12

جرحتني كلمة منك .. سببت في قلبي .. للكاتبة :: عزة نفسي تمنعني

روايتي الاولى - رواية قصة لم تكتمل ارسال إلى Twitter ارسال إلى facebook
  1. Princess Flowers
    09-01-2012, 05:11 PM

    جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني


    ~¤~

    السلام عليكم
    كيفكم ؟؟.. اخر أخباركم ؟؟
    جيتكم برواية
    قراتها من مدة
    ولكنها كانت من أروع ماقرأت
    فلم يطعني قلبي في أن أترك روعتها لي فقط
    فأحببت أن أشارككم بها
    وهاقد بدأنا ..


    اجرحتني (( كلمة )) منك .. [سببت] في ¤قلبي¤..
    بقلم: عزة نفسي تمنعني

    حب من طرف واحد

    حب من طرف واحد كم من مرة دقت مسامعنا هذه الكلمة وأدركنا معانيها جيدا
    نحن الان نبحر في بحر لا ينتهي فالحديث عن الحب طويل
    وقد ان الاوان لكى نتحدث الى...المتألمين
    أصحاب الجراح....جراح الحب
    جراح الحب
    هل الحب يجرح!!؟
    اذن لماذا يتحدث عنه الناس وهم يبتسمون؟؟
    ربما يبتسمون لأنه محاط بفضول...وأناقة أضافتها القصص القديمه عن الحب
    كما زادت الاشعار....الاناقةبريقا
    أما الاغانى...فجعلته متألقا..ومتربعا على عرش احلام البنات...وأفكار الشباب
    الكل يبتسم....الا هو.....
    الكل سعيد.....الا هى...
    لماذا؟؟؟؟؟؟؟؟؟؟؟
    انهم فى أسفل الحفره
    لنساعدهم على الصعود
    مره أخرى...الى القمه...ولنتعاون معا...لننفض عنهم....غبار تجربة قاسيه...واحاسيس مره...مرارة الصبار



    حب من طرف واحد


    نعم
    هو من شخص واحد..والشخص الاخر...اما يعلم....أو
    لا يعلم
    وتلك هى المشكله
    عندما لا يعلم.....الاخر
    ان المحب هنا كالشمعه...التى تضىء لنفسها فقط.
    فى ركن مظلم لا يراه أحد
    لهذاهىتحترق....بلا فائده
    انها تراقبه من بعيد...بعيد
    ربماتحفظ ألوان ملابسه....حتىأوقات خروجه من منزله
    لكنه لا يعلم أنها...هناك
    والخطر
    أن يكون هو أيضا شمعة أخرى أضاءت لمحبوب اخر
    يحبه فى صمت...أويتبادل معه الحوار
    وهو أيضا
    يسير على خطاها....ويتحرى الاثر
    يجاهدكى يتنفس من حيث أتت
    يعلم كل شىء عنها...
    وهى لا تعلم أى شىء عنه
    حتىان نام قليلا....فهى الاميرة فىحلمه
    وهوبلا شك أمير...ربماتعرفه
    فى الاحلام...بارادته لكنها فىالحقيقه
    لاتعرفه
    انهم يتألمون..وكل واحد فى وادى
    لماذا؟؟؟



    في بنوته صغيره كان عمرها 10 سنين , كانت متعلقة ف شخص وايد تحبه

    مو بس كانت تحبه كانت تعتبره ابوها وامها وكل شي , وهالشخص كان مهتم فيها

    وايد لدرجه انه كان يسميها دلوعتي .. البنت الصغيره كانت اتصيح وسايره صوب

    بيت عمها .. كانت الدموع ماليه عيونها وشكلها يقطع القلب دخلت البنت الصغيره

    داخل وعطول سارت غرفته .. البنوته وهي تصيح قعدت ع السرير وكان هو راقد

    كان وقتها عمره عشرين سنه .. عطول من سمع صوت صياحها نش ... وسار صوبها ..

    .............: دلوعتي الحلوه ليش اتصيح .

    البنوته وهي مغطيه ويها بادينها الصغار : حمد ضربني ..

    ...........: وحمد هذا مايستحي ع ويهه يمد ايده ع دلوعتي ما عليج انا بعلمه الادب ..

    البنوته وهي تمسح دموعها : يعني بتضربه .

    ............: هي بظربه عيل يضرب دلوعتي واسكت عنه ..

    البنوته مستانسه مسكت ايده وسحبته: يالله انسير الحين ادبه ..

    ...........: دلوعتي حبيبتي انتي بس خليني ابدل ثيابي واسير وياج اوكيه ..

    البنوته تهز راسها بالقبول ..

    ودخل (........) الحمام "الله يعزكم " وبدل ثيابه وظهر : يالله دلوعتي خلنا انسير نأدب حمد ..

    والبنوته فرحانه لان (....) سار وياها الحين بياخذ لها حقها وبيأدب حمد اللي ضربها ..

    وصلوا عند حمد ..

    سار (...... ) صوب حمد : حمد يالخام انت كيف تتجرأ وتمد ايدك ع دلوعتي ..

    حمد : ليش ما تسمع الكلام ..

    ......... يضربه ع راسه ع الخفيف : شوف لو مره ثانيه فكرت بس مجرد تفكير انك اتمد ايدك

    عدلوعتي بكسرلك اياها فاهم ..

    حمد : فاهم فاهم يالله بسير مع السلامه وسار عندهم حمد , والبنوته فرحانه باللي صار ..

    وسار ( .... ) صوب دلوعته وقال لها : شو مستانسه الحين ..

    البنوته : هي مستانسه , انا وايد احبك ..

    ...........: وانا بعد وايد احبج ..

    طبعا على هالحال , البنوته هاي وايد كانت تحب هالشخص , كانت اتموت فيه

    وكانت تسمع كلامه مع انها كانت بنت عنيده وما تسمع لاحد , اي حد يقولها

    شي ما تسمعه لكن اذا هالشخص قالها اي شي تنفذه من غير اي اعتراض ..

    كبرت البنوته وكبر حبها وياها .. وكل يوم يكبر حبها لهالشخص ..

    ياترى هل هالشخص يحب البنوته مثل ما هي تحبه او انه حبه لها

    مثل حب الاخ لاخته .. يعني يحبها كأخت , مع الايام راح نعرف ان شاء الله ..

    اذا كان هالشخص يحبها وشو نوع الحب اللي يكنه لها ..


    هاي مقدمه بسيطه عن قصتي ..

    قصة بنت عاشت قصة حب لشخص من وهي صغيره , تعشق هالانسان ,

    وتموت فيه , وماتتخيل حياتها من غيره ..هل هالشخص يبادلها نفس المشاعر ؟؟

    هل يحبها مثل ماهي تحبه ؟؟ هل يفكر فيها كزوجه له ؟هل يفكر فيها كام لعياله ؟؟

    هالشي اللي كانت دايما تفكر فيه هالبنوته ؟؟

    ياترى شو هي الاجابه ؟؟


    ا لحب من طرف واحد من اصعب حالات الحب

    اعتقد أن الكثيرين سيتفقون معي فى أن هناك العديد من أنواع الحب الأخرى 0

    التي تكون اشد قسوة وإيلاما من الحب من طرف واحد،

    انها اصعب أنواع الحب، ان تكون انت ولوحدك من تحب

    ويكون الطرف الأخر يرفضه ويرفض الاستسلام لفكرة الحب 0


    في تلك الحاله المؤلمه

    يرفض القلب والعقل فكرة البعد والنسيان

    ويظل الطرف المحب يدور في دوائر مفرغة من المشاعر الواهية المختلقة و تنتهي

    هذه الحالة في كثير من الأحيان إما بكارثة

    حين يتغلب عقل الإنسان الواعي على قلبه المريض ويدرك حقيقة الأشياء 0

    ان اصعب حب حقاهوان تكتشف

    ان الذي تهواه لا يبادلك نفس الشعوروترفض ان تصدق

    تلك الحقيقة الواضحة ....


    فالبدايه بعرفكم ع الشخصيات .. عسب تعرفونهم وما تخربطون بينهم ..


    اليده سلامه .. قاعده ف بيت محمد .. والبيوت كلها كانت ف نفس المنطقه وحذال بعض يعني بيت محمد كان
    ف النص بين بيت اخوه علي واخوه عبدالله , وبيوت مهره وموزه كانوا مجابلين بيوت خوانهم .. وساكنين ف ابوظبي ..

    1-اكبرهم علي وعمره 45 سنه , ماخذ بنت عمته امنه وعمرها 41 سنه وعندهم ست عيال .. اكبرهم أحمد
    وعمره 34 سنه متزوج من بنت عمهته حصه وعمرها 31 سنه , وعندهم ولدين وبنتين . ( علي عمره 15

    سنه , عليا عمرها 14 سنه , ريم وعمرها 12 سنه , واخر العنقود حميد وعمره 7 سنين ) ,وبعداحمد روضه

    عمرها 29 سنه ماخذه ولد عمها سالم وعمره 31 سنه وعندهم ..( امون 6 سنين , علاوي 3 سنين )..وبعده

    سيف وعمره 26 سنه غير مرتبط حاليا ..وله قصه طويله ..بعدين بخبركم .. وبعده سعيد وعمره 24 يدرس

    فالخارج ويحب وحده بعدين بتعرفونها مب الحين ,وبعده مريامي وعمرها 22 سنه , واخر العنقود سلامي

    وهي فعمر نوف بنت عمها .. ويدرسون ف نفس المدرسه ..

    2-مهره وعمرها 43 سنه ماخذه ولد عمتها عبيد وعمره 45 سنه , وعندهم ( حصه وعمرها 31 سنه اللي

    ماخذنها احمد ولد خالها , حمدان وعمره 26 سنه , وقريب بيعرس مالج ع بنت خالته نوره , حمد وعمره 24

    سنه يدرس ويا ولد خاله برع , ميثه وعمرها 22 سنه , وحمده فنفس عمر نوف .. ونفس المدرسه . حارب

    وعمره 15 سنه .

    3-موزه وعمرها 40 سنه , ماخذه ولد عم ابوها ناصر وعمره 43 سنه وعندهم ( سلطان وعمره 26 سنه ,,
    عزابي وللحين مايفكر ف الارتباط , راشد وعمره 25 سنه خاطب بنت عمه منال , نواري وعمرها 23 سنه
    ومالج عليها ولد خالتها حمدان وعرسهم جريب جدا جدا .. شما بعد ف نفس عمر نوف . مبارك وعمره 15
    سنه , اخر العنقود فطامي وعمرها 14 سنه ..
    4-محمد وعمره 38 سنه ماخذ خوله وعمرها 37 سنه , وماعندهم غير نوف و منصور 8 سنين ..

    5.عبد الله وعمره 32 سنه ماخذ ساره بنت خالته وعندهم (محمد 15 سنه ,وميره 14 سنه , عواش 12 سنه

    فهد 8 سنين ) ..

    طبعا في وايد شخصيات ثانويه ف القصه يعني لها ادوار صغيره ف القصه وفي شخصيات اساسيه ..تدور حولها احداث القصه ..

    وفي بعد شخصيات ثانيه راح تتعرفون عليها من خلال القصه ..




    والحين يالله .. نبدا ..



    البارت الاول



    نوف ويدتها ومنصور كانوا قاعدين برع ف الحوش كانوا فارشين حصير وقاعدين عليها ويسولفون .
    وميره كانت تشل ويدتها واخوها يسمعونها ( ميره كان صوتها عذاب يوم اتشل )

    مالوم عيني تسهر اعليك
    واحلمك في غمضت عيوني
    طبعك حلو ميت انا فيك
    والي شراتك من يكوني
    ملاك لكن من يساويك
    انت الذي ساكن عيوني
    اغليك يالمحبوب واغليك
    غصبن على ناس اعذلوني
    لو ذقت منك هجر باعطيك
    حب وغلا واحلى شجوني
    لاتظن يالمحبوب ناسيك
    ولاتظن حبك لي يهوني


    اليده سلامة : صح لسانج ..
    نوف : صح بدنج ..
    منصور يقلد يدته : صح لسانج
    نوف وهي تضحك ع اخوها : صح بدنك ..
    وفجأه حدرت عليهم حمدايه وامها : السلام عليكم .
    الكل : وعليكم السلام ..
    وركض منصور عند حمدايه (( منصور يموت ف حمدايه يحبها )) وسار ونقز عليها
    وحمدايه لوت عليه : اشحالك قلبووو حبيبي .. عمري .. قلبي ..
    منصور : بخير يا حياتووو .. منصور كان يسمي حمدايه حياتووو ..
    حمدايه : من شفتك صرت زينه يا قلبوووو ..(( حمدايه كانت تسمي منصور قلبووووو ))
    منصور : حياتووو يالله نلعب ..
    حمدايه : شو نلعب يا قلبوووو ..
    منصور : نلعب بلي ستيشن ..
    نوف : حمدووه تعالي اباج نسير فوق ..
    منصور : مابا مابا حمدايه حياتووو مالي انا ..
    نوف : سير مناك يالله .. قومي حمدوووه ..
    حمده قامت ومنصور قام وياها ومسك ايدها ..
    نوف : حوه انت وين تبا انا ماعزمتك عسب ترز فيسك ..
    منصور : ما اريد حياتووو تباني وياها صح حياتوووو ..
    حمدايه : صح ياقلبوووووو ..
    نوف صرخت عليه : اقول سير ارجع هناك عند امي سلامة ولا بتشوف شي عمرك ما شفته..
    منصور : ما اريد ..
    نوف : منصور لا تعاند ترى والله أضربك ..
    حمدايه : حرام عليج خليه شو تبينه ..
    نوف بعناد : ما اريد ما اباه يسير وياي , غصب هو يعني ..
    حمدايه : منصور قلبوووو سير انته العب بألعابك وخلاف انا بي واشلك وانسير نلعب ف بيتنا .. اوكيه ..
    منصور وفيه صيحه : ما اريد ..
    حمدايه : انت شاطر صح وتسمع الرمسه , هي منصوري شاطر قلبووو وشاطر ويسمع كلام حياتووو
    صح منصور ي ..انت شاطر صح ..
    منصور : هي صح انا شاطر . انا بسير العب بس يوم اتسيرين البيت شليني وياج اوكيه ..
    حمدايه وتبوس منصور : اوكيه فديتك .. خلاص سير العب انته الحين ..
    وسار منصور صوب يدته .. ونوف وحمدايه ساروا فوق .. وهم ماشين ..
    حمدايه : حرام عليج يعني شو بيستوي لو خليتيه يسير ويانا ..
    نوف : اوف لا تقعدين تتفلسفين وايد تعالي برويج فستاني يبته البارحه ..
    حمدايه : قولي احلفي ..
    نوف : احلفي .. يالله تعالي برويج اياه ..
    وساروا صوب غرفة نوف عسب حمدايه تشوف فستان نوف ...
    (( حمدايه ربيعة نوف روح بالروح كانت تعرف كل اسرار نوف . ونوف تعرف كل اسرارها , نوف كانت اخت
    حمده بالرضاعة يعني عمتها كانت مرضعتنها ))..
    ساروا ف الغرفه وظهرت نوف فستانها (( كان فستان هادي لونه عنابي , في شويه شغل صوب الصدر
    والقطعة ساده ماعليها اي شي .. وكان كات والظهر عاري شوي .. وبما ان نوف بيضه فهالون بكون عليها
    وايد حلووو .. نوف كانت بيضه وعيونها كانت رمادي مائل للاخضر , وعيونها وساع وكبيره شوي ..
    اما حمده فكانت بعد بيضه وعيونها وساع شرات نوف ولون عيونها عسلي فاتح .. ))
    حمدايه : وايد حلووووووو وهادي وكيووووووووووووووووت ..
    نوف : قولي احلفي ..
    حمدايه : والله وايد غاوي .. بصراحه طرررر كسرتيم ..
    نوف : طانكس خيتووو .. ^^
    حمدايه : يووو ويلكم ..
    نوف : وانتي ما يبتي فستانج ..
    حمدايه : لا قلت باجر بسير اييبه بعد ما أرد من السكول ..
    نوف : اها .. انزين يوم بتسيرين بسير وياج .. ابا اخذلي إكسسوار لشعري وحلق ..
    حمدايه : اوكيشن بيبي ..
    نوف : ليتس قووووو ناوووو ..
    حمدايه : على وين ..
    نوف : انسير نجابل التي في شوي .. من زمان ما شفت تي في
    حمدايه : ليتس قووووووو .. اقول شفتي أغنية حمد العامري ياهيه ..
    نوف : هي شفته ف موقع محروم ..
    حمدايه : نايسوووو صح ..
    نوف : سيري لا ما عندج سالفة انتي وحمد مالج ..
    حمدايه : وايا فديتنا انا وحمد نهبل ..
    نوف : اه ويا فديتك يا قلبي ياسيفي يا قلب نوف ..
    حمدايه : لا حول بدينا عاد بدينا ..
    نوف : اه يا قلبي والله انج ذكرتيني بسيفي اتولهت عليه ..
    حمدايه : اقول خلينا نسير انشوف التي في يمكن أشوف حمد فديته ..
    نوف : مالت عليج أنا اقولها أتولهت ع سيفي أتقولي حمد ..
    حمدايه سحبت نوف من أيديها وسارن يشوفن التي في ..
    وحطوا ع قناة حواس وقعدوا يشوووفون ..

