتي لك لو بغيت العمر كله لك الغالي
ناصر: اففف متى نعرس بس!!
عبير:ههههههههههه العن ابو الغياره
ناصر: شسوي اموت فيك
عبير: نصور بسك عاد استحي
ناصر بنظرات: اونك
الاثنين: ههههههههههههه
**** ******** ********
ريم وخالد اخيرا صاروا بروحهم في غرفتهم بالفندق .. ريم جالسه ع طرف السرير وعيونها بالارض .. خالد سكر الباب بعد ماطلعت بدريه اخر وحده من الغرفه .. ودار التفت لريم ..
شاف الخجل بويهها والتوتر وهم الفرح ..
تقرب منها ومسك ايدها ووقفها وهي بعدها تطالع بالارض..
خالد: طالعيني حبي
ريم رفعت عيونها والتقت بعيونه : كان الحب فياض من عيونه وعيونها
خالد: وحشتيني .. حياتي بلاك جحيم
ريم تكتم ضحكه: وانا حياتي بلاك اه وتمثل انها مستانسه
خالد: حلفي؟
ريم: والله احبك واشتقت لك وايد
خالد: فديتك ريم اوعديني ماتخليني و شو مايصير .. اوعديني تتمين تحبيني مثل ماحبك اوعديني يلا
ريم: وعد حبيبي وعد ..
خالد: وانا وعد مني لك اسعدك طول مانا عايش وماسمح لاحد يسبب لك اي الم بحياتك او حزن .. وان شاء الله اكون قدها المهم اني بتم طول عمري احبك ولك وحدك ومابسمح لشي يبعدنا عن بعض ..
ريم تناظره بشفافيه : خالد حبيبي احبك
خالد: وانا اموت فيك عمري
ريم: زين خلود يوعانه
خالد:ههههههههههههههههه تامرين امر انتي الحين اخليهم يجيبون لنا مالذ وطاب من العشاء اهم شي حبيبتي ماتيوع
ريم: فديتك ..
وباست ايده .. وتكهرب خالد .. ماتوقعها خخخخخخخخخخ
**** **** *******
في ناحيه ثانيه .. ناحيه خاصه جدا ..
كانو راشد ووفاء..
بعد ماطلعت له وفاء برا .. راشد يطالعها مثل المسحور .. بجمالها بدلعها بحلاة روحها..
راشد عيونه عاكسه كل الحب اللي بقلبه ..
وفاء ماتحملت نظراته اللي فيها من الحب الكثير ..
اول ماطلعت له وماكان فيه احد وقفت قباله تناظره ويناظرها مسحور.. وماتكلم ولاكلمه ولا حتى هي..
بس بعد ماكتفت وحست انها بتطيح من فرحتها لانها تشوف حب راشد لها اكبر من حبه لاي شي.. قالت له بصوت خجول مرح فرحان: رشود ترى بديت اخيس من الحر ولاحظ نفسك كيف قاعد تطالعني
راشد بنبره رومانسيه حدها لدرجة انها ذوبت وفاء بمكانها: ماحد يقدر يلومني وانا اشوف خطيبتي وحياتي وروحي وقلبي وعمري ومحد احلى منها واقفه قبالي احلى من القمر !! وقلبي نبض لها نبض حسيت العالم كله يسمعه بهاللحظات..!
وفاء تسمعه مدهوشه من اسلوبه ونبرته اول مره تشوفه منسحر عليها كذا لا ومو قادر يشيل عيونه عنها وكل نظراته تقول لها احبك ..
هالمره حبت هي تقوله كم تحبه كم تهواه كم تعشقه .. قبل يسبقها ويقول ويمنعها
وفاء نزلت عيونها عنه وهو استغرب بس ماصدق اذونه يوم سمعها تهمس: احبك وربي
راشد: وفاء انتي تكلمتي قلتي شي؟؟ ولا انا يتهيئ لي؟
وفاء بخجل واثق: ايه قلت لك احبك
راشد مستانس ومن قده اليوم واخيرا اخيرا سمع الكلمه اللي معكر حياته انها مانطقتها له عرف اليوم انها تحبه اليوم تاكد اليوم عيده اليوم2فرحته مو قادره تشيله راح عندها وبسرعه باس خدها ..
وفاء حمرت من الخجل وضربته ع صدره : هي انت وخر عني شو انت حنا بالشارع .. كانت فرحانه وقلبها يرقع بس مستحيه اكثر..
راشد مسك ايدها وسحبها وفتح لها باب السياره ودخلها وقعدت وسكر الباب وهي كانت مسحورة يقودها بدون ماتتكلم بشي
وراح ركب وحرك سيارته ...
وحط شريط بالمسجل وشغله ورفع عليه بصوت عالي: وكانت اغنية لميريام فارس :احبك حيل.. وكلماتها:
احبك حيل واشتاق لك
وعشق الليل ينده لك
كل يوم غرامك يزيد
غيرك انا ماريد
لابعدك حب ولاقبلك
انت بالروح حب الروح
ليل نهار بالافكار
لالا لاتروح
كل يوم غرامي يزيد
غيرك انا ماريد
لابعدك حب ولا قبلك
بعمري تعيش ياعمري
ماعرفت ثلجي من جنبي
قلبي يعيش وياك
روحي انا تهواك
واسلم لك انا امري
انت بالعين ضي العين
باللحظات بالساعات
طول السنين
قلبي يعيش وياك
روحي انا تهواك
اسلم لك انا امري
اه
*** **

كان الجو بينهم خبال وروعه الاغنية هاي بصوت عالي وفاء تضحك وراشد كل شوي يطالعها ويضحك معاها واشر لها بيده ان سمعي الاغنيه ويحط ايده ع قلبه بطريقه رومانسيه بمعنى احبك .. وهي مستانسه ومستغربه وفرحانه تحس تغير مفاجئ بينهم صار..!!
تحس براشد غير .. يمكن عشان انها صرحت بحبها له .. واخيرا..!!
وفاء: حبيبي وين بنروح؟؟
راشد: مفاجاه بتعرفين يوم تشوفين
وفاء: اووكي احب المفاجات خخخ
اصلا راشد ماكان عارف وين يروح يبي يوديها محل حلو يستانسون فيه ويدونون لهم فيه احلى ذكريات ..
فكر وفكر .. وووجه السياره لفندق (الريجنسي) وصلوا ووقف السيارة ونزل ونزلت وراه ومسكها واتجهوا داخل .. وكلم الاستقبال طلب له عصير برتقال ولوفاء تفاح >>يعرف شو تحب .. وقعدوا باللوبي .. وكانت وفاء تحس نفسها اشبه باميره في قصه خياليه خطفها الامير حبيبها وراحوا انعزلوا عن العالم كله ليعيشون فعالمهم الحالم لحالهم ..
وتتوالى بينهم الاحداث والكلام الحلو واللحظات الحلوة..!
****** *****
بعد يومين ..يوم الاحد.. جا وقت سفر ريم وخالد ايطاليا عشان شهر العسل ..
وفاء سوت لهم فلم وتوصي ريم على خالد هههههههههه شفتوا هالخبلله معكوسه فديتها اموت فيها ههههههههههههه >>>مزاج
عاد سافروا ..بعد ماتلقوا من بدريه وسعود وصايا كثيره على بعض.. !
******* ****** ****** **** ***
في مكان ثاني .. وفي البحرين طبعا..
زينب من سمعت صوت المفتاح بالباب راحت تركض عنده ..
دخل جاسم ولقى زينب قدامه تبتسم له ..
جاسم: ولهت عليج حبيبي
زينب: وربي انا اكثر ومسكت ايده باستها عسى ماتعبت بشغلك اليوم
جاسم: لا الحمدلله مرتاح وانتي اكبر سبب لراحتي يابعدي
زينب: طيب حياتي روح بدل ملابسك على ما ازهب الغدا وبسرعه تراني
بموت من اليوع هههههه
جاسم يمط خدودها:هههههه تامرين امر حبيبي
وبعد مابدل وجلسوا ع طاولة الاكل وكانت زينب تاكله بيدها وماتبيه يلمس
شي وهو مستغرب منها صج هي دوم كذا بس اليوم بمبالغه
جاسم: حبيبي ياويلي ع هالدلع كله ياويل حالي مدري شبيصير فيني اليوم
زينب: ههههههههه فديتك ابي راحتك وغير جيه عندي لك مفاجاه انا اليوم
جاسم: شو هي ياعمري
زينب: لا ياحياتي بعد الاكل
وخلصوا وقاموا ع الكنب بالصاله والتلفزيون شغال وزينب تقطع لجاسم
اللي اندمج بالكوره برتقال ..
زينب: جسووم
جاسم: لبيه
زينب: لباك قلبي ياقلبي بس بخبرك
جاسم: خبريني
زينب بقهر: اووه جسووم طالعني .. شو تطنشني عشان الكورة وبرطمت ..
جاسم ترك التلفزيون وعطاها كل انتباهه ويوم لقاها زعلت .. راح لزق فيها
وباس راسها : اسف يا الغلا ماعيدها والله ماعيدها بس بليز ماشوفج
زعلانه يله ابي اشوف ابتسامتج اللي من شوي
ابتسمت وقالت له : احبك
جاسم : وانا مو بس احبج الحب بحقج قليل واقسم بالله اموت فيج واشكرالله
كل يوم على انج صرتي من نصيبي الله يحفظج لعيوني يارب
زينب: طيب شو رايك اذا قلت لك اني حامل؟
جاسم فتح عينه ع الاخير وهو مو مصدق: حلفي زنوب
زينب تبتسم بخجل: والله مبروك بتصير ابو
جاسم حملها بخفه وباسها وهو فرحان ويصارخ مثل اليهال:: واو
واخيرا بصير ابووو اقول زوز حبيبتي من اليوم مافيه شغل مافيه قومه
وقعده مافي حركه وايد ابيج بس ترتاحين ياقلبي
زينب تضحك: ان شاء الله .. يلا حبيبي خلينا نروح نبشر ماماتي تكفى
جاسم والدنيا مو شايلته من الفرح: من عيوني

