123

قصيدة مكياجها باهت من كثر الدموع - بدر بن عبدالمحسن

ديوان الشاعر بدر بن عبدالمحسن - البدر
  • ارسال إلى Twitter
  • ارسال إلى facebook
  • ارسال إلى google plus
    1. حوريه..
      25-12-2011, 07:43 AM

      قصيدة مكياجها باهت من كثر الدموع - بدر بن عبدالمحسن

      قصيدة مكياجها باهت من كثر الدموع - بدر بن عبدالمحسن


      قالوا لها : ولد عمتك امينه
      جاي ويبي يكمل نصف دينه ..
      أيش رايك يافتون . . ؟
      ابتسمت وقالت : اللي تشوفون ..
      اركضت صوب غرفتها
      بعثرت من الفرح كل اغراضها
      وطلعت دبدوب لونه رمادي
      قبلته ولصدرها ضمته
      وقالت : انته أول هدية كانت في عيد ميلادي !!
      كانت من حبيبي
      نامت وهي تهمس حبيبي حبيبي حبيبي حبيبي !!
      ماصحت الا على طقة الباب
      امها تقول : بسرعه البسي ترى جونا الأحباب ..
      لبست أحلى الثياب
      صارت أحلى عروس
      بيديها كاسة عصير
      قلبها يسابق أقدامها
      تبي تشوف فارس احلامها ..
      لكن. . !!
      صار اللي ما توقعت انه يصير ؟!
      شافت ولد عمتها سعد
      رمت كوب العصير
      وارتمت فوق السرير
      قبل تسألها امها : وش اللي صار ؟؟
      اصرخت وقالت : ماأبيييييه !!
      تجمعوا عليها من كل صوب
      أبوها أمها أخوها
      قالوا : غصب عليك بتاخذييييه !!
      مرت بسرعه الأيام
      وصار الزفاف في نفس هذا العام
      تسريحه أي كلام
      مكياجها باهت من كثر الدموع ..
      عطرها مو مهم حي الله أي نوع
      خطواتها يم الكوشه ثقيله
      اهاتها داخل صدرها طويله ؟!
      تمنت الموت ألف مره
      على ان تعيش في حضنه لو مره !!
      سعد يمشي وماسك يدها بيده
      يناظر حوله ويشوف مافي أحد قده ..
      قضت ليلة
      أقصد ليلة قضت عليها
      ليلة كل شي موحش
      أجمعت بصدرها كل ونة مفارق تجمعت !!
      اليوم الثاني موعد سفرها
      سعد مع اخوه ينتظرها
      وصلهم لباب الطايره
      وعيونه من البكى حايره
      طبطب سعد على كتف أخوه
      وقال : لاتبكي كلها أسبوع وراجعين
      انا وقرة العين
      قال اخوه قول : إن شاءالله ...
      وصلوا الفندق
      اللي في صار في عيونها خندق !!
      مع انه خمس نجوم ..~
      أخر الليل فرش سجادته على شط البحر
      قال : اجلسي ياقمر
      اجلست جلسة طفش
      تمنت انها فوق النعش
      سعد فرض نفسه
      استلقى على ظهره ونام على حجرها
      يناظر في السحاب..
      ويقول احلى شي بالدنيا جمعت الأحباب
      يالله الجو روعه والبحر هادي ..
      فتون ماهي معاه . . ؟
      جالسه تداعب دبدوبها الرمادي
      وقتها نزلت دمعه على جبين سعد
      قام وجلس قال : خساره يافتون شكلها بتمطر !!
      راح لسيارته مسرع
      وخايف ان المطر أسرع
      قالها : عيوني هاتي السجاده وبسرعه تعالي ..
      سعد في سيارته
      مشغل الراديو ويسمع :
      ألا يامطوله صبري أذوق الهم من كاسه
      أنا ياكم قسى دهري علي وكم قسو ناسه. .

