123

ديوان الشاعر حمد بن سعد المسرع

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    10-12-2011, 07:20 PM

    ديوان الشاعر حمد بن سعد المسرع

    ديوان الشاعر حمد بن سعد المسرع



    بسم الله الرحمن الرحيم

    السلام عليكم ورحمة الله وبركاته


    الشاعر حمد بن سعد المسرع العجمي

    هو شاعر و اعلامي كويتي ..


    وسوف تكون هذه الصفحه خاصه بقصائده


    تحيتي ...
  2. *مزون شمر*
    10-12-2011, 07:22 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    قصيدة : لاتوصي حريص


    كان قصدك عذابي لاتوصي حريص
    الزمن ما يقصر وانت فيك ابركه


    لاتعاند تراني صرت مثل القريص
    ماحدن راح صوبه والعذاب انهكه


    لمعة الشوق فيني مثل لمع الفصيص
    والقدم سقتها لك والطريق اسلكه


    قانصن لك وطحت برمش عينك قنيص
    يوم شفته غدا بالقلب صوت ادبكه

    جيت بافر منك واثر مالي محيص
    اثر سهمك تعدا للحشا وادهكه


    اشهد انك بقدرك وبغلاتك بخيص
    من كثر زود حبك طحت وسط اشبكه

    انت وينك ترى الدعوا غدت حيص بيص
    وين راح الذكا والفكر والتكتكه ؟


    خل قلبي بحبك ياغناتي يهيص
    وبين روحي وروحك وقف المعركه


    ماهو ابشرط من دش البحر صار غيص
    كم وكم واحدن شاف البحر واربكه

    اشتوت كبدي وصارت ابعدك حميص
    وقرقعة قلبي ابصدري تقول اتنكه


    الأمل انطفا نوره وباقي بصيص
    والعمر فات دوره والزمان ادركه

    صح قلت ابتعد لاشك منت ابرخيص
    ماتناساك عقلي دام فيه احركه


    مايأثر عذولن جا عيونه نفيص
    راح مني وكفه بالقهر يفركه


    ياحبيبن جعلني من غلاته خبيص
    له عيوني وطن والروح له مملكه


    ماعلي غير شوفك ياحياتي نقيص
    هاك خيط المحبه وابيديك امسكه


    بين هم وتفكير وحظن عويص
    كل من قال خله قلت كيف اتركه؟

    كيف اخلي حبيبن في المحبه خليص
    فارظن احترامه والحنان املكه


    لو جعل لي رساله وسط مخبا القميص
    بدري ان التجافي والزعل فبركه


    ويوم قلت ابتعد ولله منت ابرخيص
    كيف يرخص مقام اللي هواه احبكه ؟



  3. *مزون شمر*
    10-12-2011, 07:26 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    توك صغيره :


    توك صغيره وابتديتي تحبين

    من علمك ليل السهر ياصغيره ؟

    بدري عليك العشق يابنت هاللحين

    حرام هذا القلب وشهو مصيره ؟

    انتي بريئه في الهوا ليه تشقين؟

    دروبه طوال عليك وعسيره

    رحتي بدرب ماله اصلا عناوين

    وانتي مشاويرك من اول قصيره

    ياطفلة حبت وراحت على وين ؟

    عقب الهنا ذقتي الحياه المريره

    وينك ووين الحب والشوق والبين ؟

    عنيتي عيونك وصرتي سهيره

    امحق تسلي كان ودك تسلين

    الورد لولا اللون وشهو عبيره ؟ ؟ ؟

    خليتي دروسك وصرتي تحاتين

    الدرس في ديره وصرتي بديره

    وصرتي بعد من غير هذا تغارين

    والمشكله يابنت منتتي خبيره

    نصيحتي لك كان ودك تردين

    يم السعاده والحياه المثيره

    خلك بجو العايله لا تعدين

    ماما وبابا والعجوز الضريره

    شيبانك اللي ما يبونك تعانين

    من بينهم عشتي كأنك اميره

    الحب قبلك هز ناس كثيرين

    خلا القلوب تعيش هم وحيره

    والحب يفضح لا انكشف داخل العين

    وانتي بنفسك ما هقيتك بصيره

    طيعي كلامي واحذري لا تمادين

    تراجعي لعل في الأمر خيره

    عيشي الطفوله والبراءه لك سنين

    وبعدين حبي لا غديتي كبيره



  4. *مزون شمر*
    10-12-2011, 07:28 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    ياليتني دكتور عينش :