    وهم قاعدين ومندمجين رن فون البيت .. ونوف طيران شلت الفون ..
    نوف : الووووووووووووووووووووووووووووووووووو
    شما : هاي كيفوووووووووووووووووووو ؟؟
    نوف : منيحه انتي كيفك ؟؟
    شما : أنا كمان منيحه .
    نوف : يعله امديمووووووووووو .
    شما : وياكوووووووووووووووووووو , أقول ياعنوني ..
    نوف : قولي يا عنوني ..
    شما : منو عندج ؟
    نوف : حمدا ايه ..
    شما : اها , انزين يبتي فستانج ..
    نوف : يس اوف كووووووووورس ..
    شما : أنا بعد يبت فستاني ..
    نوف : قولي احلفي ..
    شما : والله ..
    نوف : خلاص مسافة السكه وحنكون عندج ..
    شما : اوووكيه اترايكن ..
    نوف : اوكيه ,, أقول شمامي ,,
    شما : عنونها ..
    نوف : سمعي صوت القطار وبندته فويها ع طول ... ككككك نذاله ..
    صوب شما : ما عليه دبووووووه أنا برويج ..
    حمدايه : كككك بندتيه فويها ..
    نوف : يت ..
    حمدايه : حليلها
    نوف : يالله قومي نسير أنشوف فستانها ..
    حمدايه : ليش يابته ..
    نوف : هيه ..
    حمدايه : شو ها كلهم يابو فساتنهم إلا أنا اه يالقهر ..
    نوف : يالله قومي بلاها الهذرة الزايده اللي تقصر العمر .. يالله مشينا ..
    وظهروا نوف وحمده عسب يسيرون عند شما .. بس من ظهرت نوف خلاص ذابت
    لا خلاص وين نوف اختفت وين سارت ,, اويه نوف ذابت ..
    حمدايه : استغفر الله ..متى بتعقلين انتي ..
    نوف : حمدوووه خلاص ما اقدر والله ما اقدر قلب]ي هن] ي لا انا فحلم ولا فعلم ,, حمدوه دخيلج اقرصيني ..
    حمده : الحمد لله والشكر .. قومي يالله انسير البنت تتريانا
    نوف : انتي شو تقولين شو تخرفين وين اسير .. تبين اسير وسيفي اهني مينونه انتي ,,
    حمدايه : يالخبله لا يكون بتسيرين بتقعدين عنده اتجابلنه الحين .. نوف هزت راسها انه هيه ..
    حمدايه : ياسلام والبنت اللي تتريانا ..
    نوف : سكتي لا خليها تتريا شو وراها .. وسارت وخلت حمدا واقفة ..
    نوف : السلام عليكم ..
    سيف : وعليكم السلام .. هلا والله هلا بدلوعتي , وينج أنتي ما تنشافين ..شحالج .
    نوف قعدت عند سيف : يسرك الحال , ما نشكى باس .. ومن صوبك ؟؟
    سيف : لانا دام شفت دلوعتي أكيد بأحسن حال ..
    نوف شاقة الحلج شق : احم احم اخجلتم تواضعي ,,
    سيف : شخبار الدراسة ؟؟
    نوف : تماميشن ..
    سيف : زين .. يالله شدي الهمة نبي نسبه ترفع الراس ... أبي افتخر فدلوعتي ..
    نوف : إن شاء الله ..
    يت حمد ه صوبهم ..
    حمده : السلام عليكم ..
    الكل : وعليكم السلام ..
    سيف : هلا حمده شحالج ؟؟
    حمده : يسرك الحال ..
    اليده : بلاج واقفة قعدي يا بنيتي ..
    حمده : لا يامايه بنسير أنا ونوف عند شما تتريانا ..
    نوف أتطالع حمده بنظره ..معصبه عليها : ما عليه أنزين خلينا نقعد شوي .
    حمده : شو نقعد شوي والبنت اللي قاعدة تتريانا من الصبح ..
    نوف : عادي تتريا شو وراها ..
    اليده : ومن بيوديكم ..
    حمده : بنسير مشي .. إلا البيت هني فرت حصاه ..
    اليده : وين أتسيرون الحين .. العصير والناس كلهم ظاهرين برع بيوتهم منقود يا بنتي ..شو بتقول عنا
    العرب ما يرومون يقبضون بناتهم ..
    حمده : خلهم يقولون اللي يقولونه شعلينا أحنا من رمستهم يامايه ..
    اليده : عطوني عصاتي اكسرها ع ظهر هالبنت أقولها منقود تقولي شعلينا من رمستهم ..
    سيف : خلاص يا مايه لا تزعلين أنا بوصلهن البنات .. يالله بنات مشينا ..
    نوف ( ياي من قدي بركب ويا سيفي سيارته .. لا ما أروم أنا ما أروم من قدي ))
    حمده : يالله مشينا ..
    وقاموا نوف وحمده ولحقوا سيف اللي سبقهم صوب السيارة .. ( كانت سيارته رنج سبورت بيضا )
    طبعا نوف قعدت يدام وحمده ورا .. وسار سيف صوب بيت عمته موزه ..
    سيف : يالله بنات شي فخاطركن ..
    نوف : سلامتك .. تيك كير ...
    سيف : ان شاء الله وانتي بعد ديري بالج ع روحج .. وهالله هالله بالمذاكره نبي نسبه حلوه ..
    نوف : ان شاء الله .. من عنوني
    سيف : تسلم عيونج .. ما تسلفيني ياهم يومين اروح اخق فيهم يدام الربع ..
    نوف : مرة يفدونك .. خذهم ..
    سيف : لا اسولف خلي عيونج لج .. يالله فداعة الله ..
    وحمدايه اللي واقفه عند الباب ومعصبه ع نوف اللي عايبتهنا السالفه ويالسه تسولف ..
    نزلت نوف . حمدايه : اخيرا الشيخه نوف نزلتي .. الحمد لله ع السلامه ..
    نوف : انتي شو فيج ما تخلين الواحد ع راحته .. يالله اشوف امشي يدامي يالله ..
    حمدايه : ان شاء الله عمتي ..
    وظهر سيف من البيت ..
    شما : هلا والله هلا اقربن اقربن الشيخات تو ما نورالبيت ..
    نوف : لازم ينور .. نوف اتزوره وما تبينه ينور ..
    حمدايه : وايد مصدقه روحج انتي ..
    نوف : جب جب محد رمسج انتي .
    شما : يالله نسير ماي روم ..

  2. Princess Flowers
    09-01-2012, 05:19 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني



    وساروا البنات غرفة شما ..يشوفون فستانها .. (( فستانها كان لونه تركوازي ... وعليه شج عند الصدر
    ومن تحت فيه كسرات .. كان حلووووووووو .. شما كانت بيضا بس نوف وحمده كانو ابيض عنها
    وعيونها عسليات على خضار .. )
    نوف : وايد حلووووو ..
    شما : قولي احلفي ..
    نوف : والله
    شما : وانتي حمدوه شو يارج ؟؟ (( يعني شو رايج .. ككككك )) ..
    حمدايه : طرررررر وايد نايس خبال ..
    وظهرت شما فستان اختها فطامي وكان ( لونه احمر الرقعة كلها كان عليها شج ..
    وعند الصدر في شغل ..) ( فطامي بيضه وحليوه ولون عيونها عسلي فاتح ) ..
    نوف : وايد حلووووووو ..
    شما : نفس الفستان مفصلينه هي وعلايه وميره ..
    نوف : حلووووووووووو ..
    حمدايه : وين فستان العروس .. ما يابته ..
    شما : ما ادري والله ما سألتها ..
    نوف : وينها ؟؟ ما اشوفها ..
    شما : سايره الصالون ويا ساره بنت خالي ..
    نوف : عيل وين عموه ما اشوفها ..
    شما : سارت السوق وشلت وياها فطامي , تبا تشتري اكسسوارات )
    نوف : اها , واكيد طبجاتها علايه وميره ساروا وياها ..
    شما : اكيد .. خخخخخخ
    نوف وحمدايه : هههههههههههه
    وبعد ما شافوا الفساتين , نزلوا تحت ..
    نوف : بتصل ف سلامي الخبله بشوفها ..
    حمدايه : ياويلنا منها ما خبرناها انا متيمعين ..
    شما : الحين بتسويلنا عرس ..
    دقت نوف الرقم وتم يرن ..
    سعيد : السلام علكيم ..
    نوف : وعليكم السلام ورحمة الله وبركاته واللي ف جيبك هاتووووه ..
    سعيد : مافي شي فجيبي فاضي ..
    نوف : افا .. جيبك فاضي يا ولد العم خلاص تعال انا بتصدق عليك ..
    سعيد : خلاص وين انتي الحين طيران يايينج انا ..هق هق هق
    نوف : تعال متى بتردون انتو عمريكا .. ..
    سعيد : بعد ما يخلص العرس ان شاء الله بيومين بنرد ..
    نوف : اها .. وين سلامي عنك ؟؟
    سعيد : سلامي محد اضني ظهرت السوق ويا امايه ..
    نوف : الخاينه وليش ما تخبرني ..
    سعيد : والله علمي علمج اسأليها ..
    نوف : اوكيه يالله برايك بخليك الحين سي يوو سووون ..
    سعيد : فداعة الله ..
    وبندت نوف عن سعيد ..
    حمدايه : ها وينها سلامي ..
    نوف : محد سايره السوق الحبيبة ..
    شما : افا اتسير وما تخبرنا لا صدق خيانه ...
    نوف : كلكم مثل بعض كلكم خاينات .. اتسيرون السوق وما تخبرون حد ..
    شما : لا حليلي انا اخبر ..
    نوف : قولي احلفي ,, عيل يوم سرتي تيبين فستانج ليش ما خبرتيني ..
    وهني اتوهقت شما وما تعرف شو تقول ..
    شما : اصلا انا اتصل بيتكم ومحد يرد ..
    نوف : هيه , وماقدرتي تين لعند الباب وتنزلين وتزقريني ..صح ..
    شما : رشود كان مستعيل وايد ..
    نوف : هيه قولي جيه رشود كان مستعيل ..
    وتموا البنات يسولفون لين عقب المغرب صلن المغرب وخلاف ردن بيت محمد ..
    البنات توهم داخلين الحوش ...
    اليده : منوا يابكن ؟؟
    هني اتورطوا البنات وما عرفوا شو يقولون ..
    نوف : ها هيه يدوا دريول عموه يابنا ..
    اليده : هيه اتحسب بعد ياين مشي كنت بحش ريولكن ..
    نوف وحمده : الحمد لله ..
    حمده : فديتج انقذتينا ..
    نوف : افا عليج اعجبج انا ..
    اليده : شو عندكن تتساسررن ..
    نوف : لا ماشي ..
    مهره : يالله حمده خلينا أنسير البيت ..
    اليده : وين سايرين تو الناس ..
    مهره : بروح أشوف العيال يا امايه ..
    نوف : برايج عموه سيري أنتي خلي حمدايه عندي أهني ..
    مهره : وين تيلس عندج باجر وراها مدرسه يامايه ..
    نوف : اوووف من هالمدرسه اللي مطلعتلي قروووون متى بفتك منها ياربي ..
    حمدايه : هانت خلاص ما باقي إلا شهر وشوي وخلا ص بنفتك منها وللأبد ..
    نوف : يالله متى بيخلص هالشهر ..
    حمدايه : جريب جريب ..راح الكثير وما بقى الا القليل ..
    مهره : يالله حمده مشينا ..
    حمده : يالله .. باي نونو سي يو تومورو ..
    نوف : باياتوووووووووووووو . وظهروا حمده وامها .. وساروا صوب بيتهم .
    نوف : امايه وين منصور ..
    اليده : سار بيت عمج عبد الله ويا فهد من مساعه وللحين ما رد .. سيري اتصلي بيت
    عمج وخلهم يطرشووونه ..
    نوف : اوكيه تيتا .
    اليده : شو هاي بعد اللي قلتيها ..
    نوف اتوهقت : اممم يعني ان شاء الله يدتي ..
    اليده : هيه ..


    وسارت نوف تتصل بيت عمها عبد الله عسب يطرشون منصور ..
    نوف :الووووووووووووووووو..
    حمود : الوووووووووووووووووووووووووووووووو..
    نوف : كيفوووووووووووووووو ..
    حمود : شو هاي كيفوا الناس يقولون السلام عليكم ..
    نوف : اويه شو فو من يعلمني .. ع العموم .. وعليكم السلام ..
    حمود : شو بغيتي الشيخه ؟؟
    نوف : والله بغيت اسأل إذا عندكم واحد اسمه منصور محمد ..
    حمود : اممممم منصور محمد .. اضني هيه عندنا ..
    نوف : أنزين ممكن تتكرمون واتطرشووونه البيت ..
    حمود : اممممم بفكر ف الموضوع ..
    نوف : أيه حمود لا تستعبط .. خل الشغاله ترده البيت ..
    حمود : من عنوني يا عنوني ..
    نوف : يالله بباي ..
    حمود : الناس يقولون فداعة الله , فحفظ الرحمن مب باي .. شو من مذهب انتي عندج ..
    نوف : لا والله .. إن شاء عمي حمود ... فداعة الله .. شي بخاطرك ..
    حمود : ف حفظ الرحمن ,.. سلامتج الغاليه سلمي على عمي والأهل وع امايه العودة ..
    نوف : ماشاء الله عليك حمود انت خلاص عقلت ..
    حمود : هي الحمد لله يالله الفال لج ..ككككك
    نوف : جب يالنذل شو شايفني مينونه .. اقول اسمع صوت القطار احسن وبندت فويهه ..
    وحمود ناقع ضحك عليها .. وسار خبر ليليا تودي منصور بيتهم ..
    نوف بندت عن حمود وسارت غرفتها تسبح ..
    خوله توها داشه البيت وكانت اليده قاعده فالصاله ..
    خوله : السلام عليكم ..
    ام علي : وعليكم السلام ..
    وسارت وحبت عمتها ع راسها ..
    ام علي : شخبارها اختج الحين ..
    خوله : الحمد لله أحسن .. ( خوله كانت سايره عند اختها , كانت تعبانه ومرقدينها من المستشفى
    فسارت خوله اتزورها ) ..
    ام علي : تستاهلون سلامتها ..
    خوله : الله يسلمج عموه .. الا وينه محمد مايا ..
    ام علي : لا والله يا بنيتي ما شفته ..
    خوله : ونوف ومنصور ..
    ام علي : نوف سارت غرفتها .. ومنصور هاكوووه ها .. كان ساير عند فهووود ولد عمه ..( دخلت ليليا
    مع منصور ) ومنصور من شاف امه ربع صوبها ..
    منصور : ماماتي حياتي .. وين سرتي انتي ..
    خوله : فديتك انا سرت المستشفى حبيبي .
    منصور : ليش شو يعورج ..
    خوله : ما يعورني شي فديتك بس سرت اشوف خالوتك ..
    منصور : وليش ما شليتيني وياج ..
    خوله : تراك كنت ف المدرسه كيف بشلك وانا طلعت الصبح ..
    منصور : خلاص مره ثانية يوم بتسيرين وديني وياج ابا اسير اشوف امايه فاطمه ..
    خوله : ان شاء الله حبيبي المره اليايه بوديك وياي ..
    ليليا : دو يو ونت اني ثينج مدام ..
    خوله : نو ثانكس يو كان قووو ناووو ..
    ليليا : اوكيه مام ..
    خوله : يالله اقعد عند امك العوده , انا بسير ابدل وانزل انزين حبيبي ..
    منصور : انزين , امايه نوف نازعتني اليوم ..
    خوله : ما عليه انا برويها عيل اتنازع ولدي حبيبي .. انا بادبلك اياها ..
    منصور فرحان : هيه هيه ,, اضربيها انزين ..
    خوله : ان شاء الله ..
    وسارت خوله تبدل ثيابها ومنصور قعد عند امه العوده ..
    وحدر عليهم محمد : السلام عليكم ..
    وسار وحب راس امه .. اشحالج الغاليه ..
    ام علي : ما نشكي باس ..
    ومنصور نقز ف حضن ابوه : باباتي احبك
    محمد : وانا بعد احبك ...
    منصور : انزين انا ما اباك تحب نوف ..
    محمد : وليش ما تباني احبها ..؟؟
    منصور : لانها دوم تنازعني ..
    محمد : ماعليه بابوي اختك اكبر عنك لازم تسمع كلامها ..
    منصور : بس انا ما اسويلها شي وهي تنازعني ..
    منصور: وحب ابوه ع خده .. احبك انا ..
    محمد حبه ع خده : وانا بعد احبك ..
    نزلت نوف : ما شاء الله فلم هندي عندنا انا احبك وانا احبك ..
    منصور : ما يخصج انتي انزين ..
    محمد : لا منصور بابا عيب مانقول جيه حق اللي اكبر عنا ..
    منصور : خلاص انا اسف ..
    محمد : سير بوس اختك وقول لها انا اسف ..
    منصور ببراءة : ان شاء الله .. وسار منصور صوب نوف وكان بيبوسها ..
    نوف : سير مناك سير اسفك ما نباه يالله ..
    محمد : نوف حرام عليج الولد ياي يحبج ويعتذر . .. سكتت نوف ..
    منصور سار صوب اخته وركب فوق الكنفه وحبها ع خدها ..
    منصور : انا اسف ..
    نوف : خلاص قبلنا اعتذارك بس لو سمحت مره ثانيه لا تعيدها اوكيه ..
    منصور : اوكيه .. بس مره ثانيه انتي لا تنازعيني اوكيه ..
    نوف : اسمع كلامي وما بنازعك اوكيه..
    منصور : اوكيه..
    نوف : خلاص جيه اتفقنا .. كفك ..
    منصور : كفج .. وضرب كفه بكفها ..
    نوف : يالله الحين اجلب ويهك سيراقعد هناك واشرت ع الكنفه اللي عند يدتها ..
    منصور : ان شاء الله .. وسار وقعد ع الكرسي وقال لها ..
    منصور : شفتي انا سمعت كلامج انا شاطر صح ..
    نوف : هيه شاطر ..صح ..
    وشوي نزلت خوله : السلام عليكم ..
    الكل : وعليكم السلام ..
    محمد : شحالها اختج ..
    خوله : أحسن الحمد لله ..
    نوف : شو السالفه ؟؟
    خوله : خالتج عويش تعبت ودوها المستشفى ..
    نوف : شو فيها ؟؟
    خوله : قالوا الضغط مرتفع عندها شوي ..
    نوف : اها سلامتها ما تشوف شر ..
    خوله : كلميها واتحمديلها ع السلامه ..
    نوف : ان شاء الله خلاف بكلمها ..
    خوله : كلميها الحين .. اكيد بعدها واعيه ..
    نوف : ان شاء الله .. وسارت عند الفون .. انزين كم رقمها ؟؟
    خوله عطتها الرقم واتصلت نوف ..
    مروه : السلام عليكم ..
    نوف : وعليكم السلام .. هلا والله شحالج يالقاطعه .. عفان الله ما تتصلين ولا تسألين
    ولا جنه عندج بنت خاله اسمها نوف ..
    مروه : ما نشكي باس .. والله تدرين بعد المدرسه والامتحانات وعفسه .. انتي شخبارج ؟؟
    نوف : يسرج الحال ..
    مروه : يعله امديم ..
    نوف : امييين ..
    مروه : مابتين صوبنا ..
    نوف : امممم حاليا لا ما اقدر الاسبوع الياي عرس ولد عمي . وبنت عموووه . صح تعالي
    لازم تحضرين العرس اوكيه ..
    مروه : ما ادري بشوف ع حسب امايه اذا صارت احسن , ان شاء الله بحظر
    نوف : اوووه صح والله نسيتيني ليش متصله , وين خالوه عطيني ياها بسلم عليها ..
    مروه : اوكيه ويت .. وشلت الفون عند امها ..
    عويش :السلام عليكم ..
    نوف : وعليكم السلام .. خطاج السووو خالوه .. ما تشوفين شر ..
    عويش : الشر ما يييج حبيبتي .. انتي شحالج ..؟؟
    نوف : مانشكي باس .. يالله خالوه قومي بالسلامه ورانا عرس ولازم تحضرينه ..
    عويش : الله كريم ..
    نوف : ان شاء الله تقومين بالسلامه .. يالله عموه فداعة الله ..
    عويش : فداعة الكريم .
    نوف : خالوه عطيني مي مي بكلمها شوي ..
    عويش : ان شاء الله اندوج مي مي كلمي بنت خالتج ..
    مروه : هلا
    نوف : اهلين والله .. اقول مي مي ما اوصيج لازم تحضرين العرس عوقيه ..
    مروه : الله كريم .. ان شاء الله .
    نوف : اوكيه ميمي يالله بخليج الحين .. شي بخاطرج ..
    مروه : سلامتج ... سلمي ع الاهل ..
    نوف : يبلغ .. وانتي بعد سلمي ع الاهل .. وتيك كير ..
    مروه : اوكيه بباي
    نوف : ببا اي ..
    بعد ما بندت نوف عن بنت خالتها ساروا كلهم يتعشون .. وبعد العشا الكل سار يرقد ...
    ع الساعة عشر ونص , نوف قاعده فغرفتها .. امممم خلني اتصل ف سلامي الدبه واهزبها شوي ..
    وشلت الفون ( كان في فغرفتها فووون خاص لها ) .. ودقت الرقم .. وفهالوقت سيف كان مار من الصاله وشاف
    الفون يرن , وقال خلني ارد عليه ..
    نوف : الوووووووووووووووووووووووووووووووووووووووووووووووو
    سيف : السلام عليكم ..
    نوف ( وافديته انا اه قلبي بموت لحقوا علي يا عالم لا ما اقدر سيفي راد ع الفون يا حضي
    انا من قدي ) : وعليكم السلام ورحمة الله وبركاته ..
    سيف : هلا والله بدلوعتي ؟؟
    نوف ( البنت ذايبه خلاص ) .. اهلين
    سيف : شو بعدج ما رقدتي ..
    نوف : لا ما ياني رقاد قلت بتصل ف سلامي وبهزبها شوي ..
    سيف : وليش تهزبينها شو مسويه خبريني وانا ارويج فيها ..
    نوف( اه قلبي بموت ): لا ماشي بس سايره السوق وما مخبرتني , كنت ابا اسير اخذلي اكسسوارات
    للعرس ..
    سيف : افا صدق ما تستحي .. عيل اتسير وما تخبر دلوعتي .. ما عليه خلاص اتزهبي باجر وانا بوديج
    وين ما تبين واشتري كل اللي ف خاطرج ..
    نوف ( لا دخيلكم بس خلاص بموت والله بموت ) : لا مب لازم اصلا باجر بسير ويا حمدايه وبشتري
    اللي اباه ..
    سيف : هي اذا جيه زين المهم دلوعتي اتسير وتشتري اللي تباه ..
    نوف ( بموووووووووووت ياعالم كله مني ليش اقوله اني بسير ويا حمدوه زين جيه ضيعت على روحي
    الظهره وياه , مالت عليج يا حمدوه حتى وانتي بعيد تخربين علي ) : احم اخجلتم تواضعي ..
    سيف : يالله ثواني وبزقرلج سلامي خلج ع الخط اوكيه ..
    نوف : لا خلاص ماعليه بشوفها باجر ف المدرسه وبهزبها .. خلني اسير ارقد الحين ( خلاص ماتبا شي
    كلمت القلب شو تبا ف سلامي )..
    سيف : خلاص عيل يالله سيري رقدي .. وتيك كير ع قولتج .هههه
    نوف : يو تووووو .. فداعة الله .. ( لا دخيلك لاتبند لا ما شبعت من صوتك دخيلك )
    سيف : فداعة الرحمن .. وبند سيف عنها ..
    نوف خلاص طايره من الوناسه .. ياي من قدي انا اليوم ..
    وطاحت ع السرير واتلحفت , وغمضت عيونها ..نوف : يالله خلني ارقد واحم ففارس احلامي
    ورقدت نوف ... وهي طايره من الوناسه ..

