صفحة من مذكراتي


يا روحي يا مايا نصري
<== وش يبي ذ1 ؟


الا صدق قبل لا ادخل الموضوع الي ما ادري وش يبي
شفتوا البلوزة الي لابستها نوال الزغبي في الفيديو كليب الاخير
بصراحة بلوزة رهيبة .. خيال .. بنت كلب
( البلوزة طبعا ولا نوال الزغبي بنت ناس )
انا اقصد البلوزة الي في الاخير تلبسها وفيها خيوط في الظهر
يا اخي يا كذا البلايز يا بلاش ( الله يلعن ابو العزوبية )
ما ادري ظنتكم نلقاها عندنا في السعودية ولا نروح البحرين
<==== برضو وش يبي ذ1 ؟؟



بس الحين تتوقعون بنت الزغبي حبة الخال الي فيها صناعية ولا طبيعية ؟
طيب انتو فيكم حبة خال ولا الوجه ما يساعد ؟

حبة الخال تراها حلوة وبصراحة تعطي اغراء مهوب صاحي
انا عندي حبة خال صغيرة في خدي و مسويه جو مهوب طبيعي لوجهي
يعني غالبا الي يشوفني من بعيد يشبه بيني وبين بنت الزغبي او رابح صقر


بس حلوة تكون حبة الخال صغيرة مهوب مثل ولد عمي
الحمد لله والشكر عنده حبة خال ( XXXXXL )
كنها ذبانة صايرة على وجهه .

والشي الثاني بصراحة الي تحسون انه يغري بالنسبة للدلوخ الي مثلنا
هي اللتغة الخفيفة على البنت .. قلنا خفيفة يعني حرف واحد بس
مهوب تجيك وحده ما تعرف الا حرف واحد تنطقه صح ولا الباقي متضاربين مع بعض




المهم ما علينا وش كنا نبغى نحكي في ؟

اي تذكرت


ما ادري اذا انتو ملاحظين ولا لا
بس مو ملاحظين ان درزن الشلاح هاليومين شاب سعره جعلهم للماحي
انا البارح رايح السوق اشتري قالوا لي الدرزن بعشرة اريل جعل بطونهم تنهد
( حشى ذي مكينة سيارة )
<=== هذا حجروه في زاوية وسطروه علشان ما يجيكم مرة ثانية


وعلى طاري الشلحة شفتوا الي في فيديو كليب البرتقالة الي لابسه فستان سماوي
وصدريته بيضا .. انا ابي افهم ليه دايما ماسكه الفستان من الصدر وهي تطامر


ومدامنا في البرتقالة ترى بجد المتان مالهم داعي يلبسون جنزات وبناطيل
يحومون الكبد والله ... احس ان الجنز ينرحم ذاك الوقت
البسوا بس تنانير على الاقل يطلعون حلوين الا بالغصب بتصيرون طخمات

الا صحيح ذكرتوني

ما ادري البنات عموما يحبون الرجال بثوب وشماغ ولا بطقم جنز وقميص وزي كذا ؟
ما عرفنا لكم ان لبسنا بنطلون صرنا خكارى
وان لبسنا ثوب وشماغ صرنا بدو ..وش تبون نلبس من غير هدوم ..

<=== عنده مشكلة نفسية بحيث انه يسولف في عشرة مواضيع مرة وحده



لا بصراحة الموضوع هو عن مشكلة شخصية
وانا متاكد انها عامة وتصير في كثير من البيوت والازقة

يا جماعة الخير حنا ناس والحمد للله منعم علينا عندنا بيتين واحوالنا المادية عال العال

بس في حاجة وحيده الى الان جبناها معانا من ايام الفقر

الا وهي شرب المويه في كاسات الجبن هههههههههههه

قسم بالله انا تطلع لي قرون واصير كني قرد مشلحين موزته
اذا رحت المطبخ اشرب مويه وما لقيت في وجهي الا كاسات جبن بوك اشرب فيهم

