موال فلسطينى

بوح الخواطر, مشاعر وخواطر من قلبي ارسال إلى Twitter ارسال إلى facebook
  1. batol
    24-12-2006, 11:35 PM

    موال فلسطينى

    موال فلسطينى


    بدي أحكي ياخوان

    الله واحد ما لو ثاني ..... القصة قصة إنسانة

    عاشت بقديم الزمان ........أولها كان يا مكان.....

    كان إلها أربع صبيان .... محمد وأحمد وغسان ... وأصغرهم اسمو عدنان .....

    لما كبروا هالصبيان ...و شاهدوا غدر اللئام ....

    سألوا إمهم يا يما ليش ما إلنا بستان ....

    وينو أبونا يا يما قلتيلنا إنه رجعان ...

    وليش بنسكن بالخيمة من دون كل الجيران .......

    قالت إمهم يا أولادي كان إلنا أجمل بستان ......

    كله في وكله مي وكله خضرة واطمئنان .....

    حرثه أبوكم بذراعه وزرع العنب والرمان ....

    عنده تلة مرتفعة هواها بيشفي العيان .....

    وجنبه إلنا بيارة فيها الحامض والحليان ......

    وفي البيارة بير كبير حفره أبوكم للعطشان ......

    وقبالو شارع طويل بينزل دغري على بيسان .....

    على طرفه كله أزهار ورد و فل و أقحوان ..

    وبغربه كان النبات وقدامه ساحة وميدان ......

    وفي الساحة مربط للخيل لأبوكم شيخ الفرسان ....

    فيه القهوة وفيه الهيل فيه حدث يا مكان .......

    كنا نقضي فيه الليل والقمر فوقنا سهران .....

    من السمر والدنيا ليل والدنيا كلها امان .......

    كنتو إنتو ولاد صغار تنزلوا على البستان .....

    تقطعوا من الأثمار ..تلعبوا مع الأغصان .....

    مر الزمن يا لأولادي كبر العنب والرمان ....

    لكن الظالم يا أحبابي غادر ما إله أمان .....

    هجموا علينا الأعادي والطفل قبل النسوان ....

    سقط أبوكم يا أولادي وهو يدافع عن البستان ......

    اللي استشهد استشهد و تصوبوا كل السكان .....

    اليوم كبرتوا يا أولادي صرتوا من الرجال الشجعان .......

    فلسطين بتستنا وبتستنا كل الفرسان ......

    بتنادي هي يا أحبابي حرروني من الطغيان ...............

    وبتنادي هي يا رجالي حرروني من الطغيان ......

    تطوع أحمد وغسان ولحقهم محمد وعدنان .........

    كل واحد ودع أمه وحملوا رشاش وقران ...........

    نزلوا على فلسطين وتوجهوا على البستان .......

    عند حدود البيارة والقمر يرسل لمعان ........

    واستشهدوا بالغارة قبل ما يشوفوا البستان ............

    واستشهدوا بالغارة قبل ما يشوفوا البستان ....................

    وعلى باب الخيمة وقفت أم أحمد أم الشجعان ....

    قالت يا ربي حمدك ما غيرك إني حمدان ........

    جوزي وولادي فدوة فلسطين أرض الإيمان .....................

    رايح أبكي ورايح أعود لكن يا ربي فرحان ...............

    رايح أبكي ورايح أعود لكن يا ربي فرحان

    رايح أبكي ورايح أعود لكن يا ربي فرحان .................

    رايح أبكي ورايح أعود لكن يا ربي فرحان
  2. رجل القمر
    28-12-2006, 12:15 AM

    رد : موال فلسطينى

    موال فلسطينى


    شكرا بتوووول على هال قصة اخوكي رحل القمر
  3. عاشقة فلسطين
    29-12-2006, 02:44 PM

    رد : موال فلسطينى

    موال فلسطينى


    مر الزمن يا لأولادي كبر العنب والرمان ....

    لكن الظالم يا أحبابي غادر ما إله أمان .....

    هجموا علينا الأعادي والطفل قبل النسوان ....

    سقط أبوكم يا أولادي وهو يدافع عن البستان ......

    اللي استشهد استشهد و تصوبوا كل السكان .....

    اليوم كبرتوا يا أولادي صرتوا من الرجال الشجعان .......

    فلسطين بتستنا وبتستنا كل الفرسان ......

    بتنادي هي يا أحبابي حرروني من الطغيان ...............

    وبتنادي هي يا رجالي حرروني من الطغيان ......

    جزاك الله خيرا أخي على القصيده الرائعه
    وان شاء الله على القريب رايحين نقطف زرع التحرير
  4. عاشقةالظلام
    29-12-2006, 03:07 PM

    رد : موال فلسطينى

    موال فلسطينى


    بتول

    مشكور على القصيده الجميله

    تحياتي لك
    تقبل احترامي
    أختك: عاشقة الظلام
  5. batol
    02-01-2007, 11:05 PM

    رد : موال فلسطينى

    موال فلسطينى


    شكرا للجميع على مرورهم واتمنى انو نتواصل وبازن ربنا راجعين لبلادنا