قصيدة مجلس رجال - عبد الرحمن بن مساعد

ديوان الشاعر عبدالرحمن بن مساعد ارسال إلى Twitter ارسال إلى facebook
  1. SOoΚaRh
    31-12-2011, 10:36 PM

    قصيدة مجلس رجال - عبد الرحمن بن مساعد

    قصيدة مجلس رجال - عبد الرحمن بن مساعد



    مجلس رجال

    على اليسار مقلط .. وعلى اليمين صالة
    ضيوف جالسين
    قهوجي يلم الفناجين
    وينطر اخر ضيف منهم يهز فنجاله
    ضيف يقبل من بعيد
    يقوم صاحب المجلس طلال لستقباله
    شخص جالس على اليمين يهمس لجاره :
    " هذا احمد اللي جاي بس ماهو لحاله "
    " من معه ؟ "
    " يبدولي اطفاله "
    ويدخل احمد معه ثلاث اطفال
    وعند باب الصالة يستقبله طلال
    " السلام عليكم "
    الكل يوقف
    " هلا والله مرحبا عليكم السلام .. حي الله احمد هلا وسهلا .. تفضل .. كيف الحال ؟ "
    " هلا طلال .اعرفك على عيالي .. ابني صابر عمره ثمان سنين .. لاتستحي سلم ياصابر
    بنتي هالة .. ست سنين .. سلم ياثامر على الجماعة . وش هذا اللي في يدك ؟؟
    اه .. سجايري والولاعة "
    عبدالمعين يطالع الساعة .. ويهمس لجاره
    " كيف يجيب اطفاله ؟! .. محد منا معه اطفاله .. ليش يجيب اطفاله "
    ويجلس احمد ويجلس حوله عياله
    طلال يقول :
    " ما شاء الله .. ياحليلهم .. الله يحفظهم ويحرسهم ويحميهم
    ماشاء الله يا صابر : ايش هالثوب الجديد "
    احمد يقول وملىء وجهه ابتسامة
    " هذا صابر موهوب في التقليد قوم ياصابر قلد اصالة
    والا تدري وري عمك كيف يركض سامي الجابر "
    ينطلق صابر لخارج المجلس . يرجع معه كورة يشوتها .. تنزل من السقف ثمان لمبات مكسورة
    احمد يقول وملىء وجهه ابتسامة
    " شاطر ياصابر ... شفت ياطلال شقاوة هالعيال "
    طلال يتمتم :
    " ياحليلهم .. الله يحفظهم ويحرسهم ويحميهم "
    " تعالي ياهالة سمعيهم و وريهم اغنية و رقصة الخيالة
    لا تستحي يا بنت مافيه احد غريب هذا عمك طلال وهذا عمك مثيب
    وهذا عمك عبدالمعين وهذا ..... لا مؤاخذة انت مين ؟ "
    - انا عبدالكريم
    " عبدالكريم .. تخيل يا اخي ماعرفتك لانك يمكن ملتحي .... لاتستحي يابنت لاتستحي ..
    تدري طلال " هالة نجحت بامتياز "
    صوت مدوي ينفجر
    " اه ياثامر ما اشطنك .. كسرت القزاز "
    احمد يقول وملىء وجهه ابتسامة
    " شفت ياطلال شقاوة هالعيال "
    طلال يتمتم :
    " ياحليلهم ..الله يحفظهم ويحرسهم ..... ؟؟؟؟!!!!
    " وش كنت اقول ايوا طلال كنت اقول هالة نجحت بامتياز اعطيتها البارح فلوس
    وقلت لها ياهالة ايش ما تبغي اشتري "
    طلال يقول
    " مبروك .. مبروك .. ايش تبغي تصيري لما تكبري "
    هالة تتفل على طلال .. وتقول :
    " ايش دخل ابوك "
    احمد يقول وملىء وجهه ابتسامة
    " شفت ياطلال شقاوة هالعيال "
    طلال يتمتم :
    "ياحليلهم .. الله يحفظهم ..................... ؟؟!!!
    " تعال ياثامر .. عد لعمك من واحد الى العشرة "
    ثامر يبتدي يعد
    " واحد .اثنين .. ثلاثة .. سبعة "
    احمد يقول وملىء وجهه ابتسامة
    " دايم يعد .. ولما يوصل اربعة يلخبط "
    يالله ياثامر من جديد
    يبدا ثامر من جديد
    " واحد . اثنين .. ثلاثة .. سبعة "
    " شاطر يا ثامر شفتوا كيف لخبط "
    ينفتح باب المقلط ويدخل النادل شايل دخون
    والصالة في حالة جنون
    احمد يصفق .. صابر وثامر يرقصون
    طلال يقوم
    " العشاء .. تفضلوا ..الله يحيكم "
    احمد يقول
    " يالله يا اولاد الله يحميكم .. اتعشوا اول .. بعدين سووا اللي تبون "
    يركض الاولاد قبل الضيوف .. وللمقلط يدخلون
    صابر ياخذ برتقالة .. يرميها على النادل .. تطيح المدخنة والدخون
    ثامر هناك .. يكسر بياله .. ويرمي شظاياه على اللي ياكلون
    هالة ترمي على طلال صينية ... وتاخذ علبة مياه غازية
    تخضها .. تخضها .. تخضها .....
    وترقص رقصة الخيالة .. وتفتح العلبة
    احمد يقول وملىء وجهه ابتسامة
    " ايوه ... هذي رقصة الخيالة "
    والضيوف في ثياب من المياه الغازية يرفلون
    مجلس رجال
    على اليسار مقلط .. وعلى اليمين صالة
    كل شي فيها ماهو على حاله
    قزاز مكسور .. سجادة محروقة .. غترة مشقوقة
    صينية هناك مرمية ...
    ضيوف مبللين بمياة غازية
    على وجه عبدالمعين جرح قطعي . .ومهلبية
    نادل مصاب بحروق من الدرجة الاولى .... وجروح سطحية
    كورة . لمبات مكسورة
    يضهر احمد من المقلط وملىء وجهه ابتسامة
    " اكرمك الله يا طلال..شايف شقاوة هالعيال
    اقول طلال .. اشكر ام العيال نورة .. العشاء كان رائع .. ماقصرت مشكورة
    عشاكم ياجماعة بعد اسبوع عندي . لازم تشوفو ولدي الصغير ؟!!
    اخر العنقود .. منصور .. عمره ثمان شهور .. شيطاني يعقد ..اظن له معي صورة
    شوف يا طلال هالصورة .. لاتغرك نظرته .. ترى والله ذكي مره
    ما يضحك ولا يبكي لما يبدا اخوه ثامر يعد "
    طلال صامت ما يرد
    وترتسم على وجهة احمد علامة استفهام ويتساءل في داخله
    " طلال كن وجهه متغير ..اكيد احد من هالضيوف زعله
    مسكين طلال .. دايم في حاله مايخلوه .. زين جبت العيال سلوه "
    ويخرج احمد من الصالة .. فخور بعياله
    تارك وراه مجلس .... كان مجلس رجال
    وعلى اليسار بقايا مقلط ... وعلى اليمين شبه صال



