طبعا ما تستحي

سوالف بنات, مشاكل البنات, نقاشات وسواليف بنات, نصائح, استشارات, تجارب معلومات ارسال إلى Twitter ارسال إلى facebook
  1. أحوب الصمت وجنونو
    07-11-2011, 07:08 PM

    طبعا ما تستحي

    طبعا ما تستحي


    الحيا شي مطلووب ..

    والحيا من شعب الايمان ..

    عشان كذا لازم يكون من اهم صفاتنا مو فشي وشي لأ

    ولازم قبل كل شي نستحي من الله اللي فكل وقت يشوفنا

    انا اللي صايره اشوفو فالايام دي

    انو الكل صار يستحي ويمثل الحيا فكل حاجه الا الله مانستحي منو

    صرنا نرفع اصواتنا ع امهاتنا ونقول اوف ومانستحي لا من امنا ولا من الله

    صرنا نأخر الصلاه عن وقتها ومانستحي من الله اللي جالس يشوفنا

    والله لو كان موعد مانقدر نأخرو حنقوول عيييييب ادينا كلمه وحنستحي لو تأخرنا

    الوحده فينا تدخل المطبخ وتطبخ وتكمل وتروح تصلي بدون ماتغير ملابسها تقول خلاص بعدين مره وحده

    طيب ماتستحي من الله تقابليه وانتي كدا ؟؟؟

    والله لو وحده من صحباتك جايتك راح تلبسي احسن لبس وحتتعطري من اغلى العطور

    قوليلها اطلعي بملابسك اللي كنتي تطبخي فيها زي مانتي وشوفي ايش حتقولك

    حتقول لا عيب استحي !!! طيب وربك اللي تقابليه كدا ماستحيتي منو ؟؟؟؟

    طبعا ماتستحي ..!!!


    _0_0_0_0

    العالم اللي تجلس ع الشات والماسنجر

    شباب يكلمو بنات ووبنات يكلمو شباب

    وكلام الحب والغززل واللي يسب واللي يشتم والي يمدح واللي يوصف

    وماتحلا الجلسه الا بعد 12 بالليل

    ووقت نزول ربنا لسابع سما

    ماتستحي من الله وهوا يشووفك وانتا تقول الكلام دا


    طبعا ماتستحي ..!!

    _0_0_0_0_0

    واللي تطلع من غيير ماهلها يدرو عنها تقولهم

    رايحه عند صحبتي ولا اي شي ووهما ياعيني يصدقوها

    وتجيك تاني يووم وهيا فرحانه وتقولها بالفم المليان

    والله امس طلعت مع حبيبي ومحد دري عني

    وربك يامجنونه مادري عنك !!!!!!!!!!!!!

    ماستحيتي منووووووو !!!!!!!!!

    طبعا ماتستحي ..!!

    _0_0_0_0_0_0

    والعالم التانيه اللي فالبالتوك والفيس بوك والنت لوق وغيرو وغيرو

    وتعرض صورها بدون حيا ولا خوف من الله لا وياليتها محشمه

    و اكثرها بربع لبس اذا مو اقل

    ماتستحي من الله اللي اداك النعمه دي وقادر ياخدها ؟؟؟

    وانتي تستخدميها لأغراض تسود الوجه !!!!

    طبعا ماتستحي ..!!

    _0_0_0_0_0_0_0_0

    والللي يسرقو واللي يدخنوو واللي واللي واللي

    البلاوي كثييييره

    وفالاخير تجو تقووولو ياهوووووو محد يدري

    تقوولوها بدوون حيا ولاخوف من الي خلقكم ..!!!

    طبعا ماتستحي ..!!!

