ادلي بصوتك

الشعر, قصيدة , شعراء, القصايد ارسال إلى Twitter ارسال إلى facebook
  1. وليد الوصيف
    10-01-2012, 05:36 AM

    ادلي بصوتك

    ادلي بصوتك


    ادلى بصوتك من غير لحمة
    تمن الكيلو رأس فى الوحلة
    وعمر ما بلدك ترجع أحلى
    ويقف الكيلو عليك بكتير
    ****
    خليك حر وادلى بصوتك
    خنت بلادك يا ما بسكوتك
    اوع الفرصة يا صاحبى تفوتك
    مش عايزين نفضل طراطير
    ****
    إوع تقولى عجوز وعجوزة
    وصوتك ميت ومالوش عوزة
    لساك عافى وبتشرب جوزة
    ولسه فى صوتك كل الخير
    ****
    إوع تقول زهقان م الزحمة
    إدعى لربك يبعت رحمة
    افرح حس إن إنت فى رحلة
    هدفك ترجع منها بخير
    ****
    إوع تقول موجود تزوير
    ومهما عملنا مفيش تغير
    خلى النية يا عمنا خير
    واللى عليك اعمله بضمير
    ****
    لو قررت إن إنت تطنش
    بحجة إن صوتك متهمش
    يبقى ح قول بس ما تتغمش
    إنت بتكره لينا الخير
    ****
    إوع تقول أنا ما تعلمتش
    صعبة القايمة أو ما فهمتش
    اسأل ابنك لو ما عرفتش
    وابنك عنده أكيد تفسير
    ****
    اختار واحد فكرة سليم
    قلبه حنين شاب حليم
    موجود بينكو وبيكو عليم
    وعمرة ما فكر يبقى أمير
    ****
    متصدقش كلام مت سكر
    كل الشعب فى دمه السكر
    واللى يقولك شاى أو سكر
    قولة فارقنا بدون تفكير
    ****
    واللى يوضح ليك مظروف
    قوله اتمشى بعيد يا خروف
    رغم ظروفى أنا ليك مكسوف
    ورب العرش عليه التدبير
    ****
    أوع ترجع كرسى الماضى
    حفنة وعدها كلام فى الفاضى
    كل غرضها فلوس وأراضى
    وشلة تقوله تمام يا كبير
    ****
    ذنب شهيد الثورة فى صوتك
    أوع تبيعه ولو على موتك
    فكر مين يستاهل صوتك

    بقلمي : وليد الوصيف
  2. السحاااااااااااب
    10-01-2012, 09:51 AM

    رد: ادلي بصوتك

    ادلي بصوتك


    طرح رائع الله يعطيك العافيه تقبل تحياتي
  3. طير القوافي
    10-01-2012, 02:49 PM

    رد: ادلي بصوتك

    ادلي بصوتك


    صح لسانك ولسان الشاعر
    كلمات رائعه
    بارك الله فيك
  4. على خبرك
    10-01-2012, 08:41 PM

    رد: ادلي بصوتك

    ادلي بصوتك


    لاهنت ع الابيات الرائعه
  5. أوراق الخريف
    11-01-2012, 12:20 AM

    رد: ادلي بصوتك

    ادلي بصوتك


    صح لسانك استاذ وليد

    ابيات جميلة للغاية

    تحياتي