وش ذ1 ؟؟ احس ان وضعنا مزري تسذا

المشكلة ان مامتي ( كارين ) الله يحفظها عندها هواية شراء الكاسات الكشخة وتخزينهم لليوم الاسود

يعني ما شاء الله ما تروح سوق الا ومشتريه درزنين ثلاثة من هالكاسات الكشخة
بس وين يروحون ما ادري .. شكلها حافرة حفرة تحت الارض تلبدهم فيها
او انها مشتريه خزنة برقم سري وتحطهم فيها

يا جماعة انا تعبت من كثر ما ارمي كاسات الجين في الزبالة
بس ما في فايدة تقولون يتوالدون من كثرهم

صرت اشتري لي كاسات خصوصي علشان اشرب فيهم
بس مع ذلك ما اشوفهم


المشكلة ان مامتي كارين هوايتها مثل هواية اي ام جات من فقر الى عز
انها تشتري دلال وبيالات وكاسات وتخزنهم للحريم ..
عاد من زينهم حريم لو تعطينهم المويه في طشت شربوه ما فرقت معاهم
انا اموت واعرف وين تتخبى هالبيالات والدلال ما ادري

قبل مدة قررت اني اعطي امي هدية بمناسبة الترقيه
قلت باروح اشتري لها عطر او ساعة قالوا لي خواتي امك ما تحب هالخرابيط

لانك اخر مرة شريت لها عطر عطته اختي فلانه مانيب قايل اسمها عيب
الي عمرها 4 سنين
عاد انا انكسر خاطري بصراحة بس ما بينت

قلت طيب ايش الشي الي تحبه الوالده قالوا لي ما لك الا تشتري لها طقم دلة وبيالات كرستال
والله جد ما كذبت خبر رحت شريت لها وانبسطت عليهم موت بس من ذاك اليوم ما شفتهم

والي يقهر قلبي اذا مثلا كنا على غدا او عشا وبيصبون لنا لبن او عصير
وصبوهم في كاسات جبن او هالكاسات الصغار الي كنهم فناجيل
خير يا طير ؟؟ جالسين نطر منكم قطيرة ؟؟

قالوا يووه هذا الحريم ما يحبون الا الكاسات الصغيرة
انا واحد معقد ابي الكاس يكون كنه برميل من كبره

انا بديت اتعقد من هالسالفة وصرت اتحلم بكاسات هالجبن
حتى اخر حلم حلمته ان كاسات جبن مصوريني بالباندا في اوضاع مخله بالاداب
خخخخخخخخخخخخخ


شوفوا لي حل بهالسالفة يكون فوري ونهائي


لا ومامتي كارين عندها حركة رهيبة والله بس مشكلتها انها تفشل

اذا رحنا مطعم نتعشى وبقى من الاكل تشوفينها تقول :
نويصر .. اطمر جيب لنا صحون فاضية خلنا نعبي من هالاكل حرام ينرمي

عاد ذاك الوقت انت تقول افا انا مهندس ئد الدنيا اسوي هالحركات
بس يعطيك الوالد ذيك النظرة الي كنه يقول لك مشتهي العقال يا الورع يلحط بدنك ؟

عاد انا ودي ذاك الوقت اطق اللطمة واروح للقرسون اقول له عطنا صحون فاضين
وتعبيهم الوالد وتعبي من هالحمص والمشويات وتحطهم في الشنطة السحرية
الي اذا شفتوها تقولون هذي مو شنطة هذي مخزن كتيبة 16 قسم صاوريخ ارض جو

<==== جازت له السوالف في الاسرة احس اني في جلسة حريم



وعندنا أخوي عنده شراهة مهوب صاحية لشراء الالكترونيات والاجهزة الالكترونية
عندنا فوق العشرة ريسفرات وسبعة كمبيوترات و 13 تلفزيون وفوق ال 16 تلفون
وانا الوحيد الي في البيت الي مهوب حافظ ولا تحويلة .. والله مانيب ناقص احفظ 16 تحويلة

قسم بالله بيتنا صاير كنه سوق حراج مهوب بيت
لا والي قاهرني انه شاري ثلاجتين الاسبوع الي فات
يعني صاروا عندنا الحين 9 ثلاجات لدرجة ان في وحده احترنا وين نحطها
فحطيناها في غرفة البنات !!!

