قصيدة واحد في اثنين - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    27-10-2011, 02:08 PM

    قصيدة واحد في اثنين - فزاع

    قصيدة واحد في اثنين - فزاع


    كل من ألاقي نور في وسط الاحلام
    جتني ورود الشوق تبكي على النوم

    ما نمت من عقب اللقا عشرة ايام
    كل من أغض العين أذكره واقوم

    الله بلاني في المحبه على توام
    ما اقدر على وحده وانا أعشق التوم

    ما كنت إلا هالك الحب م العام
    ولا صرت إلا هالك الحب لليوم

    جني ثنائيات من وصف الاريام
    واللي بلاني ما بلا حد يا قوم

    بالضبط نفس الشي من قاع الاقدام
    للراس حتى سايح الشعر مهضوم

    نفس الشبه نفس الحكي نفس الانسام
    نفس القمر لكن من النص مقسوم

    إن جيت باحب الذي جات قدام
    خذني على اللي عقبها ما خذ اللوم

    ما دام مافي فرق والحظ لي قام
    با احلى بنات وكان بالحظ مقسوم

    صعب علي اعطي ودادي لإلهام
    والهام مابها شي زايد على نجوم

    فيهن حلاوة نجد مع ضحكة الشام
    وفيهن شموخ الباديه وهيبة الروم

    جني وقالن لي نحن يابن الاكرام
    منا من اللي بالوفا نرخص السوم

    ما كل يوم يصير وحده على الزام
    وانا فهمت وقصدهن صار مفهوم

    الحل عندي .. خوي شاعر ومقدام
    واللي أنا ف بالي ترى فيه مرسوم

    ( فزاع ) انا هذا وهذاك ( عزام )
    ولا عاد يفرق كلنا ال مكتوم

  2. ᵽ¡ҋʞ ║•
    30-10-2011, 07:14 AM

    رد: قصيدة واحد في اثنين - فزاع

    قصيدة واحد في اثنين - فزاع



    يعطيك العافيةة خيتوا

    دمتي بخير ~