المهايط
انسان عايش على راحه البال ......ماهمني كثر قول المهايط
كذبه يقوله على نفس الاشكال ......يرسل لهم في رساله وسايط
مجمل تفاصيل كذبه بتنقال ......بين الملا يحكي القلب شايط
ناره لواهيبها تشعل الجال ......تحرق حروف المهايط لهايط
تفضح لواعيب بفكار تحتال ......منها تعجب عقول الزلايط
تلعب بعاقل عقل يوم الاثقال ......طاحت على راس من كان صايط
صطوة تهاب المهابه ولجبال ......يصعد بها ثم يلامس غلايط
غلطة مهايط معي دهورة حال ......حال المحاله ترى صار حايط
درب الفراق
تشوف درب الفراق اسلكه لاهنت .... روحي تعافك وقلبي بعد عافك
من يوم ما شفت روحك علينا وانت .... تبغى الفراق النهائي لنا انصافك
ياللي على قلبي الهاد ماقد هنت .... شفت التمادي نهى قلب بوصافك
وانت الحبيب المتيم علينا كنت .... تامر ولبي وتامر ولك قافك
واليوم روح توكل ترى ماصنت .... قلبي بغاكم وبعته على اقطافك
بعت بغرور الكبر بعتنا لاهنت .... بجفاك قلبي سرى يوم ما شافك
روح خلاص العمر فات ماكونت .... حبن هوى داخلي ضيع هدافك
الغياب
عذبتني بالغياب طوال هالمده .... شوقي يزيده وله قلبي مع اشواقي
لاتحرم القلب شوفك لا ولاتهده .... قلبي تعلق بقلبك حيل مشتاقي
ودي بشوفك قريب القلب وفحده .... تسكن حقيقه بروح القلب خفاقي
شوف الغلا والموده ماهي بضده .... تدعم وصول المحبه داخل اعماقي
بين الضلوع المحاني ماحدن قده .... يامر على من عطا ه القلب ماذاقي
وجدي على شوق شوقي لابغى هده .... روح وخلا غيابه لين الاشراقي
ملزوم بصبر ولو طالة به الشده .... غالي سكني وعايش بغلا الافاقي
بصبر على ماحصل واعيش هالوحده .... عايش ونار المحبه تحرق احراقي
يا روح عمر الغالي /../اطلب وانا أفداك
روحي تلبي حالي /../كلي تحت يمناك
افديك بغلا مالي /../يغلا الغلا يغلاك
ينصاع فكر البالي /../ويخط ولا يخطاك
عن ماهوى بالجالي /../اعرف نبى ينباك
داخل قليب امنالي /../حبي صطا بحشاك
ينبىء بطيب الفالي /../وبطيب من يبغاك
ينباك أول تالي /../بن الهوى يهواك
وان حال لا ومحالي /../بالمستحيل انساك
يقول من ذاق العنى والمراره /../ وشاف الهوايل كلها بالمحبه
ساهر عيونه للفجر ياخساره/../ على حبيبن راح عنه وكبه
لاتعطي الحب واحدن خان داره/../ وخفى غرامه بالمتاهات حبه
ان قال ما قال الحقيقه مناره/../ يوهم تفاسير الحقيقه بكذبه
هاذا العنى بيده وخلف الستاره/../ حنان حبه والغلا لك يذبه
اسلم وتسلم والسلم له مساره/../ واضح على كف القدر طيب دربه
والشر فتيله واقدن بالاشاره/../ يلهب وينثر باللهب عقب شبه
وسط المحاني ولعه به شراره /../ من عقب ما شاف الحقيقه تخبه
هاذا كلام اللي عرف وش مداره/../ حول الفلك دار الفكر ثم لبه
مع استدارة دار حبه دواره/../ ثم انكشف خلف المحبه مغبه
مع اختلاف المناهج واختلاف الوقت /.../ تبقى المشاعر بوسط القلب محميه
حول الشرايين تمشي دافعه لي وانت /.../ دون الفكر والهواجيس اليوم ليليه