    " ياترى هل راح اتدوم فرحتج يانوف .. ماندري مع الايام راح ينكشف المستور .. وينعرف كل شي .. "

  3. Princess Flowers
    09-01-2012, 05:23 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني




    البارت الثاني

    غيرت اسمك وسميتك نظر عيني

    واسمك طبعته يا خلي في وسط بالي

    حبك جرى لي في دمي في شرايني

    والقلب مني اخذته يا بعد حالي

    كرسي الصدارة اعتليته على المزايني

    انته الاول فداك الحال والمالي

    احس باني ملكت الكون بايديني

    يوم نشوفك حبيبي تقبل اقبالي

    واكتب لك الشعر واجر التلاحيني

    واجمل قصيدي كتبته فيك يالغالي

    ما اظن مخلوق في الدنيا يساويني

    ان شفت عينك رحل همي وغربالي

    يا ساكن القلب همساتك تسليني

    من وحشة الليل يا شوقي وامالي

    حبك ملاها عليه دنيتي بعيني

    وصارت بقربك تراها اليوم تحلالي



    الصبح ...
    سيليا : نوف .. نوف .. قيت اب ..
    نوف : ....... <<<<< ف سابع نومه وقعد تحلم ففارس احلامها ككك
    سيليا : نوف .. يور ماذر سي قيت اب ..
    نوف : لاحياة لمن تنادي ..
    ودخلت خوله : لا اله الا الله .. يو كان قو ناو .. نوف ..نوف ..
    قومي يالله وراج مدرسه .. يالله نوف ..
    نوف : بتعب .. اوف شو ما ابا اسير بغيب .. تعبانه
    خوله : يالله عن البزا وقومي سيري المدرسه يالله ..
    نوف : اقولج تعبانه يامايه .. احس ان جسمي حار .. فيي حمى
    وسارت خوله ومسكت راسها : وين جسمج بارد لا فيه حراره ولاهم يحزنون ..
    نوف : حراره داخليه ..مب خارجيه .. هاي حمى داخليه تصيب الانسان ويحس بالتعب
    احنا ماخذينه ف مادة الاحياء .. انتي ما تعرفينه .. انتي ما دارسه علمي انتي دارسه ادبي ؟؟
    خوله : لا والله وانا مقصه عسب اتقصين علي .. قالت حمى داخليه قالت يالله عندج عشر دقايق
    تتلبسين وتنزلين فاهمه ..
    نوف : اوف .. ما ينقص عليها بنت فطيم .. بسير اقص ع ولد سلامة يمكن يصدقني ..
    نزلت نوف ومسويه عمرها تعبانه .. وسارت قعدت عند ابوها اللي كان قاعد يتريق ..
    نوف تمثل التعب : صباح الخير
    الكل : صباح النور ..
    محمد : شو فيج ابوي تعبانه ..
    نوف : هي ابوي تعبانه احس بحراره , فيي حمى داخليه احس جسمي حار ..
    ومسك محمد راسها : بس جسمج مب حار عادي ..
    نوف : ابوي هاي حمى داخليه يعني اثارها ما تطلع برع .. احنا ماخذين هالحمى ف الاحياء
    وهاي اعراضها .. <<< عاش الخريط .. الخرط ببيزه عند هالبنت ...
    خوله : قومي يالله بسرعه الحين سيري اتلبسي وانزلي يالله ..
    نوف واتطالع ابوها : ابويه شفت امايه ماتصدقني .. اقولها حمى داخليه تقولي اتبزا ومافيه شي
    هي لانها دارسه ادبي مب علمي ما تعرف عن هالحمى بس انا دارسه علمي ودارسه عن هالحمى
    وعلماء النفس يقولون ان اذا الانسان صابته هالحمى لازم يتدفى ويرقد ويرتاح وما يتحرك ابد ( اوف طاح السقف )
    محمد : خلاص ابويه سيري ارقدي عيل عن تتعبين علينا اكثر ..
    نوف : وامايه ..
    محمد : ما عليج منها انا بتصرف وياها سيري انتي ارقدي ..
    وهني نوف استانست يعني انتصرت ع امها .. وسارت غرفتها ركييض ..
    خوله : شوفها وتقول حمى داخليه ..
    محمد : ما عليه خليها ع راحتها .. لا تشدين عليها ..
    خوله : الله يهديك .. البنت ثانويه عامه وهاي اخر سنه .. لازم ما تضيع ع عمرها ..
    محمد : ما عليها بيبلها مدرس خصوصي ويدرسها... المهم بنتي ترتاح ..
    ( محمد وايد يحب بنته ودايما يسوي اللي يريحها , ويوفرها كل اللي تبيه , وما يردلها طلب )
    خوله : كيفك انت وبنتك ..
    محمد : يالله بترخص انا شي بخطاركم ؟؟
    خوله : سلامتك ..
    محمد : يالله منصور مشينا ..
    منصور : يالله باباتي ..
    وساروا منصور وابوه .. ابوه بيوصله مدرسته , وخلاف بيسير الشركه ..
    اما نوف طبعا سارت تكمل رقادها .. وام علي فارشه حصيرتها وقاعده برع .. وخوله سارت
    وقعدت وياها .. وخلاف يووو الحريم وقعدوا وياها ..
    ( كل يوم بعد ما يروحون العيال مدارسهم ,واشغالهم الكل يتيمع , عند اليده ويشربون الشاي ويسولفون )..
    ف المدرسه ..
    ف صف قوم نوف ..
    طبعا نوف غايبه .. كانوا قاعدين حمده , عوشه , منال .. ويسولفون لان المس قاعده تصلح اوراق
    الامتحان , وقالت لهم ارمسوا بس لا تعلون اصواتكم ..
    عوشه : مايت الدبه نوف ..
    حمده : ما ادري عنها الدبة ما خبرتني انها بتغيب ولا كنت بغيب انا بعد ..
    منال : ياي والله حضها اكيد الحين راقده .. ياي محلا الرقاد .. اموت فيوم الجمعه
    مافي حد يوعيني أرقد وأشبع رقاد بعد ..
    حمده : صج ما فيها خير عيل هي ترقد وتخليني انا اداوم واكرف ..
    عوشه : ههههههههههههه نذله ..
    حمده : من يومها والنذاله تسري فدمها ..
    منال : ماعليه ان ما خبرتها ..
    عوشه : لادخيلج خوفتينا ..
    حمده : قولي احلفي انتي بس .
    منال : احلفي ..
    .................................................. .................................................. ...................................
    ع الساعة 11 نشت نوف , و دخلت الحمام "عزكم الله " وغسلت ويها وفرشت اسنانها .. ونزلت تحت
    شافت محد ف الصاله .. قالت بتظهر خاري وبتشوف امها العوده اكيد قاعده خاري .
    برع كانوا قاعدين ( اليده , خوله , موزه , مهره , ساره , حصه , سعيد , حمد , سيف )..
    ظهرت نوف ..وسارت صوبهم الشمس كانت ضاربه ع عيونها فما تشوف منوا قاعد .
    ومن وصلت جريب (لا مستحيل ياقلبي ما اروم انا دخيلكم .. وكانت بتشرد بس خلاص بعد
    شو ... بعد ما شافوج ) نوف وتسوي عمرها تعبانه : السلام عليكم ..
    الكل : وعليكم السلام ورحمة الله وبركاته ..
    سيف : دلوعه ليش ما سايره المدرسه .. شو متفقين احنا ..
    خوله : لا سيف خلها حليلها بنتي فيها حمى داخليه .. تعبانه ما تقدر تروح المدرسه
    نوف ساكته وتطالع امها .. وطبعا معصبه من الخاطر ..
    سيف : لا سلامات ما تشوفين شر قومي دلوعتي سيري اتلبسي بوديج المستشفى ..
    خوله : لا لا تعب نفس مرضها ما يباله مستشفى تقدر تعالج عمرها بروحها ما يحتايلها طبيب
    وهي تعرف شو داوها .. تراها دراستنه ف علم الاحياء وتعرف كل شي عنه ..
    نوف خلاص مفوله .. كانت ماسكه كوي ماي وهي يايه وتشرب منه .. قامت وفرت الكوب
    باقوى ما عندها وانكسر الكوب , ودخلت داخل البيت وهي مفوله .. وسارت غرفتها وقفلت ع
    عمرها الباب .. وتمت تصيح ..
    اليده : زين جيه زعلتيها ؟؟
    خوله: عيل ياعمتي مافيها شي .. ويايه تتبزا ع ابوها واتقول تعبانه .. وهاي اخر سنه حقها
    المفروض ما تخرب ع عمرها ..
    اليده : ماعليه مافيها شي لو ماسارت يوم .. الحين زين عاد ادري بها ما بتظهر من الغرفة وبتزعل
    ولا بتاكل ولا بتشرب , بنتي واعرفها زين ..
    خوله : والله ياعمتي كنت اسولف وياها ما كان قصدي ازعلها ..
    نوف قاعده فغرفتها واتصيح...
    تحت اليده اتحاتي نوف :سيري يما خوله سيري شوفيها..وسارت خوله اللي حاولت انها تخلي نوف تفتح
    الباب بس نوف لابستنها وقعد اتصيح.
    (عيل انا تفشليني ويدام امنو يدام سيفي جني ياهل واتصيح).
    نزلت خوله بعد محاولاتها اللي فشلت
    اليده:هاوينها بنتي!خوله: تعبت وياها مب طايعه تفتح.ماعليه خليها بروحها بتمل وبتظهر..
    اليده:عنيده هالبنت ...طالعه عيدهالله يرحمه..
    الكل: الله يرحمه..وتموا قاعدين يسولفون و اذن الظهر وساروا الشباب يصلون و الحريم بعد دخلو يصلون..
    طبعا اليوم الخميس وكل خميس وجمعه الغدا يكون فبيت واحد من الخوان .. واليوم الغدا فبيت محمد..
    ع الساعه ٢ اتيمع الكل فبيت محمد والبنات ردن من مدارسهن وبدلن و سارن بنت عمهن محمد..( سلامه ،
    شما،حمده):السلام عليكم ...
    الكل:وعليكم السلام..
    منصور من شاف حمده ركض صوبها
    منصور:حياتووو
    حمدايه وتلوي عليه:قلبووو هاواريو؟
    منصور:ام قود اند يو.
    حمدايه:مي تو
    سلامي:وين نوفي..
    خوله:سيروا شو فيها زعلانه وقافله ع روحها.
    محمد:شو فيها زعلانه.امنو زعلها؟!!
    خوله:ما عندها سالفه.بس جيه تتبزا ..
    وساروا البنات صوب نوف ودقوا عليها الباب بس هي لا حياة لمن ينادي..
    حمدايه:نوفي يالله فتحي عاد.خلينا نتغدى عسب انسير السوق اخلاف ..
    شما:نوفاني فتحي عاد يالله تعبت من الوقفه..
    وبعد ربع ساعه من الوقفه تعبوا ونزلواتحت..
    محمد:شو بنوتات وين خويتكم؟
    حمدايه:خالي تعبنا ماترد علينا ولاتفتح الباب.
    خوله يت صوبهم :يالله ياجماعه الغدا جاهز..
    محمد:سيروا اتغدوا وانا بسير احاول وياها يمكن تفتح الباب
    خوله:يا بومنصورلا تتعب روحك خلاص البنت معانده. وما بتنزل يعني ما تعرف بنتك انت.
    محمد:ماعليه خليني احاول وياها..وسار محمد ودق عليها الباب بس هي لاجواب
    وبعد عشر دقايق من الوقفه والمحاولات نزل محمد .
    محمد:الله يهديها..عنيده وراسها يابس .. ما ترد علي ولا تفتح الباب ..
    خوله : خلها بتمل من القعده وبتنزل روحها ..
    وساروا الجماعة يتغدون ..

    بعد الغدا ..
    الحريم والبنات قاعدين فالصاله يسولفون بصوب . والريايل قاعدين فصوب ثاني ..
    حمدايه : امايه ابا اسير اييب فستاني مهره : شوفي خوانج خلهم يودونج
    حمدايه : انزين خبريهم انتي ..
    مهره : حمد يامي شل اختك ودها السوق تيب فستانها ..
    حمد : ان شاء يامايه بس بعد صلاة العصر بوديها ..
    حمدايه : نوفاني بعد تبا تسير ...
    مهره : خلاص سيري خبريها تجهز ما باقي شي ع صلاة العصر ...
    حمدايه لفت صوب البنات : بتسيرون بنات ؟!
    شما : انا بسير وياكم ..
    سلامي : مي تو بسير وياكم ...
    مهره : وانتي ميثه مابتسيرين ولا خلصتي ؟!
    ميثه : لامايه اناخلصت خذت كل شي
    حمدايه:بنات قوموا نسير نشوف نوف
    وقامن البنات وسارن فوق صوب غرفة نوف اللي كانت فسابع نومه .
    تموا البنات يدقون الباب ...
    نوف : لاحياة لم ينادي..
    حمدايه : نوف قومي نسير السوق ..
    ومن حشرة البنات قامت نوف و فتحت الباب : انتو ما تخلون الوحده ترقد ع راحتها ..
    حمدايه : بسج انزين الرقاد مل منج ..
    قومي اتلبسي بنسير السوق ..
    نوف : ومن بيتكرم عليج ويوديج ؟!
    حمدايه : حمد ..
    نوف : انزين بسير اسبح وببدل ..
    ودخلن البنات الغرفه وقعدن ونوف سارت تسبح ... وبعد ربع ساعه أذن العصرساروا الشباب يصلون.والحريم
    بعد ساروا يصلون ..
    وبعد ماخلصت نوف سبوح واتلبست ، البنات لبسوا عبايات وشيل من عند نوف لان مالهن خلق يروحون بيوتهم عسب مايتأخرون..ونزلن البنات تحت
    نوف سارت قعدت عند امها العوده ..
    اليده : سيري يامايه اتغدي ما ماكله شي من الصبح انتي ..
    نوف : مب يوعانه ..
    اليده :مب زين يامايه بتطيحين عليهم
    هناك ..
    نوف : مابطيح عليهم ولا هم يحزنون باخذلي شي من برع وباكل..
    اليده : وشو تبغينه اكلهم كله جراثيم وامراض ..
    والريايل كانوا قاعدين برع بعد ماردوا من المسيد ..
    ودق حمد ع حمده عسب يظهرون ..
    وحمده خبرت البنات .. نوف مشت لي عند الباب : اللي توصل قبل تركب يدام وركضت نوف وحمدايه ركضت وراها طبعا نوف وصلت قبلها و قعدت يدام.. وشما و سلامي ماشيات وراهن ..
    حمدان : حوه يالخبايل شو عندكن تركضن ؟! وصد صوب شماوسلامي
    حمدان : ليش يترابعن ..
    سلامي : نوفي قالتلها اللي توصل قبل تقعد يدام ..
    حمدان : خبايل ...
    وساروا شما و سلامي وركبوا السياره ..محمد : نوف ابوي اتغديتي
    نوف : باخذلي شي من برع ..
    محمد : حمد ودها تشتري شي تاكله
    حمد: ان شاء خالي لاتوصي ..
    وتحرك حمد وسارو صوب دبي ..

  4. SOoΚaRh
    10-01-2012, 11:37 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني


    يعطيك العافية يا عسسسل

    تابعي وننتظرك =)
  5. Princess Flowers
    11-01-2012, 06:43 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني


    البارت الثالث

    لي حبيب حيل حبيته وصار عمري وسيد خلاني
    انسى همي لو انا ييته وفز قلبي لو تلقاني
    كم انا بالحب اعطيته وكم ياهو كم تفداني
    وكم انا بالشوق خصيته ذابحني بسود العياني
    حب غيره ما تمنيته والله اني فيه هيماني
    ويل حالي يوم لاقيته خزيني بالعين وارمانيي
    القلب والروح انا اهديته مثل ماهو حبه اهداني
    صاحبي في العين ضميته عن حسود وقول عدواني
    ليت خلي يروف يا ليته ويرحم اللي منه تعباني


    يوم وصلوووا دبي سألهم حمد ..

