بجد مصري

الشعر, قصيدة , شعراء, القصايد ارسال إلى Twitter ارسال إلى facebook
  1. وليد الوصيف
    06-01-2012, 08:48 AM

    بجد مصري

    بجد مصري


    هو إنت بجد مصري ؟
    لو مصري بجد أصلي ؟
    وطي صوتك عارف
    مكتوب في بطاقتك مصري
    ****
    المصري مش بس صوت
    المصري دهب وياقوت
    رجولة في وقت الشدة
    فدى أرضه كمان بيموت
    ****
    المصري ذكاء بالفطرة
    مهموم بخريطة بكرة
    متعود يبقى القمة
    وفي كل مكان له ذكرى
    ****
    المصري في دمه حرارة
    وأمانه في ظل بطالة
    وبرغم ظروفه الصعبة
    متربي وعنده كرامة
    ****
    مش بس مجرد اسم
    مرسوم في بطاقتك رسم
    ولا عندك ذرة فكر
    ومحسوب على بلدك جسم
    ****
    لو مصري إتحرك حبة
    اعمل إنتاج بمحبة
    فكر في أمور الدولة
    واركن مصلحتك حبة
    ****
    عامل وطنك بضمير
    ادعم جواك الخير
    فكر تديله الأول
    وهو ها يديك وكتير
    ****
    ازرع في الأرض خضار
    زود عدد الأحرار
    ولو مرة حكومتك نامت
    أرفع علم الثوار


    بقلمي
  2. SOoΚaRh
    06-01-2012, 02:45 PM

    رد: بجد مصري

    بجد مصري


    يسلمو إخواننا المصريين
    وتسلم أرضهم الطيبة ..

    من أجل الأمانة الأدبية
    لا هنت إذكر إن كانت من كابتك أو منقولة
  3. أوراق الخريف
    06-01-2012, 07:08 PM

    رد: بجد مصري

    بجد مصري


    يعطيك الف عافية استاذ وليد على القصيدة الرائعة

    ارجوا كتابة بقلمي او منقول حسب قوانين الشعر


    تحياتي
  4. وليد الوصيف
    07-01-2012, 01:00 AM

    رد: بجد مصري

    بجد مصري


    ألف شكر على المرور الرائع
    وأحب أن أنوه أن هذه القصيدة بقلمي مع خالص تحياتي
  5. السحاااااااااااب
    07-01-2012, 06:34 AM

    رد: بجد مصري

    بجد مصري


    ياعيني ع المصريين

    وأهل الخليج محبين

    ولك هور يابوالهواره

    تسلم اخوي على الكلمات الجميله

    تقبل مروري مع تحياتي
  6. عـرابي الـشـراقـوه
    07-01-2012, 11:15 AM

    رد: بجد مصري

    بجد مصري




    سيتم الرد بعد عودتي من العمل

    رد يليق بمصريتك الراقيه

    عذرا لضيق الوقت