      ضحك بسخريه ونزل ينادي على حبه فتون ..
      سجادته في مكانها
      فتون مالها أثر .. !
      وعلى ضوء القمر
      في وسط البحر
      لاحظ شي يطفو !!
      جن جنونه وصار ينادي بصياح
      ماهو معقول كل شي راح
      فتون ماتت !!
      مالقوا الا دبدوبها
      اللي شايل وردة
      منقوش عليها
      | محبة فهد للأبد|
      منهو فهد ياسعد . .؟
      فهد اخوي .. ولد امي وأبوي !!
      كيف .. ومتى .. وليه .. ؟
      أسئله مالها أجوبه ..!
      على أول رحله عاد
      وليته والله ماعاد
      لقى أهله بثوب الحداد ؟!
      ماينقصهم الا فهد !!
      فهد وينه. . ؟
      فهد مات !!
      يوم رجع من المطار
      وركب سيارته
      لقى في المقعد الخلفي
      تذكرة سفر. .!
      مكتوب عليها من الخلف
      بروج احمر ..{
      | لأني احبك لن اعود|
      فهد انهار؛؛
      بكى بكى بكى
      نسى نفسه انه يقود
      صارله حادث
      بعد ماقطع ذيك الاشاره !!
      × . ×
      نفس التاريخ بعد عام
      في غرفة سعد
      علبه حمرا . .؛
      فيها .. {
      دبدوب رمادي
      تذكرة سفر
      صورة فتون
      صورة فهد
      مكتوب على العلبه ..:
      الا يا مطوله صبري أذوق الهم من كاسه
      أنا ياكم قسى دهري علي وكم قسو ناسه !!


      بدر بن عبدالمحسن
      250*300 Second
    2. أوراق الخريف
      25-12-2011, 02:58 PM

      رد: مكياجها بآهت من كثر الدموع ..

      قصيدة مكياجها باهت من كثر الدموع - بدر بن عبدالمحسن


      ألف شكر غاليتي حور على الابيات الذوق

      كلمات مؤلمة للغاية ارتجف معها قلبي وانسكب لها دمعي

      يالقسوة النصيب

      تحياتي لروحك الطيبة
    3. طير القوافي
      25-12-2011, 03:16 PM

      رد: مكياجها بآهت من كثر الدموع ..

      قصيدة مكياجها باهت من كثر الدموع - بدر بن عبدالمحسن


      ياسلام على الشعر الحر
      ممتع كثير وشيق ويكون له نغم حلوه
      رغم ان كثير لايعتبرونه الا خواطر الا اني اعتبره
      شعر ومن الشعر الجميل المليء بالاحساس
      يعطيك الف عافيه
      وبارك الله فيك
      جميله
      دمت بود
    4. *مزون شمر*
      25-12-2011, 05:57 PM

      رد: قصيدة مكياجها بآهت من كثر الدموع - بدر بن عبدالمحسن

      قصيدة مكياجها باهت من كثر الدموع - بدر بن عبدالمحسن


      صح السان الامير البدر
      ومشكوره على النقل ..


      عزيزتي
      قصائد الامير البدر توضع في ديوانه وليس بقسم الشعر ..
    5. الصادر
      25-12-2011, 05:59 PM

      رد: قصيدة مكياجها بآهت من كثر الدموع - بدر بن عبدالمحسن

      قصيدة مكياجها باهت من كثر الدموع - بدر بن عبدالمحسن


      اوووووووووواه

      حلوه وجمال الكلامات

      اللي شايل وردة
      منقوش عليها
      | محبة فهد للأبد|
      منهو فهد ياسعد . .؟
      فهد اخوي .. ولد امي وأبوي !!
      كيف .. ومتى .. وليه .. ؟
      أسئله مالها أجوبه ..!
      على أول رحله عاد
    6. يــآأإارآ
      25-12-2011, 11:06 PM

      رد: قصيدة مكياجها بآهت من كثر الدموع - بدر بن عبدالمحسن

      قصيدة مكياجها باهت من كثر الدموع - بدر بن عبدالمحسن


      مشكوره حور يعطيك العافيه
    7. حوريه..
      26-12-2011, 09:41 AM

      رد: قصيدة مكياجها بآهت من كثر الدموع - بدر بن عبدالمحسن

      قصيدة مكياجها باهت من كثر الدموع - بدر بن عبدالمحسن


      كل الشكر لحضوركم المميز ..

      امتناني لكم ..
    8. حكايا
      02-01-2012, 02:59 PM

      رد: قصيدة مكياجها بآهت من كثر الدموع - بدر بن عبدالمحسن

      قصيدة مكياجها باهت من كثر الدموع - بدر بن عبدالمحسن


      روووعة..

      البدر مبدع بكل حالاته..

      يسسعدك ربي ياعسل..
    9. bero sokr
      02-01-2012, 03:19 PM

      رد: قصيدة مكياجها بآهت من كثر الدموع - بدر بن عبدالمحسن

      قصيدة مكياجها باهت من كثر الدموع - بدر بن عبدالمحسن


      الله جميله
      تسلم ايديك
    10. حوريه..
      15-02-2012, 07:48 AM

      رد: قصيدة مكياجها بآهت من كثر الدموع - بدر بن عبدالمحسن

      قصيدة مكياجها باهت من كثر الدموع - بدر بن عبدالمحسن


      تشرفت بحضوركم ..

      امتناني لكم ..
    123