    حمد : وين سايرين .. ودلته حمده المكان .. وساروا عند المصمم و شلت حمده فستانها .. وخلاف ساروا
    امارات مول ... من وصلوا وداهم حمد صوب المطاعم عسب نوف تاكل شي .. لانها ماماكله شي ... طلبوا و ساروا يقعدون صوب الطاولات ...
    وهم قاعدين مروا شلة بنات..حاطين فول ميكاب .. والقصه ظاهره و العبي مخصره ... جنهم سايرين عرس ..
    حمد : هلا والله بالزين كله..
    نوف بصوت عالي سمعوه شلة البنات : اخ من زينهم عاد خل يشلون الصبغ اللي حاطينه وبعدين شوف الجمال ع اصوله.
    وحده من البنات : من زين شكلج الحين..
    حمد : شكلها احسن من شكلج يالهرمه ..
    والبنت ماتت من القهر ..
    وصدت صوب ربيعاتها : يا مشينا .. مالت عليهم ناس ما عندهم ذوق ..
    سلامي : خلينا الذوق والادب لكم يالمحترمات ..
    البنت : محترمات غصبا عنج اوكيه ..
    حمده : هي ترى المكتوب باين من عنوانه ..
    البنت بعصبيه : شو قصدج .ها ؟
    حمده كانت بترد عليها بس حمد سكتها ..
    حمد : لاتوصخين لسانج وتردين على هالحثاله ..
    حمده : هي والله صح كلامك ..
    ويت البنت صوبهم : الحثاله والخايسات هن خواتك ولا ما ادري ربيعاتك اللي قاعدين وياك اوكيه ..
    .. وقامت نوف وعطتها كف ع ويهها ..
    وقالت لها : انتي بتروحين من هني ولا بتشوفين شي عمرج ما شفتيه الحين يالحثاله ..
    البنت خلاص من القفطه ماقدرت توقف لان نوف صفعتها يدام الناس ..
    شلت ربيعاتها وطلعوا وهي ميته من القهر ...
    حمده : والله انج قويه ..
    نوف : عيل الهرمه اتقول عنا حثاله و تباني اسكت عنها اتخسي الا هي ..
    حمد : والله انج قوية ماينخاف عليج ..
    سلامي : اجديتي فيها بنت العم ..
    شما : تستاهل ماياها الخامه الخايسه ..
    وبعد ما خلصوا اكل ساروا البنات يتشرون ... وحمد يلحقهم ويتحرطم
    وبعد ماخلصوا ظهروا وساروا صوب ابوظبي ..
    وصلوا الساعه ١١ .. حمد وصل كل وحده بيتهم وخلاف سار وصل اخته ، وهو سار صوب ربعه ..
    ومر اليوم مثل غيره .. والكل رقدو في سلام ...
    بس في عين .. النوم مجافيها .. من كثر التفكير .. ياترى انا شو بالنسبه له .. يحبني مثل ما أحبه ... ولا يحبني بس مثل أخت ... بس انا احبه اموت فيه..ياعالم احبه..اوف شو هالافكار أرقد احسلي .. ونامت هالعين وهي ماتعرف شو مخبيتلها الايام ..

    يوم الجمعه اليمعه فبيت بو سيف ...
    بيت محمد .. خوله سارت صوب اختها عويش تتطمن عليها وشلت وياها منصور وحاولت توعي نوف عسب
    اتسيروياهم بس نوف ماطاعت تنش واليده نشت الصبح وسارت صوب بيت بو سيف ..
    ومحمد سار صلاة الجمعه مع خوانه .. ع الساعه ١٢،٥ نشت نوف وسارت تسبح وبعد ما خلصت صلت
    الظهر ونزلت تحت و اتصلت فحمده ..
    نوف : الووو
    حمده : هلا والله .. بالطش والرش
    نوف : وير ار يو ..
    حمده : بيت عمي ..
    نوف : يالخونه سرتوا بدوني..
    حمده : ليش انتي ماسرتي دبي ؟!
    نوف : ليش من قالج اني سرت دبي
    حمده : جورجي قالت ..
    نوف : والهبله هاي شعرفها ماعرفتي تسألين غير هالخديه ..
    حمده : وانا شدراني ؟! يالله تعالي
    نوف : وقفولي عند الباب يالله ..
    حمده : اوكيه يالله نحن سايرين صوب الباب نترياج ...لاتتأخرين ..
    نوف : بحاول اني ما أتأخر.يالله سمعي صوت القطار وبندته فويها ..
    حمده : دبه ،>.<'
    شما : ههاي .. شو سمعتج صوت القطار... *_^..
    حمده : جب جب قوموا نترياها عند الباب ...
    وساروا البنأت وقفوا عند الباب يتريون نوف ..وشوي يحدون السياير كانو ثلاث سياير..
    وهم الريايل ردوا من المسيد .. نزل سعيد دريشته : شو عندكن واقفات عند الباب ..
    سلامي : نتريا نوف .. يايه صوبنا ..
    سعيد : اها ..
    بعد خمس دقايق وصلت نوف ...
    حمده : الحمد لله ع السلامه لومايتي
    نوف : احم احم .. الله يسلمج ..
    و سارت عنهم .. والبنات لحقوها .. ودخلوا داخل ..
    نوف : هاي ..
    حمود : كم بعلمج انا ..الناس يقولون السلام عليكم ..
    نوف : وعليكم السلام .*_^
    وسارت عند يدتها وحبت راسها كان سيف قاعد عند يدته .. ( لوتيه هالبنت سارت قعدت عند يدتها لان سيف كان قاعد هناك .. )
    نوف : شحالج فديتج ..
    اليده : مانشكي باس ..
    حمد : امايه تعرفين بنتج شو سوت البارحه ؟!
    اليده : شو سوب بنتي ..
    حمد : ضربت بنت عطتها كف فالمول يدام خلق الله ..
    اليده : يافضيحتنا بين العرب شو من مذهب هذا تضربين بنات الناس ويدام خلق الله ..
    نوف : تستاهل الخايسه عيل اتقول عنا حثاله الصايعه الضايعه اللي اهلها ماربوها .. والله لو ما شردت كنت
    ما برحمها كنت بدوسها وبخلي اللي ما يشتري يتفرج عليها عقولة المصريين
    اليده : لا دام جيه اجديتي فيها يابنت محمد .. حرمه وماقصرتي فيها ..
    نوف : هيه اللي يغلط علينا يترحم ع روحه ..
    مبارك : الله يعين خلق الله عليج ..
    حمود : قول الله يرحمهم ..
    نوف :جب جب سكتوا لا اي وادفنكم انتو الاثنين ...
    حمود : بروك اسكت ترى هاي مب بنت هاي وحش مفترس . اقولك هاك اليوم اتضاربت وياها وما بغيت الا عمري ..
    ايدها قويه الله يعينه اللي بيضويها ..
    نوف : انت بتبند حلجك ولا اقوم انا ابنده ...
    اليده : حمود يوز عن بنتي ..
    حمود : ان شاء الله امايه بس عشانج ..
    وخلاف قاموا الكل يتغدون ...
    كانوا كلهم متيمعين ماعدا سلطان اصلا ما ينشاف هو اصلا شغله فسويحان فما ينزل الا فالويكند ومن ينزل مايقعد فالبيت ابد ... يعني نادرا ماينشاف .. وروضه لانها ساكنه ف العين ..
    والبنات كلهم ماعدا نوره و ميثه ..
    كانوا فبيت بو سلطان .. لان نوره عروس لازم ما تطلع يدامهم ...
    نوره كانت قاعده فغرفتها وميثه نزلت تحت تشرب ماي طبعا الشيله عكتفها مب لابستنها ع اساس مافي حد ف البيت ..
    دخلت ميثه المطبخ وصبتلها كوب ماي وقعدت ع طاولة الطعام تشرب الماي ..
    شوي ويحدر واحد المطبخ ..
    سلطان :نواري صبيلي كوب ماي ..
    هني اتيبست ميثه فمكانها و ع طول حطت الشيله فوق راسها .. وسارت صوب ثلاجة الماي وصبت كوب ماي وسارت
    صوب سلطان اللي كان قاعد ع الكرسي ومندمج ففونه وحطت ميثه الكوب ع الطاوله وسارت صوب الباب وسلطان انتبه
    عليها ..
    صد صوبها : تعالي وين سايره
    ميثه صدت صوبه : انا مب نوره ..
    سلطان قفط : اسمحيلي الشيخه ...
    ميثه : مسموح الشيخ ..
    وسارت عنه وفخاطرها ( اكيد سلطان ماشاء عليه رحيم ) وسارت عند نواري و خبرتها السالفه ..
    سلطان : منو هاي اكيد وحده من بنات عمامي ولاعماتي .. ولاخوالي ولاخالاتي.. وانا شو يخصني ..
    منو ما كانت تكون ... خلني ابدل واسير صوب الشباب يتريوني ..وسار سلطان يبدل وخلاف ظهر و سار صوب ربعه
    اما بيت بو سيف ..
    البنات قاعدين برع ف الحوش .. يلعبون أونو .. والشباب فالميلس والحريم داخل يسولفون عن استعدادات العرس ..
    فطامي ماسكه ورقه وقلم ويايه صوب البنات (الرباعي المرح ) : شو تبون من البقاله ؟
    نوف : انا ابا ريد بول ومارس ..
    حمده : انا ابا كندادراي ومارس ..
    شما : انا ابا فانتا ومارس ..
    سلامي : انا ابا شاني ومارس ..
    فطامي : بس ماتبون شي ثاني بعد
    حمده : هي هاي لاتيبيلها ريد بول ايبيلها بيبسي ..
    نوف : ع كيفج هو ..
    حمده : هي ع كيفي ..
    نوف : جب جب تامي ابا ريد بول ..
    حمده : ترى بخبر عليج ..
    نوف : خوفتيني تصدقين ..
    حمده : انزين شو الحين بتكنسلين الطلبيه ولا اسير اخبر ..
    نوف : سيري خبري اي دونت كير ..
    حمده : اوكيه .. وسارت حمده صوب الميلس .. ودخلت .. السلام عليكم
    الكل : وعليكم السلام ..
    بوسيف : خير بنتي بغيتي شي ..
    حمده : بغيت حمد .. وصدت صوب حمد : تعال حمد اباك شوي ...
    وظهرت حمده ، ولحقها حمد ..
    حمد : خير ان شاء الله ..
    حمده : تعال اباك هناك .. ومشت لحد ماوصلت عند البنات وحمد وراها
    حمد : شو تبين انتي ؟! فكيني ..
    حمده اتأشر صوب نوف : شوف هاي تبا تطلب ريد بول ...
    حمد صد صوب نوف : ليش الأخت تبا تطير ..
    نوف : مايخصك انزين ...
    حمد : مافي ماتطلبين ريد بول عن ابو ها نحن الشباب مانشربه انتي تبن تشربينه ..
    نوف : عادي مافيه شي كل الناس تشربه ...
    حمد : وانتي شو يخصج بالناس ..
    نوف : ياخي لاتقعد تتفلسف وايد ..
    حمد : ما عليه انا بسير بشتكيج عند الشياب . خلهم يادبونج ..
    نوف : بتطبطي الساع ..
    وسار حمد الميلس ...
    خالي محمد : لبيه ..
    حمد : لبيت حايه .. شوف بنتك تطلب ريد بول ..
    محمد : ما تسمع الكلام هالبنت الف مره قايللها ودري هالريد بول ولا تسمع الكلام .. تعبت وياها ..
    حمد : بنزقرها .. خالي علي انت كلمها ...
    بو سيف : ازقرها انت واحنا بنكلمها ..
    حمد : حمود قوم ازقرها وقوللها عمج علي يباج ..
    حمود : ان شاء الله وسار حمود يزقر
    نوف اللي كانت تلعب اونو ..
    حمود : نوفوه قومي عمي علي يباج
    نوف بولباس واتكمل العب ..
    حمود : ايه اكلمج انا .. قومي عمي يباج يالله بسرعه ..
    نوف ماعاطتنه ويه ..
    وسار حمود ولخبط اوراق الاونو وشل نصهم وفرهم بعيد ...
    عاد نوف موتها حد يخرب عليها اي شي اتسويه قامت . وركضت ورا حمود اللي شرد عنها من شافها قامت ووصلوا
    صوب الميلس . دخل حمود ونوف قالتله : ماعليه يالنذل ارويك شغلك يالهيس يالهرم يالخام ..
    وسارت عند البنات ...
    أحمد : شو سويت فيها انت ..
    حمود : ما سويت شي اقولها تعالي عمي يباج لابستني ماتعطيني سالفه وتلعب اونو .. سرت شليت اوراق الاونو وفريتها
    وعصبت علي ولحقتني وشردت عنها ..
    محمد : عنيده هالبنت ...
    بوسيف : قوموا نسير نقعد برع ملينا من القعده بين اربع يدران .. و ظهروا الشبيبه والشياب برع ...
    البنات جمعوا اوراق الاونو وعادو العبه مره ثانيه ..
    قعدوا الريايل برع ع حصيره ...
    محمد:بوسيف بزقرها انا وانت كلمها
    بوسيف : لاتزقرها انا بكلمها بعدين بروحي ..
    محمد : زين خلاص ..
    وصل راعي البقاله..وظهرت الخدامه تيب الاغراض .. وكل وحده شلت اغراضها .. طبعا نوف عمدا شرت ريد بول ..
    حمده: ابا اعرف شو الحلو فيه انا مره شربته ولاعت جبدي وكنت بزوع
    نوف : مب لازم يعيبج المهم عايبني..
    نوف حطت الريد بول عندها وتمت تكمل اللعبه ..
    وحمده عطول شلته وصبته عالارض .. ونوف شلت الشاني مال سلامي وصبته ع حمده .. وحمده شلت فانتا شما
    وصبته ع نوف وشما شلت كندراي حمده وصبته عليها..
    حمده تقول لشما: ليش صبيتي علي يالهرمة ..
    شما: ليش اتصبين فانتتي ..
    حمده:انزين ما صبيته عليج صبيته ع هالخامه..
    شما:محد قالج تقتربين من ممتلكاتي
    حمده قامت وركضت صوب فوز الماي ورشته ع البنات والبنات قاموا وساروا صوبها وتمو يسحبون عنها فوز الماي
    وطاح فايد نوف اللي سبحت حمده ..
    وبعد ماتسبحوا كلهم دخلوا البيت ..
    اليده: بسم شو اللي مسوي فيكم جيه
    نوف : هاي حمدوه سبحتنا واحنا ما قصرنا فيها ...
    اليده : انف عليكن يهال انتو .. اليهال مايسون شراتكم..فضحتونا بين العرب
    سلامي:زين جيه خليتوا امايه العوده تهزبنا ..
    حمده : سيري يالله بلا هذره زايده ..
    وساروا غرفة سلامي يبدلون ثيابهم الخرسانه ..
    بعد ما غيروا البنات نزلو تحت ...
    ساروا البنات قعدوا عند الحريم ماعدا
    نوف اللي سارت تشرب ماي من المطبخ ..
    صبتلها كوب ماي وقعدت تشرب شوي يحدر سيف المطبخ وسار صوب ثلاجة الماي وصبله كوب ماي وسار
    وقعد حذال نوف..
    سيف : ها دلوعتي شحالج ؟!
    نوف (ذايبه): يسرك الحال ..
    سيف : ممكن اطلب منج طلب ؟!
    نوف : امر ..
    سيف : ما يامر عليج عدو .. اباج هذا الريد بول تودرينه .. ماباج تشربينه ..
    نوف : ليش انزين .. عادي كل الناس تشربه ..
    سيف : وانتي شعليج من الناس .. سمعي نوف .. هالمشروب مب زين واثاره ماتظهر الحين تظهر بعدين ..
    وهو مضر للصحه ... واحنا صحتج اتهمنا عسب جذا ما نباج تشربينه ..
    نوف : ( صحتي تهمه يعني سيفي يحبني . لا هو قال تهمنا ماقال تهمبي ياربي شو قعد اخرف انا شو قعد اقول ) .. ان
    شاء الله بحاول ..
    سيف : ماباج تحاولين اباج من بعد اليوم ماتشربينه ..واذا عرفت انج شربتيه بزعل عليج اوكيه ..
    نوف : ( المشكله ماقدر ماسمع كلامك..ماقدرازعلك) : اوكيه خلاص بعد اليوم ما بشربه ..
    سيف : هيه هاي هي دلوعتي اللي اعرفها .. يالله انا ساير عند الشباب شي بخاطرج ؟!
    نوف : سلامتك ..(لا لاتروح دخيلك اقعد ماشبعت من شوفتك ) وظهر سيف .
    وظهرت نوف وسارت عند الحريم وهي طايره من الوناسه ..
    قعدت عند حمده ..
    حمده:شو السالفه ! ليش شاقه الحلج
    نوف تساسر حمده : كنت قاعده ويا سيفي ..
    حمده : شو ومتى وشوقلتيله وشو قالج ..
    نوف : جب فضحتينا يالهرمه ..
    حمده : بس اتخبريني كل شي بالتفصيل ..
    نوف : انزين سكتي يالفضيحه انتي ..
    اليده : انتن شو عندكن تتساسرن !
    نوف : ماشي امايه .بس اسألها..
    اليده : وليش ماتسألينها بصوت عالي نوف اتورطت ماعرفت شو تخرط ع يدتها:اسألها عن الامتحان اللي بناخذه ورا باجر ...
    اليده : وهالسؤال ماتقدرين تسألينه بصوت عالي ..
    نوف : يصير بس انا ما حبيت ازعجكم
    اليده : يوابها جاهز لكل سؤال ..
    نوف : بنات يالله نسير بيتنا ..
    ونشن البنات وظهرن برع .. ساروا صوب بيت بومنصور ..
    سارن الصاله الفوقانيه وفتحن التي في وحطوا حواس .. يسمعون اغاني ويرقصون وحالتهم حاله ....
    ...............................................
    عند الشباب ...
    حمد : سعيدان قمنا نسير صوب سويحان ...
    سعيد : شو مضيعين هناك ياخي ...
    حمد : انسير صوب العزبه ...
    سعيد : رواحنا ..
    حمد : لا بنشل ويانا قوم منوع وذياب وباقي الشله .. انبات هناك الليله وانرد باجر ..
    سعيد : خلاص ماعندي مانع ..
    حمد : شو شباب ما تخاوونا ..
    حمدان : لا انا عندي شغل ..
    سيف : انا بخاويكم ..
    راشد : انا بعد ساير وياكم ..
    سعيد : خلني اكلم هزاع يلحقنا هناك
    حمد : يالله عيل خلنا نظهر الحين قبل مايدخل علينا الليل ..
    سعيد : يالله عيل .. قوموا بدلو الحين .
    خلونا نظهر ..
    وقاموا الشباب يبدلون عسب يسيرون صوب عزبة بو سيف..واتصلوا فربعهم
    اللي رحبوا بالفكره وعيبتهم ..
    بعد صلاة العصر اتحركوا الشباب صوب سويحان.. وكانو سيارتين ..
    سيارة سيف .. رنج سبورت سودا وفيها سيف وراشد ..
    سيارة حمد .. فتك بيضا وفيها حمد و سعيد ..
    اما عند ربعهم كانوا سيارتين ..
    سيارة مانع .. لكزس استيشن .. فيها مانع .. حارب ..
    سيارة ذياب .. نيسان بترول ذهبيه و فيها ذياب و خليفه و ...
    اما هزاع ولد خال سيف اللي بيتهم كان فسويحان .. ظهر هو وولدعمه
    عبود .. سيارته فتك ذهبيه ..
    واتلاقوا كلهم فعزبة بو سيف ..
    وخلوا مصطفى يروح وياخذلهم عدة الشوي عسب يشوون ..
    وبعد المغرب وصل مصطفى مع العده وتموا الشباب يشوون ..
    وكل واحد يسوي شي ..اللي يسوون
    السلطه .. (عبود ، هزاع ، سيف )واللي يطبخون العيش (حارب مانع)..
    واللي مجابل اللحم .. ( سعيد ، حمد ، راشد ، ذياب ، خليفه ) ..
    سيف وزع الخضار عليهم ..
    الطماط على عبود
    والبقدونس والخس على هزاع
    والخيار عليه ..
    عبود : ياخي ظلم والله ظلم عيل انا عبود اقص طماط .. مابا ياخي بدل انا الخس وهزاع الطماط ..
    هزاع : سير لا ماشي انا راضي باللي عندي ..
    عبود : ياخي حرام عليكم بريستيجي بيخترب ..
    سيف:اسكت مع ويهك انت وبرستيجك
    عبود : هزاع شوف ولد خالك شو يقول عني ..
    هزاع : سيفوه ما يخصك فعبود ..
    سيف : احلف انته بس ..
    عند العيش ..
    مانع : حروب عطني الملح .
    وعطاه حارب الملح .. ( طبعا حارب كان فنان فطبخ العيش ، كل ما يسيرون البر كان يطبخلهم العيش )..
    عند اللحم كانوا شغالين من الخاطر
    ياحيهم الشباب ..
    ع الساعه تسع ونص خلصوا كل شي وتعشوا .. وساروا يسبحون في الحوض..طبعا كانوا فاتحين كشافات
    فالمكان كان منور ..
    بوظبي ..
    بيت بو منصور .. بعد ماتعشوا سارت نوف غرفتها ..
    سارت تسبح وخلاف حطت راسها وطبعا الافكار توديها وتيبها كالعاده وبعد ما تعبت من التفكير ورقدت..
    والشباب فالعزبه تموا سهرانين لحد الساعه خمس صلوا الفجر ورقدوا ..
    .................................................. .................................................. ................
    يوم السبت نشت نوف الساعه ٩الصبح
    واتصلت فحمدايه وعتها وخلاف اتصلت فسلامي وشما و وعتهم ...
    ونزلت تحت شافت ابوها وامها ويدتها يتريقون . قعدت نوف حذال ابوها ..
    نوف : ابوي اريد اسير الحديقه انا و البنات ..
    محمد : سيروا ابوي ..
    خوله : انتي ماوراج مذاكره ماوراج امتحانات ..... بنات الناس مقطعين رواحهم مذاكره .. وانتي ماتشبعين هياته ..
    نوف : تو الناس ع الامتحانات بعده اسبوعين يدامي .. بعد العرس ببدا مذاكره ان شاء الله ..
    خوله:هيه جوابج جاهز امره مايحتاي
    نوف : بسير اتصل فالبنات يجهزون ..
    وسارت نوف غرفتها واتصلت فالبنات اللي استأذنوا من اهلهم وسمحولهم
    كانو (نوف ، حمده ، سلامي ، شما ، فطامي ، ميره ، عواش ، عليا ، ريم ، رواضي ) وساروا بسيارتين .. وشلوا وياهم من الخدم جورجي ، والين...
    وصلوا الحديقه وتموا ويسولفون ويتمشون ..
    عند الشباب نش سيف الساعه ١٢ ..
    ووعى الشباب اللي يالله بالغصب لين نشوا ..
    ان شاء الله يعجبكم البارت
    انتظروا التكملة

