سالفة البرقع

saroOona

New member
قصتي من اول ما شفت البرقع......اتمنى تعجبكم

انا بنيتن كنت البس غطوتن عاديه
وماعرف شيين أسمه برقع
وفي يومن من الأيام وفي سوق ال....ههه وش رايتس ماعاد ناقص إلا إسم السوق
المهم
شفت عجوزن عليها بريزع

يهبل يطرح الطير من السماء
لدرجه إني جلست في قدامه أتأمل في مايسمى البرقع....ههههههه
والمسيتسينه العجيز قزتني قزه عدت بها إلى صوابي
وبصوت عالي قالت لي<<أنتي علامتس وش تبيين يوم إنتس تراعين لي كذا؟!!!!!!!!!!
قلت لالا ياخويلتي بس إني مشبهه عليتس
أنتي أم شليويح؟؟<<<عاش مصرف.....
قالت:لا يا بنيتي أنا أم مناحي
وأنت وش إسمتس ومن أنتي بنته وتسم عمرتس معرسه والا ووين حوشكم؟؟.....لاحول والله النشبه
وعندما تورطت وهممت بالإجابه إلى الصوت من خلفي
طاط بيب طاط بيب طاط ططاط ططططططاط بيييييييب
هذي المزيونه سيارتنا أحلى سيارتن بالكووون<الشاص>
وفيها أحلى أخوي بعد تسبدي .....حميدان.....
قلت يالله ياخويلتي مع السلامه أشوفتس على (خير)خوي جا ء
قالت روحي الله يستر علاتس ويوفزتس
المهم أكمل قصه البرقع
وأنا أرجع للبات حيزينه
وأزعل على غطيوتي وأنطلها بسله المهملات...حشى مدبلج
وبعدين اليوم الثاني رحت للسوق لعل وعسى ألقاها
ولا لقيتها وعدت خائبة إلى المنزل
تدرون ليش أعجبني برقعها...برقعن يسمونه الصقر<<والله اني ماعرفه ههه
ورحت لميمتي قلت يايامه تريني أبي برقع
قالت :وش تبيين به
قلت: ماعليتس ابيه ابيه ابيه<<<هع هع هع مصررره
قالت:خلاص الله يدوختس ويرجتس
وراحت الله يخليها لي وجابت ذاك البرقع
ذاك البرقع
ذاك البرقع
الج امد
ومن الفرحه لبسته وقعد علي عاصبتن به راسي
باأقوى ماعندي...ههههههه
أقعد به وأرقد به وأكل به وأدخل به وأنتم بكرامه الحمام وماأنززززززله أبد.......كثري الأرانب
المهم وفي يومن من الأيام صرخت صرخه مدويه وسقطت أرضا
يوم رحت للمستشفى قالوا أنتس رابطتن شين جامدن على دماغتس
قلت إيه برقع
قالت الدكتور\\ ايه ده برئع؟....
وأنا ألزم وأطلعه من الكيس))
قلت \\ هذاهو
قال \\ ربنا يصبرك ويعينك
قلت\\ ليه
قال\\ دنتي بئيتي حولا
ومن يومها صارصرت حولا
إدعولي إن ربي يشافيني وتزين عيني عشان تصيرعيووني عاديه
قصة وسيناريو وحواروتنفيذ وإخراج\\
حولابس مركزه
بطولة\\حولا بس مركزه((أجمل نساء العالم))
الوجه الجديدوالقدير \\العجوز الي عليهابريزع ((الله يخلي لنا شيبانا لنهم الخير والبرتسه))
الفنان القدير \\ ميمتي ((الله يخليها لي))
النجم \\ حميدان ((خويي بعدتسبدي))
نتقدم بخالص الشكر لمستشفى الحالات المستعصيه
وللدكتور \\ مصطفى عبدالخالق فتحي شوقي شكري عبده كريم فتحي عبدالسيدرمضان...مايحرمناش منك ياسي السيد ومن خدماتك

القصه خياليه لاأتحمل أي مسؤليه إذا تسان هناك تشابه في الواقع...وين بيجي التشابه منه
أدري إنها مالها داعي بس عاد الواحد لازم يضحتس ويبتسم ويستانس



للامانه
منقوووووووووووووووووول
 
عودة
أعلى