داخل قليبي هوايا ساهرن مانمت /.../ اخيلها بالحقيقه والخياليه
سافرت والبال سافر مع خياله وقت /.../ يبغى هوى والهوى يعشق هواويه
ياجماعه ياعبادل كيف حال الجميع/../ياعساكم بالسعاده والفرح ياعسى
جيت باسلم عليكم لكن الله سميع /../من على فوق المعاني يعرف اللي قسى
راح ودع والوداعه للموادع شنيع/../تدمع اعيونه ولا يامن بنظره مسى
شوف عيني يالعبادل شوف عيني يطيع/../ما يلد لللي خذا قلبه وراح و نسى قلمي
ماجد محمد المطيري
الليل أظلم والصدر حيل ضايق .... ضيقة موادع ودع القلب والحب
اقفى وروح تارقن للخلايق.... حبن فريدن صاغه الوجد لاشب
من نار قلبه واللواهيب عايق.... داخل قليبه تشعل النار وتشب
نيران شوقي سعرها بالحرايق .... لها لهيبن يشتوي كلما هب
وحيا لذكرى القلب من كان شايق.... شوق الهوى يحي فوادي كما الطب
يحي خلايق بالدوى والحقايق.... طب القلوب اليوم صعبه وتصعب
على البشر تصعب ولو كان رايق.... روق المتيم لاهواه الندى لب
لبى ندى صوت الجفا غير لايق.... عندي وصاله والجفا عيب يكتب قلمي
ماجد محمد المطيري
الفاتنه يالغلا تسأل عن الاحوال==وتسال الروح كمي والعمر كمي
واحترت في رد جوابي والعمر ينقال==بين الثلاثه وعشريني خذي سمي
عمري حياتي كتابن واضحه مازال==بين الملا ينقرى ويزيل من غمي
اعظم مواجع فوادي يالغلا تشتال==احساسي المرهف العالي سبب همي
انقلت لك بالصراحه راحتن للبال==وتخفيف من حال قلبي والعنى رمي
على ضفاف الشواطي شوفها تختال==توهم خيالك وهي ما تشبه اليمي
حتى البحور العميقه تشتكي للحال==من كثرما هي غريقه بالعنى جمي
اكتب على صفحة الاحوال وسط الجال==من حبر قلبي ومن نزف القلم دمي قلمي
ماجد محمد المطيري
يدعيني الشوق والبي له ادعاه ==من روح قلبي البي من دعاني
احضر على مانواه القلب ومناه==شوف الحبيب المقفى اللي نساني
عاش العمر دون مايذكر من اعطاه==قلبه وروحه وباله من يعاني
يعاني البال لامن جات ذكراه==داخل فوادي أعيش الحب وعاني
منه العنى والقسى زايد بطرياه==من يوم ماحلت الذكرى سباني
امشي ومغمض عيوني لجل عيناه==منظر لعين البشر من طيب شاني
اعيشه الحب وعيشه دون منساه==دامه سكني وعايش جوف المحاني
يفداه شوق الوله يفداه يفداه==عمري وروحي بعد والقلب جاني
استوطنت صورته جفني وشفناه==ماله بدنيا البشر مخلوق ثاني
اصدر صكوك المحبه له وعطناه ==دام الغرام المتيم ما عصاني قلمي
ماجد محمد المطيري
اللغز :..
بنشدك عن بنتن لها خمس حراس
يحمونها من شر ويحمونها خير
تنظر بعين وتاخذ الطيب مقياس
ربي حماها بالذكر والتفاسير
الجواب:..
الايه القرانيه الايه > اسم مؤنث الخمس حراس > اللي هم حارس :الله عز وجل و العلماء والقراء والمفسرين وكل مسلم يتلو ايات الله عزك وجل
والايه فيها خير وفيها شر
والله محمي القران الذي يحتوي على ايات كثيره وجعل لنا علماء يفسرونه وبذلك اصبح محيم بالذكر من الله ومن تفاسير علمائنا الاجلاء قلمي
ماجد محمد المطيري
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.