سكوتي عن الجاهل

الشعر, قصيدة , شعراء, القصايد ارسال إلى Twitter ارسال إلى facebook
  1. لعيوونها
    28-12-2011, 02:51 PM

    سكوتي عن الجاهل

    سكوتي عن الجاهل


    --------------------------------------------------------------------------------


    ابراهيم الشيخي






    انا لي سنه ماشفت سلطان ابن وسام
    وحول السنه بيني وبين إتصالاته
    ماغير اخذ اخباره من الناس والأعلام
    واقول الله الله كل ماغنوا ابياته
    عرفته صديق وراس مال وذرا واحزام
    وشاعر يشوش الراس من طيب وقفاته
    والانسان ماتغنيه شهره وطرد اوهام
    عن الجود في يمناه والطيب في ذاته
    وعز الله ان الهاجري شاعر مقدام
    وتطرف على مسلوبة المجد راياته
    على نهج ابوه ونهج جده سعد قدام
    ورث من حياة العود حتى حركاته
    ماهو خامل ماينحسب لن قعد وان قام
    هذا شاعر تثر على الشعر غيباته
    ذكرته وهو في موقع غربي الدمام
    وانا في بحر جده وراسلت موجاته
    بعد شفت من يفتل وينقض بدون انظام
    والا موجده فالساحه الا علاقاته
    ياسلطان كم نبني وكم يهدم الهدام
    وشعر العقل فالكون ضاقت مساحاته
    يعيفك في بعض المحافل ضعيف عظام
    هزيل تخاسر فيه سكين تذكاته
    سكوتي عن الجاهل يطول حياتي عام
    والا اخسر حياتي كلها في مجاراته
    وعز الله انك يوم جنبت ماتنلام
    غياب يطول ولا حضور بعثراته






    وهذا رد الشاعر سلطان الهاجري





    تهيضت يابراهيم والمسلمين اصيام
    واوحاك المصلي وانشغل عن صلاواته
    عذوبة قصيدك حطمت مجمل الارقام
    إلى درجة كل يبي يسوي سواته
    رغم مايشوف الفن في تالي الايام
    ورغم مازحم سوقه وضيق مساراته
    ومهما تغنى فيه حتى لحون اريام
    ورغم كل مالا فيه وده ولا هاته
    إذا ان انت يابراهيم تاج وفخر ووسام
    على الشعر واسم الشعر في كل حالاته
    وردت وشربت وفيه غيرك رجال احيام
    من اعذب موارد دجلة الشعر وفراته
    ولكن اباوصيك ف أمر مهم وهام
    يقولون من وصاك يلزمك بوصاته
    ليا جيت (مستور العصيمي) فقول اشمام
    يبلغك ابن وسام خالص تحياته
    ومر (الزلامي) في (سديره) يصلي اقيام
    عسى الله يمهله ويقبل حساناته
    و ملفي وابن ريفه وزيد وسلام اسلام
    و(حبيب) و(ابن عياد) يفتل شناباته
    وشاعر جهينه راعي الغتره البسام
    وسبحه تمرد من يدينه لمخباته
    وعرج على قبر نزل في ثراه العام
    عزيز خذاه الموت والخلق مواته
    لحضات الوداع مكفنينه بقطعة خام
    وقفيت عنه وخاطري فالتلافاته
    وقبل لختم الطاروق ويجف الاقلام
    وقبل كل شاعر يحتسيني بشرهاته
    إذا الأعمده ماتنهض البيت للأمام
    مايبريه جاهل مايعرف اتجاهاته
    وتم الكلام ومابقى غير مسك ختام
    من الورد والريحان عطره ولفحاته
    اسلم عليكم كلبوكم سلام عام
    وعلي السلام ورحمته وابركاته !
  2. أوراق الخريف
    28-12-2011, 05:24 PM

    رد: سكوتي عن الجاهل

    سكوتي عن الجاهل


    أبيات قمة الرووعة
    صح لسان الشاعر وسلمت على النقل الذوق

    ننتظر جديدك بكل شوق
    تحياتي
  3. *مزون شمر*
    29-12-2011, 12:40 PM

    رد: سكوتي عن الجاهل

    سكوتي عن الجاهل


    نقل رائع
    يعطيك العافيه ..
  4. طير القوافي
    29-12-2011, 12:55 PM

    رد: سكوتي عن الجاهل

    سكوتي عن الجاهل


    صح لسانك ولسان الشاعر المعروف ابراهيم الشيخي والشاعر المعروف سلطان بن وسام الهاجري
    شعراء متمكنين ولهم جمهورهم بالوسط الشعري
    وللامانه انا من معجبين بالشيخي كثير رجل محترم وخلوق وصاحب اخلاق نبيله
    اتمنى لهم التوفيق
    واشكرك على الطرح المميز
  5. على خبرك
    29-12-2011, 01:48 PM

    رد: سكوتي عن الجاهل

    سكوتي عن الجاهل


    طبت وطاب منقولك ابداعت بالانتقاء ابيات مميزه
  6. لعيوونها
    31-12-2011, 01:59 PM

    رد: سكوتي عن الجاهل

    سكوتي عن الجاهل


    المشاركة الأصلية كتبت بواسطة *مزون شمر*
    نقل رائع
    يعطيك العافيه ..
    هلا بك مزون وتحيتي لك على المرور
  7. لعيوونها
    31-12-2011, 02:00 PM

    رد: سكوتي عن الجاهل

    سكوتي عن الجاهل


    المشاركة الأصلية كتبت بواسطة أوراق الخريف
    أبيات قمة الرووعة
    صح لسان الشاعر وسلمت على النقل الذوق

    ننتظر جديدك بكل شوق
    تحياتي
    ياهلابك اوراق الخريف وتسلمي على المرور
  8. لعيوونها
    31-12-2011, 02:02 PM

    رد: سكوتي عن الجاهل

    سكوتي عن الجاهل


    المشاركة الأصلية كتبت بواسطة طير القوافي
    صح لسانك ولسان الشاعر المعروف ابراهيم الشيخي والشاعر المعروف سلطان بن وسام الهاجري
    شعراء متمكنين ولهم جمهورهم بالوسط الشعري
    وللامانه انا من معجبين بالشيخي كثير رجل محترم وخلوق وصاحب اخلاق نبيله
    اتمنى لهم التوفيق
    واشكرك على الطرح المميز
    هذا ان دل يدل على ذوقك لأن الشيخي توه شاب ومن طلع النجوم الكبار في المحاورة.....أ شكرك لمرورك