والمشكلة ان نص هالثلاجات فاضيين لو تفتحون اي وحده تشوفون فيها بجبنه خربانه ولا خيارة ولا قوطي ميرندا بس

اي ونسيت اقول لكم ان اخوي من النوع الي ما يطلع من البيت
ما غير جالس في الصالة على الكنب ولا بالمحلق وعلى هالبرتقالة والدش

يا ابن الحلال اطلع شف الناس .. ما حولك احد مبسط في البيت
حتى اهلي اوقات ما يخليهم يروحون عروس يقول لا تروحون وتخلوني لحالي

يقولون له نبي نروح نوسع صدرنا .. يقول لهم يعني الجلسه معاي ما توسع الصدر .. وخذ لك عاد من هالسوالف

اما الله يعين الوالده اذا اخوي طلع تقاعد شكله بيجلس بيقشر كوسا معاها

ترى الرجال شين اذا جلس في البيت ( كلام الوالده خخخخخخخخ )


ما ادري انا بس اهلي كذا ولا كل الناس زي كذا ؟؟


بس هذي هي سالفتي
LoOoOoOoOoOoOoL


0000 خارج النص 00000 << ياشيخ كل موضوعك خارج النص
خخخخخخخخخخخخخخخخخخخخخخخخخخخخخخخخخخخخخخخخخخخ





وقبل لا امشي خلوني اقول لكم هالمعلومة لاني توني قاريها في مجلة

يقول لك متى تعرفين ان زوجك السملوووق ناوي يتزوج عليك ؟؟

اذا لاحظتي عليه هالاشياء التالية ذكرها :



- انه صار ما يعجبه احد من هالصبايا الي يشوفهم في التلفزيون ولا الي يشوفهم في السوق
يعني هو كان سربوت ودايمم يبقق عيونه على بنات خلق الله وفجاة عقل وصار ما يطالع بنات
عرفي انه يخطط يتزوج وحده ثانية وان امه النسرة هي الي مخططه له هالشي
وسبب هالشي انه يبي يحسسك انه صار وفي مثل الكلب جعل الكلب الي يشق بطنه هو وامه
<=== متحمس وياكم يا المتزوجات خخخخخخخخخخخخ



- انه صار طيب معاك ويجيب لك هدايا ويساعدك في شغل البيت
الي عمره ما دخل المطبخ صار يدخل ويسوي بيض مفيوح وشكشوكه
اذا سوى هالاشياء اعرفي ان امه صارت تزن على راسه تبي تزوجه سويره بنت عمه الي خنافيرها كنهم فناجيل قهوة
ويبي يوريك انه صار سنع ويا مئمن الرقالة في الغربال مالت عليك وعلى امك
( حاس ابو المثل خخخخخخ )



- انه صار ما يهتم اذا علقتي على فلان انه حلو او فلان انه سنع
ومسوي روحه عادي وما همه ... اذا سوى هالشي السملوق ولد السملوقه
اعرفي انه يخطط على الثانية وطبعا ما يحتاج اقول لك ان امه لها يد في هالموضوع
يبي يخفف من تانيب الضمير جعل الضمير الي يفرمه هو وامه
( اصلح حرمه انا صح خخخخخخخ )



بس خلاص هذي هي الاشياء الثلاثة الي يسويها اي واحد يبي يعرس على مرته



وترا اسم اختي شهد بطقاق << خربتها خخخخخخخخخخخخخخ


سلا111111111م