  6. Princess Flowers
    11-01-2012, 06:46 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني




    البارت الرابع




    ذايب في حبك ذايب
    حاظر ولا انت غايب
    لاتبتعد ياغالي
    هجرك اكبر مصايب

    وينك وينك وكيف حالك
    ياللي لقلبي مالك
    بشر تراني هالك
    ميت دون الترايب

    ليتك تعلم بحالي
    وانك شغلت بالي
    غالي بربك غالي
    وانك اغلى الحبايب


    قرب مني غناتي
    عود وابهج حياتي
    وارحم من هو يحاتي
    وازم دمع السكايب



    البنات تموا قاعدين فالحديقه من الصبح لين الساعه سبع ، وخلاف ردوا البيت .. اما الشباب اللي كانوا فالعزبه .. ردوا الساعه تسع ...
    بيت بو حمدان .
    حمده وميثه قاعدين فغرفة ميثه ..
    ميثه :حمدوه تدرين شفت امنو امس
    حمده بحماس : شفتي من ؟! حمد
    ميثه : اي حمد ؟
    حمده : حمد العامري ..
    ميثه : سيري لا .. اقولها تدرين شفت امنو .. اتقولي حمد العامري ..
    حمده من غير نفس : منو شفتي ..
    ميثه : شفت سلطان ..
    حمده : اي سلطان ؟!
    ميثه : سلطان ولد خالوه ..
    ميثه : اوه تصدقين انا ناسيه انا عندنا واحداسمه سلطان ويصير ولد خالوه
    ميثه : تفاجأت يوم شفته ..
    حمده : شكله حلو يعني احلى فالصوره ولا في الواقع ..
    ميثه : ماشاء الله عليه رحيم ..
    حمده : احلى عن حمد العامري ..
    ميثه : اقول قومي جلبي ويهج .. يلا برع ... كل كلمه والثانيه قالت حمد العامري ... عطيني مقفاج يالله ...
    حمده : من زين غرفتج انتي .. اصلا لازم انتي تحمدين ربج وتشكرينه ان الشيخه حمده داخله غرفتج .. اوكيه
    ميثه : الحمد لله والشكر .. يالله برع
    وظهرت حمده وبندت الباب وراها ..
    وردت فتحت الباب حمده: الميث ما قلتي هو احلى ولا حمد العامري ..
    وميثه دورت اقرب شي لها وكانت علبة كلينكس وفرتها صوب حمده اللي ع طول بندت الباب والعلبه يت عالباب .. وسارت حمده تحت وقعدت عندامها وابوها وتمت تسولف وياهم
    بيت بو منصور ..
    نوف قاعده ويا يدتها ومنصور ..
    منصور يلعب بعصا يدته اونه اييول فيها .. واليده مستانسه عليه ..
    نوف : انزين يوم بتيول يول بشي ع قدك يالهيس ..
    اليده : خليه فديته شو تبينه ..
    نوف : اخاف يضربها عراسي ويسببلي
    عاهه مستديمه ..
    اليده : تخافين ع روحج سيري بعيد .. نوف : تطرديني من حصيرتج .. افا
    وقامت نوف اونها زعلت ... خلاص خلي هالهيس ينفعج ..
    اليده : وين سايره تعالي اسوي وياج سوالف .. ماتقهرين السوالف انتي ..
    نوف بدلع : خلاص سامحتج بس لا تعيدينها اوكيه ..
    اليده : عطني عصاتي اكسرها فوق راس هالهرمه .. ومنصور سار صوب يدته يعطيها العصا.. ونوف شردت عنها وسارت غرفتها ..
    بيت بوسيف ..
    سعيد قاعد فغرفته يفكر .. اصارحها
    ولا ما اصارحها .. اخاف اصارحها و تردني .. واذا ردتني مابقدر اتحمل ..
    ياربي شو اسوي انا ارتاح مادري شو اسوي .. اخبر سلامي .. لا اخاف تفضحني هالهرمه ..... اكلم نوف..
    خلني اكلم نوفوه يمكن تساعدني
    واتصل سعيد بيت عمه ..وردت عليه
    ليليا .. ليليا : هلوو ..
    سعيد : هاي ، وير از نوف ؟
    ليليا : شي از ان هير روم ...
    سعيد : تيك ذا فون فور هير ..
    ليليا : اوكيه سير ، جاست امومينت
    سعيد : اوكيه ..
    وشلت ليليا الفون عند نوف اللي كانت قاعده عالنت .. دقت ليليا الباب
    نوف : تفضل .. ودخلت ليليا ...
    ليليا : سام بادي ونت تو توك تو يو ..
    نوف فخاطرها يمكن سيفي فديته وركضت شلت السماعه من ليليا ..
    نوف : الووووو
    سعيد : هلا نوفوه شحالج ..
    نوف بخيبة امل:هلا هذا انت سعيدان
    سعيد : ليش عبالج حد ثاني يعني ..
    نوف : ها لا قلت يمكن حمد ولا حد
    ثاني يعني ..
    سعيد : اها.. انزين نوفوه بغيتج ف سالفه ..
    نوف:خير ان شاء الله .. قول أسمعك
    سعيد : انتي فاضيه الحين ..
    نوف : هي ماعندي شي .. قول شو عندك ؟!
    سعيد : نوفوه انا احب ...
    نوف : انت تحب ... تحب منو ؟!
    سعيد : وحده ...
    نوف : ومنو هاي اللي سعيدة الحظ اللي يحبها سعيد ..
    سعيد : وحده تعرفينها زين ..
    نوف : يعني من بنات عماتي ..
    سعيد : هيه من بنت عمتي ..
    نوف : انزين اي عمه فيهم ومنو اللي تحبها ..
    سعيد : بنت عموه مهره ..
    نوف : ميثه ولا حمده ..
    سعيد : حمده ..
    نوف مستانسه : قول احلف ..
    سعيد : احلف .. هع هع..
    نوف : والله حمده تستاهل .. تنحب وبصراحه يابختها دامك بتضويها يا سعيد ، وانت بعد يابختك فيها ...
    سعيد : يعني بتساعديني .. بتكلمينها
    نوف : اوف كورس .. لا تحاتي دام نوف موجوده فالسالفه ارقد وامن ..
    سعيد : لا خليت منج يابنت عمي ..
    نوف : افا عليك ياسعيد انت اخوي ..
    سعيد : والله يابخته اللي بيضويج ..
    نوف : احم احم .. اخجلتم تواضعي
    وجان استحي .. يالله اجلب ويهك الحين برقد باجر وراي سكول ..
    سعيد : انزين متى بتخبرينها ..
    نوف : باجر ان شاء الله ..
    سعيد :يالله عيل بخليج الحين رقدي ..
    نوف : يالله تصبح ع خير..
    سعيد : وانتي من اهله
    وبند سعيد عن نوف وهو مرتاح ..
    ونوف استانست وايد لسعيد وحمده ..
    يارب متى يي اليوم اللي يعرف سيف لحبي له..ياي يعني انا وحمده بنسكن
    فنفس البيت ..ياي كشخه ...
    ياترى بيتحقق حلمج يا نوف .. بتعيشين مع حمده فنفس البيت ..
    ماندري شو مخبتلج الايام يا نوف ..
    ورقدت نوف مع احلامها ..
    يوم الأحد ..
    فمدرسة نوف ..
    فالصف كانت قاعده نوف وحذالها حمده . كان عليهم انجليش والحصه كانت حصة مراجعه لانهم مخلصين المنهج ..
    حمده تساسر نوف : شو الموضوع المهم اللي بتقوليلي اياه ..
    نوف : شفيج انتي .. لاتستعيلين ع رزقج صبري يوم بنرد البيت بخبرج ..
    حمده : لا والله وانا شو يصبرني لين نرجع البيت .. يالله عاد قولي ..
    المس : حمده قيت اب اند انسر ذا كويسشن ناو ..
    حمده وقفت : سوري مس بات كان يو ربيت ذا كويسشن اي دونت ليسن تو يو يور فويس از لاو ..
    المس : هاو كان يو ليسون تو مي اف يو توكين تو يور فريند ..
    حمده : نو مس اي اسك هير اباوت سام ثينج ان ذا بوك ..
    المس:سيت داون اند شات يور ماوث
    حمده بصوت واطي فقدتج يالخامه
    المس : وات وات دو يو سيه؟
    حمده : نو اي سيه اوكيه ميس
    نوف ناقعه ضحك ع حمده اللي حصلت هزبه محترمه من المس ..
    حمده : ضحكتي بلا ضرس ..
    وبعد خمس دقايق دق الجرس و ظهرت المس من الصف ..
    حمده : يالله عساها روحه بلا رده ..
    البنات : امين ..

  7. Princess Flowers
    11-01-2012, 06:47 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني




    البارت الخامس

    سرى فكري وخلق الله نياما
    سرج قلبي مشاعر وجد قلبه
    جدى من هو سرج فكري وشاما
    وخطواتي سرت في ليل دربه
    كثير الشوق للمغرم هياما
    متاهات وضياع وهم غربه
    طريقه صعب وعر وما يراما
    ويبشر بالوهم من هو يمربه
    جموح خيول و رماح وسهاما
    رموش كأنها طعنات حربه
    ضحايا نظرته ياما و ياما
    ويحلم ترى من يحلم بقربه
    عيونه من نظرها ما يلاما
    إذا منه نسى قوته وشربه