وانتهى هالجزء على خير .. واعتذر مره ثانيه ع التأخير

ويتبع..
الجزء الرابع والاربعون
بدور مره من المرات وهي قاعده بالصاله مع امها وعلاء وحمود
بدور: يمه
ام علاء: شنو يمه ؟
بدور: ماتشوفين ان علاء صار كبير على انه بعده عزابي
امهم تطالعهم هي وعلاء بعين وعين وعارفه ان اكيد ببالهم احد بس
مسويه روحها ماتدري: اي والله يابنتي انا افكر بهالشي بس اخوك راسه
يابس مو راضي يتحرك ..
علاء: احم احم
بدور: خلاص يمه انا تحركت عنه وخلينا نخطب له بنت الحلال اللي
تسعده وتشاركه حياته
ام علاء:خلاص خليني اشوف له بنت تناسبه واخطبها له
بدور:لا يمه انا عندي بنت ولا كل البنات وتناسب اخوي وايد
ام علاء: من هي ؟؟
بدور: مناهل حماة جنان اللي جات ذاك اليوم بيتنا تذكرينها
ام علاء: اييه ذكرتها فديتها حلوة ومن بيت عايله محترمه .. بس يمكن
اخوك ماتعجبه شدراك انتي..؟؟>> تبي تقيس النبض>>>
علاء بسرعه بدون مايضرب حساب لشي: لالالا عاجبتني يمه وسكت
متفشل
ام علاء: هههههههه يعني انت الا قايل لاختك تبيها؟
بدور : ايه يمه ..
علاء يطالعها بنظره
ام علاء: عادي ياولدي دام البنت دخلت خاطرك مافيها شي بس هم ناس
كباريه ياخوفي يعني لو تقدمنا يردونا ..!!
بدور: لا يمه لاتقولين كذا هم صج كباريه بس مايناظرون الناس بهالطريقه
يمه هم قلوبهم اكبر من مستواهم.. وبعين احنا الحمدلله مو ناقصنا شي اصل
واخلاق ونسب يشرف.. وسكتت تطالع امها برجاء
ام علاء: ياولدي تبيها انت البنت؟؟
علاء: ايه يمه تكفين بسرعه قبل لاتطير من يدي..
بدور: هههههههههه يمه قصيت عليه قلت له انخطبت وبغى يموت
ام علاء: ههههههههه زين خلاص يابنتي عطيني رقم بيتهم عشان اتصل
في ام البنت واكلمها عشان نزورهم ونفتح الموضوع معاهم ..
** ***** ***** **** **** ***** *
حسين اليوم قرر يفاتح اهل شهد بالموضوع .. عشان رمزي وعشان داليا
لازم يتم الموضوع بسرعه .. واذا شهد ماوافقت .. يشوفون له غيرها ..
حسين : يمه اتصلي بخالتي سعاد وقولي لها انك بتزورينها وتبينها
بموضوع مهم وخبريها تقول لخليل اني بروح معاك ومعانا صديقي ..
نوار بقلق: ليش يمه شو صاير؟
حسين باستعجال:يمه انتي اتصلي بالاول وعقب بخبرك السالفه ..
نوار بقلة حيله اتصلت في سعاد اللي رحبت فيهم وخبرتها انهم بعد صلاة
المغرب بيكونون في بيتهم وسكرت منها
حسين : يمه انا ابيك تروحين معاي عشان نخطب شهد لرمزي صديقي
نوار بدهشه : بس ياحسين رمزي عنده بنت وكان متزوج والبنت صغيره
حسين يقاطعها بقهر: يمه رمزي بنفس عمري وصغير ومو ذنبه اذا الله
كاتب له يترمل صغير من حقه يتزوج ويمنح بنته ام تهتم فيها وبعدين حنا
مابنغصبهم يوافقون ان لقوه مناسب لهم الله يوفقهم يمه انا اخترت له شهد
لاني حسيتها تناسبه.. واذا ماوافقوا حصل خير بس رمزي ماله غيرنا يمه
نوار فخوره بتفكير ولدها ومستانسه انه يفكر بالخير للناس: ان شاء الله يمه
من عيوني هذي قبل هذي وابتسمت له ... راح حسين باس راسها براحه
وقال: مشكوره يمه الله لايحرمنا منك وخذي خواتي معك .. انا بطلع عندي
مشوار صغير وبرجع اوكي توصين شي؟
نوار: سلامتك ياولدي ..
***** ***** *****
اريج كانت تلاعب ولدها عزوز وريهام معاها وتتكلم
ريهام: ماما انا بعد بلعب مع اخوي
اريج: ايه ماما بس شوي شوي بعده صغير لما يكبر تلعبون مع بعض
ولازم تحبون بعض وتكونون اخوان قول وفعل
ريهام بفرح : ايه وحتى البابا بيلعب معانا
اريج بحزن: البابا ياريهام مابيرجع
ريهام بتصيح: الا بيرجع
اريج ضمتها لصدرها ومسحت الدمعه اللي طاحت وهي تناظر صورة
محمود المعلقه ع الجدار وتقول : الله يرحمك يامحمود ويغمد روحك الجنه ..
*** *** ******* *** **** ****
اما مشاعل ومنير رجعوا السعوديه بيتهم ومعاهم رجعت ليلى لانهم الحين
اجازة وماعندها جامعه ..
واتفقوا معاهم بدريه وسعود مع عيالهم انهم يزورونهم كل مابين يومين ..
**** ******* **** **** *****
في مكان ثاني
هيفاء وحليمه قاعدين
فواز: السلام عليكم
الثنتين يناظرون الباب: وعليكم السلام
فواز: امممم عندي لكم خبر بيفرحكم بالذات انتي هيفاء
هيفاء: شنووووو
حليمه: بشر يا ابني ..
فوزا: اليوم كنت اتكلم مع سعود عنك هيوفه وقال انه قرر بعد ماترجع
اختك ريم من شهر عسلها بيشوف اليوم المناسب وبيقدمك لهم كلهم
وبيعترف فيك قدامهم وان شاء الله بدريه تسامحه وتقبل فيه
حليمه : واذا ماسامحته
فواز: اكيد بتطلب الطلاق بدريه اهم شي عندها كرامتها .. وانا خايف من
ردة فعلها
هيفاء كانت تحلم تسمع هالخبر بس لما سمعته مافرحت .. خافت
فواز: بلاك هيفاء مو فرحانه؟؟
هيفاء بقلق: انا مابي ابوي يخرب بيته عشاني .. وهم ابي اخواتي يعرفوني
فواز: هيفاء لاتخافين ابوك ان قرر على شي بيكون دارسه وعارف نتيجته
وخليه يتحمل مسؤولية كل اللي يسويه اخوي سعود كبير ويعرف شنو
الحل لاتخافين وابتسم لها وبادلته الابتسام وداخلها الف فكره وفكره ..
***** ***** ****** ***** ****
ليلى راحت غرفتها لان امها وابوها بينامون العصريه .. وهي ماتعودت
تنام كانت طول الوقت مع بنات اختها والحين تفتقدهم والادهى عن هذا انها
طول الوقت تفكر بحسين .. وتحس له بالشوق الكبير .. نفسها تشوفه تعودت على مزوحه .. كانت دوم ترافق وفاء عشان تستغل فرص لقياه في السر.. حسسها بنظراته انه يحبها .. بس ماتقدر تتاكد.. ساعات تحسه يخدعها وهم ماتقدر تتاكد بس المصيبه انها خلاص حبته .. نزت دمعه على خدها مسحتها بسرعه وسحبت الدفتره المرمي على طاولتها بعدم اهتمام وخذت القلم وكتبت:
كنت أخاف أن أقع في حبه
لأنه المستحيل بعينه
وها أنا في شباك المستحيل
أضيع في الخيال والأوهام،
حقيقتي أسير فيها..
اندفعت مراراً أشكو عذابي له بعيني..
فكانت كلماتي المبعثرة تخرج من فمي متقاطعة
فأرجع إلى بيتي المهجورمن كل شيء..
إلا من اليأس،أعاني منه ما لا أستطيع
احتماله..الفراق في بعدي عنه و الالام
من خداعي منه..إن الأمل في حبي له
يبحث عن واقعي المؤلم،يريد أن يحطمه،
يريد أن يثقب فيه ثغرة،ينطق منه
الأمل، ولكن الأقدار تأبى أن تسلك ذاك الطريق

لك يامن احببته ..
ل. م
وسكرته وضمت الدفتر ومو قادره تقاوم دموعها.. وفي هالاثناء وفاء اتصلت لها ع جوالها ومسحت دموعها وحاولت تبين طبيعيه وردت وتبادلوا السوالف .. وطلبت منها ليلى برجاء تجي عندها لانها بتموت طفش وزهق...
** *** *** ** **** ** *** * **
نايف ينتظر اللحظه الا يردون فيها ريم وخالد عشان يتمم حلمه بخطبة احلام حلمه الوحيد .. كان قاعد في بيته ومقرر ياخذ صيفي بالجامعه عشان يخلص بسرعه ويتزوج حبيبته بسررعه ..
مشتاق كثير لاحلام ويعرف انها مشتاقه له يعرف انها تحبه مثل ماهو يحبها .. بس ينتظر اللحظه الا يتوج فيها حبهم ..
رسل على جوال عبير..

