رعود الشعر

الشعر, قصيدة , شعراء, القصايد ارسال إلى Twitter ارسال إلى facebook
  1. هـواوي شمـالي
    21-11-2011, 10:48 PM

    رعـــــــــود الشعـــــــــــر

    رعود الشعر


    هذي ابيات والله انها اعجبتني حيييييل
    ...
    للشاعر: اسير القلم
    (( وش اسوي فيه ماذكر اسمه.. ولا كان جبته ههههه ))

    مع تحياتي مقدما//
    أخوكم:
    فهد بن رمال الشمري


    ~
    ~
    ~

    يقول المبدع

    //




    سلام يابيت الشعر والقوافي
    باستأذنك يالشعر واكتب قصيده

    الشمس بانت في سما جو صافي
    واخيل بالنظره سحابه بعيده

    زاد السحاب اللي بجوفه خوافي
    والكون اظلم والصحاري سعيده

    متفائل بالسحب والشوق كافي
    والرعد دندن والصواعق شديده

    والبرق يبرق والعرب بارتجافي
    وهابت من الموقف خلايق عنيده

    ساد الهدوء الكون وانهل صافي
    واصبح سحاب المزن ينزف وريده

    واروى الديار اللي ذبحها الجفافي
    والغصن ازهر والشجر عاد عيده

    والطير غرد لحن صادق ووافي
    وعم الفرح بين الورود النكيده

    والخير بانت صورته بالضفافي
    ولبست جبال الكون برده جديده

    هذي مزوني والمشاعر بخافي
    لو قادها الهاجوس صارت مفيده

    انظم من الوافي واكب الهوافي
    واعزف معاني بالقصايد فريده

    ماني مبالغ بالكلام الخرافي
    قولي انا وفق الحكم والعقيده

    ماجيب في قولي معاني خفافي
    اندب ثقال الوزن واللي عنيده

    الضيف يشرب قهوتي بالعوافي
    مسكوبة الفنجال شقرا وليده

    ماهمني من قال للبن كافي
    اهم شي ارمي غزالي واصيده

    القنص والقهوه حبايب ولافي
    حط العرب معهم علاقه وطيده

    هذي تواقيعي وهذا اعترافي
    ان العرب اهل الصفات الحميده

    حبيت اختمها بحكمه لقافي
    اللي زرع معروف يلقى حصيده

    جعلت انا صدقي لشعري غلافي
    من شان تصبح كل عينن شهيده
  2. السحاااااااااااب
    21-11-2011, 10:55 PM

    رد: رعـــــــــود الشعـــــــــــر

    رعود الشعر


    مشكور اخوي الغالي على النقل والله يعطيك الف عافيه

    تقبل مروري مع تحياتي
  3. طير القوافي
    21-11-2011, 11:04 PM

    رد: رعـــــــــود الشعـــــــــــر

    رعود الشعر


    صح لسانك ولسان شاعرها
    قصيده رائعه كثير
    يسلم ذوقك المتميز
    لك تحيتي
  4. ᵽ¡ҋʞ ║•
    21-11-2011, 11:54 PM

    رد: رعـــــــــود الشعـــــــــــر

    رعود الشعر


    صح لسان الشاعر ولاهنت :) ~

    ابيات ذوق , يعطيك العافيةة ~

    دمت بخير ~
  5. قرين الليل
    22-11-2011, 04:09 AM

    رد: رعـــــــــود الشعـــــــــــر

    رعود الشعر


    يعطيك العافية اخوي فهد

    اختيار موفق
    جمال المنقول من ذوق الناقل

    وقد أثارتني القصيدة

    بما فيها من مدح النفس لشاعرها
    وقلت ابيات على عجل

    على نفس القافيه


    تحياتي لك أيها الراقي
  6. فتاة السعودية
    23-11-2011, 01:29 PM

    رد: رعـــــــــود الشعـــــــــــر

    رعود الشعر


    صح لسان شاعرها ولاهنت يافهد تحياتي
  7. هـواوي شمـالي
    23-11-2011, 02:16 PM

    رد: رعـــــــــود الشعـــــــــــر

    رعود الشعر


    اخواني واخواتي//

    السحاب ~ طير القوافي ~ ᵽ¡ҋʞ ║• ~ قرين الليل ~ فتاه السعوديه

    ...........

    شرفتوني الله يحييكم ..
    وصح الله ابدانكم .. لاخلا ولاعدم ..

    ~
    قرين الليل انتظرني ان شاء الله لي مرور على ابياتك الذوق .. وانا ادري انها ذوق مع اني باقي ماشفتها ، لأني عارف انك انت والإبداع اخوان ~
    ...

    مع تحياتي للجميع // فهد
  8. سنسبيل
    25-11-2011, 10:03 AM

    رد: رعـــــــــود الشعـــــــــــر

    رعود الشعر


    يعطيك العافية اخوي فهد
    مشكور