    وبعد خمس دقايق دق الجرس و ظهرت المس من الصف ..
    حمده : يالله عساها روحه بلا رده ..
    البنات : امين ..
    حمده : يالله قولي دبوه ..
    نوف : قلتلج يوم انسير البيت ها موضوع عائلي لازم نناقشه فالبيت ..
    حمده : عادي هايله من الاهل قولي
    (كانوا قاعدين حمده وعوشه ومنال ونوف)
    نوف : اوف حشى مافيها صبر هالبنت ..
    عوشه. : خلاص احنا بنسيرخبريها..
    نوف : جب بتقعدون ولا اعطيكم بكس ..
    حمده : قعدوا لا اير شعركم يرررر وأقرعكم .. نوفي يالله قولي ..
    وخبرتها نوف سالفة سعيد وشو قالها
    منال :اويه شوفوا حمدو ويهها احترق ..
    حمده : جب جب جب ..
    نوف : شفتي حمدوه انا وانتي حصلنا خوان ..
    حمده ببراءه : ياي بنسكن فنفس البيت وناسسه ..
    عواش : شوفوا شوفوا .. خلاص نوفي قولي حق سعيد عروستنا وافقت ..
    حمده قفطت وماعرفت شو تقول ..
    نوف : يالله متى بيكون دوري ويني سيفي ويقولي انه يحبني مثل ماحبه
    حمده : يارب يحققلج اللي تبينه ..
    البنات : امين ..
    دق الجرس ..
    نوف : اويه دق الجرس وانا ماشريت شي اكله .. كله منج يالخامه حمدوه
    وركضت نوف صوب المقصف والبنات
    وراها ساروا شروا ورجعوا الصف ..
    مدرسة الاولاد ..
    حمود ، بروك ، علاوي ، وربيعهم خلود .. مطفرين فالاستاذ ..
    حمود : أستاذ ماشي حوض سباحه فشقتك ..
    الاستاذ : وأعمل فيه ايه حوز السباحه
    بروك : تتسبح فيه وترحم خلق الله من ريحة صنانك ..
    الاستاذ : ايه صنانك ده ؟؟
    خلود : استاز انا بأول خلك على عماك أحسن ..
    الاستاذ : اصدك ايه يابني ..
    علاوي : استاذ قصده يعني انت خديه ..
    الاستاذ : وايه يعني خديه ..
    بروك : استاذ هذي كلمة مدح .. قولها للمدير بيحبك .. قوله يا استاذ مدير انت خديه ..
    الاستاذ : خلاص هأولو لما أبأا اشوفوه وانشوف ايه اخرتها معاكو ..
    حمود : استاذ قول انا خديه ..
    الاستاذ : انا خديه ..
    والاولاد كلهم نقعوا ضحك عالاستاذ
    وحليله الاستاذ يضحك ياهم .. وهو زي الاطرش فالزفه ..
    ..........................................
    الساعه٣ فبيت بومنصور .. بعد ما تغدت نوف سارت غرفتها واتصلت بيت عمها بو سيف ..
    كانوا قاعدين فالصاله ( سيف ، سعيد, سلامي ، مريامي ) رن الفون واقرب واحد كان سعيد ... ورد
    سعيد: السلام عليكم ..
    نوف : وعليكم السلام ..
    سعيد : هلا والله تدرين كنت بدق لج بس عمرج طويل .. انتي دقيتي ..
    والقاعدين مستغربين سعيد يكلم من ...
    وسار سعيد بعيد عنهم ..
    سعيد : شو كلمتيها ... شو قالتلج ؟!
    نوف : بسم الله شفيك خذتني بشراع وميداف .. شوي شوي علي ..
    سعيد : نوفوه لا تلعبين بأعصابي قولي كلمتيها ..
    نوف : حد عندك .. ولا روحك !!
    سعيد : محد عندي رمسي . ذليتيني ..
    نوف : اوف هيه كلمتها ..
    سعيد : شو قالت !؟
    نوف : مبروك منك المال ومنها العيال
    سعيد مستانس : يعني وافقت ..
    نوف : ع شو توافق يالهيس ..
    سعيد : علي حبي لها ..
    نوف : هي وافقت .. مبروك و تستاهل ياسعيد فرحتلكم وايد ..
    سعيد : قولي امين ..
    نوف : امين ..
    سعيد : الله يرزقج اللي فبالج ويفرح قلبج مثل مافرحتي قلبي .. يالله بخليج الحين .. شو فخاطرج ؟!
    نوف : اميين .. سلامتك .. يالله فارج ..
    وبنذت عنه نوف وسار صوب خوانه وحط الفون ..
    سعيد : انا ظاهر شي فخاطركم ..
    سيف : كنت اتكلم امنو ..
    سعيد : ها حمد ول عمتي ..
    سيف : وحمد استوى مؤنث ..
    سعيد : لا انا كنت اتخيله حرمتي ..
    مريامو : لا اتخبل اخوي .. لازم اخلي امايه تيوزك ..
    سعيد : يلا باي .. وظهر عنهم ..
    شلت سلامي السماعه واتصلت ف نوف ..
    سلامي : الووووو
    نوف : مرحبووووو
    سلامي : مراحب .. كيفو
    نوف : منيحوو
    سلامي: بتداومين باجر ؟!
    نوف :اي دونت نو .. كيف تبيني اغيب وخوله راسها يشم الهوا ...
    سلامي : هاهاي ، بصراحه انتي سوالفج مع عموه خوله .. تحفه..
    نوف : ايه ليش اتقولين عن خوله تحفه ان ماخبرتها ..
    سلامي : سيري لاه انا ماقلت عمو خوله تحفه انا قلت انتي التحفه ..
    نوف : جب جب يالهرمه .. اقول
    سلامي : قولي يا ألبي ..
    نوف : من عندكم ..
    سلامي : محد ..
    نوف (حليلها تبا تسألها اذا سيف موجود او لا بس ماتعرف كيف ) :اها
    سلامي : اقول انتي كلمتي سعود من شوي ..
    نوف : سعود اخوج (تستهبل الحبيبه)
    سلامي : هيه
    نوف : لا ماكلمته ليش تسألين ..
    سلامي : لا بس جيه ..
    نوف : اها
    سلامي : المهم كنت بقولج نحن بنغيب من باجراصلا احنا خلصنا كل المواد .. نقعد نذاكر فالبيت احسن ..
    نوف : يعني خلاص مابتداومون ..
    سلامي : هي خلاص ما بنداوم ..
    نوف : خلاص انا بقول لامايه ان ما شي دوام وبخليها تكلمج عسب تتأكد ..
    سلامي : لا والله تبيني اكذب عليها ..
    نوف : عادي كذبه بيضا ..
    سلامي : لا بيضا ولاسوده انا اذا كلمتها بقولها الصدق ..
    نوف : هي عسب ما ترضى ..
    سلامي : انتي شدراج يمكن ترضى
    نوف : امبوسيبول مستحيل ..
    سلامي : انا بحاول اقنعها ..
    نوف : ماتعرفينها امايه مخها مقفل ..
    سلامي : بنحاول نفتح مخها ..
    نوف : سيري لا .. يالله باي ماتنفعين
    وبندت سلامي عن نوف ...
    نزلت نوف تحت عند وشافت امها و يدتها ومنصوري قاعدين ..
    نوف : هاي ..
    خوله : الناس يقولون السلام عليكم
    نوف : وعليكم السلام ... امايه ..
    خوله : خير ان شاء الله .. شعندج ؟!
    نوف : الخير فويهج فديتج ..
    خوله : لا وراج شي انتي مب فاضيه ..
    نوف : خلاص مابداوم ..
    خوله : وشعنه ماتداومين ان شاء الله
    نوف : خلاص .. خلصنا المنهج .. و بعدين نقعد فالبيت نذاكر احسن من الروحه للمدرسه بلا هدف ..
    خوله : احلفي انتي بس ..
    نوف : والله ..
    خوله : ماشي دام بنات الناس يداومون انتي بعد داومي ..
    نوف : وانا شعلي من بنات الناس ..
    خوله : انتي مب احسن منهم انتي ترقدين وهم يداومون ..
    نوف : ومن قالج ان البنات يداومون اصلا بنات المدرسه كلهم بيغيبون محد بيداوم غير المدرسات والفراشات والحارس
    .. وتبيني انا اداوم وياهم ..
    خوله : سيري ذاكري بلا هذره زايده
    نوف : ذاكرت الحين عندي بريك اربع ساعات ..
    خوله : ماشاء الله تذاكرين ساعه و بريكج اربع ساعات ..
    نوف : انا بسير بيت عموه مهره ..
    خوله : قعدي مكانج يالله انتي مول ما تقعدين فالبيت ..
    نوف : انتي مول ما تخليني اتنفس ..
    خوله : اتنفسي هني مب لازم تتنفسين بيوت الناس ..
    نوف : والله انا مب سايره بيوت الناس انا سايره بيت عمتي اللي هي امي يعني مب سايره بيوت الناس ..
    خوله : ملسونه .. محد يقدر عليج ..
    نوف : احم احم فديتني .. باي
    اليده : لا تسيرين روحج خلي وحده من البشاكير اتوصلج ولا خذي وياج اخوج ..
    نوف : ان شاء الله بخلي روز توصلني خلي اخوي يستريح مابا اتعبه
    منصور : انا بسير وياج ..
    نوف : لا حبيبي استريح .. انا بسير بيت عمو موزه.. عند شموه ..
    منصور : لا مابسير وياج عيل .. (منصور مايحب شما لانها دوم اتلعوز فيه ) ...
    نوف : يالله بايات ..
    وظهرت نوف وسارت صوب بيت عمتها مهره .. طبعا ما خلت الخدامه توصلها سارت روحها ..
    دخلت نوف الصاله وشافت حمدان قاعد فالصاله ..
    نوف : هلا المعرس كيف الهمه ؟!
    حمدان : عال العال ..
    نوف : وين الهرمه ؟!
    حمدان : حمدوه ..
    نوف : هيه خبلوه ..
    حمدان : مادري عنها ..
    نوف : شو تعرف انت ؟! انت ليش عايش فالدنيا .. الله يعينها نواري اسميها ابتلشت فيك ..
    حمدان قام ومسكها من خدودها : شو قلتي عيدي رمستج !
    نوف : اي توبه توبه توبه .. اخر مره ..
    وهدها حمدان : عيديها بعد مره ثانيه
    وسارت نوف صوب الدري : بعيدها و طلعت لسانها وركضت فوق..
    حمدان : ما عليه يالهرمه برويج ..
    نوف سارت صوب غرفة حمده : هاي
    حمده : هايات .
    نوف : كيفو .
    حمده : منيحوو ..
    نوف : شو عم تعملي ..
    حمده : ماعم بعمل شي ..
    نوف : اومي خلينا نروح بيت عمو بو علي
    حمده : شو .. لا مابدي خلينا هون ..
    نوف :ليش تستحين اتجابلين العاشق الولهان ..
    حمده : جب جب ..
    نوف : خيبه شو هالدفاشه . الله يعين ولد عمي عليج ..
    حمده:اصلا حظه يوم بيضوي الشيخه حمده ..
    نوف : مغرور متكبر وشايف نفسه ..
    حمده : فديتني يحق لي ..
    نوف : انا سايره بيت عمي بتسيرين ولا اسير اشل شموه تسير معاي ..
    حمده : لا خلاص بسير وياج اتولهت ع سلامي فديتها ..
    نوف بخبث : اتولهتي ع سلامي ولا ع اللي خبري خبرج ..
    حمده قفطت : جب يالهرمه يلا مشينا
    نوف: لا خلاص مابسير غيرت رايي .
    حمده : قومي عاد بلا هبل يالله ..
    نوف : ويت بشوف اذا سيارة سيفي هناك بسير واذا مب هناك مالي حايه عندهم ما بسير ..
    حمده : لا والله ليش احنا رايحين عند سيفج ..
    نوف ما عطتها سالفه وظهرت سارت غرفة حمد عسب اتشوف اذا سيارة سيف موجوده .. وحمده لحقتها..
    فتحت الستاير وشافت سيارة سيف موجوده ..
    نوف : يالله انسير سيفي موجود ..
    حمده : الله يعينج على ما بلاج ..
    نوف : يالله نسير قبل لا يطلع سيفي
    حمده: يالله انسير قبل لا يضيع مستقبلج يالله .
    وساروا البنات بيت بو سيف ..
    فالدرب ..
    نوف : خلاص مابداوم الا للامتحانات
    حمده : اونه ، وعموه شو قالت ..
    نوف : شو بتقول يعني .. ماقالت شي
    حمده : غريبه اكيد هدوء ما بعد العاصفه..
    نوف : والله انا قلتلها وكيفها ..
    حمده : خلاص انا بعد ما بداوم .
    وصلوا عند الباب ودخلوا وهم داخلين ظهر سيف وسار يركب سيارته ..
    نوف : لا لا تسير وين ساير انا يايه اشوفك وانت ساير ..
    حمده : صدق منحوسه هع هع هع
    وصلوا صوب سيف ..
    البنات : السلام عليكم ..
    سيف : وعليكم السلام .. شحالكم بنات ..
    البنات : يسرك الحال .
    سيف : يالله شي بخاطركم ؟!
    حمده : سلامتك ..
    سيف : عيل فداعة الله ..
    حمده : ربي يحفظك
    وسار سيف صوب سيارته ..
    حمده استغربت سكوت نوف : نوف شو فيج ليش ساكته ..
    نوف : لا حظتي .. سيفي ماقال لي دلوعتي .. ما قال لي .. اول مره يسويها .. حمده سيفي مايحبني ..
    حمده : يمكن لاني كنت وياج ..
    نوف : لا مستحيل .. هو يقولها يدام كل حد عادي .. حمدوه ما يحبني ما قال لي دلوعتي .. سيفي ما يحبني
    حمده : خلاص خلينا نسير داخل ..
    نوف : ما قدر .. احس بضيج برد البيت
    حمده : دخلي داخل وريحي ..
    نوف : ماريد قلتلج ابا ارد البيت ما تفهمين انتي .. وخلتها وسارت بس حمده لحقتها .. وصلوا بيت بومنصور ودخلوا
    نوف ع طول سارت داخل من غير ماتكلم حد ..
    اما حمده وقفت اتسلم عامها العوده وحرمة c


    اما حمده وقفت اتسلم عامها العوده وحرمة عمها .. وسارت حبت راس امها العوده ، ووايهت حرمة عمها ..
    وسارت لحقت نوف اللي طاحت ع سريرها وقعدت تصيح .. وحمده تحاول تهديها ..
    حمده : نوفي لا تكبرين السالفه ما صار شي لا تسوين فروحج جذي ..
    نوف وهي تصيح : ما يحبني سيفي مايحبي ..
    حمده : وانتي شدراج انه مايحبج ..
    نوف : ما قالي دلوعتي ماسأل عني
    حمده : يمكن الريال كان مستعيل..
    نوف : لا هو اصلا مايحبني انا ادري انه مايحبني .. وتمت تصيح لين رقدت
    وخلتها حمده وظهرت .. حمده ف خاطرها الله يعينج يانوف هذا لانه ما قالج دلوعتي وماسأل عنج جيه سويتي لو صار شي ثاني شو بتسوين
    وسارت تحت قعدت عند يدتها شوي وخلاف ردت البيت ..
    نوف نشت الساعه تسع .. بكسل ..
    ياويلي الساعه جم وشافت ساعتها اويه الساعه تسع انا ماصليت المغرب ولا العشا .. وسارت تصلي .. وخلاف نزلت
    تحت شافت امها وابوها قاعدين
    نوف : السلام عليكم ..
    الكل : وعليكم السلام ..
    محمد : ماشاء الله كل ها رقاد ..
    نوف ابتسمت ابتسامه باهته : محد وعاني ..
    خوله : انا ع بالي واعيه .. مادري انج راقده ..
    نوف : وين امايه سلامه ..
    خوله : اتعشت ورقدت ..
    نوف : وانتو تعشيتوا ..
    خوله : ابوج تعشا بيت عمج .. وانا عشيت منصور وتعشيت وياه ..
    محمد : سيري خليهم يحطولج عشا ..
    نوف : مالي نفس .. بسير اكمل رقادي .. يالله تصبحون ع خير ..
    خوله : زين روحي نامي باجر وراج مدرسه ..
    نوف : ما شي مدرسه ولا تتعبين روحج وتوعيني لاني ما بسير اوكيه ..
    خوله : جيه بكيفج هوووو ..
    نوف : ياسلام بنات المدرسه كلهم يغيبون وانا ادوام .. والله ما سرت ..باي بسير ارقد ..
    خوله : مب لسان عليج ... ؟!
    محمد : خلاص خوله خليها ع راحتها .. روحي ابوي ارقدي ..
    نوف : تصبحون ع خير ..
    الكل : وانتي من اهله ..
    وسارت نوف صوب غرفتها وحطت راسها .. وتمت تفكر
    ياربي ليش انا من بد خلق الله اتعذب ياربي متى بيحس بي سيفي .. تعبت والله تعبت.
    نامي يانوف خلاص نامي لا تفكرين فشي نامي وريحي بالج
    وبعد صراع مع نفسها نامت نوف ..
    مرت الايام بدون اي احدث مهمه تذكر ..
    يوم الاربعاء ...
    البنات متيمعات ف بيت موزه عسب يتحنون كانوا ثلاث حنايات يايين يحنونهم وحده تحني العروس
    واثنين يحنون البنات .. الكل موجود ماعدا نوف اللي ما تحب الحنا ...
    ومن الساعة ثلاث الظهر لحد الساعة سبع , المحنيات تمو يحنون البنات واللي هم ..
    حمده , مريامي , ميثه , شما , سلامي , فطامي , عليا , ميره , ريم , عواش , روضه ,
    حصه , ساره ..
    وكانو يايين بنات عم شما اللي هم ( وضحه 18 , العنود 16 سنه ) عسب يتحنون وياهم ..
    نوف نشت الساعة سبع لانها كانت راقده .. طبعا سهر طول الليل ورقاد طول النهار ..
    غسلت ويهها وصلت المغرب .. ونزلت تحت وشافت مافي حد فالبيت ..
    نوف بصوت عالي : وينكم ياهل البيت وين سرتوووووووا ؟؟ << محد بيسمعج الناس كلهم مشغك ولين بالعرس
    لبست شيلتها وظهرت من البيت .. (( خلال هاليومين نوف وايد كانت متضايقة من الموقف اللي صار قبل يومين
    من سالفة سيف ) ..
    وهي ظاهره شافت سيارة ظاهره من بيت عمها بوسيف .. كملت طريجها ... وتمت تمشي صوب بيت عمتها موزه ..
    بس وقفها صوت كان يناديه ..
    سيف : دلوعتي ..
    نوف التفت صوب الصوت ( ها سيفي قلبي حياتي .. لا سيف يحبني بعده يحبني لوما كان يحبني ما زقرني بدلوعته
    سيف يحبني وانا الغبية كنت اتحسبه خلاص ما يحبني .. اه فديت حسك انا والله اتولهت عليك ) : لبيه ..
    سيف : لبيتي حايه .. وين سايره ؟؟
    نوف : سايره بيت عموه موزه عند البنات ..
    سيف : ركبي بوصلج يالله ..
    والحبيبه ما صدقت ع طول سارت ركبت ..
    سيف : ها اشحالج , وشخبار الدراسه ؟
    نوف : ما نشكي باس ..
    سيف : والدراسه ؟؟
    نوف : ها , تمام ..
    سيف : يالله شدي الهمه نبي نسبه ترفع الراس ...
    نوف : لا توصي اصلا انا ناويه اييب نسبه ترفع راسي وراس اهلي فوق ..
    سيف : بنشوف .. امممم واذا كانت نسبتج فوق الخمس وتسعين .. لج عندي هديه غاويه ..
    نوف : والله .. وشو الهديه ..
    سيف : لا عاد الهديه مفاجأه .. انتي عاد شدي حيلج عسب اتحصلينها ..
    نوف : ان شاء الله .. انت بس ادعيلي ..
    سيف : الله يوفقج إن شاء الله ..
    نوف : امييين ..
    وصلوا عند بيت عمتهم موزه ..
    نوف فتحت الباب : يالله فداعة الله ..
    سيف : الله يحفظج .. ..
    نوف : تيك كير ..
    سيف ابتسم : لا توصين .. يالله سي يو ..
    نوف : سي يووو .. وظهرت من السيارة و بندت الباب ..
    اوف شو هالحاله .. عموه ما عرفت تودي بيتها بعيد شوي .. لو خلته ف الحاره الثانيه ...
    وكانت تمشي وهي تتحلطم .. دخلت داخل وسارت صوب البنات اللي كانوا مخصلين
    حنا ..
    نوف مستانسه : هاي بنات
    حمده : ما شاء الله اشوفج مستانسه اليوم .. شو طاري عليج ؟؟
    سلامي : خليها مستانسه .. نوفي ما تتحنين .. اذا تبين تراها اللي تحني نواري بعدها ما روحت خلها
    تحنيج ..
    نوف : لا ما ابا اتحنا انا .. لا لا الوضيحي والعنود هني ومحد خبرني ..؟؟ اشحالكم ؟؟ شخباركم ..
    الوضيحي : ما نشك باس ومن صوبج ..
    نوف : انا اليوم .. اشقح .. كككك
    الوضيحي : يعلج على هالحال دايم ودوم ..
    نوف : وياج حبووووبه . وين العروس بشوف حناها ..
    ميثه : بعدها ماخلصت ...
    نوف : اها .. شو الوضيحي انتي والعنود بتباتووون ولا بتسيرون ..
    الوضيحي : لا بنبات عسب باجر انسير الصالون ويا شموووه ..
    نوف : زين عيل كلنا بنسير رباعه ..
    شما : بتباتين عندنا اليوم ..
    نوف : لا , بسير البيت بسبح وبهيأ نفسي لباجر ..
    شما : نمر عليج انشلج ويانا يوم انسير ..
    نوف : لا بسير ويا دريولنا .. ابا اسير بكيفي ما اتقيد مع حد ..
    شما : اها زين عيل نتلاقى ف الصالون باجر ..
    ميثه : حمدوووه قومي نسير البيت ..
    مريامي : وين تو الناس ..
    ميثه : بسير بشوف حمدان كان يباني قلتله بتحنى واسيرله ..
    مريامي : لا دام المعرس يباج خلاص مرخووصه سيري ..
    ميثه : شو حمدوه بتسيرين وياي ..
    حمده : نوفي قومي نسير وياها ..
    نوف : انا قلت بقعد شوي وياكم وبسير البيت ..
    حمده : انزين نوصل ميثه وبسير وياج بيتكم ..
    نوف : خلاص دام جيه يالله عيل مشينا ..
    وظهرا ميثه وحمده ونوف سايرين صوب بيت مهره ..