عبير حرم نصور لاتقرين الرساله تكفين غمضي عيونك وخلي احلام تقراها احم احم : احبك مشتاق لك انتبهي لحالك .. نايف حبيبك
ادري عبير انك قريتي ههههه بس تكفين خلي احلام تقراها وقربت لحظة الاجتماع دعواتك بايو ..

عبير لما وصلها المسج قرته وخلت احلام تقراه وحمرت خدودها وعبير تضحك عليهم ههههههه
واحلام استانست كثيير وصارت تدعي يتلاقون بسرعه تحس بشوق عجيب لهالانسان وحب كبير..

* **** ****** ***** **** *** *** *
سالم من شاف هيفاء في زواج ريم وهي ماتروح عن باله .. يدري انه حبها ويدري انه بيتعذب في هالحب بس مو بيده والمحبه من الله .. يحاول يشيلها من باله بس مو قادر وطول مايتذكرها يسبها ويلعنها في خاطره الف مره ..

****** ******* ***** ***** *** ***

بعد صلاة المغرب .. راحوا كوثر ونرجس ونوار واريج واولادها وحسين ورمزي وبنته بيت سعاد .. وكانوا شهد وخليل بانتظارهم ..
ولحد الان مايعرفون بسبب هالزياره ..
في مجلس الرجال قعدوا خليل وحسين ورمزي ..
وفي الصاله قعدوا سعاد ونوار واريج في مجموعه
وكوثر ونرجس وشهد في مجموعه ..
وداليا وريهام يلعبون جنب اريج ..
وكان الكل فرحان ويسولف عادي وطبيعي ولحد الان مافتحوا الموضوع لانه حسين قال لامه لاتتكلمين الى ان اتصل لك اقول لك قولي لهم ..

***** ********* *****
وبنفس الوقت .. ام علاء اتصلت بيت ام حسام .. وقالت لها انها تبي تزورها وتبيها بموضوع ..
واتفقوا تروح لها بكره العصر ..
* *** **** ***** ******

في هذا الوقت كانت بدور اون لاين .. وتسولف مع هيثم ولد خالها واللي ماتحب احد غيره ..وهو يبادلها هالشعور ..وزود..
الحب سيكتب اسمينا بحكاياه وبمعبده>>> نكنيم بدور
ماذا أسمي شوقي إليك والنار في قلبي تشعله>> نكنيم هيثم


ماذا أسمي شوقي إليك والنار في قلبي تشعله : افففف بدوري حبيبتي زهقت انا وطقت شبدي..!!

الحب سيكتب اسمينا بحكاياه وبمعبده: ليش حياتي ؟؟ وش صاير؟؟

ماذا أسمي شوقي إليك والنار في قلبي تشعله:ابيك ابي اشوفك ابي نتزوج.. ونبيني بيتنا خلاص ماعاد فيني..

الحب سيكتب اسمينا بحكاياه وبمعبده:هيثوم يابعد قلبي ان شاء الله خير الله يفرج عنا اصبر على وعسى تصير معجزه وتحل المشاكل كلها..

ماذا أسمي شوقي إليك والنار في قلبي تشعله: يعني لمتى يابدور بنتم قاعدين وحاطين ايدنا على خدنا .. ؟؟؟!

الحب سيكتب اسمينا بحكاياه وبمعبده: لين الله يفرجها حبيبي .. انا ادعي كل يوم وانت ادعي ومابيصير الا كل خير يارب

ماذا أسمي شوقي إليك والنار في قلبي تشعله:ونعم بالله .. الله كريم .. يعني عمري مانتي معاي في فكرة اني افاتح امي وابوي بالموضوع؟؟

الحب سيكتب اسمينا بحكاياه وبمعبده:لالالا هيثوم لاتستعجل وتهدم الي قاعدين نبنيه انا مصدقت ترجع تعتدل مع اهلك وتتصالح معاهم مابي الحين ترجع المشاكل خل الوضع يهدا شوي واصبر قلت لك ..حبيبي شفيك اصبرر

ماذا أسمي شوقي إليك والنار في قلبي تشعله: ان شاء الله على امرك بس انتي لاتعصبين حياتي كله ولا زعلك ..

الحب سيكتب اسمينا بحكاياه وبمعبده: ههههههههههه فديتك وش دراك اني عصبت ووجهي صار احمر..

ماذا أسمي شوقي إليك والنار في قلبي تشعله:ياعمري احبك واللي يحب يحس بحبه وغناة روحه.. اموت فيك يابدور انتي دمي اللي بشراييني وهواي اللي اتنفسه

الحب سيكتب اسمينا بحكاياه وبمعبده: ياويل حالي بتذبحني هيثوم وانا بعد والله

ماذا أسمي شوقي إليك والنار في قلبي تشعله:انتي بعد شنو؟؟؟

الحب سيكتب اسمينا بحكاياه وبمعبده: احبك واعشقك واهواك ومالي حياه بلاك..

ماذا أسمي شوقي إليك والنار في قلبي تشعله:اخ ياقلبي من قدددي انا ..بدور حبيبتي تحبني ..!

>>>> وهذا الحال بينهم بين كل فتره يتكلمون فيها مع بعض الله يعينهم <<

******** ***** **** **** **** *
نرجع لحسين اللى عطا امه اشاره خضرا بانها تفاتح سعاد بالموضوع ..
وهو قال لخليل: خليل ياخوي احنا مثل ماتعرف جاين اليوم ونبيكم بموضوع مهم ..
خليل باهتمام : ايه كمل
حسين: مثل ماتعرف رمزي كان اخوي في الغربه والحين انا جاي اطلب ايد اختك شهد له..
خليل مندهش بس ماحاول يبين : والنعم فيكم والله .. تشرفونا اكيد مابنلقى احسن عنكم والراي الاول والاخير بيرجع للبنت ..
حسين: مثل ماتعرف رمزي كان متزوج وترمل وعنده بنت عمرها 7 سنين .. بس تراه ماهو بكبير وعمره فعمري.. ومستعد عى اي شي تطلبونه .. واحنا ياخليل ماخترنا اختك الا لانكم ناس والنعم فيكم ونسب يشرف واختك ماشاء الله عليها فاهمه واخلاق وقد المسؤوليه .. انت لاتستعجل شاور الاهل وردوا علينا ..
خليل : ان شاء الله خير..
ورجعوا يسولفون عادي .. وخليل متضايق شويه من الموضوع بس مابين لاحد..

******* **** ***
وفي نفس الوقت نوار خذت سعاد على جنب وقالت لها ان رمزي بحسبة ولدها وانه ريال ومايعيبه شي وانه يبي شتزوج شهد وان شهد مثل بنتها ولو ماتشوف الريال زين ماكان جات بنفسها تخطبها له .. وان رمزي مع انه ارمل الا توه صغير والمستقبل قدامه كبير..
وسعاد استانست ماهمها انه ارمل يهمها ريال سنع وخلوق وزين يحافظ على بنيتها .. وقالت لنوار ان شاء الله مايصير الا كل خير وانا ماعندي مانع والراي يرجع لشهد..
**** ****** **** *** ****
وفاء دقت على راشد وقالت له ان خاطرها تروح السعوديه عشان ليلى بروحها وهو مارفض لها طلب ومايبي الا راحتها قال لها تجهز وبعد مايرجعون امه وخواته من بيت جيرانهم ويتطمن عليهم بيمرها وبيروحون .. ياخذون ليلى معهم ويتمشون ..
وهي استانست كثيير ...
** ** ***** *** **** *** ***
حسين بعد مارجعوا من بيت جيرانهم كان مرتاح نسبيا انه بيزوج رمزي.. وقتها جات على باله ليلى اللي اصلا ماتغيب عن باله .. يحبها.. يحسها تجري في شراين قلبه واوردته ..
سمع من راشد يقول لامه انه بيروح بعد شوي مع وفاء هناك عشان ليلى بروحها .. وده يروح معهم ويشوفها.. ضل يفكر شوي وقال انا لازم اعترف لها وكتب شي في ورقه وراح لراشد اللي كان بيمشي ووقفه ع اخر لحظه..
حسين: رشود اخوي طلبتك عطي هذي الورقه وفاء وقول لها توصلها لليلى
راشد ابتس كان حاس ان اخوه تعجبه ليلى بس حب يرفع ضغطه: هيه حسون احترم نفسك خالة مرتي مارضى احد يغازلها ..
حسين: اوووه ياراشد لاتطلع لي فيها .. والله اني مو ناقص عاد عطها الورقه ..
راشد: امزح معك .. تحبها؟
حسين: ايه وقلت لامي ابي اخطبها..
راشد استانس: فديتك اخوي مابتلقى احسن منها ا.
حسين: ادري.. بس عاد لاتتلقفون انت وحرمتك وتفتحونها تراها خاصه ..
راشد: افا ماتامن علي يعني .. اجل ليش عاطيني اياها
حسين: ههههههههههه امزح معك اخوي .. بس قول لوفاء تخبرها اني ابي رد تكفون ارحموا بحالي...
راشد:ههههههههههههه طيب طيب يله في امان الله ..
******* ***** ***** ***** ***
خليل قبل لايكلم امه واخته بالموضوع كان يفكر بضيق : شلون اختي تتزوج واحد متزوج قبلها وعنده بنت اخاف تنظلم .. بعدها صغيره.. واخاف ان رديناهم ورمزي مثل اخوهم تتاثر علاقتي بكوثر
(طبعا لمح كوثر ولمحته وابتسموا للبعض بحب وامام امها وامه وشهد ونرجس الي بدورهم ابتسموا ع الحب الطاهر والعفيف اللي ينمو بقلوب اولادهم )
اخاف يردوني لاتقدمت لها مستحيل ماستغني عنها انا احبها..
ياربي شسوي محتار .. ؟؟
اخ انا اروح اشوف راي امي.. وبعدين يصير خير..
ودخل لقى امه بالصاله قدام التلفزيون وتنتظره ..
خليل: وينها شهد يمه؟
سعاد: في غرفتها يمه .. وابتسمت بفرح: وش رايك؟
خليل: يمه اخاف نظلمها .. عنده بنت
قاطعته: واذا وش فيها؟ ياولدي اهم شي الاخلاق والنسب الطيب .. واذا مافيه عيب وماعليه كلام وبيصونها ويسعدها ماعندنا مانع اهم شي موافقة اختك..
خليل استسلم للامر الواقع يوم شاف نظرة امه اللي حسها صحيحه وقال لها : خلاص يمه انتي فاتحيها بالوضوع وخلها تفكر عدل عشان بعد كم يوم نرد عليهم تراه مستعجل شكله ..
سعاد: ولايهمك بكره اقول لها .. الحين يمكن نامت
خليل: وانا بعد بروح انام يمه وباس راسها: تصبحين على خير
سعاد: وانت من اهل الخير ياولدي
ولما راح رفعت ايدها لفوق وقالت باخلاص: ربي يسعدكم ياولادي ويوفقكم ويفرحني في اولادكم ..
كبرياء: امييييييين يارب .. >>>>>>هههههه داخله عرض..
******* ****** **** ****** *******
وفاء وراشد راحوا السعوديه ووصلوا بسرعه لان مافيه كثير زحمه .. ومروا ع ليلى وراحوا يتمشون وهم مبسوطيين..
طبعا راشد علم وفاء بنية اخوه بس حلفها ماتقول لليلى لين مايصير شي..
وبعد ماتمشوا وراحوا تعشوا في مطعم ..
مروا بيت ام جنان وسلموا عليهم وفرحوا بشوفتهم ومشوا .. >>ربع ساعه بس .. ثم
وصلوا ليلى بيتهم وقبل لاتنزل عطتها وفاء الرساله وقالت لها اقريها ولو سمحتي رسلي لي ردك على الجوال..
ليلى ابتسمت فكرتها من وفاء وقالت: اوكي ..
وكل واحد راح لطريقه هي لحظن امها وابوها وهم للبحرين ..

