123

ديوان الشاعر محمد السعيد شاعر العاطفة

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. shaer elatfa
    30-12-2014, 11:29 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة


    من غير تعصب وهمجية ... الدولة دى مش تكية
    هتقولى فلول هقولك بس يادلول هيا فين الحرية
    عملتوا ثورة وقلتوا حرية عيش كرامة عدالة احتماعية
    طب بس فين هيا طيبة النية فين المسئولية
    فين الحياة اللى بتنمناها ياثورجية .. بقى هيا دى الحرية
    اعتراض ومظاهرات على أى شئ وتقولى أصل الغية
    مش كل حاجة هنقول حرام ده الواحد زهق وبكمية
    عاوزين لمصر الأمن والأمان بس ازاى وإحنا كل يوم بنية
    يارب بلدنا تبقى بخير وندوق بقى طعم الحرية

  2. shaer elatfa
    30-12-2014, 11:29 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة


    مصر الخير
    مصر بتنده على أولادها .. بعد ضياع الخير الوفير
    مصر بتسأل فين خيراتها .. فين الأمن وفين الضمير
    لو فكرنا بس فى حالها .. أيام زمان كانت بخير
    أجمل حاجة فيها شبابها .. قوة تهد أسطول كبير
    ولما الصبح يدق بابها .. تسمع صوت تغريد الطير
    تمشى فى ضواحيها وشوارعها .. تلاقى حب وخير كتير
    دلوقتى مصر اتغير حالها .. بقى فيها ناس كارهة الخير
    كارهة الحرية لناسها .. كارهة أساسا كلمة تغيير
    مصر بتشكى لشعبها .. كفاية ذل كفاية تزوير
    جماعات هجرة خنقاها .. وجماعات مهنتها التكفير
    هنعيش دايما فى خيرها .. ونتمنى ليها الخير


  3. shaer elatfa
    30-12-2014, 11:30 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة


    الاخوان ملهمش امان
    من غير لف ودوران ... خربوا مصر الإخوان
    ضيعوها وفانوها وناويين يمحوها من الأزمان
    أخدوها غصب عن الشعب عشانهم شوية خرفان
    وركبوا الثورة وخانوا الشعب وأول ناس تركوا الميدان
    فليسقط حكم الإخوان وترجع مصر بلد الأمان
    بلد الحب والخير والناس الطيبة وأرض الحنان


  4. shaer elatfa
    30-12-2014, 11:31 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة


    ملناش نصيب
    كل حاجة حلوة بتمر وبتعدى
    حتى الحرية تيجى عندنا وتصدى
    والدنيا ماشية بتجرى بينا ولا بتهدى
    ياريتنا كنا سمعنا كلام جدك وجدى
    لما قالوا ان الحرية وطن وقوة وكفاح
    وهمة وعزيمة وطالب وتاجر وفلاح
    وجندى واقف ع الحدود رافع السلاح
    وشعب بينتج ويجتهد عشان هدفه النجاح
    دلوقتى ملناش نصيب فى الحق والحرية
    عملنا ثورات وقلنا عاوزين الديموقراطية
    بس إحنا شعب غاوى الفقر والظلم وبكمية
    يارب إفرجها علينا ملناش غيرك فى الدنيا دية
    دى مصر أم الدنيا غالية علينا
    ومصر فوق الجميع وجوه عنينا
    وهتفضل دايما عايشة فينا
    وهنحميها بقلوبنا ومالنا وايدينا



  5. shaer elatfa
    30-12-2014, 11:32 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة



    قمة انحياز
    عملوا قمة وقالوا قرار وراه قرار
    اجتمعوا بمايرضى الله وكأنهم ثوار
    قالوا دى ثورة وده حاكم جبار
    خلونا مقتنعين بكلامهم وكله هذار
    وكلنا عارفين ان كلامهم ورق وأحبار
    مفيش تنفيذ وورقهم يملى البحار
    تضييع وقت ع الفاضى ليل نهار
    وكل رئيس فاكر نفسه البطل المغوار
    هيحكم الكون وكلامه هيتنفذ باستمرار
    بس ده وهم وحلم مسدود الجدار
    ياقمة انحياز لهدف بدون معيار
    انعقادكم موجه لشعب جرفه التيار



  6. shaer elatfa
    30-12-2014, 11:33 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة



    مصر وردة دبلانة
    حالك يامصر كحال الوردة الدبلانة
    مقطوفة بشراسة ومجروحة وغلبانة
    فيكى الغنى بيدى الفقير حتة لبانة
    والقوى بيدوس ع الضعيف وبكل مهانة
    ناس بتشقى وبتتعب عشان تعيش مرتاحة
    وناس أساسا مرتاحة وعايشة بكل سبل الراحة
    وناس بتفرم وتدوس اللى قدامها بدون سماحة
    وكل ده عشان العيشة صعبة والحياة دباحة
    خيرك يامصر موجود بس الايد دايما بطالة
    وشعبك كسول واحنا اللى اخترعنا الكسالة
    عاوزين نبنى ونتقدم بس مفيش فرصة شغالة
    واللى يجيله فرصة ويشتغل تبقى أخره البقالة
    نفسى يامصر ترجعى تانى قوية
    مكانة وقوة وتقدم ورمز للحرية
    وعمل وكفاح وثقافة اجتماعية
    ومكان الوردة الدبلانة وردة عفية



