لفيت من العصر هايم مع ان الموعد المغرب

الشعر, قصيدة , شعراء, القصايد ارسال إلى Twitter ارسال إلى facebook
  1. -مالـــي شبـيه- . !
    03-12-2011, 04:25 PM

    لفيت من العصر هايم مع ان الموعد المغرب

    لفيت من العصر هايم مع ان الموعد المغرب


    على الموعد بلهفه جيت لامانع ولاتأخير
    لفيت من العصر هايم مع ان الموعد المغرب

    وجتني بس انا مدري شعرت الجيه هذي غير
    وهي تقرب من عيوني شعرت ان الممات اقرب

    وقلت : الله يهونها عسى في جيتك لي خير
    انا من شفتك اقبلتي وانا خايف ومستغرب

    على كثر الحكي مدري كأنه خانها التعبير
    قالت لي جمل واشياء لا تكتب ولا تعرب

    هدت فجأه تطالعني وانا في حاجة التفسير
    لجل نحكي بهدوء اكثر .. سألت الحلوة وش تشرب؟

    وصاحت بي .. انا أحبك ولك في هالحشى تقدير
    وتدري ان المثل فينا وفي احساسنا يضرب !!

    صحيح انك (وفي) وانك (بري) من تهمة التقصير
    ولكن ذي عوايدهم من ايام وزمن يثرب

    تكون البنت لابن العم ورغبات الكبار تصير
    وتدري الاقربون اولى مع انك للخفوق أقرب

    وتدري للقدر كلمة و لعادات الأهل تأثير
    لذا ارجوك تتركني وانا من دنيتك باهرب
    شعرت بحكيها كنه قصاص وأمر بالتعزير
    شعرت الدنيا ضاقت بي من المشرق ليا المغرب

    مشت خلت وراها طفل مايدرك وش التدبير
    يحسب ان الغرام اشعار شاعر واغنية مطرب

    ضحكت وماقدرت اني الاقي لضحكتي تبرير
    من اللي بوقتنا مره ضحك من لدغة العقرب؟!

    رفضت استوعب اللي صار ولا استسلمت للتغيير
    ثمان سنين .. أجي نفس المكان بحزة المغرب

    برغم ان الثمان سنين جرح وكلفتني كثير
    انا لليوم أجي وادعي .. تجي يارب .. تجي يارب





    منقوله
  2. السحاااااااااااب
    04-12-2011, 11:01 PM

    رد: لفيت من العصر هايم مع ان الموعد المغرب

    لفيت من العصر هايم مع ان الموعد المغرب


    نقل رائع الله يعطيك العافيه تقبلي مروري مع تحياتي
  3. طير القوافي
    05-12-2011, 12:26 PM

    رد: لفيت من العصر هايم مع ان الموعد المغرب

    لفيت من العصر هايم مع ان الموعد المغرب



    صح لسانك ولسان الشاعر
    جميله كثير
    يسلم ذوقك


    خالص ودي
    طير القوافي
  4. -مالـــي شبـيه- . !
    06-12-2011, 02:49 PM

    رد: لفيت من العصر هايم مع ان الموعد المغرب

    لفيت من العصر هايم مع ان الموعد المغرب


    نورتو
    م ننحرم من هالطله...!
  5. أوراق الخريف
    06-12-2011, 04:59 PM

    رد: لفيت من العصر هايم مع ان الموعد المغرب

    لفيت من العصر هايم مع ان الموعد المغرب


    صح لسان الشاعر ويمينك على النقل الذوق
    ودي لك