*** ******** ********* ********** **** ****
فوزا يفكر باريج يتذكر الصوره اللي شافها مع ريهام.. مايدري ليه انطبعت بباله ورافضه تروح.. فواز عمره ما اهتم للبنات وعمره ماجرب الحب ومشاعر الحب لبنت محدده ولا له شغل بسوالف المراهقين والخرابيط ..
صحيح انه لما كان برا يحاولون بنات كثير يتقربون منه ويصدهم.. يمكن متعقد .. لكن الحين هو مو قادر يشيل اريج من باله..
هيفاء كانت رايحه غرفتها بتنام .. وشافت فواز باب غرفته مفتوح وهو قاعد ع المكتب وسرحان وباله مو معاه .. طقت الباب وماجاوبها راحت لعنده..
هيفاء وايدها على كتفه: عمي فوزا وش فيك سرحان؟؟
فواز : اوه سوري هيفاء كنت افكر شووي
هيفاء: بشنو تفكر؟
فواز: شغله ببالي
هيفاء: يعني مابتصارحني باللي ببالك ترى انا ملاحظه انك هاليومين مو على بعضك وانك ابد...... واسكت اقول يمكن تتلكم بروحك بس شكلي مو قد انك تقولي اللي بخاطرك ..>> كانت جد زعلانه ..
فواز ابتسم ومسكها قبل لاتمشي: طيب تعالي بصارحك عشان تخبريني اذا انا صح او غلط بس هاه مايطلع منك ولا حرف لاحد ..
هيفاء بفرح: اوكي وعد
فواز: انا قلت لكم اني قررت اتزوج..
هيفاء: انت في وحده ببالك صح؟
فواز: ايه نعم ..
هيفاء: من هي عمي؟
فواز: اريج اخت راشد زوج اختك وفاء..
هيفاء تحاول تتذكر: يووه مو هذي اللي توفى زوجها قبل فتره؟
فوزا هز راسه بمعنى ايه ..
هيفاء سكتت تفكر شوي تعرف انه عمها مايفكر بالبنات ابد وتعرف انه اكيد في غرض من زواجه من ارمله وعندها اولاد .. يمكن حبها.. سالته:
وانت كيف تعرفها عشان تتزوجها؟
فواز: مره شفت صورتها عند بنتها ودخلت خاطري وليومك هذا مانسيتها
هيفاء بابتسامه: ياعمي مو عيب انها ارمله ولا عيب ان عندها اولاد ودامها بنت ناس وماعليها كلام اتقدم وببركة الله لاتطيرها من يدك اذا تحبها وخاطرك فيها.. وبتكسب اجر فيها وفي هاليتامى اولادها .. عمي انا عشت وابوي بهالدنيا بس ماحسيت بوجوده معاي وكنت كني عايشه بدون ابو هالاطفال حرام يحسون بهالاحساس انا الحمدلله ابوي عايش الله يطول بعمره ويحفظه لكن لو انت صرت لهم ابو بيتغير شي كبير بحياة هاليهال..
فواز حمرت خدوده ع خفيف: اها طيب شي اكيد انا حاط ببالي هالشي ولاتحاتين عمك يفكر بكل شي قبل لايتخذ اي قرار .. وانا بغيتها لنفسها قبل وثم لعيالها.>>>. وسكت مستحي يكمل ههه
هيفاء:هههههههههه عمي مو عيب ان الواحد يعجب بشخص ويحب ليش تخبي مشاعرك؟
فواز: انا ماخبي شي بس يمكن عشاني ماتعودت هالشي
هيفاء: طيب عمي متى تبي تخطبها انت مو ناقصك شي..
فواز: بس هي ياحبيبتي توه زوجها متوفي ماكمل كثير انا بصبر عشان توافق وماترفضني ..
هيفاء: طيب بالتوفيق يارب.. انا بقوم انام عمي لاتشغل بالك اكثر قوم نام وربي بيسوي الا فيه لك خير ولنا.. وابتسمت ومشت وتدري ان عمها الحين ارتاح..
***** **** **** **** ****** *****

ليلى بعد مارجعت وقعدت مع امها وابوها وسولفت معاهم ركبت غرفتها ونامت وهي ناسيه موضوع رسالة وفاء..!!!

******* ***** ************
يوم الاثنين..
ريم وخالد اتصلوا لاهلهم وقالوا لهم انهم وصلوا بالسلامه وانهم مرتاحين كثير .. (((بيقضون اسبوعين وبيرجعون)))

*** ******* *** **** *****

//

//



يتببببع
 
تكلمة الجزء الرابع و الاربعوون
ليلى بعد ماقعدت من النوم وغسلت جات بتنزل تفطر مع امها وابوها بس قالت بتشيك ع جوالها اذا احد اتصل .. مالقت شي بس شافت الورقه اللي عطتها وفاء وهي نستها .. فتحتها وبدت تقرا واستغربت بداية الامر ليش وفاء كاتبه لها خاطره :

أي عشق هذا الذي يحتويني
ومبسم رائع بالمسك والعطر يغرني
فأني متيم ببحر عينيك أحمل الشوق إليك فلا ترديني
فما طاب لي مقام بغيرك
وما خلق سواك ليشقيني
فلست أدري وأنا أسافر
في ظلمات أعماقك اي بحر يأويني؟؟
فكم يبهرني حسنك وتيار الأسئلة
على خارطة الحزن قتيلاً يرديني
فأني أحبك بفرحة الأحرار
وبالدماء المتدفقة في شرايني
وأني أحبك جرحا غائراً
لا زال نزفه يعذبني ويبكيني
وأني أحبك حرفا تائهاً
في كتاب أحزانك فأقرئيني
وأني أحبك طفلة بريئة
لا تفرق بين الوردة والسكين
فها هي مشاعري أجرحيها
كما شئت أو للوردة اهديني
وأزرعيني شوقا في دمائك
وإذا تفجر الشوق للأنا اخرجيني

لاعرف ماقد تكون ردة فعلك ياليلى
انتي ربما تتسالين لماذا افعل هذا
لاتظني اني اريد علاقة معك او ابتسامة منك
فانا احساسي اني بقربك يكفيني
ولكن مشاعري ليست بيدي واجبرتني على البوح لك
ليلى انا قد اخبرت امي اني ارغب بك كشريكة لحياتي
ولا اريد منك سوى ان تعلمي هذا ..
واريد ان اعرف رايك بالموضوع فقط
انا اعتذر على هذه البادرة مني ولكني حقا احببتك
واتمنى لك السعاده والتوفيق مهما كان جوابك ..
عاشق ليلى ومتيم بها:حسين ..

** ** **
ليلى انصدمت .. وابتسمت بالاخير ماتوقعت تكون هذي الورقه اللي بتغير حياتها ماتوقعت ان عذابها انتهى باعتراف حبيبها لها ماتوقعت هذا كله
تذكرت كلام وفاء ان ترسل لها ردها على الجوال اكيد بيوصلونه لحبيبها..
ومسكت جوالها وهي فرحانه ورسلت لوفاء رساله ترد فيها على حسين..
وكلها سعاده ونزلت مبتهجه عند امها وابوها ونور عينها .. !!