  7. shaer elatfa
    30-12-2014, 11:34 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة


    شعب ملوش دية

    بقينا شعب ملوش كرامة ولا ليه دية
    كلنا بنموت وبنتقتل وبنغرق وبكمية
    ولا حد سائل فينا وكل يوم ضحية
    جوه مصر وبره مصر بتتهان الكرامة المصرية
    شعب طيب وغلبان بس اللى ماسكه ابن مفترية
    كرسى السلطة وفخر الجاه مع شوية الحرامية
    أصل المصرى ياعينى ملوش كرامة حتى فى الداخلية
    كله بقى تعذيب ومهانة ولا تفرق حاج ولا ولية
    والمتغرب حاسس إنه ملوش حماية من الخارجية
    يتبهدل ويتعذب بدون سبب ولا حد يعرف الوطنية
    وكل يوم بنعيش فى حوادث ومشاكل يومية
    ومحدش عارف فين هيا حسن النية الأصلية
    العيب فينا ولا العيب فى الحياة والناس الوهمية
    عاوزين بس نعيش حياة كريمة ونقضى يومنا بطريقة صحية
    عاوزين الأمن والأمان واللقمة النضيفة ونربى عيالنا بجدية
    مدارس بجد ومستشفيات نضيفة وتطور وتقدم للعالمية
    إحنا دولة ليها تاريخ لينا عهد جميل بس النية
    كل الدول عاوزانا ناكل بعض ونقتل بعض ونبقى فدية
    لازم نتحد ونقف مع بعض وندى لبلدنا شوية
    إحنا شعب كريم والكرامة بتيجى بالإحترام وخوفى عليك وخوفك عليا
    محدش هيعرف مصلحتنا غير إبن البلد وبنت البلد الذكية
    إحنا المصريين فوق الجميع وفوق الدنيا دية
    يارب إحمى مصر بلد الحب والسلام والأمن والحنية
    بلد المودة والطيبة والناس الكويسة المية مية
    بلد الأمان والنيل والأهرامات والحضارة الفرعونية
    مصر ياأم الدنيا هتبقى قد الدنيا وكل الدنيا



  8. shaer elatfa
    30-12-2014, 11:35 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة



    شكة دبوس
    العمر عامل زى شكة دبوس
    ناس طيبة وصافية النفوس
    وناس مشغولة وملهية فى الفلوس
    العمر بيجرى وبيعدى وبيدوس
    ومفيش كلام تقوله محسوس
    الدنيا تلاهى ومهما تدعك الفانوس
    نصيبك مكتوب متفائل أو منحوس
    إن كنت عالم أو راعى الجاموس
    هتشوف نصيبك شيخ أو ملبوس
    هنعيش ونمشى ونشرب عرقسوس
    ونشوف ده طيب وده إبن كلب جاسوس
    ونقول ونحكى وفينا واحد مدسوس
    والنية واضحة وكله دايس دوس
    وإن كنت فاكر إن قرصة الناموس بتغوص
    طب بالك بقى بشكة الدبوس



  9. shaer elatfa
    30-12-2014, 11:36 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة


    مصر فوق الإخوان
    خليك جرئ وقول كلمة حق للتاريخ والزمان
    لا وألف لا لجماعة هدفها السيطرة والطغيان
    مش بيحبوا غير عشيرتهم وكلامهم شبه الخرفان
    لا يفيدوا ولا يستفيدوا ودايما برسيم مع ألبان
    ده كل حاجة ليها أمن إلا هما ملهمش أمان
    غدر وخيانة من ضهرك وفى وشك ملايكة وحنان
    إياك تصاحب إخوانجى أو تعترف بجماعة الإخوان
    دول برضه عاوزين كل حاجة ليهم مهما كان
    ديكتاتورية منظمة وقواعدهم تمشى بأوزان
    هما يعيشوا ويتعلموا وإحنا نعيش بالمجان
    بس ده ظلم ووقع علينا ونكبة ولازم عصيان
    لازم نفوق ونعترف إن هما جماعة الجديان
    ومصر مش ليهم دى مصر فوق الإخوان



  10. shaer elatfa
    30-12-2014, 11:37 PM

    رد: ديوان الشاعر محمد السعيد شاعر العاطفة

    ديوان الشاعر محمد السعيد شاعر العاطفة


    مغرور
    مغرور بس مش بتكبر ع الناس
    مغرور بس محترم مع الناس
    مغرور و بعتبر نفسى أقل الناس
    مغرور وبقول الحمد لله ربنا يعفينى من شر الناس
    مغرور إن إسمى محمد على إسم أعظم الناس
    مغرور ومش بمشى أقول لكل واحد إنى الأساس
    مغرور ويكفينى شرف إنى واحد من الناس
    مغرور بس كله عارف إنى عادى وإبن ناس
    مغرور والحمد لله مليش علاقة بجرح الناس
    مغرور وبقول لكل واحد ظلمنى أنا مسامحك ياإبن الناس
    مغرور وبتماشى مع عقول الناس
    مغرور وبحترم كل ما يطلق عليه كلمة ناس
    مغرور وبتمنى أعيش سعيد وسط الناس



123