يالله انك

الشعر, قصيدة , شعراء, القصايد ارسال إلى Twitter ارسال إلى facebook
  1. ملاك الشهري M
    13-12-2011, 08:17 AM

    يالله انك

    يالله انك


    يالله انك تسقي سنين مضت قبل الدراسه
    يومني مافارق العابي ومشغول معاها

    جاهل سني صغير وماعرفت الا الوناسه
    ومن سالني عن هدومي قلت ابوي اللي شراها

    اثر كل اصغير يكبر والعمر فيه انتكاسه
    والشباب افضل مراحل العمر وافضل مستواها

    قلب ياللي كل ماهب الهواعود اعماسه
    يحتري الفرصه وهي تبعد وكنه محتريها

    كم نصحته قلت وله ياقلب غير ذا السياسه
    كم نفوس مانفعها الطب واعماها دواها

    وكل رجل لابغى يلبس يدور من مقاسه
    وادري ارضا الناس غايه بس مدري وش رضاها

    يالله انك تقطع اللي مايعرف الا البلاسه
    بين ربعه وينقل الهرجه ويشذب في قفاها


    يسقط الواحد العمره صارت الدعوا نحاسه
    كل منهم راغب نفسه ويتبع مشتهاها

    ويالله انك تقطع قلوب بداخلها خساسه
    والنوايا السيئه يارب عجل في فناها

    والقلوب الميته فيها مع الخبيث النحاسه
    شرها للطيبين وماتهاب الأ عداها

    كم شربت من الزمان وكم سقاني مركاسه
    بين هم وبين جورز وماخذت الاحداها


    والمناصب والكراسي والمسمى والرئاسه
    كل ابيها هم والدنيا تعب مكثر غثاها

    ودك ان الرجل عارف ياخذ علومه براسه
    يتبع السيئه بالحسنه والذنوب اللي جناها

    كل واحد لو تنكر يرجع العرقه وساسه
    والذيابه لاذبحها الجوع تزعج في عواها

    مايفيد بذا الزمان الا المهابه والشراسه
    حرص لبندق ولكن خلها داخل اخباها

    بيت شعري لاكتبته اتفاجا بقتباسه
    كل شاعر ياخذ الفكره وكنه ماخذها


    فضل الناس الجلوس وكسر الحطاب فاسه
    وكل راعي مهنه ريح ذلوله من عناها

    قالو ان الضغط للكهرب يولد التماسه
    كيف طيب في ضغوطات الحياه وفي شقاها

    وكان شفت ان المريض اصبح يبالغ في عطاسه
    قرب المخطر بنار حاميه بس صلها

    والصداقه لاغدت بالسر والا بالدساسه
    اخرتها تنتهي اما عشيه او ضحاها

    في مناكب الارض نمشي وابسكينه وابر ساسه
    نرجي اللي مدته تشبع ليا منه عطاها


    لاتطاوع للزمان وفتنه القلب وحماسه
    ولاتغرك ضحكه الدنيا ترا العقيبه وراها

    وكل مغتر بنفسه والشباب وقوباسه
    لو لحق دنياه والله مايلاقي منتهاها

    ويالله انك ترحم ايام مضت وقت الدراسه
    يومني لاشفت نجل العين مشكي من حلاها








    منقول
  2. ᵽ¡ҋʞ ║•
    13-12-2011, 01:33 PM

    رد: ((الموآآآقــــــــــــــــــــــــــــــــــــف))

    يالله انك


    يعطيك العافيةة ياقلبي ع الابيات الذوق
    لاتحرمينا جديدك ~
  3. طير القوافي
    13-12-2011, 02:47 PM

    رد: يالله انك

    يالله انك


    صح لسانك ولسان شاعرها
    قصيده مميزة
    اعجبني :.

    بيت شعري لاكتبته اتفاجا بقتباسه
    كل شاعر ياخذ الفكره وكنه ماخذها
  4. أوراق الخريف
    13-12-2011, 06:41 PM

    رد: يالله انك

    يالله انك


    صح لسان الشاعر وسلمت على النقل الذوق

    أعجبني:

    وكل مغتر بنفسه والشباب وقوباسه
    لو لحق دنياه والله مايلاقي منتهاها


    تحياتي
  5. الصادر
    13-12-2011, 07:01 PM

    رد: يالله انك

    يالله انك


    روعه يا ملاك ما كتب في القصيده



    والمناصب والكراسي والمسمى والرئاسه
    كل ابيها هم والدنيا تعب مكثر غثاها

    ودك ان الرجل عارف ياخذ علومه براسه
    يتبع السيئه بالحسنه والذنوب اللي جناها

    كل واحد لو تنكر يرجع العرقه وساسه
    والذيابه لاذبحها الجوع تزعج في عواها