***** **** **** **** *** ****

سعاد: شهد يمه تعالي ابيك بموضوع..
شهد حست ان امها تتكلم بجديه: نعم يمه خير؟
سعاد: كل الخير يابنتي تعالي
شهد: ...
سعاد: يمه انتي كبرتي وصرتي عروس وتخرجتي وبكره بتروحين الجامعه وانا الحين مابقا لي في هالدنيا غير اشوفكم انتي واخوك متزوجين واشوف عيالكم
شهد: ....
سعاد: يمه شهد في واحد متقدم لك .. واخوك وانا نشوفه خوش ريال وماعليه قصور..
شهد متفاجئه ..
سعاد: يمه يابنيتي لاتخافين محد بيجبرك على شي ماتبينه احنا نبيك تفكرين بس يابنيتي فكري زين تراه مايتعوض .. هذا صديق ولد خالتك حسين هو بنفسه وامه امس يوم جونا خطبوك له.. وداليا تصير بنته .. بس تراه عمره في عمر حسين ماهو كبير.. وخالتك نوار تمدحه وايد.. يابنتي انا ابي اشوفك مبسوطه واشوف الا يقدر يسعدك طول عمرك ويكون لك سند من بعدي
شهد وهي مازالت مصدومه: بعد عمر طويل يمه لاتقولين كذا
سعاد: الا بقول .. يابنيتي فكري عدل تراه مو عيب انه ارمل بالعكس يمكن يحافظ عليك اكثر ويكون احن عليك من الناس كلهم .. انتي فكري هاليومين واستخيري ربك وردي علينا لانه مستعجل .. ومحد بيجبرك على شي ..
شهد: ان شاء الله يمه..
وطلعت امها من غرفتها وراحت عنها تخيها تفكر ..
*** ******* *** ******
هيفاء من جلست من النوم وهي خايفه .. حلمت بذاك الشخص اللي يهددها علطول واللي تخاف منه واللي تفكر فيه كثير .. حلمت به حلم عجيب غريب .. حلمت :
هيفاء بحديقه كلها اشجار وورد تمشي وهي فرحانه بنفسها وكانت مثل الفراشه تلعب..
سالم بصريخ وعصبيه : هي انتي
هيفاء خافت : نعم
سالم: انا مو قلت لك لاتلعبين في الحديقه؟؟؟
هيفاء: بس هذي حديقتي
سالم: انتي حقيرررره انا اكررررهك
هيفاء خذت حجره صغيره ورمتها جهة قلبه وصار يطلع الدم .. خافت وراحت تركض..
سالم مسح الدم من على صدره وراح يركض وراها وكل عيونه شرر
وكانت تركض تركض خايفه يمسكها .. وجلست من النوم مفزوعه ..
خايفه منه خايفه يرجع لحياتها ويهددها ..خايفه يفضح ابوها.. وتضل تتسائل: ياترى من هذا؟؟ ياترى ليش ماقدر انساه؟؟

*** ***** ******* **
وفاء وعبير اتفقوا اليوم يطلعون مع بعض للسوق انهم ملانين وبياخذون معهم احلام .. اما دانه سوت حفله تبي تقعد مع هادي ببيتهم تلعب معاه وخلوهم مع بعض ..
وراحوا احلام ووفاء وعبير مع السواق بعد اذن ازواجهم لمجمع بيتمشون ويتسوقون وبيتغدون وبيرجعون عقبها..

***** ***** *** ***
كوثر ونرجس .. قعدوا وفطروا وهم ملانين
كوثر: افففف الناس اجازه تطلع واحنا مالنا الا البيت او بيت شهد
نرجس : ههههههههه اي والله ..
الا يدق جوال نرجس...
نرجس: هذي وفاء خطيبة رشود
كوثر: ردي شوفي وش تبي
نرجس: الوو مرحبا
وفاء: هلا وغلا
نرجس: اهلين وفاء.. وش فيك؟
وفاء: مافيني شي حرام اصبح على خوات ريلي يعني
نرجس: هههههه لا عادي بس خفت ان فيك شي
وفاء: ههه لالا بس قلت بشوفكم وش تسوون
نرجس: مانسوي شي قاعدين نحتج ان ملانين واجازه ومانطلع
وفاء: اجل اتصلت بوقتي .. اممم انا وعبير واختها بنروح واحد من هالمجمعات نتمشى ونتغدى ونرجع وانا قلت لراشد بشوفكم اذا تبون تجون معاي شرايك؟
نرجس: وناسه احلى شي .. بس اخاف امي ماترضى
وفاء: لاماعليك قولي لها راشد ووفاء يقولون لك لازم نروح وهي بترضى
نرجس: هههههههه اوكي خلاص
وفاء: يله 5 دقايق وانا عند بيتكم اطلعوا طبعا بسيارة السواق اوكي
نرجس: طيب يلا بباي
كوثر: شنو تبي؟ وش صاير؟
نرجس: يحليلها بيطلعون هي وصديقتها وحست ان احنا ملانين وقالت نروح معاهم
كوثر: اها سبحان مغير الاحوال
وضحكوا وراحوا بلغوا امهم ولبسوا عباياتهم ينتظرونها تمر عليهم..
***** ** *** **** ****** **
ركبوا السياره وسلموا ع الكل ..وبعد فتره من السوالف ..
وفاء: يوه صج كوثر او نرجس وحده منكم تعطيني رقم حسين اخوكم
نرجس: ليش؟
كوثر: وش تبين فيه؟
وفاء:ههه وش بلاكم راشد قال لي ارسل له رساله
نرجس: اها
كوثر: طيب يله اكتبيه عندك *********
وفاء: ثانكس
كوثر: اني تايم
>>>ورسلت له وفاء الرساله اللي من ليلى<<<
وصلوا المجمع وراحو يتمشون ويشترون اللي يعجبهم وكانوا مبسووطييبن ..
*** ***** ****
في جهه ثانيه حسين اول ماقعد من النوم على صوت الرساله قام وغسل مافتحها حسب انها من واحد من اصحابه وما اهتم ذاك الزود
جا مسك الجوال بدون نفس ولقى فيه مكالمتين لم يرد عليها ورساله
كانوا المكالمات من رمزي .. وقال بيتصل فيه بعد شوي فتح المسج وقرا:
هذا رد ليلى مثل مارسلته على جوالي:
((قبل لايكمل بوصف لكم شعوره بالفرح عشانه شاف اسم ليلى وبالتوتر والخوف عشانه خايف انها ترفضه)) وكمل يقرا:

تأملت الكون فوجدته مليئا بالأسرار فوجدت سرا خافيا مكنون
جلست افكر فيه ليل نهار كأنه لغز يا ترى ماذا يكون
فمنذ رأيته قلت سبحان المبدع القهار الذي بيده الكاف والنون
نظرة العين سحر جبار يتباهى بها العاقل والمجنون
فالعين رمز للفتنة والوقار فمنذ رأيت تلك العين أصبحت بها مفتون
فجلست أنشد أبياتا وأشعارا واكتب قصائد كقيس بليلى مجنون
فنظرة العين أشد من السهم المار تشتت الفكر والظنون
ل.م

خلص وانبسط حس جوابها يعني ايه وكانت الدنيا مو شايلته من الفرح
يحس انها تبادله شعوره وانها تبيه وتحبه مثل مايبيها ويحبها

**** ***** **** ** *****
نرجع للبنات .. اذن عليهم الظهر وراحوا المصلى اللي بالمسجد عشان بيصلون وبعدين بيتغدون ويرجعون..
وهم هناك دق جوال وفاء
وفاء: هلا وغلا بالغلا
نايف: والعمى الحين صرت الغلا اصلا رشود نساك اخوك الحبيب نيوف ولا كذا يعني ماتدقين صرتي وماتسالين ..
وفاء: حبيبي انت والله.. مو مسوى رشود صدقني الظروف ومشاغل وهيك
نايف: لا مو مصدق وماني مسامحك وزعلان
وفاء: طيب وشرايك تجي اعزمك ع الغداء؟
نايف: وين؟
وفاء: بمجمع(**) انا ومعاي عبيرواختها وخوات راشد
نايف علطول حس انها احلام: هممم بفكر ..
وفاء: ههههههههه نحيس
نايف: اوكي وافقت بجي بس بصلي قبل
وفاء : هههههه طيب يلا باي..
وبدت تصلي ولاقالت لهم ان بيجي نايف خخخخ
اتصل لها بعد فتره وقالت لها يجي عند مطعم هارديز هههههه وراح لها
كانوا كل وحده عند المطعم الا تبي تطلب منه ..وهي وعبير عند هارديز
وصارت تسولف معاه وانتبهت له عبير
عبير: نايف هلا بيك
نايف: هلا والله بمرت اخوي نصور
عبير تقول لوفاء لما تذكرت ان احلام معاهم: هذا وش جابه هنا؟؟
وفاء: انا عزمته لانه كان زعلان ههه
عبير: نايف انتبه على حالك اوكي
نايف فهم لها: ولايهمك
وفاء: وش هالالغاز اللي تتكلمون فيها ماتعلومني يامسودين الراس
نايف: هاه ولاشي يلا وين غداي؟؟
وفاء: من وين تبي؟
نايف: دومينوز بيتزا
وفاء يلا امشي نروح له ..عبيرو استني يخلص طلبنا وخذيه للطاوله اوكي؟
عبير: حاضر من عينيا


وراحوا وفاء ونايف عند دومينوز بيتزاوبالصدفه كانت احلام تطلب من هناك .. وكوثرو نرجس من مطعم الابراج ..
المهم نايف بس شافها ابتسم وكان بيطير من السعاده الا هو فيها لشوفتها .. هي مابعد انتبهت له
وفاء انتبهت لاحلام وقالت من وراها: احلامو وش طلبتي
احلام : بسم الله الرحمن الرحيم يالجنيه صرعتيني
وفاء: هههههههه ام سوري كنت جايه هنا اطلب لنيوف مادريت انك هنا خخ
احلام تبهدلت وانتبهت لنايف اللي كان مايبين ورا وفاء : اها
نايف: السلام عليكم >>>مسوي مؤدب
احلام بتوتر وفرح شديد : وعليكم السلام
نايف: شخبارك جعلك بخير وعافيه؟
احلام: تمام الحمدلله وانت كيفك ؟
نايف: بخير ربي يسلمك