    ياليتني دكتور عينش واداويش

    في ذمتي لرفق بها من غلاها

    والله لعالجها من الروح بشويش

    وامسح دموعش لين ترجع وراها

    ياغاليه ياللي عيوني تراعيش

    لبى عيونش جعل روحي فداها

    ادري تألمتي عسى الله يعافيش

    وادري تصبرتي على ما وزاها

    مادام عينش تسهرش في لياليش

    وش عاد بيدي دام هذا دواها ؟

    تحملي يمه عسى الله يشافيش

    ونفس البنادم صعب تلحق هواها

    يا ما سقيتينا وحنا معاطيش

    وفعايلش ياكيف نلحق جزاها ؟

    جمايلش لو تنذكر ما تكفيش

    ويمناش يايمه كثير عطاها

    يالوالده ياليت شعري يوفيش

    واكتب بيوت تعجب اللي قراها

    سلامة عيونش عسى الروح تفديش

    ياغاليه مادور الا رضاها

    بس انتي ارتاحي وحنا بنكفيش

    ونرد لش عقب المراره حلاها

    يامرحبا واهلين والله يحييش

    وجعلش مجار من السعير ولظاها




  5. *مزون شمر*
    10-12-2011, 07:29 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    قالت إتوشوش ؟




    قالت اتوشوش؟ قلت طبعن أوشوش
    تراش متصله على بيت عجمان


    قالت وش انتوا؟ قلت سيلن يطمش
    من يوقف بوجه السلاطين خسران


    هذا كلامي واعتقد مايخصش
    ماغيره لجلش ولاني بندمان


    لاني بلا خالش ولاني ابعمش
    بيني وبينش فرق شتان شتان


    أنا على سلمن ولاهو بسلمش
    سلم الرجال مطوعة كل خوان


    ماحقرش والله ربي وربش
    والهرج فيه اللي هزيلات وسمان


    مهما ابتعدتي ماتعدين أمش
    وانا دروبي ليل وبطون وديان


    لو كنتت ادور عن غرامي وافتش
    لقيت بين الناس ربعن وخلأن


    توش على درب المواليف توش
    درب الهوى يابنت موجن وطوفان


    بعض الدروب السالكه ماتسرش
    خليش عن جو العلاقه والاحزان


    وبعض الغيوم الماطره ماتعلش
    وماكل غيمه تمطر الوبل هتان


    يابنت لاهللحين ماني بخلش
    وضحت لش بعض الحقايق ببرهان


    وشلون في لحظه تبيني أحبش؟
    والاتبين السالفه لعب بزران؟


    طيعي كلامي واتركيني طلبتش
    خليني اقضي باقي العمر فرحان


    واللي سواتي لازم انه يطنش
    ضيعت وقتي لين نور الفجر بان


    روحي فمان الله ربي يحفظش
    يالعنبو قلبن على الحب ينهان


  6. *مزون شمر*
    10-12-2011, 07:31 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    كل شارب له مقص :



    ابتدا التفكير والهم والهاجس رقص

    رقصتن يغري بها الفكر في وسط الذهول

    حابسن نفسي عن الناس كني في قفص
    دارت الايام فيني ودارت بي الفصول

    كل ماقلت ان حزني غدا والا نقص
    اكتشفت انه تزايد ولا عندي حلول

    عزتي لي راح عمري وهمي ما خلص
    كل ماقلت انتهينا واثر عاده يطول

    ياحسافه دام قدري مع الغالي رخص
    اثر له في بيع ذا الناس غايات وميول

    واثرني من جيز ذا الخلق والحب اختبص
    وضعنا واحد بعينه واخذنا بالشمول

    ماعرف قدري وطبعي وفيني ما بخص
    والخطا منه وخله يقول اللي يقول

    الرجال بفعلها وكل شارب له مقص
    والجمال جمال وتشيل من ثقل الحمول

    ماندمت الا على الوقت والدنيا فرص
    لاني برجلي ولا نيب في ظهر الذ لول

    والقدر مكتوب للعبد لو انه حرص
    لو يفر يسار ويمين مايقدر يحول

    والفطين اللي لساعات وقته اقتنص
    لا يضيع كل وقته على عشقن يزول

    عقب مادلوي من ايدي تهاوى وانملص
    والله ان ابطي وقلبي من الخاين جفول

    والبنادم دامه اصلا تأذى وانقرص
    لا يكرر غلطته لا ولا يصبح عجول

    سيرة العشاق صارت روايات وقصص
    يوم كان الحب غارات ورماح وخيول

    والمحبه صارت اليوم بدروس وحصص
    كثر ماتدفع تزيد المحبه والقبول

    ولو زهمت الحظ يبطي وعاده ماقحص
    لين تذبل كل ورده ربت وسط السهول



  7. *مزون شمر*
    10-12-2011, 07:33 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    النوم سلطان :





    النوم سلطان ونعاسي غلب عيني

    تصبح على خير واشوفك بعد بكره

    هللحين اخليك لكن لا تخليني

    الله معك ياغلا لكن على فكره ؟؟

    باحاول اصبر عسى صبري يسليني

    لو كان شوقي طواني طوية المكره

    الله يساعد عيوني لين تاتيني

    ابنتضر والصبر في غيبتك سكره

    نام وتلحف وانا يابهجة سنيني

    ماني بناسي الوعد باعيش مفتكره

    من قال طيفك عن غيابك يكفيني

    ياللي جمعت الجمال وصرت محتكره

    من كثر ماشوفك انت احلى محبيني

    لا شفت غيرك ضحكت وقلت ياجكره

    ابنتضر وانت كم قد لك تمنيني

    بذكرك بالطيب والطيب على ذكره

    تبي تعرف الغلا وشلون باليني

    يشبه غلا اللي من عياله عشق بكره

    يامن بزينه ملك عرش السلاطيني

    ياعين حر تشوف الصيد في وكره

    لا تسمع الناس لحد يقنعك فيني

    العاذل اصلا ترى ماينومن مكره

    وارجوك انا بالغلا لحد يساويني

    دام الهوا لك بروحي شي مبتكره

    باقي على شوفتك يالترف يوميني

    لو طاف الاول انا كيف احتمل بكره ؟؟؟

  8. *مزون شمر*
    11-12-2011, 06:24 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    رديه بين حمد المسرع ومبارك العجمي :