  2. ::.. أحمد ..::
    31-01-2012, 11:01 PM

    رد: قصيدة مجلــس رجــآل - عبد الرحمن بن مسـآعد

    قصيدة مجلس رجال - عبد الرحمن بن مساعد


    أكثر قصيدة للشاعر عبد الرحمن بن مساعد

    تجعل من مجلس الرجال مضحك ومبكي

    وطريقته رائعة وأسلوبه متميز في نسج المضحك المبكي

    قصيدة شعر

    دمت بكل خير
  3. في منتهى الذوق
    02-02-2012, 06:40 AM

    رد: قصيدة مجلــس رجــآل - عبد الرحمن بن مسـآعد

    قصيدة مجلس رجال - عبد الرحمن بن مساعد


    رووعه
    يعطيك العافيه
  4. مغرورة بس معذورة
    02-02-2012, 01:10 PM

    رد: قصيدة مجلــس رجــآل - عبد الرحمن بن مسـآعد

    قصيدة مجلس رجال - عبد الرحمن بن مساعد


    يسلموووو
  5. المريسي
    09-09-2015, 12:12 PM

    رد: قصيدة مجلس رجال - عبد الرحمن بن مساعد

    قصيدة مجلس رجال - عبد الرحمن بن مساعد


    شكرا عالكلمات

    تحياتي