>>>وفاء تتاملهم بدهشه وتشوفهم كيف بيموتون من المستحى وجا عبالها كلام عبير وشكلها عرفت السالفه فابتسمت وقالت كانها ماكانت منتبه لهم: يله نيوف وش تبي تاكل؟
نايف: ابي مثلها
احلام حست بالاحراج لان وفاء ماتعرف شي
وفاء: ههههههه يمكن مايعجبك .. وش طلبتي احلام
احلام بخجل: بيتزا خضار وجارلك بريد وعصير برتقال
وفاء: غريبه ماطلبتي بيبسي؟
احلام بانتصار: لاني قطعته
وفاء: ويييييو واخيرا مبرووووك عقبال ماتقطعين العصير بعد
الكل: هههههههههههههههههههههههههه

**** ****** ******* ******

في وادي ثاني .. شهد تايهه ..
حسين جاي يطلب ايدها لصديقه .. كانت تحلم بحلم انه حسين يجي يطلب ايدها بس له هو مو لصديقه ..!!!
متضايقه شوي مع انها شالته من بالها .. بس تحس بشي تغير فيها..
خايفه .. تحس ان الكل مرتاح له .. وماتبي ترفضه عشان حلم قديم .. ويمكن يكون هو الشخص اللي يسعدها ..
قامت تبي تتصل لكوثر ونرجس تبي تروح لهم وتقول لهم تبي تشاركهم كل شي تبي نصيحتهم ..
حسين: الو
شهد باضطراب: الو السلام
حسين: وعليكم السلام
شهد : كيف حالك حسين؟
حسين توه عرفها: هلا شهد الحمدلله انتي شخبارك؟
شهد: منيحه كتر خير الله .. وينها كوثر.؟
حسين: والله كوثر طلعت هي واختها مع وفاء خطيبة رشود
شهد: خيانه يطلعون عني
حسين :ههههههههه ماعليه عندك اياهم بس يرجعون
شهد: ههه طيب مشكور قول لهم بس يرجعون يكلموني
حسين: اوكي
شهد: مع السلامه
حسين بعد تردد : .......... شهد
شهد حست بشي: ..... نعم
حسين: قالوا لك؟
شهد بخجل: اممم ايه
حسين: وش رايك؟
شهد اخر شي توقعته يصير حسين يسال عن رايها .. فكرت تنفجر وتقول له عن رايها بصدق وتقول له تمنته هو .. بس تماسكت وتذكرت انه يحب ليلى بلا شك وفكرت بعقل وقالت: اممم مادري
حسين: شهد انتي مثل اختي وانا اعتبرك مثل نرجس وكوثر ..
ورمزي اخوي وانا ماخترتك له الا لاني اشوفك تناسبيه ويناسبك وصدقيني مابتلقي احسن منه والله .. انا مابي اضغط عليك .. بس فكري زين وتذكري نصيحة اخوك حسين: لاتضيعيه من يدك .. رجال ولا كل الرجال.. استخيري ربك فكري بهدوؤ وشوفي وش يطلع معك
شهد ارتاحت نسبيا من كلامه وابتسمت : ان شاء الله وانا واثقه من اختيارك يكفي انك مثل اخوه عشان يخليني افكر اوافق
حسين ابتسم : تسلمين لي والله وسلمي ع الوالده وعلى خليل
شهد: يوصل ان شاء الله .. يله توصي شي؟
حسين: سلامتك بس فكري زين .. يله باي
شهد: باي

وسكرت منه وراحت تفكر بهدوؤ وحست بانه كلامه واقعي وصحيح ودام هو اللي مختاره لها هي لايمكن ترفض دام امها واخوها موافقين .. وبتستخير ربها وبترد لهم خبر ..

***** ****** ***** ***** **
في هالوقت ..
جنان مع امها في بيت منير ومشاعل ومعاهم ليلى كلهم يتغدون على طاولة الطعام ويسولفون وكانوا مبسوطين باجتماعهم سوا ..
جنان وليلى يسولفون عن حسام واهل حسام وجنان تخبرها بانها مبسوطه معاه وهيك اشياء وليلى قامت تقول لها عن السوالف الجديده وتعلمها عن موقف مع وفاء الخبله ويضحكون .. وام سالم تسولف مع امها وابوها ..

****** ***** ** ** *** ***
في ايطاليا بالتحديد في مدينة البندقيه (فنيسيا) مدينة العشاق .. وللتحديد اكثر في فندق دانييلي (danieli) من افخم فنادق هالمنطقه واحلاها كان هناك العاشقين ريم وخالد توهم واعيين من النوم بعد قسط من الراحه .. رحلتهم كانت طويله ..
ريم وهي تمد ايدها لفوق: صح النوم عمري
خالد ومفتح عين وعين : صح الله بدنك حبيبتي وابتسم لها وسالها: نمتي زين؟
ريم: ايه الحمدلله والحين ابي اقوم اسبح واكل تراني بموت من الجوع
خالد: ههههه فديتها اللي كل جوعانه الحين نسبح واخذك لاحلى مطعم هنا واخليك تاكلي من اشهى واطيب الماكولات
ريم بخجل: تسلم لي يا احلى خلود وقامت بشويش ..
وسحبت ملابس من الشنطه وتبي تاخذهم بسرعه وتسبقه للحمام ..ٌاما خالد غافلها ودخل وصرخ: سبقتك هاهاهاها
ريم : خلوووووود يالنحيس انا ابي اسبح قبلك مايخصني
خالد يبي يعاندها بس: مابي من سبق لبق وانا بسبح قبل ويطلع لها لسانه
ريم: هين ياخلود وسوت نفسها زعلانه
خالد طالع مسك ايدها وباس خدها بسرعه : فدييييت ريمي حبيبتي وربي امزح معاك الحمام وصاحب الحمام وكل الدنيا ملك تحت ايديك وانتي بس تدللي والا تبينه يصير يابعد روح خالد انتي
ريم ابتسم وفرحانه من كلامه: احبك
وغاصوا في عالمهم المليء بالحب والاخلاص والرمانسيه في اكثر المناطق رومانسيه في العالم ..
***
وطبعا جدولهم كان 3 ايام في البندقيه ويومين في روما ويومين في ميلان بعدين بيروحون سويسرا .. 6 ايام وبيرجعون بلادهم ..

((طبعا هذي هدية منير ومشاعل وكانت غير كذا بس هم غيروا بريطانيا الى ايطاليا عشانها رومنسيه اكثر.. .خخخ .. واختاروا باقي الايام بسويسرا لؤلؤة الالب.. بيروحون جنيف 3 ايام وبيروحون زيورخ 3 ايام ))

*** ***** *** ***** *
وشلة وفاء وعبير خلصوا غذاء وخلاص كل نفر رجع بيته >>> حلووه كل نفر ههههههههه ..
المهم وفاء ضلت تتابع نظرات نايف لأحلام اللي كل ماطالع فيها استحت وتوترت وكان شكلهم تفقيييييع ..

********* *****
بعد صلاة المغرب كان جرس الباب في بيت ام حسام يرن وراحت الخدامه فتحته ..
الخدامه: يس مدام
ام علاء: وينها ام حسام؟
الخدامه: تفزلي >>تفضلي ههههههههه
دخلت ام علاء ومعاها بدور للمجلس .. وبنفس اللحظه جاتهم ام حسام وسلمت عليهم بكل تواضع وكانت مره حبوبه وطيبه
وتمو حدود نص ساعه يسولفون ويتعرفون على بعض .. وبدور تشاركهم القليل
ام علاء: انا مابي اطول عليك يا ام سالم فبدخل بالمضووع
ام حسام: شدعوه ياحافظ نورتي الدار بوجودك لو تتمين هنا شهر
الكل: هههههههههههه
ام علاء: من ذوقك وطيب اصلك ..
ام حسام: ربي يخليك
ام علاء: بصراحه انا بنتي بدور تعرف بنتك مناهل وتمدح فيها كثير
وهي بنت ولا كل البنات وانا جايه ومتنيتها لولدي علاء

ام حسام: والله هذي الساعه المباركه ..ويشرفني اناسب وحده مثلك يا ام علاء
ام علاء: تسلمين والله وبيني وبينك ياوخيتي الولد هو اللي مختار بنتكم ..مره زارتنا وشافها بالصدفه واختارها شريكة حياته
ام حسام متعجبه: اها والله ! ان شاء الله خير ياختي خلاص انا اشاور ابوها واخوها ونشوف رايها ونرد لك خبر
ام علاء: خذي راحتك يا ام حسام اسألوا عن الولد وعن كل شي تبونه وشوفي راي الاهل واحنا حاضرين لاي شي تبونه

ام حسام تبتسم: ولا يهمك ان شاء الله كل خير وانا اتمنى بنتي تكون لها ام ثانيه مثلك والله انك دخلتي قلبي

وضلوا يسولفون وبدور مرتاحه ان الموضوع مشى على خير ..كان ودها تشوف مناهل بس استحت تقول لووووول

**** **** **** *** ****** ****
عبير نزلت مع وفاء ببيتهم لما رجعوا
كانت جالسه هي وناصر بغرفته يسولفوون ..
ناصر: هاه شقلتي حبيبتي؟
عبير: اممممم والله مدري انا مابي الا راحتك واعتقد 3 شهور تكفي
ناصر: يابعد روحي ياعبير وربي لاسعدك لاخر لحظه في عمررري
عبير: فديتك ربي لايحرمني منك ياعمري
ناصر يتاملها بحب ووله وشوق وهي مستحيه من نظراته
>>> وحددوا عرسهم بعد 3 شهور<<<