  8. Princess Flowers
    11-01-2012, 06:49 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني




    البارت السادس

    إذا حكم القدر إني أحبك
    أنا مالي على الأقدار حيله
    تولع قلبي العاشق بقلبك
    و قلب الحي في الدنيا دليله
    غلاك اللي سكني عند ربك
    مشاعر جارفة كالسيل سيله
    عيوني يا عيوني تبتعد بك
    همومي منك و إن بانت قليله
    حجبت الشر عن شرقك و غربك
    خوي القلب يا خلي و خليله
    أشوف العمر باقي العمر قربك
    حظوظ الغير يا خلي بخيله
    إذا عارض تعرض دون دربك
    أنا اشهد زلته زلزال حيله
    يفكر ألف مرة و لا يمر بك
    و تالي قصته قصة طويله
    و إذا قلبي و هو قلبي امتحن بك
    ترا روحي من أسبابك جتيله
    أحبك لا و لا روحي صخت بك
    دلال و حسن و وصوف جميله
    جمالك بين هالعالم ظهر بك
    فتنة العين يا برق تخيله
    و اعرف الحب من دقات قلبك
    وجودي وسط هالعين الكحيله



    وهم ظاهرين حدرت سياره البيت .. كانت السيارة رنج سبورت.. بيضا ..
    سلطان نزل دريشته : السلام عليكم ..
    نوف : وعليكم السلام .. هلا والله بالشيخ سلطان .. ما شاء الله منور حارتنا اليوم شو عندك ؟؟
    سلطان : انتي نوفووووه صح ..
    نوف : هي سلطانوووه انا نوف ما شاء الله كيف عرفتني ..
    سلطان : انتي كيف عرفتيني ؟؟
    نوف : والله صورك تارسين البيت كلما لفينا بصوب شفنا صورتك .. خلاص حفظنا شكلك .. ككك
    وانت كيف عرفت اني نوف ..
    سلطان : اممممم قالولي انج ملسوووونه .. والحين تأكدت من صحة كلامهم ..
    نوف : قول احلف انت بس ..
    سلطان : احلف .. ومن الحلوات اللي وياج ..
    نوف : ايه لا تغازل بنات عمتي عيب عليك استح ع ويهك ..
    سلطان : ليش شو قلت ..
    نوف : قلت من الحلوات .. منقود تقول هالرمسه ..
    سلطان : انزين ما عرفتيني على بنات خالتي ..
    نوف اشرت ع ميثه : هاي ميثه وهاي حمدوه ..
    سلطان : حي الله ميثه وحمدوه ..
    ميثه وحمده : الله يحييك ..
    سلطان فخاطره هاي اللي شفتها ف بيتنا هاك اليوم يعني كانت بنت خالتي مهره : يالله شي
    فخاطركم ..؟؟..
    نوف : هيه وصلنا بيت عموه مهره ..
    سلطان : وغيره ؟؟
    نوف : هيه قول ما تبا توصلنا وخلاص ترى مب من بعد البيت ..
    سلطان : تراج قلتيها مب من بعد البيت .. اذا بتتريووني نص ساعة ابدل وانزل بوصلكم ..
    نوف : وانت مول ما تقعد فالبيت .. ياخي حجرتك متولهه عليك . من زمان ما شافتك ..
    سلطان : حليلها اشتكتلج هيه .
    نوف : هي اشتكتلي حليلها .. مشتاقه حق راعيها ..
    سلطان : شو بترريوني البس ولا ..
    نوف : لا يابوك فالنص ساعة هاي بنكون وصلنا البيت واتعشينا ورقدنا بعد ..
    سلطان يضحك ع سوالف نوف : هههه .. خلاص عيل برايكم سيروووا ..
    ووجه كلامه لميثه : المعرس موجود فالبيت ؟؟
    ميثه : هيه قاعد ف البيت ..
    سلطان : خلاص قوليله اني بمر عليه شوي .
    ميثه : ان شاء الله
    سلطان : يالله فداعة الله ..
    نوف : الى اللقاء .. ولا ندري متى بيكون يوم اللقاء ..
    سلطان : الى اللقاء ..خخخخخ
    دخل سلطان وساروا البنات صوب بيت مهره ..
    سارواميثه ونوف وحمده بيت مهره ..
    دخلوا الصاله وشافوا حمدان قاعد فالصاله ..
    البنات : السلام عليكم ..
    حمدان : وعليكم السلام ..
    نوف : خاطري مره ادخل البيت وما اشوفك قاعد فالصاله .. انزين غير المكان..ترى الكرسي يشتكي منك
    حمدان : انزين انتي ليش تعبانه شو فيج ؟!
    نوف : فيني حمى داخليه مسببتلي قلق دائم ..
    حمدان : الله يشفيج ..
    نوف : انزين ترى في واحد بيزورك اليوم ..
    حمدان : منو هذا اللي بيزورني ! و انتي شدراج ؟
    نوف : محد خبرني .. مكتوب ع يبهتك
    حمدان : ما شاء الله عليج .. تقريين اليباه انتي بعد ..
    نوف : هي فديتني خطيره .. تتحداني
    حمدان : سيري سيري . جلبي ويهج يالله .. بعدين انتي اربع وعشرين ساعه قاعده فبيتنا ما عندج بيت انتي نوف : والله يوم بكون قاعده فبيتك تعال حاسبي اوكيه .. وانا قاعده فبيت ابوي الله يخليه ويطول عمره ..
    وشلت حمده وساروا فوق مع ميثه ..
    بعد نص ساعه .. دخل سلطان .
    سلطان : هود هود ..
    حمدان ( والله ساحره هالبنت قالت واحد بييك وياني سلطان ): اقرب اقرب .. وقام حمدان يوايه سلطان ..
    حمدان : لا سلطان بلحمه داخل بيتنا
    سلطان : ليش يعني حرام ادخل بيت خالتيه ..
    حمدان : لا بس غريبه يعني مب من عوايدك ..
    سلطان : شفت عمري فاضي قلت بمر اسلم عليك ..
    حمدان : ان شاء دوم تفضا يارب ..
    سلطان : والله ياخي مشاغل الدنيا ما تخلص ..
    حمدان : والله مشاغل الدنيا المفروض ما تاخذك من اهلك واتخليك تقطعهم وما تواصلهم ..
    ياخي انت ناسي ان عندك يده والله كل يوم تسأل عنك وين سلطان وين سلطان ..
    سلطان : يالله ان شاء باجر الصبح بمر اسلم عليها .. انا ساير شي ف خاطرك ..
    حمدان : تو الناس يا ريال ..
    سلطان : عندي شغل .. باجر بجابلك طول اليوم ..
    نزلت نوف عسب اتسير بيتهم ..
    نوف : ماشاء الله حمدان عندك ضيوف ..
    حمدان : انتي ساحره صح ..
    نوف : احم احم يقولون ..
    سلطان : شو السالفه ..
    نوف : عيوز مخالفه .. خخخخخخ
    سلطان : يالله بخليكم انا فداعة الله نوف : عقني فطريجك بيتنا ..
    سلطان : امشي يالله ..
    نوف : باي معرسنا ..
    حمدان : باي ياخبله ..
    نوف ركضت عند الباب وقبل ماتطلع قالت له : حرمتك الخبله .. يالثور و طلعت لسانها وشردت برع سارت وقفت عند سيارة سلطان تترياه يوصلها ..
    ظهر سلطان وركب السياره .. وركبت نوف يدام .. وتحرك سلطان ..
    نوف : ممكن اسألك سؤال ..
    سلطان : سألي ..
    نوف : انت ليش جيه عايش .. بعيد عن اهلك وعن الناس محد يشوفك ولاجنك واحد من العايله .. لا تنشاف لا فالاحزان ولا في الافراح .. ليش؟!
    سلطان : ما شاء الله كل ها سؤال ؟
    نوف :هيه،اصلا انا من زمان خاطري اشوفك عسب اسألك هالسؤال ..
    سلطان : مشاغل الدنيا ..
    نوف : حشى هالمشاغل ماتخلص انت طول عمرك مشغول ..
    سلطان : اممم . كل ماخلصت شغله تيني شغله ثانيه شو اسوي عاد ..
    نوف : انزين .. شو هالأشغال خبرني
    سلطان : هاي سوالف ريايل مب لازم الحريم يعرفونها ..
    نوف : لا والله شو يعني هالسوالف مال الريايل .. يعني شغلك هو المغازل صح ..
    سلطان : انزين يالله نزلي وصلنا .. بسير عندي شغل ...
    نوف : شو الحبيب مواعد ..
    سلطان : ههههه .. نوفي نزلي يالله ..
    نوف : انزين انزل سلم ع امايه العوده ..
    سلطان : لا الحين ماعندي وقت باجر ان شاء الله ..
    نوف : قلتلي باجر ها .. وجربت نوف من سلطان وحطت ايدها صوب السكان ومسكت السويج وبندت السياره وشلت السويج ونزلت ..
    اما سلطان اتصنم مكانه .. من الحركه اللي سوتها نوف ... قويه ..
    سلطان ضحك على عفوية نوف ..
    سلطان : والله مستعيل يابنت الناس عندي شغل عطيني السويج خليني اسير ..
    نوف سارت صوب الباب : انزل سلم ع امايه العوده بعطيك السويج سير وين ما تبا تسير ..
    سلطان : عنيده ..
    نوف : من زمان انت تودك تعرف ..
    سلطان خلاص نوف حطته تحت الامر الواقع نزل وساروا داخل هو و نوف .. وصلوا صوب غرفة اليده و دخلوا : السلام عليكم ..
    اليده اللي كانت يالسه ع سريرها ..
    وعليكم السلام ..
    وسار سلطان وحب راس يدته : اشحالج الغاليه .. عساج مرتاحه ..
    اليده : امنو سلطان .. اشحالك يامايه وينك انت يابوي مانشوفك ولا تسأل عن امك عايشه و لا ميته ..
    سلطان : الله يطول بعمرج الغاليه .. مشاغل يامايه ..
    اليده : وهالشغل مايخلص ابد .. نوفون تعالي سلمي ع ولد عمتج هذا سلطان ..
    نوف ناقعه ضحك ع يدتها ..
    اليده : ضحكتي من سرج . اقولها تعالي سلمي ع ولد عمتج تضحك الهرمه ..
    نوف دخلت الغرفه : شحالك ولد عمتي عساك مرتاح ..
    سلطان يضحك : مانشكي باس ..
    نوف : يعله امديم ياربي ..
    سلطان : وياج .. يالله امايه انا ساير عندي شغل ..
    اليده : فداعة الله .. ولا تقطع ياوليدي
    سلطان : ان شاء الله .حب راسها و ظهر .. ونوف لحقته ..
    سلطان : السويج ..
    نوف : تفضل .. ولا تقطع عاد ..
    سلطان ابتسم : ان شاء الله .. يالله شي بخاطرج ..
    نوف : سلامتك .. تعال عطني رقمك انت الوحيد اللي ما عندي رقمه عفان الله حتى خواتك مايعرفون رقمك ..
    سلطان عطاها الرقم وخذا رقمها وسار عنها صوب ربعه .. اما نوف سار تتعشى وخلاف رقدت ..



    "ياترى هل سلطان يكون له دور ف حياة نوف .. هل نوف تقدر تخلي سلطان يقرب من اهله وتلعب دور مهم فحياته ..
    هل سلطان راح يكون له دور مهم فالقصه .. كل هالأسئلة بنعرف اجابتها مع الايام "..


  9. Princess Flowers
    11-01-2012, 06:50 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني




    البارت السابع



    ليت للقلب عين ولفوادك عيون
    كم تمنيت قلبك لي يرق ويحن
    حس بخافي مشاعر من شجوني شجون
    واطفي دمعات قلب اعتراه الشجن
    ماغشاني ظلام ولاهيعت بي جفون
    الجوارح عطيبه والاسى مندفن
    بين نار و نار بين شك وظنون
    بين موج وموج في لجيج الزمن
    خذ حياتي = حياتي وش بقى مايهون
    كل عمري من اجلك يا غناتي ثمن
    بك احاسيس وجدي ماتعرف السكون
    من عرفتك حبيبي ماعرفت الوسن
    والمثل شوف ليلى ماغشاها شجون
    قيسها كم مره حي ماتمتحن
    الرجاوي لربي مايكون او يكون
    عالم مابوح و عالم ما اكن





    يوم الخميس ..عرس حمدان ونوره
    بيت بوسلطان البنات (شما،سلامه، وضحه،العنود،منال،وديمه، فطامي، عليا،ميره،ريم،عنوده) ساروا الصالون
    طبعا بسيارتين .. دريول بيت بو سلطان و دريول بيت بوحمدان ..
    اما العروس سارت الصالون مع حرمة عمها عبدالله..
    حمده وميثه ومريامي ساروا مع بعض ..
    اما الحبيبه نوف طبعا بعدها راقده ..
    عالساعه ٢ ، سارت روزي توعي نوف بعد ماخوله قالت لها ..
    روزي : نوفوه قوم هذا مدام يريد انت
    نوف : <<<<<< ف سابع نومه ..
    روزي : انتي مافي روه أروس ( ما بتسيرين العرس ) .. نوفو قوم يلا
    نوف : اوف شو تبين انتي .. طلعي برع .. جلبي فيسج يالله ..
    اما روزي نزلت تحت ..
    كانوا الشباب كلهم قاعدين عند اليده ..
    ( سيف ، سلطان ، حمدان ، سعيد ، حمد ، راشد ) وخوله ومحمد ..
    روزي مضيجه : مدام هزا نوفوه ما يريد قوم .. هزا في قول انا اجلب فيسش .. سوي نازأ انا .. (نوف ما تريد تقوم .. قالت لي جلبي ويهج ) ..والشباب نقعوا ضحك ع كلام روزي .
    خوله : ياربي منها هالبنت .. شكلها ما تبا تسير العرس .. انا بسير عنها خلها تخيس رقاد .. يالله انا تأخرت على حصه بسير انا وانت شوف بنتك و اتصرف معاها ..
    محمد : سيري انا بشوفها ..
    فوق نشت نوف وسبحت وبعد ما خلصت اتصلت تحت عسب يحطولها شي تاكله .. وقالت لها جورجي ان شي شباب تحت لبست وقايتها ونزلت تحت .. ( ياي ياقلبي .. سيفي عندنا .. لا ماروم انا .. دخيلكم لحقوا علي .. )
    وصلت عندهم : السلام عليكم ..
    الكل : وعليكم السلام ..
    نوف سارت قعدت بين يدتها وابوها ..
    نوف : وين امايه الصغيره؟!
    محمد : امج سارت عنج ..
    نوف : ياسلام وليش ما تترياني ..
    محمد : من الصبح توعيج ماتنشين سارت عنج ..
    نوف : صدق ما عندها مذهب كيف تخلي بنتها الوحيده واتسير ..
    حمد : محد قالج ترقدين .. البنات كلهن من صباح الله قايمين ويتزهبون ..
    نوف : مستر حمد اكرمنا بسكوتك ..
    جورجي يابت الغدا لنوف ..
    جوروي : وين حطي اكل مام ..
    نوف : ماريد رديه ..
    جورجي : انتي قول جيبي اكل ..
    نوف : وانا غيرت رايي عندج مانع ..
    محمد : ليش ما تاكلين ابوي ؟؟
    نوف : مابا ليش اتسير عني وما توديني وياها ..
    محمد : خلاص انتي تغدي وانا باخذج وين ما تبين ..
    نوف شلت السماعة واتصلت فامها .. والفون يرن ..
    خوله : السلام عليكم ..
    نوف : انتي ليش ما شليتيني وياج ؟؟
    خوله : الناس يقولون وعليكم السلام ..
    نوف : لا تغيرين السالفه ..
    خوله : بندي يالله مب فاضيتلج انا ..
    نوف : طبعا ما بتفضيلي , ما أهمج .. ما يهمج غير روحج .. بس تدرين استانسي فالعرس عنج وعني اوكيه ..
    وبندت الفون ..
    اليده : ليش يامايه ليش زعلتي مب لازم اتسيرين وتصبغين ويهج سوي مثلي سيري قعدي بعباتج ..
    نوف : هيه عسب خلق الله يضحكون علي ..
    اليده : والله اكسر روسهم بعصاتي .. اللي يضحكون عليج ..
    نوف : مابا ماريد اسير ..
    حمدان : افا ما تحظرين عرس اخوج ؟؟ ترى ازعل ..
    نوف : اسمحلي ياخوي .. بس مالي نصيب احضر عرسك .. ان شاء الله بحظر عرسك الثاني ..
    اليده : فالج ما قبلناه ..
    حمدان : اذا جيه خلاص عيل ما بزعل .. كككككككك
    نوف : ان ما خبرت عليك نواري ما اكون انا نوف ..
    سلطان اونه يعطيها تلفونه : هاج نوافي شلي الفون كلميها .
    حمدان : ايه من صدقك انت ..
    سلطان : ياخي ما با اختي تنخدع فيك يالغشاش ناوي تعرس عليها من الحين ..
    اليده : والله ان فكر انه ياخذ ع راس بنتي وحده اكسر راسك ..
    حمدان : افا ..
    نوف : بسير اكمل رقادي ..
    حمدان : حوووه وين تبين .. اونه بسير اكمل رقادي ..يالله سيري لبسي انا بوديج الصالون
    بسرعة يالله قبل ما اغير راييي ..
    نوف : ربع ساعة بسير اجهز عمري وانزل ..
    حمدان : ليش ربع ساعة .. عندج خمس دقايق وان ما نزلتي سرت عنج ..
    نوف : ان سرت عني ما بحظر عرسك ..
    حمدان : يالله سيري بسرعة خلصيني ..
    وسارت نوف فوق تبدل ثيابها وتجهز عسب اتسير الصالون ..
    بعد خمس دقايق .. نزلت نوف : يالله مشينا ..
    حمدان : يالله ..
    محمد : ما كلتي شي ..
    نوف : المعرس عازمني .. صح يالمعرس ..
    حمدان : شو نسوي عادي ابتلشنا فيج .. شباب محد بيخاويني ؟؟
    سلطان : انا بسير وياك ..
    حمدان : يالله عيل مشينا ..
    سلطان : يالله ..
    نوف : عيل نسير بسيارة سلطان ..
    حمدان : ليش يعني ؟؟
    نوف : لان سيارته احلى عن سيارتك ..
    حمدان : وسيارتيه مب قد المقام يعني ...
    نوف : ياخي سيارتك بايخه ليش ما تغيرها .. بتخلص 2008 وانت بعدك مع
    هالسيارة البايخه ..
    حمدان : المهم انها عايبتني .. صح ؟؟
    نوف : يا حبي لازم اصلا انت تماشي الموضه .. وتراعي اذواق الناس .. مب بس لانها
    عايبتنك ما تغيرها .. ع فكره ترى نواري مب عايبتها سيارتك .. حتى هاك اليوم قالت ..
    الله يعيني كل يوم والثاني بركب هالسياره البايخه .. وانت معرس يديد لازم تاخذ كل شي يديد
    حتى سيارتك لازم تكون يديده ..
    حمدان : اذا خلصتي يالله نسير ..
    نوف : لا بعدني بكمل المحاضره ف السياره .. ككككك
    حمدان : عيل نحن نترياج ف السياره ..
    وظهروا حمدان وسلطان .. ونوف وراهم ..
    ركبوا سيارة حمدان .. ونوف واقفه برع ..
    حمدان : ركبي يالله ..
    نوف : بركب بس مب عشانك .. عشان سيارتك هاي عزيزه علي بس بركب ..
    حمدان : صدق خبله ..
    نوف : طالعه عليك .. مب اخوي ..
    حمدان : بسم الله علي يمكن طالعة ع اخوج الثاني ..
    نوف : اقول اول نسير بيتزا هت .. بتغدى بعدين وصلني الصالون ..
    حمدان : يعني لازم بيتزا هت .. خذي من الكافتيريا ..
    نوف : ما اريد اذا وديتني بيتزا هت ما باكل شي ..
    سلطان : حمدان يالله بسرعة الحين تودي بنت خالي بتزا هت ..
    حمدان : لا احلف انت بس ..
    سلطان : والله .. هع هع هع
    حمدان : ها ها ها ها ..
    نوف وسلطان : هههههههههههههههههههههههههههههه
    وسار حمدان صوب بتزا هت .. وفتحت نوف باب السياره ونزلت ..
    حمدان : حوووه وين نازله ركبي انا بنزل بطلبج ..
    نوف : سير لا احب اكل البتزا حار بحار يعني داخل اوكيه ..
    وسلطان نزل : هيه اصلا حلات البتزا وهي تنأكل داخل ..
    حمدان : شوفوا هاذيله خلوني وساروا ..
    اما سلطان ونوف دخلوا .. وطلبوا لهم بتزا حجم كبير وقعدوا ع الطاولات ..
    سلطان : تصدقين من زمان ما كلت بيتزا ..
    نوف : لا حليلك عيل محروم انت .
    سلطان : محروم ؟؟ وليش ؟؟
    نوف : لان اللي ما ياكل بيتزا محروم من الاكل الطيب .. عيل في حد يمر عليه اسبوع وما
    ياكل فيه بتزا .. انا كل يومين اكل بتزا ..
    سلطان : انا اخر مره كلت بيتزا اممم تقريبا من ثلاث ولا اربع اشهور ..
    نوف : اوووووووووف وايد انا يومين ما اصبر عنه .. اسويلهم زلزال ف البيت ..
    سلطان : ما شاء الله لهالدرجه تحبينه ..
    نوف : امووووووت فيه .. وهاللحظه وصل حمدان ..
    حمدان : ومن هذا اللي تموتين فيه ؟؟
    نوف : واحد غرشوب ...
    حمدان : هاي اللي تباني اكسر راسها وادفنها بالحيا ..
    نوف : ليش ان شاء الله مو من حقي احب ..
    حمدان : لا مب من حقج .. قالت احب قالت ..
    سلطان : حليلها وليش ما تحب يعني .. بنت خالي حبي حبي
    دام وراج سلطان لا تخافين ..
    نوف : لاخليت منك يارب .. يا ولد عمتي هني الناس اللي تفهم ..
    سلطان : افا عليج اعجبج انا ..
    حمدان : ما قلتيلي من ها اللي تموتين فيه ..
    نوف : الله يسلمك ها اسمه بتزا ولد بيتزا هت ..
    سلطان : ههاي حلوه عيبتني ..
    نوف : هههههه قول احلف ..
    سلطان : احلف .. ككككككككككك
    حمدان : صدق ميانين .. انا اقول انتي طالعه ع من خبله اثرج طلعتي طالعه ع ولد عمتج ..
    وصلت البيتزا .. وتموا ياكلووون .. وبعد ما خلصو اكل ساروا حمدان وسلطان يوصلون
    نوف الصالون ..
    حمدان : تعالي وين الصالون شو اسمه ؟؟
    نوف : ويت بسأل حمدايه ..
    اتصلت نوف فحمده وسألتها عن الصالون اللي سايرينه , ودلت حمدان مكانه ..
    وصلوها حمدان وسلطان وساروا عنها ..
    اما نوف سارت الصالون عند بنات عمتها عسب تتعدل ..
    .................................................. .................................................. ................
    الساعة ثمان .. البنات كلهم اتجمعوا ف الفندق .. كان العرس ف الفندق ..
    البنات كلهم متيمعات ف الغرفة اللي تقعد فيها العروس ..
    ( نوف , حمده , سلامه , شما , ميثه , مريامي , الوضيحي , العنود , منال )
    وطبعا كل وحده فيهم اتقول الزين عندي والشين حواليه ....
    وكل وحده فيهم اتقول للقمر قوم وانا اقعد مكانك ..
    نزلن البنات تحت كلهم رباعه .. وعيون الناس كلها عليهم .. ساروا البنات كلهم
    صوب الاستقبال عسب يستقبلون الحضور ..
    نوف سارت صوب امها : ماعليه خولوووه اتسيرين من غيري ها .. بعدين بنتفاهم
    فالبيت ان شاء الله ..
    خوله : محد قالج ترقدين ..
    نوف : بنتفاهم ف البيت ان شاء الله ..
    خوله ما عطتها سالفه وتمت تسلم ع الحريم اللي يدخلون .. اما البنات ملن من الوقفه
    وقرروا يسيرون يقعدون ..
    ساروا كلهم قعدوا ف الطاوله اللي يدام .. كل البنات كانوا قاعدين ع الطاوله ..
    ويصفقون ويغنون ويسوون حركات بايدينهم اونهم يرقصون كككككك ..
    طبعا الكل كان مرتبش .. والعرس كان وايد حلوا ويا وقت نزلت العروس ..
    نزلت العروس بكل شموخ ... كانت طالعه قمر فستانها وايد حلووو ويلق ..
    ومكياجها كان دخاني ومب وايد دفش يعني كان هادي .. الكل تخبل ع نوره
    لانها فعلا كانت طالعه غير ..
    البنات كلهم تيمعوا عند نوره .. اللي تتصور وياها واللي تقرصها اون عسب تتزوج بعدها (( حركات هالبنات ))
    وبعد نص ساعه .. حان وقت دخول المعرس .. ساروا البنات كلهم لبسوا عبيهم وشيلهم .. لان الريايل بيدشون
    ويا المعرس ..
    دخل حمدان بكل هيبه وشموخ .. وكان معاه ابوه وخواله وعمه ابو نوره والشباب ( سلطان , سيف , سعيد , حمد , راشد , أحمد , حمود , بروك , وحروب , منصوري و فهودي ) ..
    وصل حمدان عند عروسته وحب راسها ووقف عندها والشباب والشبيبه كلهم سلموا عليه , واتصوروا صوره جماعيه ..
    وخلاف الشباب تموا ييولوون , والبنات كلهم تخبلوا ع الشباب .. وكل وحده مبققه عيونها .. تموا الشباب ييولون ربع
    ساعة ,وخلاف ظهروا وما بقى غير خوان العروس اللي هم .. سلطان , راشد .. وابوها وخوالها وعمها ابو حمدان ..
    شل حمدان الغشوه عن ويه نوره . .
    وحبها ع يبهتها ..
    حمدان : مبروك ..
    نوره بحيا : الله يبارك ف حياتك ..
    وسلموا عليها ابوها وخوالها وابو ريلها وخوانها .. وظهروا ...
    بعد ما ظهروا ساروا حمدان ونوره وقصوا الكيكه .. وقعدوا خمس دقايق وساروا عسب يتصورون ف الغرفه ..
    وخلاف ردوا الكل بيوتهم .. ما عدا المعرس اللي سار صوب دبي لانه كان حاجز حناح فبرج العرب .. وباجر
    المسا بيسافرون شهر العسل بيسيرون سويسرا ..
    ف بيت بو منصور ..
    غرفة نوف ..
    بعد ما سبحت ولبست بجامتها قعدت ع سريرها .. وتمت تفكر .. يا ربي ليس سيفي ما يحس فييي ..
    الصبح كان قاعد .. حتى ما عبرني ولا سلم عليي ولا قال لي شي .. اف من هالحاله .. ياربي لي متى
    بتعذب انا .. اه يا قلبي كم تعاني .. مليت من هالحياه .. اه راسي يعورني من كثر التفكير .. ياربي يا سيف
    خاطري افهمك .. خاطري اعرف انا شو بالنسب هلك .. وتذكرت الموقف اللي صارلها ..
    بعد ما طلعوا الكل من الصاله تمت نوف بروحها مع منصور .. كانوا يتريوون ابوهم يتصل فيهم عسب
    يطلعون ويسيرون البيت .. دخل سيف عسب يشوف امه لانها اتأخرت داخل .. طبعا نوف كانت متحجبه
    بس ما كانت متغشيه ..
    سيف : دلوعتي .. الله الله شو هالحلا كله .. لا مانروم احنا ما نروم .
    نوف : احم احم .. اخجلتم تواضعنا .. وجان استحي ..
    سيف : انتي بعدج هني ليش ما سرتي البيت .؟؟
    نوف : اتريا باباتي ..
    سيف : عمي محمد برع واقف عند الباب ..
    نوف : وليش ما دقلي .. وانا من الصبح اترياه يدقلي ..
    سيف : ما ادري عنه والله .. الا وين امايه ما شفتيها ..
    نوف : عموه داخل مع قوم امايه .. تباني ازقرها ..
    سيف : هيه فديتج ازقريها ..
    نوف ذابت ( ياربي قالي فديتج .. احبك اموت فيك يا سيفي ) : ان شاء الله الحين بزقرها ..
    سيف : مشكوره الغاليه ..
    نوف دخلت تزقر حرمة عمها وتزق رامها لان ابوها برع عند الباب ..
    وظهروا ام سيف وام منصور .. ام سيف سارت ويا سيف ..
    اما ام منصور ونوف ومنصور ساروا ويا بو منصور البيت ..
    نوف : فديتك يا سيفي احبك امووووووووووت فيك ..ياربي والله تعبت .. حطت راسها ع المخده
    ورقدت ..