    أرسل الشاعر حمد بن سعد المسرع هذه الأبيات للشاعر مبارك بن عبدالله العجمي


    حينما سبقه بالذهاب الى القاهره حيث من المقرر ان يلحق شاعرنا حمد يصديقه


    مبارك بعد عدة ايام فأرسل له هذه القصيده التي لا تخلو من الطرافه وبعض الألغاز






    يامبارك القرم خبرني عن الديره

    .............................. وشلون جو البلد من قبل لا جيها ؟؟


    بشر عسى الغيم لاحت لك تباشيره ؟

    ............................... وغزلان طنطا عساها في مفاليها ؟؟


    ان وافقت خير وان ما وافقت خيره

    ........................................ وان قاله الله بعد يومين ناتيها


    وعقلك مع الوقت لا تشغل تفاكيره

    ................................... عش لحظتك واترك الدنيا وما فيها




    رد مبارك




    ياصاحبي صاحبك كثرة مشاويره

    ............................. ف القاهره جعل رب البيت يسقيها


    مابين توصيله ورجلي وتأشيره

    ............................... ولوازم ياحمد لا زم نقضيها


    وغزلان ذا الدار يابوفيصل اكثيره

    ............................... بنصيدها ونتقاسمها ونشويها


    احسن من اللي تحط الفكر في حيره

    .............................. اللي تزعلك وانت اللي تراضيها


  9. *مزون شمر*
    11-12-2011, 06:25 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    قصيدة مستوره :





    الفتون اللي هواها ماخذن له حيز

    وسط قلبن مايعرف الا هوا مستوره

    ليه مايصبح هواها فارق ومتميز

    وهي بعيني دايمن تطلع بأجمل صوره

    أحمل بصدري لها حب وبعد متحيز

    للجمال اللي خذاني في غزير بحوره

    ياغزالن من حلاها ماقدرت أميز

    تايهن والعين من زين الغضي معذوره

    جعل يسقا لا دخل سبعه ورحت أفيز

    نلتقي بالديره اللي بصيفها ممطوره

    العزيز بوسط قلبي مايصير عزيز

    دامه بقلبي عزيزين ماتطيح قصوره





  10. *مزون شمر*
    11-12-2011, 06:34 PM

    رد: ديوان الشاعر حمد بن سعد المسرع

    ديوان الشاعر حمد بن سعد المسرع


    قصيده في وزير التجاره السابق المهندس :
    فلاح بن ذروه الهاجري وبسبب هذه القصيده أصبح شاعرنا حمد المسرع

    رئيس قسم في وزارة التجاره والصناعه :



    قبل ماتصبح وزير التجاره يافلاح
    وانت قرم وسمعتك بالمراجل فارقه

    أشهد انها كلمة الحق مافيها مزاح
    كل ماجا طاري الطيب جيت تسابقه

    انت تستاهل مع البشت والمنصب وشاح
    هو يجيك يعانقك قبل لنت تعانقه

    تفتخر فيك المناصب من علوم النجاح
    وصيتك بكبد السما لاح صوبي بارقه

    مجلسك بالعود الازرق وريح الهيل فاح
    الدلال الصفر والعود جمرك حارقه

    مجد واخلاق وتواضع وفزعات وسماح
    وعادني بازيد وحده فعولك صادقه

    خوة الطيب مع الطيب مثل اسم الصباح
    رزقه ونسمة عليله تجي مترافقه

    حلفنا يابوفهد من على وقت الرماح

    حلف ياوجه إمحلف من عصور سابقه

    جيتك ابغا اشرب من العد وردني قراح
    السفينه طال عمرك تراها عالقه

    ماشكيت من العذارى ولا ظبي البراح
    اشتكي نار بوسط الظماير حارقه

    ودي اطلع منك والصدر ماليه انشراح
    همي اللي طاول الصدر ليت افارقه

    الزمن يمضي وماراح من الاعمار راح
    حاجتي عندك وابي منك بس موافقه

    انصف اللي جاره الوقت وسنينه شحاح
    ينتضر شمس تنور بدربه شارقه

    يابن ذروه وانت راعي المراجل والكفاح

    خل من شيد لك الشعر يهنا خافقه

    وجعل طيرن مايسميه راعيه فلاح

    جعل يصبح في عداد الطيور النافقه


123