*** **** *** *****

هادي كان يتابع علاج رجله بنشاط واراده قويه .. واحلام اليقظه دوم بباله يتخيله نفسه مشى وكمل حياته طبيعي .. يتخيل نفسه كبر وخلص جامعه وكل هالتخيلات مربوطه بدانه اخت عبيرواحلام يتخيلها معاه بكل خطووه

ياترى وش ناوي هادي عليه؟؟ هههههه لاه شكله يبينا نعجز عشان نشوف وش قصته مع دانه ..>>>شرايكم نعطيه وجه ولا نختم القصه؟؟ لوول

*** *** *** ***

وفاء في الحديقه مع راشد ..
راشد: ههههههههههه شدعوه وفوي ماتبيني اشرب عصير
وفاء ماسكه كاس العصير مالها بيدها اثنتين ومو راضيه تخليه ياخذه
راشد: عطيني حبيبي ابي اشررب
وفاء وهي معصبه: عندك كاسك واظن نفس العصير ونفس الطعم
راشد: لا كاسك احلىىىى
وفاء : يوووووووه رشووووود بكفخك وخر عني
راشد مستمتع وهي معصبه: مابوخر احبك
وفاء هدت وسرى مفعول الكلمه السحريه عليها وقام راشد سحب الكاس بسرعه وشرب
وفاء استوعبت متاخر : هييييييييه هئهئهئ مابيه خله لك
راشد: انتي الخسرانه وحطاه ع الطاوله
وفاء تبي تقهره مع ان ودها تكمله بس خذته وكبته في الزباله اللي تحت الطاوله
راشد انقهرر بس سوى نفسه عادي: هههههه فديتها الدلوعه مابعطيك من عصيري لاتحاولين
وفاء: مابي
راشد: زعلتي قلبي؟
وفاء مبرطمه: مو مهم
راشد: وشلون مو مهم وفاء دنيتي كلها وروحي وحياتي زعلانه وتقول مو مهم وشلون ارضيك ياعمري انتي بس اشري؟
وفاء بهدوء: احكي لي عن ام راشد !!!!!!
راشد لوهله : مين؟؟ ........ اها ام راشد .. قصدك مها؟
وفاء والغيره تاكل بقلبها اكال: ايووا مها
رشد يحس بغيرتها : ههههه طيب شفيك معصبه
وفاء: ولاشي بس قول خلصني
راشد: وفوي تغارين؟؟
وفاء: نعممم انا اغار؟؟ ومن هذي؟؟؟؟ لالالا مستحيل
راشد بقلبه" طيب دامك ماتغارين الا اخليك تصرخين من الغيره" : امم
سلمك الله مها كانت خطيبتي مثل ماتعرفين
وفاء نست تماما اصلا انه هو كان خاطب من قبل لان اصلا لا امها ولا ابوها خبروها
وفاء: ايه؟
راشد: كنت احبها >>يتعمد يبيها تغار << واموت عليها وانا اللي اخترتها وخليت امي تخطبها لي
وفاء منقهره وشرار بعيونها بس قالت: اممم؟
راشد " ارويك يابعد روحي": المهم خطبتها عشت معاها احلى و اروع ايام حياتي ..
وفاء بقهر واضح : وشنهو اللي خرب عليكم ياحظي؟؟؟
راشد مسوي زعلان وهو بس يبي يقهرها: اه لاتذكريني بعوار قلبي .. طلعت تحب ولد خالتها ياوفاء ..
وفاء شوي وتصيح : راشد انت تحبها للحين؟؟؟؟؟؟؟؟؟
راشد ببرائه: وايد
وفاء مسكت كاس العصير ماله وكبته عليه بوجه وعلى بلوزته
راشد شهق من الصدمه ووقف يهز بلوزته عشان ينزل العصير
ووفاء شردت تركض لغرفتها

راشد بعد مانظف نفسه وهو فطسان عليها من الضحك .. راح لها غرفتها
راشد:طق طق طق
وفاء مسحت الدمعه اللي نزلت غصب .. كانت مصدقه كلامه .. وتفكر: كيف وثقت فيه كيييف؟؟ وحبيته الكذاب .. اه انا وش لي بس وش لي ما كنت انا براحه وش اللي خلى الحب يغريني اه .. رجال وعمر الرجال مامنهم امان وانا اللي بديت اغير رايي .. طيب يارشود انا بقلب حياتك لجحيم صبرر .. ومسحت دمعتها الثانيه . ..
وفاء مو من عادتها تبكي .. بس في الحب ضعفت وايد..
هنا سمعت دق الباب وراشد يقول: وفوي فتحي خل نتفاهم مايصير اللي سويتيه
وفاء قامت وهي ناويه شر وفتحت الباب بقوه ماتوقعها راشد
وفاء متكتفه وتطالعه باحتقار: نعم خير؟؟
راشد تكتف وسوى زيها: خير؟؟وش الا نعم خير ؟؟
وفاء: شتبي اخلص ؟؟ ابي انام راسي يعورني
راشد: ابيك
وفاء: نعممممممم؟؟؟
راشد: قصدي ابيك بموضوع ودخل غرفتها غصب عنها وسكر الباب
سحبها وجلسها على السرير وقال: سمعيني لين اخلص كلامي
راشد: وفاء ياعمري انا صج حبيت مها بس ماكان الحب الحقيقي وفاء انا بس كنت ابي اطلع الغيره الا تقولين ماتغارين ليش تستحين من اظهار مشاعرك حبيبتي انا احبك واغار عليك وحتى انتي مو عيب تغارين علي ..
انا مها ماعادت تعني لي شي هي ماضي فقط انتي قلبي وروحي وكل حياتي .. مها شفتها واعجبتني وقلت لامي تخطبها لي بالموت امي رضت لان كان ودها هي تختار لي.. مها طلعت تحب ولد خالتها ووافقت علي لان على بالها ولد خالتها تزوج هو كان مسافر برا يدرس وهم كانوا يحبون بعض بس هو تاخر وكان في كلام ان تزوج فاتزوجت غصب عنها باصرار من اهلها وهذا الشي اللي اكتشفته لما رد ولد خالتها من السفر فانفصلنا وتزوجته !! بس هذي الحكايه
>>> وفاء كانت طول الوقت منزله راسها بالارض وتمنع دمعتها تطيح
راشد: وفاء حبيبتي لاتظني اني ممكن اكون احبها او حتى اتذكرها .. انا جد حبيتك من قلبي وهذا حبي الحقيقي
انصدم راشد بوفاء اللي رمت نفسها بحظنه وصاحت من الفرح
راشد يمسح على شعرها: وفوي قلبي لاتبكين
وفاء: راشد سامحني انا تسرعت بس الغيره ذبحتني
راشد ابتسم: احبك
وفاء: وانا بعد
****** ***** ** *** ******
بعد مرور اسبوعين .. اليوم وصلوا خالد وريم من شهر عسلهم

استقبلهم نايف بالمطار ووصلهم لبيت الزوجيه بيت خالد حطوا اغراضهم وسبحوا وعلطول اتجهوا لبيت اهلهم وكل قلوبهم شوق لهم

وكانوا ليلى ومشاعل ومنير ببيت بدريه صار لهم يومين نايمين عندها
باصرار من وفاء وناصر
... ...

دق الجرس فتحت الخدامه
ريم : منو جالس هنا؟
الخدامه: كلوا فيه
خالد:امشي ريوم قال كلو فيه
وراحوا بشويش يبون يفاجئونهم
دخلوا..

ريم وخالد: السلام عليكم

الكل التفت لهم .. وفاء قامت تركض في حظن اختها اللي اشتاقت كثير لطلتها بالبيت
وفاء: الحمدلله على السلامه وحشتيني
ريم: وربي انتي اكثرر
وفاء: كذابه ..واضح من كثر اتصالاتك ماغير الا انتي مع خلود تنسين العالم
الكل: ههههههههههههههه

وفاء: خلود حبيبي اشتقت لك عسى بس مازعلتك ريم ولا شي
خالد: ههههههههه حتى انا والله بموت شوق عليك .. لالا تطمني
ريم: مالت عليك
وراحت تسلم على امها وابوها .. وجدها وجدتها وليلى
ونفس الشيء خالد ..
هادي ماكان موجود لان كان يتدرب ع المشي ولا كان يدري بوصولهم

الكل فرحان بجيتهم .. واخيرا تنور البيت

ليلى: ريووم محلووه اثر العرس يحلي الواحد كذا .. عرسووني ماما
الكل: هههههههههههههههه

وفاء: علموني شسويتو؟؟ جبتوا لي هديه؟؟
الكل: هههههههههههه
خالد: وانا اقدر ماجيب لاختي وحياتي هديه ماعاش من ينسى هدية وفاء
وفاء: احم احم فديتك خلود ياحلى واحد في العالم من بعد رشود
الكل: هههههههههههههههههههههههههههههههههههههههههه
خالد: ماعليه ارووووووويك الحين راشد صار احلى هاه خله هو يعطيك الهديه
وفاء: وييييييييو خلود يغار
ريم : خلوووود وش له تغار عليها هاه وهذا قدامي بعد
الكل: ههههههههههههههههههههههههههههههه
هادي اللي تحسنت رجله كثير بس بعده يبي لها وقت لين يمشي كان بالكرسي .. سمع اصوات الضحك وسمع حس اخته ريم وخالد وراح يسرع وفرح وسلم عليهم وهو فرحان
اشتاق لهم كثير
وهو في حد ماشتاق لهم؟؟ خخخخ انا اشتقت لهم والله
**** ****** * ****
نايف علطول اتصل بخاله سعود وقال له انه الحين يبي يتقدم لأحلام وان بدريه وعدته مجرد ترجع ريم تخطبها له .. وخاله وعده يقول لبدريه تتصل لهم اليوم وتحدد معاهم موعد ..

