قصيدة البحر ضيف - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    27-10-2011, 02:20 PM

    قصيــدة البحر ضيف - فزاع

    قصيدة البحر ضيف - فزاع




    الشعر بحر له ممسى وله مصباح
    واتمتع معه في كل وقت وحين


    قال: يالله يارزاق .. يافتاح
    اغفر ذنوب خلق الله وقلت: امين


    قال: وش رايك اسأل يوم سري باح
    قلت: تأمر وانا بجاوبك ذالحين


    قال: اجمل عصر هذا او اللي راح
    قلت: (اسأل مجرب) عاش مرحلتين


    قال: وش أنفع (السكر) او (الاملاح)
    قلت: جسم البشر يحتاج للاثنين


    قال: كيف نتطور .. قلت: بالاصلاح
    قال: ش لون نصمد .. قلت: له (بالدين)


    ومن يغش العيون بدمعة التمساح
    قد يهز القلوب (بدمعة المسكين)


    وقال: ليه الصحاري تجذب السياح
    قلت: لإن (إبن ادم) اصله من الطين


    وقال: ليه الخيانه تشبه التفاح
    قلت: له لإنه مثله .. لها لونين


    وقال: وش الغلا .. قلت: الغلا تلواح
    تلني تلت الضيقه لدمع العين


    ودام ضوى الغلا شبت وقدره فاح
    واعذابي على اللي من ثلاث سنين


    والغلا (لا هو مريح) (ولا مرتاح)
    يتفاوت حسب مكانة الغالين


    قال: سكين بعده جرحها ذباح
    وأنت عظمك طري واهل الهوى غاوين


    قلت: دام الهوى في خافقه نضاح
    يترفق علي ويقلب السكين




    القصيده بصوت فزاع

    7
    7



    هنا,,
  2. عذب الذكرى
    27-10-2011, 02:23 PM

    رد: قصيــدة البحر ضيف - فزاع

    قصيدة البحر ضيف - فزاع


    موفقه
  3. ᵽ¡ҋʞ ║•
    30-10-2011, 07:17 AM

    رد: قصيــدة البحر ضيف - فزاع

    قصيدة البحر ضيف - فزاع



    ابيات في قمةة الروعةة ‘

    يعطيك الف عافيةة إختي

    دمتي بخير ~
  4. شجون
    08-02-2012, 02:06 PM

    رد: قصيــدة البحر ضيف - فزاع

    قصيدة البحر ضيف - فزاع


    من أروع القصائد التي كتبها شاعرنا الإماراتي (فزاع )
    يعطيج العافيه حبيبتي