    _0_0_0_0_0_0

    والناس الللي تسافر

    وتقوولك سفرة عمل

    وتروح اخر الدونيا عشان ماتلقى احد يعرفها ويشوفها

    سواء بنت ولا ولد

    وتفلها رقص وخمرر و و و

    وترووح هناك الملاهي الليليه وكل مكان

    وتقوولك وناسه مافي احد وبسوي اللي ابغاه

    يعني اذا رحت بعيد ربي ماحيشووفك وربي بس مكان مانتا عايش ؟؟

    ولا انتا ع بلاطه كذا ماتسحتي ..؟؟؟

    طبعا ماتستحي ..!!

    _0_0_0_0_0

    انا مني عارفه ايش فايده الاعلام والتطور والتدريس اللي فالمدارس نتعلمو من اولى ابتدائي

    دام لسا في عقوول تافهه زي كذا

    لاتقولولي مراهقه كلنا مراهقين ومانسوي الاشياء هدي

    المشكله فالعقل والتربيه والخووووف من الله بس

    وطبعا مافي احد كامل الا الله

    ترى الحيا والله شي حلوو

    مايحس فيه الا اللي من جد يستحي من الله ...

    _______________________


    أقبل رجل إلى إبراهيم بن أدهم .. فقال :

    يا شيخ .. إن نفسي .. تدفعني إلى المعاصي .. فعظني موعظة!


    فقال له إبراهيم :

    إذا دعتك نفسك إلى معصية الله فاعصه .. ولا بأس عليك ..
    ولكن لي إليك خمسة شروطقال الرجل :

    هاتها!


    قال إبراهيم :

    إذا أردت أن تعصي الله فاختبئ في مكان لا يراك الله فيه!

    فقال الرجل :

    سبحان الله ..كيف أختفي عنه ..وهو لا تخفى عليه خافية!فقال إبراهيم :
    سبحان الله .. أما تستحي أن تعصي الله وهو يراك .. فسكت الرجل ..


    ثم قال :

    زدني!

    فقال إبراهيم : إذا أردت أن تعصي الله .. فلا تعصه فوق أرضه

    فقال الرجل :
    سبحان الله .. وأينأذهب .. وكل ما في الكون له!


    فقال إبراهيم :
    أما تستحي أنتعصي الله .. وتسكن فوق أرضه ؟
  2. ماعاد تفرق معاي
    07-11-2011, 10:02 PM

    رد: طبعا ما تستحي

    طبعا ما تستحي


    الله يسترنا في الدنيا والاخرة
    ويجعلنا من من يدخلون جنات النعيم وهو راضي عنا ..
    جزيتي الجنه على موضووعك

    ودي ..
  3. عصفورة العذاب
    08-11-2011, 05:17 AM

    رد: طبعا ما تستحي

    طبعا ما تستحي


    يسلموووؤؤ
    جزاك الله خيرا
    انفع بك الامه
    والله صدق كلامك
    كله
    اللهم اني اسالك
    باسمائك الحسنى
    وصفاتك العلى
    ان تهديني
    ووالدي والمسلميين
    جميعا
  4. رتيبة
    14-01-2012, 11:39 PM

    رد: طبعا ما تستحي

    طبعا ما تستحي


    معك حق الله يجزيك خيرا
  5. مصرقعه بقوه
    15-01-2012, 01:03 AM

    رد: طبعا ما تستحي

    طبعا ما تستحي


    مشكوووره اختي عساها بموازيين حسناتك
  6. بتي
    15-01-2012, 02:05 AM

    رد: طبعا ما تستحي

    طبعا ما تستحي


    يسلموووووووووووووووووووو
  7. اليسال
    18-07-2016, 04:20 AM

    رد: طبعا ما تستحي

    طبعا ما تستحي


    ​موضوع رائع يعطيك العافية
  8. اميرتهه
    27-07-2016, 03:01 PM

    رد: طبعا ما تستحي

    طبعا ما تستحي


    كلام بجد انزل دموعي
    كل اللي قريته كنت اشوفه في الناس
    بس للاسف صارت موضه
    لكن وين نروح نعصي ربنا؟!
    سبحان اللي خلق باجمل و عطانا اجمل خلق
    و بعدنا نعصي ربنا؟!


    تقبلي مروري