*** **** ***
ريم رجعت بيتها مع خالد .. ومن اليوم الثاني كان عندهم زحمه الكل يجيهم ويبارك لهم من الجيران والاصحاب..
ماريه كانت علطول مع رييم .. وكانوا من احلى الصديقات ..
** **** ****
طبعا بدريه اتصلت في هدى وقالت لها انهم يبون يزورونهم ويبونهم بموضوع مهم .. وقالت لهم حياكم اي وقت واتفقوا على بكره العصر..

**** **
وفاء تسولف مع نايف بالتلفون
وفاء: ياسخيف ولا تقول لي هاه انا حسيت من يوم المجمع عرفت ان فيه ان
نايف: خهههههههههههه وش اقولك بالله؟؟ هذا انتي دريتي
وفاء: ماعليه عبيروه تدري وانا لا وهي الخايسه ماقالت لي حتى
نايف: عبير اختها وبعدين انا موصيها ماتتكلم
وفاء: زين شوف من الا يروح يخطبها لك
نايف: الله يخلي خالتي بدريه
وفاء: ماحبك
نايف: اموت فيك خيتوو لاتزعلين تكفين يالقطوه لاتخربين فرحتي
وفاء حست على نفسها: فديتك وانا اقدر ازعل عليك اقول قوم يله تعال لان قرب الموعد لخطبة حبيبة القلب
نايف: هههههههههههههه اوكي بسبح وبجي عشان نروح ع الساعه 4 هيك
وفاء: طيب سي يو
سكرت واتصلت لراشد تخبره وتسولف معاه من الزهق
**** **** ***** **
في بيت هدى في الصاله كانوا جالسين هدى وبدريه ووفاء وعبير
وفي المجلس : سعود وخالد وناصر ونايف
وقالوا لهم انهم جاين رسمي يخطبون احللام لنايف ..
وكانت صصدمه لهدى وزوجها لان ماتوقعوا بنتهم نخطب بهالسررعه بس طبعا هم يعرفون بعض عدل وماراح يحصلون احسن منهم لبنتهم وقالوا لهم ان لهم الشرف بس بيسالون البنت وبيردون لهم خبر..
احلام ماكانت تدري عن سبب هالزياره ولا تدري عنها كات معزومه عالعشاء ببيت رجاء صديقتهم هي وزهره .. ومابترجع الا بالليل..
****** *** ***
لما راحوا بيتهم
هدى وابراهيم بغرفتهم
هدى: يا ابراهيم البنت صغيره توها الا بتروح ثالث ثانوي انا مابيها تنشغل عن دراستها
ابراهيم : والله انا بعد اشوف كذا .. خصوصا ان نايف بعد توه صغير .. مدري بس ليه مستعجل
هدى: طيب نقول لهم يصبرون شوي
ابراهيم: والله مدري وش اقول لك بس خلنا نستشير البنت
هدى: وش تستشير البنت .. البنت صغيره وانا مابيها تعرس الحين اصلا
ابراهيم ........
****** *** ****
احلام لما رجعت البيت راحت جلست مع عبير
احلام: وش فيها ابتساماتك اللي ماوقفت من جيت؟
عبير: اممممم عندي لك خبر بملايين
احلام: وش هو ؟
عبير: كم تدفعين؟
احلام: ولا شي ياخبر اليوم بفلوس باجر ببلاش
عبير: لا هذا مو اي خبر
احلام: يلا عبور قولي لي
عبير: نايف
احلام بشوق ولهفه: وش فييييه؟
عبير: جا اليوم بيتنا
احلام : وش جا يسوي؟
عبير: يخطبك
احلام بصرخه: هاه
عبير: اسكتي فضحتينا
احلام: عبيروه قولي والله ماتمزحين
عبير: ورب البيت
احلام: ياي وقامت تناقز ع السرير من الفرحه وشاركتها عبير الخبال وهم مبسوطين ..
*** ****** ****** *
هالمشهد شافته دانه اختهم الصغيره وكالعاده راحت تنقل لجدتها فاطمه اللي شافته ..
*** **** ***
مروا 4 ايام واحلام محد فاتحها بالموضوع ولا حد شاورها وبدت تخاف وتضايق..
احلام: انتي متاكده انه جا وتقدم لي؟
عبير بحزن عشان اختها: ايه والله بس مدري وش فيهم امي وابوي ماقالوا لك
احلام: عبير اكيد هم مش موافقين عشاني صغيره
عبير تبي تفرح اختها: احلام لاتزعلين الحين بروح اسال امي بس انتي هاه ماتدرين عن شي اوكي؟
احلام بامل: فديتك ايه ساليها ولا يهمك مادري
وراحت عبير لامها اللي تسوي العشاء بالمطبخ وكانت شذى نايمه بجلاستها.. ويدتهم فاطمه كانت بتدخل بس وقفت برا لما سمعت سؤال عبير
عبير: يمه وش صار على موضوع احلام؟؟
هدى: وش بيصير يعني؟.
عبير: يمه ماخذتوا رايها ولا خبرتوها حتى !!
هدى: محنا موافقين !!!!!!!
عبير بدهشه: هاه ليش؟؟؟؟؟
هدى: اختك بعدها صغيره ومانبي نشغلها عن دراستها واذا انه يبيها يستناها لين تخلص..
عبير تحطمت: بس يمه عادي احلام ماينخاف عليها
هدى: وانا مو موافقه وخلاص ابوك بكره بيكلمهم يقول لهم البنت صغيره بعدها ..
فاطمه اليده بعصاتها تدخل: وانا مالي راي بهالبيت؟؟؟
حتى مافكرتوا تعطوني فكره عن الموضوع.. وكان باين انها زعلانه ومعصبه
هدى توترت: لا مو كذا يمه الله يهداك
قاطعتها: تسميني يمه ومع ذلك ماجيتي تستشيريني؟؟!!
وطلعت وهي زعلانه
هدى حاولت توقفها بس ماطاعت وكانت يدتهم قلبها محروق ليش انهم مو معتبرين لها اي اعتبار..!!

هدى اتصلت بزوجها وقالت له باللي صار..
ابراهيم رجع بسرعه ..مايستحمل امه تزعل عليه .. كل شي ولا امه اللي برضاها عليه جنته ..

ابراهيم طق الباب على امه : يمه فتحي
فاطمه: روح عني مابي اكلمك
ابراهيم يبتسم : يمه عاد يله بلا دلع
فاطمه: الباب مفتوح
دخل لقاها قاعده على سريرها ومبرطمه
ابراهيم : يمه انا ادري غلطت وحقك علي وهذا راسك ابوسه
فاطمه : بعد شنو؟ بعد ماقررت وخلصت؟
ابراهيم: يمه الموضوع بيدك واللي تقررينه وبمصلحة بنتك احلام بنسويه بس انتي لاتزعلين ولاتحرقين اعصابك يمه مو زين لقلبك
فاطمه: نادي على زوجتك وبنتك
هدى واحلام طقوا الباب ودخلوا..
فاطمه: انا مازعلني انكم معتبريني كني قطعه من اثاث هالبيت ولا خذتوا رايي بشي ..
قاطعتها هدى: يمه لاتقولين كذا والله انتي ساس هالبيت
فاطمه: انا اللي زعلني ياهدى انكم ترفضوا شاب جاي لبنتكم عشان سبب تافه ..حتى انكم ماخذتوا راي بنتي... احلام تعالي يمه
احلام مستحيه ومتوتره وخايفه ..ر احت ليدتها : امري يمه
فاطمه: ابراهيم قول لبنتك السالفه
ابراهيم ابتسم: احلام حبيبتي انتي كبرتي وصرتي عروس والخطاب بدوا يجونك
الكل: هههههههههه
هدى: اسكت بس.. احلام بنتي .. اهل ناصر ووفاء عندهم نسيب اسمه نايف .. ومتقدم يبيك .. بس انا وابوك ماشاورناك عشان نشوفك صغيره وماكنا بنوافق . بس دام الموضوع صار بيد جدتك مانقدر نقول الا اللي تبيه
احلام طول ما امها تقول وهي تضحك عليهم من داخل لان حسبالهم ماتدري .. بس سمعت يدتها تقول: احلام يابنتي هالريال هم يعرفونه زين مازين .. انتي موافقه؟
احلام: اللي تشوفينه يدتي
فاطمه : احنا على زمنا يزوجون البنت من يصير عمرها 14 وبعدين خلوها تعرس وتتعلم ترها مب صغيره .. وخلوها تتعلم لها كم شغله سنعه هالبنت اللي مامنها فايده
احلام: ههههههه يدتي حتى الحين بتهاوشيني
الكل: هههههههههههههه
ابراهيم: وش قلتي يابنتي؟
احلام: اللي تشوفه يبه
بدريه: احلام الزواج مو لعبه فقولي لنا تقدرين تتحملين هالمسؤليه؟
احلام بخجل هزت راسها بايه
ابوها وامها عرفوا انها تبي
فاطمه: خلاص اجل يابنتي مبروك عليك
وطلعت من الغرفه مستحيه لغرفتها وفرحانه ودموع الفرح تطيح وحست شكثر تحب يدتها اللي دوم تناقرها حست ان لها فضل ماعمرها راح تنساه لها ...
***** **** ******* *****
شهد بعد ما استخارت وشافت الكل من اهلها وصديقاتها يقولون لها توافق .. حست بانه راح يسعدها رمزي وبنته .. فوافقت عليه .. وحست بسعاده ..
واتفقوا ان يملكون .. ويتزوجون بعد شهرين ..
والكل كان فرحان لهم ..
*** **** **** **** ***
يتبع
 
رد: وقال القلب آه (قصة رومانسية إجتماعية واقعية)

القصة بجد مرة روعة

فى لها اجزاء اخرة

تسلم الايادى
 
عودة
أعلى