اذكريني

الشعر, قصيدة , شعراء, القصايد ارسال إلى Twitter ارسال إلى facebook
  1. الـ ع ـنود
    29-10-2011, 07:00 PM

    اذكريني

    اذكريني


    اذكريني يالحبيبة لا نويتي تسرحين
    .............................. ولا نوى خدك يلامس .. كف إيدك اذكريني

    اذكري ذيك الليالي يوم كنتي تهمسين
    ....................في كلامن ماعرفه .. بس كنتي تطربيني!!

    اذكري وقت الطفوله اذكري الماضي الحزين
    ............................... اذكري وقت التلاقي وكيف كنتي تذهليني!!

    كانت اوقاتي جميله وكان وقتي بك يزين
    ............................. والدقايق في حضورك احتضنها يا حنيني

    احسب اللحظات خايف من زمن قاسي يشين
    .......................... يقلب اللحظات ذكرى بعدها يبدى الونيني

    اه.. من حب الطفوله به براءه مع حنين
    .............................حب صادق حب خالد صاحبه دايم حزيني؟؟

    لا كبر حبه بقلبه والعمر اصبح رهين
    ........................ ارتهن عمره بقلبه وابتدى وقته يشيني

    ذاك هو حبي وشوقي ذاك هو عمري الدفين
    ............... خلى احزاني بشعري .. وخلى شعري يهتويني!!

    تذكري أول قصيده؟؟ وكيف كنتي تستحين
    ..........................من غزل طفلن تولع واهتوى ذاك الجبيني

    كانت اشعاري تحب اللي تحبي وتعشقين
    ................................. يا حلاة الشعر لا صرتي قبالي وتسمعيني

    ارسم بيوتي بوصفك واكتب اسمك بالجبين
    .......................... ولا لمحتك انبهرتي عدت بيتي بكل حنيني !!

    تذكري اخر قصيده؟؟ يومك إنتي تهمسين
    ................................. قلتي إن الشعر نايف .. نايف قليبه يبيني ؟؟

    كانت افكاري تحاول .. والحيا خبا الحنين
    .................................
    كنت أبي اوصف شعوري وحبك اللي محتويني

    ودارت الأيام وصرنا في متاهات السنين
    ............................. وصار حلمي بس اضمك واحظن كفوفك بيديني

    اه.. ليت الحلم طول .. ليت ما صدمته يدين
    ................................. كانت تلوح لشخصن اعرفه..ما يشتهيني!!

    حاولت عيني تكذب مارأت (هل هو يقين)؟

    ................................. او خيال او .. هو مجرد غيره صورها الحنيني

    وانطلق شعري بثوره انطلق شعري بأنين
    .................................... يلهب القيفان حرفي في لحن عاشق حزيني

    كنت انا ارجي إجابه .. أو علامه بكلمتين
    ................................. عمري نايف أو حبيبي المهم وش توصفيني؟؟

    وانصدم شعري وقلبي من إجابة هالرزين
    ................................... قالت شقصدك يا شاعر من شعر ميت بعيني!!

    اترك احلام الطفوله وانسى كل ماضي حزين
    ............................ كل ماضي في حياتي انتهى بينك وبيني

    وانطعن قلبي بقوله .. ماهي طعنه طعنتين
    .............................. طعنتن في وسط قلبي .. والظهر مطعون فيني

    كيف وليه اخترتي هذا وإنتي اللي تحلفين
    ........................................ بان قلبك مهتويني وين قلبك يا ضنيني

    كيف ضيعتي المحبه والمشاعر والسنين
    ........................................ اللي كانت في حضورك تهتويك وتهتويني

    يعني صدقتي سوالف بثها نذلن لعين
    .......................... كان همه إنكساري وهدم حلمن يحتويني

    بكره الايام تبدي وكل خافي لك يبين
    ............................. والعذول اللي غدر بي والله إن دينه يديني !!

    وصارت اشعاري تداوي جرحي الخافي الدفين
    .................................... ياهلا بالشعر واهله ياهلا بصاحب يبيني

    اذكريني يالحبيبه بكل لحظه وكل حين
    ...................................... ولا قريتي هالقصيده حاولي بس .. تذكريني !!



    الشاعر / نايف الوهبي




    مرره أعجبتني
  2. طير القوافي
    29-10-2011, 08:07 PM

    رد: اذكريني

    اذكريني


    صح لسانك ولسان الشاعر

    ويسلم انتقائك
    ويسلم ذوقك المتميز
    يعجبني
    لاهنت
    تحيتي
  3. سندريلا الشات
    29-10-2011, 09:37 PM

    رد: اذكريني

    اذكريني


    يسلموبجد شعر رائع من قلب حساس وصادق تقبل مروري
  4. الـ ع ـنود
    30-10-2011, 06:53 PM

    رد: اذكريني

    اذكريني


    } طير القوافي {


    حياك الله

    أسعدني تواجدك ~
  5. fars 99
    31-10-2011, 02:20 AM

    رد: اذكريني

    اذكريني


    يا سلام عليك

    ابيات في الصميم

    انتقاء جميل
  6. ᵽ¡ҋʞ ║•
    31-10-2011, 02:50 PM

    رد: اذكريني

    اذكريني




    اختيار موفق :) ‘

    لاعدمناك ~
  7. الـ ع ـنود
    31-10-2011, 03:47 PM

    رد: اذكريني

    اذكريني


    سندريلا ..}


    نوورتي خيتوو