    حليلج يانوف ما تعرفين شو مخبتلج الايام ..

  10. Princess Flowers
    11-01-2012, 06:53 PM

    رد: جرحتني كلمة منك .. سببت في قلبي .. للكاتبة :: عزة نفسي تمنعني

    جرحتني كلمة منك .. سببت في قلبي .. للكاتبة :: عزة نفسي تمنعني




    البارت الثامن

    يا خفيف الروح كيف انتوا
    يا شفا قلبي من اعواقه
    ارحموني لو تكرمتوا
    بالوصل وانا من اشفاقه
    مر وقت لي ولا بنتوا
    انتظر من طول افراقه
    ارحموا ذا الروح لا هنتوا
    لي لكم بالشوق تواقه
    ما زهالي وقت لو منتوا
    انت سعد القلب واشراقه
    انتوا اللي بي تملكتوا
    بالرضا والطيب واخلاقه
    ارحموا من به تحكمتوا
    من جفاه النوم ماذاقه
    في سويدا القلب شيدتوا
    منزل ماحد قد فاقه
    بخفي امابي اذا عدتوا
    لا يشيع السد واشواقه
    السواب اللي بيه صبتوا
    عالجوها النفس معتاقه
    غاية امنايه اذا جدتوا
    بعدكم لي نار حراقه


    يوم الجمعه .. الكل بيتيمع بيت بو حمدان .. عازمين المعاريس ع الغدا الكل موجود فبيت بوحمدان كل الحريم والبناب..الا نوف طبعا الحبيبه بعدها راقده .. الساعه ١٢،٥ نشت نوف ودخلت الحمام " عزكم الله " واتوضت ولبست وقايتها وتمت تقرا سورة الكهف بعد ماخلصت صلت الظهر .. ونزلت تحت وطبعا مافي حد فالبيت .. طلعت وسارت صوب بيت عمتها مهره ..
    بيت بوحمدان..الكل قاعدين فالصاله ريايل (بوسيف ، بوحمدان ، بوعلي ،بوسلطان ، بومنصور،عبدالله ، سيف ،سلطان ، سعيد ، حمد ، راشد ،بروك ،حروب ، حمود ، فهودي ، منصوري ) فصوب والحريم ( اليده ، ام سيف ، ام حمدان ، ام سلطان ، ام منصور ، ام علي ، ساره ، روضه ، مريامي ، ميثه ، شما ، سلامي ، حمده ، ريم فطامي ، علايه ، ميره ، العنود ) فصوب بانتظار وصول المعاريس .. انفتح الباب و البنات كلهن نقزن من مكانهن وقامن وسارن صوب الباب .. دخلت نوف و شافتهم كلهم واقفين يدام الباب يستقبلونها ..
    نوف غطت ويهها بايدها : لهالدرجه تحبوني .. اويه جان استحي ..
    البناب : مالت نتحسب المعاريس وصلوا ..
    نوف : افا.. اخ ويهي واتغشت .. اموت احسن .. بدل هالفشله ..
    وحمده حضنتها : فديت نوفي انا اصلا توه نور بيتنا بطلتج انتي يانور هالبيت
    نوف : لا ماروم انا بموت ياربي .. فديت اختي انا .. والله انج انتي شي مو اي شي مثل هالبقرات ..
    والبنات كلهن هجوم ع نوف اللي شردت عنهم وهم يلحقونها وسارت قعدت بين يدتها وعمها بو سيف : امايه لحقي علي .. واليده حضنت نوف : ان وحده منكن قربت من بنتي بزوالها .. بكسر عصاتي ع راسها
    والبنات طبعا خافن وكل وحده سارت قعدت مكانها..ونوف مستانسه وفي عين كانت تراقب نوف فكل حركاتها..وهي قاعده بين يدتها عمها وتتدلع عليهم جنها ياهل .. ويوم بعد يوم اعجاب هالشخص قعد يزداد لنوف وعفويتها وكل شي فيها .. بس ياترى هالشخص بيحب نوف ولا مجرد اعجاب ويعتبر نوف مجرد اخت له ..
    بعد نص ساعه وصلوا المعاريس و طبعا الكل استانسوا فيهم .. اتغدوا وتموا قاعدين ساعه وخلاف ساروا قسمهم يريحون ويجهزون للسفر العصر بيسيرون دبي ومن هناك بيسافرون سويسرا ..
    الشياب والعيايز ..ساروا يقيلون .. والشباب ساروا الميلس ..
    البنات نصهن تموا يشوفون تلفزيون والباقي ظهروا فالحوش .. ركبوا دراجات الاولاد (بروك،علاوي،حمود)
    كانوا يلعبون بلي ستيشن .. ونوف ركبت دراجه ، وحمده دراجه ، و سلامي دراجه )شما واقفه تشجعهم نوف : شوفوا نتسابق .. من عند المطبخ لي اخر الفله .. شموه سيري وقفي هناك انتي الحكم وقفي اخر شي .. وصدت صوب البنات اذا شفتوا قوم حمود شردوا عنهم اوكيه ..كانوا ريم والعنود واقفين ..
    نوف : ريماني سيري ايبيلنا ثلاث وقي سود بسرعه...وركضت ريم تيب وقي حمده : ليش الشيل بعد ..
    نوف : نتلثم عسب محد يعرفنا ..
    سلامي : فكره فنتكيه كفج من بعيد بعدشوي وصلت ريم وعطتهم الشيل واتلثموا البنات .. نوف : ريماني ورواضي انتوا الجمهور شجعونا اوكيه ..
    البنات : اوكيه ..
    وحركوا البنات الدراجات صوب المطبخ .. وعدت شما : واحد . اثنين ثلاثه .. انطلقوا ..
    واتحركوا الثلاثه يتسابقون .. والبنات يشجعونهم ... وطلعوا فطامي وميره وعلايه وعيبتهم السالفه وتموا يشجعون مع باقي البنات اللي تصفر واللي تصفق .. واللي تصرخ..
    فالميلس ..
    سعيد : ماتسمعون صوت دراجات ..
    حمد : يمكن صوب الجيران..
    سعيد : لا الاصوات جريبه من البيت وايد ..
    حمود صد صوب علي : علاوي وين مفاتيح الدراجات يبتهم وياك ..
    حروب : ها.. نسيت ياخي ..
    حمود : السبالات اكيد هم راكبين الدراجات ..
    حمد : اي سبالات ؟!
    حمود : نوفون قالت لي خلني اسوق دراجتك شوي وانا قلتلها لا مافي ..
    صوب البنات الي فازت نوفوه والثانيه سلامي.وبعد ماخلصوا تموا يحوطون فالحوش .. مستانسين ..
    شوي ركضوا حمود وبروك وعلاوي برع ..
    حمد:قوموا شباب حمود مينون بيسير بيتضارب الحين ..
    وطلعوا الشباب برع ورا حمود و بروك وعلاوي ..
    طبعا نوف راكبه دراجة حمود لان البنات خافوا يركبون دراجته لانه شراني ويتضارب ومايهمه حد ..
    حمود : يالسبلان هاتوا الدراجات وقفوا .. وتم يركض وراهم ..
    اما البنات من شافوهم شردوا عنهم اما حمده من الزيغه وقفت الدراجه وشردت داخل . وحمود ركب الدراجه وتم يلحق نوف لانها راكبه دراجته .. اما بروك قدر يوقف دراجته ويشلها عن سلامي اللي شردت بعد داخل .. عند حمده ..
    والشباب واقفين يطالعون وعايبتنهم السالفه ..
    وحمود يروغ نوف اللي مب راضيه توقف وكل شويه تصد وراها .. تشوف اذا حمود وصل صوبها او لا ..
    علي وقف يدام نوف اللي كانت يايه صوبه بس صاده ورا ومن لفت يدام كانت واصله جريب منه ... طراخ والشباب كلهم ركضوا صوبها وحمود وقف دراجته وتم مبهت اما علاوي قعد مكانه ونزل راسه وتم يصيح و ويقول : ذبحتها ذبحتها ..
    اما نوف اللي كان راسها ينزف .. قامت من مكانها وركضت انخشت ورا حمد وهي بعدها مب مستوعبه اللي صار لها وتضحك وتقول لحمد : حمد شوف حمود بيضربني . << صدق متفيجه هالبنت ...\
    وحمد مسكها من ايدها ويابها يدامه وقال لها : نوف راسج ينزف نوف مسكت راسها ووخرت ايدها وشافت الدم وابتسمت وقالت : انا مافيني شي ما استوالي شي .. ماتعورت .. ومن بعدها كانت بتطيح ع الارض بس حمد مسكها وتم يصرخ : ايبوا سويج سيارتي بسرعه ..
    سلطان : انا بشغل السياره انت ايبها يالله وركض سلطان صوب سيارته وشغلها وحمد شل نوف وركبها .. وانطلق سلطان مثل الصاروخ .. والشباب كلهم لحقوهم ..
    اما البنات من شافوا الدم تموا يصيحون وذابحين عمارهم صياح .. اما علاوي حليله تم متلوم فنوف و يقول انا السبب انا ذبحتها .. ويصيح .. وبروك وحمود يهدون فيه ..
    فالمستشفى .. وصلوا دخلوا نوف الطوارئ .. وتموا الشباب يتريون وحمد كان داخل ويا نوف اللي كانت الدكتوره تخيط جرحها .. طبعا الجرح كان فوق يبهتها صوب اليسار جريب من اذنها اليسرى .. وكانوا مركبيلها مغذي .. خلصت الدكتوره الخياطه وربطت جرحها بالضماده وخلاف سوولها جبس ع ايدها اليسار اللي انجرج بعد من الحادث وكان فيه كسر بسيط .. وظهرت الدكتوره من الغرفه .. ونوف راقده .. طلع حمد عند الشباب : شباب خلاص اتوكلوا .انا بتم عندها .. واحد منكم يسير ييب حد من البنات يتم عندها ..

    اما بيت بوحمدان الساعه اربع نشوا الشياب والحريم.. وخبروهم ان نوف انجلبت بالدراجه وانها فالمستشفى و عطول اتصل محمد فحمد وسأله عن نوف .. وقاله انها بخير بس راقده الحين .. وعطول ظهر محمد وخوله واليده وياه وساروا صوب المستشفى وهم طالعين دخلوا الشباب ..
    كانوا الريايل والحريم والبنات قاعدين فالصاله .. ودخلوا الشباب ..
    سلطان معصب :وينهم هالحمير ..
    بوسلطان : منو الحمير ؟!شالسالفه
    سلطان : الحمير قعدوا يلحقون البنت لين خلوها تدعم وتتعور ..
    بوسلطان:منو علاوي وحمود ومبارك سلطان : هي من غيرهم الكلاب؟!
    بوسيف : وينهم الحين هم الحين؟!
    شما : فالميلس ..
    بوسيف : رواضي ابوي سيري ازقريهم ..
    رواضي : ان شاء الله ابوي ..
    وسارت رواضي تزقرهم .. وساروا هم الثلاث عند بوسيف ...

    ................................

12