قصيدة حراس قلبي - فزاع

*مزون شمر*

عضو مؤسس
حراس قلبي يافتى الجود حراس


ولا يخطف الخفاق لو شي مدسوس



نبراس رجم يعتلي كل نبراس


رابي ما بين البحر والبر وطعوس



يتحسب انه بدل الذهب بالماس


ضيع حياته في رجا شي ملموس



قام يتجرع كاس هجري على كاس


هذي حياة اللي به الحظ منحوس



وانا بني ياسي عطا المجد لي راس


ولي عادة ما ألبس لباس ملبوس



أبني حياتي فوق ساس على ساس


وانا تراني أفهم الخط معكوس



لاباس يا عمر الشقا فيك لاباس


هذي حياتي كلها علم و دروس



أقطع رجا من كان يبغي لي الياس


واقطع بعزمي لو بعد تنقطع روس



انت الذي مديت لي سهم الاقواس


وانا الذي للسهم أصبحت له قوس


مثل الذي زايد على العوق به باس


أو مثل من يتبع على الدوس ويدوس



الناس أجناس .. ولكن أبي ناس


أخط شاربهم مثل خطت الموس
 
عودة
أعلى